រូបលោក ហ៊ុន សែន នៅលើកញ្ចក់ទូរទស្សន៍ដែលសត្វសុនកនោមដាក់ ជារូបថតកាត់ត
លោក ហ៊ុន សែន ដែលបច្ចុប្បន្នជាមេដឹកនាំគណបក្សប្រជាជនកម្ពុជា និងជានាយករដ្ឋមន្ត្រីកំពុងកាន់អំណាចយូរឆ្នាំផងដែរនោះ បានរងនូវការរិះគន់តាមគ្រប់មធ្យោបាយពីសំណាក់អ្នកគាំទ្រ និងមេដឹកនាំគណបក្សប្រឆាំងជារឿយៗ។ ក្នុងចំណោមនោះ រូបថតមួយសន្លឹកបង្ហាញអំពីទិដ្ឋភាពលោកនាយករដ្ឋមន្ត្រី ហ៊ុន សែន នៅក្នុងកញ្ចក់ទូរទស្សន៍មួយ ដោយមានសត្វសុនកនោមដាក់ ត្រូវបានបង្ហោះដោយអ្នកប្រើប្រាស់ហ្វេសប៊ុកម្នាក់។ រូបថតនេះ ត្រូវបានប្រតិកម្មបញ្ចេញមតិចម្រុះ និងចែកចាយតៗគ្នាយ៉ាងផុសផុល។ ទោះជាយ៉ាងណា ការត្រួតពិនិត្យ និងផ្ទៀងផ្ទាត់ការពិតរបស់ក្រុមការងារ Fact Crescendo Cambodia បានរកឃើញថា រូបថតដែលអ្នកប្រើប្រាស់បានបង្ហោះនៅលើបណ្តាញសង្គមនោះ គឺជារូបថតកាត់ត។ ការអះអាងលើបណ្តាញសង្គម កាលពីថ្ងៃទី២០ ខែធ្នូ ឆ្នាំ២០២១កន្លងទៅ អ្នកប្រើប្រាស់ហ្វេសប៊ុកម្នាក់ បង្ហោះរូបថតមួយសន្លឹក បង្ហាញអំពីទិដ្ឋភាពលោកនាយករដ្ឋមន្ត្រី ហ៊ុន សែន នៅលើទូរទស្សន៍មួយ ដោយមានសត្វសុនកមួយក្បាលកំពុងឈរនោម។ រូបថតមួយសន្លឹកខាងលើ ត្រូវបានចែកចាយ និងបញ្ចេញមតិដោយអ្នកប្រើប្រាស់បណ្តាញសង្គមហ្វេសប៊ុកជាច្រើន។ អ្នកប្រើប្រាស់ដដែលនេះ ពុំបានបញ្ជាក់ទីតាំង និងព័ត៌មានលំអិតអំពីរូបថតមួយសន្លឹកនោះឡើយ។ រូបភាពផ្ដាមចេញពីប៉ុស្តិ៍របស់អ្នកប្រើហ្វេសប៊ុក ក៏បានសរសេររៀបរាប់នៅក្នុងសំណេររបស់ខ្លួនផងថា «ហ៊ុនសែនដឹកនាំជាង៤០ឆ្នាំមកនេះ អាចម៍ជាគ្នា! សន្តិភាពផេះ អភិវឌ្ឃន៌ផេះ ការបង្រួបបង្រួមជាតិផេះ ព្រំដែនផេះ ច្បាប់ប្រទេសផេះ ដោះស្រាយបញ្ហាជាតិធំៗផេះ ជាងនេះទៅទៀត ប្រទេសជាតិ […]
Continue Reading