ហ្វេសប៊ុកនៅតែបន្តអនុញ្ញាតឱ្យបង្កើតគណនីឥតគិតថ្លៃដដែល ខណៈមានការកែប្រែខ្លះសម្រាប់ប្រទេសពីរ
បន្ទាប់ពីស្ថាបនិកក្រុមហ៊ុនហ្វេសប៊ុក លោក Mark Zuckerberg បានប្រកាសថា អ្នកគ្រប់គ្នាអាចបើកសញ្ញា Blue Tick ដោយចំណាយប្រាក់មិនដល់ ១៥ដុល្លារកាលពីពេលថ្មីៗនោះ នៅឯកម្ពុជាឯនេះវិញ ការអះអាងមួយ បានលើកឡើងថា ក្រុមហ៊ុនបណ្ដាញសង្គមយក្សមួយនេះ នឹងតម្រូវឱ្យបង់លុយជិត ១២ដុល្លារក្នុងមួយខែ សម្រាប់បង្កើតគណនីហ្វេសប៊ុកមួយនាពេលអនាគត។ ការបង្ហោះសំណេរនេះ បានទទួលនូវការចែកចាយ និងប្រតិកម្មចម្រុះពីសំណាក់អ្នកប្រើប្រាស់បណ្ដាញសង្គមយ៉ាងផុសផុល។ ទោះជាយ៉ាងណា ការត្រួតពិនិត្យការពិតរបស់ Fact Crescendo Cambodia បានរកឃើញថា សំណេរដែលអះអាងខាងលើ គឺធ្វើឲ្យមានការយល់ច្រឡំ។ ការអះអាងលើបណ្តាញសង្គម កាលពីថ្ងៃទី២០ ខែកុម្ភៈ ឆ្នាំ២០២៣កន្លងទៅថ្មីនេះ អ្នកប្រើប្រាស់ហ្វេសប៊ុកម្នាក់ បានបង្ហោះសំណេរមួយ ដែលអះអាងថា នាពេលអនាគត ដើម្បីបង្កើតគណនីហ្វេសប៊ុក អ្នកប្រើប្រាស់ត្រូវបង់ប្រាក់ប្រមាណ ១១.៩៩ដុល្លារក្នុងមួយខែ។ ការលើកឡើងខាងលើនេះ ត្រូវបានបង្ហោះឡើង ក្រោយពីមានការបង្ហោះមួយនៅក្នុងទំព័រហ្វេសប៊ុករបស់ស្ថាបនិកក្រុមហ៊ុនហ្វេសប៊ុក លោក Mark Zuckerberg កាលពីថ្ងៃអាទិត្យកន្លងទៅ។ ការអះអាងនេះ ទទួលបានការចែករំលែកជាច្រើនដង និងទទួលបានមតិយោបល់ និងប្រតិកម្មចម្រុះពីសំណាក់អ្នកប្រើប្រាស់ហ្វេសប៊ុកនិយាយភាសាខ្មែរជាច្រើនដង។ ខាងក្រោមនេះ គឺជារូបភាពផ្ដាមចេញពីប៉ុស្ដិ៍របស់អ្នកប្រើប្រាស់ហ្វេសប៊ុកខាងលើ ដែលបានបង្ហោះសំណេររៀបរាប់ថា «អនាគតឆាប់ខាងមុខនេះចង់បង្កើតគណនីហ្វេសប៊ុកត្រូវបង់លុយ១១,៩៩ដុល្លារក្នុង១ខែសម្រាប់គណនី១»។ Facebook […]
Continue Reading