ខណៈដែលសំណង់ខ្ពស់ៗជាច្រើន ត្រូវបានសាងសង់ឡើងព្រោងព្រាតនៅរាជធានីភ្នំពេញក្នុងរយៈមួយទសវត្សរ៍ចុងក្រោយមកនេះ រូបថតមួយសន្លឹកដែលបង្ហាញអគារមួយជាប់នឹងមាត់សមុទ្រ ត្រូវបានបង្ហោះអះអាងថា ស្ថិតនៅក្នុងទីក្រុងភ្នំពេញ។ ការអះអាងនេះ ត្រូវបានចែករំលែកផុសផុលលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់រកឃើញថា ការអះអាងនេះ មិនត្រឹមត្រូវនោះឡើយ។
ការអះអាងលើបណ្ដាញសង្គម
រូបភាពមួយសន្លឹក ដែលបង្ហាញទិដ្ឋភាពអគារមួយកន្លែងស្ថិតនៅជាប់សមុទ្រនៅខាងក្រោយ ត្រូវបានគេបង្ហោះនៅលើបណ្ដាញសង្គមជាមួយការអះអាងថា វាស្ថិតនៅក្នុងរាជធានីភ្នំពេញ។
រូបភាពនេះ ត្រូវបានចែកចាយតៗគ្នាជាច្រើនដង រួមជាមួយនឹងប្រតិកម្ម និងការបញ្ចេញមតិចម្រុះពីសំណាក់អ្នកប្រើប្រាស់សង្គម។
ខាងក្រោមនេះ គឺរូបភាពផ្ដាមចេញពីការអះអាងនេះនៅលើបណ្ដាញសង្គមកាលពីថ្ងៃទី០២ ខែកុម្ភៈ ជាមួយសំណេររៀបរាប់ថា «ទីក្រុងភ្នំពេញ»។
https://www.tiktok.com/@maovirak75/photo/7466741887337008402
រូបភាពបង្ហាញអគារដែលមានទីតាំងជាប់ទៅនឹងសមុទ្រដូចគ្នានេះ ក៏ត្រូវបានបង្ហោះព្រោងព្រាតនៅលើបណ្ដាញសង្គមហ្វេសប៊ុកដោយអ្នកប្រើប្រាស់ដទៃទៀតផងដែរ ដោយបានអះអាងថា វាមានទីតាំងនៅរាជធានីភ្នំពេញ។
ការត្រួតពិនិត្យការពិត
Fact Crescendo Cambodia បានត្រួតពិនិត្យ និងផ្ទៀងផ្ទាត់ទៅលើការអះអាងដូចដែលបានរៀបរាប់ខាងលើនេះ តាមរយៈការដំណើរការឧបករណ៍វិភាគមាតិកាបង្កើតឡើងដោយបញ្ញាសិប្បនិម្មិត ដែលនាំឱ្យយើងរកឃើញការពិតដូចខាងក្រោមនេះ។
នៅក្នុងដំណើរពិនិត្យផ្ទៀងផ្ទាត់រូបថតនេះ យើងអាចកត់សម្គាល់នូវចំណុចមិនប្រក្រតីមួយចំនួន ដែលបង្ហាញទិដ្ឋភាពអគារជាប់សមុទ្រ ខណៈពេលដែលរាជធានីភ្នំពេញស្ថិតនៅចម្ងាយជាង ២០០គីឡូម៉ែត្រពីឆ្នេរសមុទ្រ។
ការវាយតម្លៃដោយឧបករណ៍វិភាគមាតិកាបង្កើតឡើងដោយបញ្ញាសិប្បនិម្មិតនោះ បង្ហាញថា រូបភាពនេះត្រូវបានបង្កើតឡើងដោយបច្ចេកវិទ្យាបញ្ញាសិប្បនិម្មិត។
ខាងក្រោមនេះ គឺជាលទ្ធផលវាយតម្លៃដោយឧបករណ៍វិភាគមាតិកា AI ដែលវាយតម្លៃជារួមថា រូបថតនេះត្រូវបានបង្កើតឡើងដោយបច្ចេកវិទ្យាបញ្ញាសិប្បនិម្មិត។
ដើម្បីស្វែងរកព័ត៌មានពិត សូមតាមដានការផ្សាយរបស់យើងតាមរយៈប្រព័ន្ធដូចខាងក្រោម៖
Facebook | Twitter | Telegram | Google News | TikTok | WhatsApp
សន្និដ្ឋានFact Crescendo Cambodia រកឃើញថា ការអះអាងដូចដែលត្រូវបានរៀបរាប់ខាងលើនេះ មិនត្រឹមត្រូវនោះឡើយ។ ការពិតទីក្រុងភ្នំពេញមិនស្ថិតនៅជាប់សមុទ្រដូចរូបភាពអះអាងទេ។ រូបភាពនេះត្រូវបានបង្កើតដោយបច្ចេកវិទ្យា AI មិនមែនជាទិដ្ឋភាពពិតជាក់ស្ដែងនោះឡើយ។
Title:តើអគារបែបខ្មែរមួយនេះពិតជានៅភ្នំពេញមែនឬ?
Written By: Kakada SimResult: Altered
