Fact-Check: តើជំងឺកូវីដ-១៩អាចបង្កផលប៉ះពាល់ដល់ភ្នែករបស់អ្នកជំងឺដែរឬទេ?
កាលពីថ្ងៃទី១១ ខែសីហា ឆ្នាំ២០២១ ទំព័រហ្វេសប៊ុកមួយបានចែករំលែកនូវព័ត៌មានរបស់ខ្លួន ដែលចុះផ្សាយថា ភ្នែកទាំងគូរបស់នារីជនជាតិថៃម្នាក់ បានប្រែក្លាយជាឡើងក្រហមស្ទើរតែមើលអ្វីមិនឃើញ ក្រោយពីបានឆ្លងជំងឺកូវីដ-១៩។
ព័ត៌មានរបស់ទំព័រហ្វេសប៊ុកនេះ ត្រូវបានចែករំលែកដល់ទៅរាប់រយដងពីសំណាក់អ្នកប្រើប្រាស់បណ្ដាញសង្គមហ្វេសប៊ុក រួមជាមួយការបញ្ចេញប្រតិកម្ម និងមតិយោបល់ផ្សេងៗផងដែរ។
ខាងក្រោមនេះ គឺជារូបភាពផ្ដាមចេញពីទំព័រហ្វេសប៊ុកនោះ ដែលចែករំលែកនូវព័ត៌មានមួយដែលមានចំណងជើងថា «អ្នកជំងឺកូវីដ-១៩នៅថៃ បង្ហាញអាការភ្នែកឡើងក្រហមមើលអ្វីមិនចង់ឃើញ»។
បន្ទាប់ពីមានការចុះផ្សាយនូវអត្ថបទបែបនេះ វានាំឱ្យមានការចោទសួរថា តើវីរុសកូវីដ-១៩ ឬកូរ៉ូណា អាចបង្កឱ្យភ្នែករបស់អ្នកជំងឺប្រែក្លាយទៅជាក្រហម ដែលប៉ះពាល់ដល់គ្រាប់ភ្នែករបស់អ្នកជំងឺឬយ៉ាងណា។
Fact Crescendo Cambodia បានពិនិត្យមើលព័ត៌មានច្បាប់ដើម ដែលចេញដោយប្រព័ន្ធផ្សព្វផ្សាយនៅក្នុងប្រទេសថៃ ដើម្បីស្វែងយល់ថា តើភ្នែករបស់អ្នកជំងឺកូវីដ-១៩ជនជាតិម្នាក់នេះពិតជាប្រែក្រហម ដោយសារជំងឺកូវីដ-១៩ ឬយ៉ាងណា។
ព័ត៌មាននេះ ត្រូវបានចុះផ្សាយព្រោងព្រាតដោយប្រព័ន្ធផ្សព្វផ្សាយនានានៅក្នុងប្រទេសថៃ បន្ទាប់ពីនារីជនជាតិម្នាក់ បានបង្ហោះឃ្លីបវីដេអូ ដែលបង្ហាញភ្នែកទាំងគូរបស់នាងប្រែជាក្រហមយ៉ាងខ្លាំង បន្ទាប់ពីនាងត្រូវបានរកឃើញឆ្លងមេរោគកូវីដ-១៩ ហើយត្រូវបានបញ្ជូនទៅសម្រាកព្យាបាលនៅមន្ទីរពេទ្យ។
ក្នុងសេចក្ដីរាយការណ៍របស់ខ្លួនកាលពីថ្ងៃទី១០ ខែសីហា ទូរទស្សន៍ថៃរ៉ាត់របស់ថៃ បានឱ្យដឹងថា នារីជនជាតិថៃម្នាក់បានបង្ហោះវីដេអូឃ្លីបនៅលើបណ្ដាញសង្គម TikTok ដែលបង្ហាញភ្នែកទាំងគូរបស់នាង មានសភាបក្រហមទាំងសងខាង។ នារីជនជាតិថៃរូបនេះ រៀបរាប់ថា អាការៈភ្នែករបស់នាង បានប្រែប្រួលទៅជាបែបនេះ បន្ទាប់ពីនាងត្រូវបានរកឃើញឆ្លងមេរោគកូវីដ-១៩ និងកំពុងស្ថិតក្រោមការព្យាបាល។
បើតាមសេចក្ដីរាយការណ៍របស់ទូរទស្សន៍ដដែលនេះ នារីជនជាតិថៃរូបនេះ កំពុងសម្រាកព្យាបាលជំងឺកូវីដ-១៩នៅឯមន្ទីរពេទ្យសុងក្លានៈខៈរីន ស្ថិតក្នុងស្រុកហាតយ៉ៃ ខេត្តសុងក្លា ភាគខាងត្បូងនៃប្រទេសថៃ។
ខាងក្រោមនេះ គឺជាវីដេអូនៃសេចក្ដីរាយការណ៍មួយរបស់ទូរទស្សន៍ថៃរ៉ាត់ (THAIRATH)ដែលបានផ្សាយផងដែរនៅលើគេហទំព័រព័ត៌មានរបស់ខ្លួនកាលពីថ្ងៃទី១០ ខែសីហា ឆ្នាំ២០២១។
ចំណែកឯគេហទំព័រព័ត៌មាន Sanook បានចុះផ្សាយព័ត៌មានលម្អិតបន្ថែមថា អាការរបស់អ្នកនាង ផារៈឌី ឆ័យមង្គល (ภารดี ชัยมงคล) បានល្អប្រសើរច្រើនហើយ ប៉ុន្តែ នៅតែបន្តិស្ថិតក្រោមការថែទាំព្យាបាលរបស់ក្រុមគ្រូពេទ្យនៅឡើយ។
សារព័ត៌មានមួយនេះ បានសាកសួរទៅគ្រូពេទ្យ សារ៉ាន់ញូ ឈូស៊ី វេជ្ជបណ្ឌិតនៃមន្ទីរពេទ្យសុងក្លានៈខៈរីន ដែលបានពន្យល់ថា អាការៈរបស់នារីជនជាតិថៃនេះ គឺបណ្ដាលមកពីការឆ្លងរោគដែលបណ្ដាលឱ្យភ្នែកទាំងគូក្ដៅយ៉ាងខ្លាំងរហូតភ្នែកហើមឡើងក្រហម។
លោកវេជ្ជបណ្ឌិតរូបនេះ បញ្ជាក់ថា នេះគឺជាករណីកម្រដែលបានកើតឡើងលើអ្នកជំងឺកូវីដ-១៩បែបនេះ ដោយលោកថា ជំងឺកូវីដ-១៩ អាចបណ្ដាលឱ្យភ្នែកមានអាការបែបនេះ ប៉ុន្តែ មិនធ្ងន់ធ្ងរកម្រិតនេះនោះទេ។
ទោះជាយ៉ាងណា លោកវេជ្ជបណ្ឌិត សារ៉ាន់ញូ ឈូស៊ី ប្រាប់ថា វាទាមទារឱ្យមានការសិក្សាថែមទៀត ដើម្បីស្វែងយល់ថា តើករណីធ្ងន់ធ្ងរបែបនេះ ពិតជាកើតចេញពីរោគកូវីដ-១៩ដោយផ្ទាល់ ឬក៏ដោយសារតែបញ្ហារក្សាអនាម័យ។
ខាងក្រោមនេះ គឺជារូបភាពផ្ដាមចេញពីសេចក្ដីរាយការណ៍របស់សារព័ត៌មាន Sanook របស់ប្រទេសថៃ ដែលបានដកស្រង់ការពន្យល់របស់វេជ្ជបណ្ឌិត សារ៉ាន់ញូ ឈូស៊ី ផងដែរ។
តើវីរុសកូរ៉ូណាអាចឆ្លងតាមភ្នែកចូលទៅក្នុងប្រព័ន្ធផ្លូវដង្ហើមរបស់មនុស្សយើងឬទេ?
ជាទូទៅ ក្រុមអ្នកជំនាញវេជ្ជសាស្ត្របានណែនាំមនុស្សយើងឱ្យពាក់ម៉ាស់ដែលបិទមាត់ និងចម្រុះ លាងដៃជាមួយទឹកសម្អាតឱ្យបានញឹកញាប់ និងរក្សាគម្លាតជាដើម។
ប៉ុន្តែ នៅចុងខែមីនា ឆ្នាំមុននេះ ក្រុមអ្នកវេជ្ជសាស្ត្រចិនក៏បានធ្វើចេញផ្សាយនូវលទ្ធផលនៃការសិក្សារបស់ខ្លួននៅលើ JAMA Ophthalmology ផងដែរ។ ក្រុមអ្នកវេជ្ជសាស្ត្រចិនដែលបានធ្វើការសិក្សាលើអ្នកជំងឺកូវីដ-១៩នៅក្នុងខេត្តហ៊ួប៉ី ប្រទេសចិន បានរកឃើញថា អ្នកជំងឺកូវីដ-១៩ចំនួន ១២នាក់ក្នុងចំណោមអ្នកជំងឺចំនួន ៣៨នាក់ដែលត្រូវបានជ្រើសរើសសម្រាប់ការសិក្សានេះ សុទ្ធតែបង្ហាញអាការៈនៅលើភ្នែក ដូចជា ហូរទឹកភ្នែក ភ្នែកហើមឡើងក្រហម។ ក្រុមអ្នកសិក្សាចិនរកឃើញថា អាការៈទាំងនេះ បានកើតឡើងជាទូទៅទៅលើអ្នកជំងឺមានអាការៈរឹតតែធ្ងន់ធ្ងរ។
ការសិក្សាមួយដែលធ្វើឡើងដោយក្រុមអ្នកវេជ្ជសាស្ត្រនៃសាកលវិទ្យាល័យ Insubria នៅទីក្រុង Varese ប្រទេសអ៊ីតាលី និងដែលត្រូវបានបោះពុម្ពផ្សាយនៅលើវេបសាយ JAMA Ophthalmology នៅដើមខែមីនាឆ្នាំនេះ បានរកឃើញវត្តមានវីរុសកូរ៉ូណា ឬ SARS-CoV-2 មាននៅក្នុងផ្ទៃភ្នែករបស់អ្នកជំងឺកូវីដ-១៩ នៅពេលការធ្វើតេស្តតាមផ្លូវដង្ហើម បែរជារកមិនឃើញមេរោគនេះ។
.container {
border: 2px solid #000;
background-color: #eee;
border-radius: 5px;
padding: 16px;
margin: 16px 0
}
.container::after {
content: "";
clear: both;
display: table;
}
.container img {
float: left;
margin-right: 20px;
border-radius: 50%;
}
.container span {
font-size: 20px;
margin-right: 15px;
}
@media (max-width: 500px) {
.container {
text-align: center;
}
.container img {
margin: auto;
float: none;
display: block;
}
}
Title:តើជំងឺកូវីដ-១៩អាចបង្កផលប៉ះពាល់ដល់ភ្នែករបស់អ្នកជំងឺដែរឬទេ?
Fact Check By: Jay Udom
Result: Explainer