Fact Check: តើនេះពិតជាគម្រោងអាកាសយានដ្ឋានសៀមរាបថ្មីមែនឬ?
សំណង់ធំៗជាច្រើន ត្រូវបានសាងសង់ឡើងនៅតំបន់ប៉ូលសេដ្ឋកិច្ចសំខាន់ៗរបស់ប្រទេសកម្ពុជា ដូចជារាជធានីភ្នំពេញ ខេត្តព្រះសីហនុ និងខេត្តសៀមរាប ដែលជាមណ្ឌលទេសចរណ៍វប្បធម៌ដ៏ល្បីល្បាញ។ រូបថត និងរូបភាពនៃសំណង់ថ្មីៗទាំងនោះ ត្រូវបានបង្ហោះលើបណ្ដាញសង្គមជារឿយៗ។ ក្នុងចំណោមនោះ រូបភាពចំនួនបួនសន្លឹកនៃទិដ្ឋភាពព្រលានយន្តហោះមួយ ត្រូវបានបង្ហោះនៅលើបណ្ដាញសង្គមជាមួយនឹងការអះអាងថា វាជាគម្រោងព្រលានយន្តហោះសៀមរាប។ ទោះយ៉ាងណា ការផ្ទៀងផ្ទាត់របស់ Fact Crescendo Cambodia បានបង្ហាញថា ការអះអាងនេះ គឺមិនត្រឹមត្រូវនោះឡើយ។ ការអះអាងលើបណ្តាញសង្គម កាលពីថ្ងៃទី២៤ ខែឧសភា ឆ្នាំ២០២០កន្លងទៅនេះ មានអ្នកប្រើហ្វេសប៊ុកម្នាក់ បង្ហោះរូបភាពចំនួនបួនសន្លឹកដែលបានបង្ហាញអំពីទិដ្ឋភាពព្រលានយន្តហោះមួយកន្លែង។ អ្នកប្រើហ្វេសប៊ុកដដែលនេះ ក៏បានបញ្ជាក់អះអាងនៅក្នុងសារ បង្ហោះរបស់ខ្លួនផងដែរថានេះ គឺជាទិដ្ឋភាពគម្រោងព្រលានយន្តហោះសៀមរាបថ្មី។ ការអះអាងបែបនេះ ត្រូវបានចែករំលែកបន្តៗគ្នាជាច្រើនដងរួមជាមួយនឹងការបញ្ជេញមតិចម្រុះសំណាក់អ្នកប្រើ ហ្វេសប៊ុកនិយាយភាសាខ្មែរផងដែរ។ រូបភាពផ្ដាមចេញពីប៉ុស្តិ៍របស់អ្នកប្រើប្រាស់ដែលបានរៀបរាប់ជាភាសាអង់គ្លេសថា «Beside the New Phnom Penh International Airport, Cambodia currently is being built other three airports in Koh Kong Province, Sihanoukville […]
Continue Reading