Fact Check: តើលោក ទ្រី ភាព ថតរូបកាន់កូនឈើមែនទេ?
បរិស្ថាន និងធនធានធម្មជាតិនៅក្នុងប្រទេសកម្ពុជា បាននឹងកំពុងក្លាយទៅជាប្រធានបទថ្មី ដែលត្រូវបានអ្នកប្រើប្រាស់បណ្តាញសង្គមយកមកជជែក ដេញដោល និងធ្វើការរិះគន់ជាបន្តបន្ទាប់ទៅលើរាជរដ្ឋាភិបាលកម្ពុជា ជាពិសេសក្រោយពីមានការចាប់ខ្លួនសកម្មជនបរិស្ថានចំនួន ៣នាក់ នាពេលថ្មីៗនេះ។ ជាក់ស្តែង ការរិះគន់នេះក៏ត្រូវបានភ្ជាប់ជាមួយនឹងលោក ទ្រី ភាព ផងដែរ ដោយក្នុងនោះរូបថតរបស់លោក ទ្រី ភាព កាន់កូនឈើមួយសន្លឹកនេះ ត្រូវបានចែករំលែកតៗគ្នា និងមានការបញ្ចេញប្រតិកម្មផ្សេងៗ ពីសំណាក់អ្នកប្រើប្រាស់បណ្ដាញសង្គមជាច្រើន។ ទោះជាយ៉ាងណា ការផ្ទៀងផ្ទាត់របស់យើងបានបង្ហាញថា រូបថតនោះ មិនត្រឹមត្រូវនោះឡើយ ហើយវាត្រូវបានកែច្នៃមុននឹងបង្ហោះចែករំលែកនៅលើបណ្ដាញសង្គម។ ការអះអាងលើបណ្តាញសង្គម កាលពីថ្ងៃទី២៤ ខែមិថុនា ឆ្នាំ២០២១កន្លងទៅថ្មីៗនេះ មានអ្នកប្រើហ្វេសប៊ុកម្នាក់ បង្ហោះរូបថតចំនួនពីរសន្លឹក ដែលក្នុងមួយសន្លឹកនោះ បានបង្ហាញអំពីរូបថតរបស់លោក ទ្រី ភាព កំពុងតែកាន់កូនឈើមួយដើម ដោយមានតួអក្សរសរសេរថា «ខ្ញុំស្រលាញ់ដើមឈើ» បោះពុម្ភនៅលើអាវយឺតរបស់លោក។ លោក ទ្រី ភាព ត្រូវបានគេស្គាល់ថា គឺជាអគ្គនាយករបស់ក្រុមហ៊ុនទ្រី ភាព គ្រុប។ រូបថតជាមួយសំណេរនេះ ត្រូវបានចែករំលែកបន្តៗគ្នាជាច្រើនដង រួមជាមួយនឹងការចុចគាំទ្រពីសំណាក់អ្នកប្រើហ្វេសប៊ុកនិយាយភាសាខ្មែរផងដែរ។ រូបភាពផ្ដាមចេញពីប៉ុស្តិ៍របស់អ្នកប្រើប្រាស់ដែលបានរៀបរាប់ជាភាសាខ្មែរ ដោយអមជាមួយនឹងរូបថតថា «សម័យតេជោ៖ អ្នកការពារបរិស្ថាន ធនធានធម្មជាតិនិងការពារព្រៃឈើក្លាយជាជនក្បត់ជាតិ […]
Continue Reading