Fact-Check: តើរូបថតនេះជាទិដ្ឋភាពប្រាសាទអង្គរវត្តក្រោមពន្លឺផ្កាយនាពេលរាត្រីមែនឬទេ?
កាលពីសប្ដាហ៍មុន សំណង់ប្រាសាទនៅក្នុងប្រទេសថៃដែលចម្លងតាមស្ថាបត្យកម្មប្រាសាទអង្គរវត្តរបស់ប្រទេសកម្ពុជា បានក្លាយជាប្រធានបទនៃការជជែក និងការចែករំលែកនៅលើបណ្ដាញសង្គមយ៉ាងផុសផុល។ ទន្ទឹមគ្នានេះ រូបថតមួយសន្លឹកក៏ត្រូវបានបង្ហោះ និងចែកចាយលើបណ្ដាញសង្គមផងដែរ ដែលរូបថតនោះបង្ហាញទិដ្ឋភាពប្រាសាទអង្គរវត្តនៅក្រោមពន្លឺផ្កាយពេលរាត្រី។ ទោះជាយ៉ាងណា ការត្រួតពិនិត្យការពិត រកឃើញថា រូបថតនោះត្រូវបានកាត់តពីរូបថតច្បាប់ដើម មុននឹងបង្ហោះលើបណ្ដាញសង្គម។ ការអះអាងលើបណ្ដាញសង្គម កាលពីថ្ងៃទី១៥ ខែកក្កដា ឆ្នាំ២០២១ ទំព័រហ្វេសប៊ុក Royal du Cambodge បានបង្ហោះរូបថតមួយសន្លឹក ដែលបង្ហាញទិដ្ឋភាពប្រាសាទអង្គរវត្តក្រោមពន្លឺស្បៃរាត្រីមានផ្កាយព្រោងព្រាត រួមជាមួយនឹងសំណេរថា «ជយោ! ព្រះរាជាណាចក្រកម្ពុជា»។ រូបថតមួយសន្លឹកនេះ ត្រូវបានអ្នកប្រើប្រាស់បណ្ដាញសង្គមហ្វេសប៊ុកចែករំលែកដល់ទៅរាប់សិបពាន់ដង រួមជាមួយការបញ្ចេញមតិចម្រុះបែបផងដែរ។ Facebook Post | Archived Link បើទោះបីទំព័រហ្វេសប៊ុកនេះ បានបញ្ជាក់ពីប្រភពរូបថតនេះ ដែលត្រូវបានផលិតឡើងដោយអ្នកថតរូបបរទេសម្នាក់ឈ្មោះ Sell Snick ប៉ុន្តែ អ្នកប្រើប្រាស់បណ្ដាញសង្គមជាច្រើន បែរជាយល់ច្រឡំចំពោះរូបថតមួយសន្លឹកនេះថា ជាទិដ្ឋភាពពិតប្រាកដនៃប្រាសាទអង្គរវត្តនាពេលរាត្រី។ ការពិនិត្យការពិត Fact Crescendo Cambodia បានចាប់ផ្ដើមត្រួតពិនិត្យទៅលើរូបថតនេះតាមរយៈការដំណើរការកម្មវិធីស្វែងរករូបថតនៅលើ Google និងការពិនិត្យមើលម្ចាស់រូបថត ដែលត្រូវបានលើកឡើងដោយទំព័រហ្វេសប៊ុករួចហើយនោះ។ នៅពីក្រោមប៉ុស្តិ៍នៃរូបថតនេះ អ្នកថតរូប លោក Nick […]
Continue Reading