ក្រោយការប្រកួតប្រដាល់ដ៏កក្រើកមួយរវាង អតីតជើងឯកម្ចាស់កីឡាប្រដាល់ទម្ងន់ធ្ងន់ លោក Mike Tyson និងអ្នកលេងបណ្ដាញសង្គម Jake Paul នាពេលថ្មីៗនេះ រូបថតមួយសន្លឹកដែលបានបង្ហាញកីឡាកររូបនេះគ្រងទង់ជាតិប៉ាឡេស្ទីន ត្រូវបានបង្ហោះនៅលើបណ្ដាញសង្គមក្នុងន័យថា លោកឈរនៅខាងប្រជាជនប៉ាឡេស្ទីន។ រូបថតនេះ ត្រូវបានបង្ហោះ និងចែករំលែកព្រោងនៅលើបណ្ដាញសង្គម។ ទោះជាយ៉ាងណា Fact Crescendo រកឃើញថា ការបង្ហោះរូបថតនេះលើបណ្ដាញសង្គម មិនត្រឹមត្រូវនោះឡើយ។
ការអះអាងលើបណ្ដាញសង្គម
កាលពីថ្ងៃទី១៦ ខែវិច្ឆិកា ឆ្នាំ២០២៤កន្លងទៅនេះ រូបថតមួយសន្លឹកដែលបង្ហាញអតីតម្ចាស់ជើងឯកកីឡាប្រដាល់ទម្ងន់ធ្ងន់ លោក Mike Tyson គ្រងដោយទង់ជាតិរបស់ប៉ាឡេស្ទីននៅលើដងខ្លួនអំឡុងកម្មវិធីប្រកួតប្រដាល់មួយ ត្រូវបានគេបង្ហោះនៅលើបណ្ដាញសង្គម។
រូបថតមួយសន្លឹកនេះ ត្រូវបានគេបង្ហោះលើបណ្ដាញសង្គមក្នុងន័យថា កីឡាករប្រដាល់អាមេរិកដ៏ល្បីឈ្មោះរូបនេះ បានបង្ហាញការគាំទ្រដល់ប្រជាជនប៉ាឡេស្ទីន ដែលកំពុងរងការវាយប្រហារពីកងទ័ពអ៊ីស្រាអែលនៅក្នុងជម្លោះជាមួយពួកហាម៉ាស់ប៉ាឡេស្ទីន។
ខាងក្រោមនេះ គឺជារូបភាពផ្ដាមចេញពីទំព័រហ្វេសប៊ុកខាងលើដែលបានសរសេររៀបរាប់ថា “លោក Mike Tyson ថតជាមួយទង់ជាតិប៉ាឡេស្ទីន មុនពេលប្រយុទ្ធ”។
ខាងក្រោមនេះ គឺជារូបភាពផ្ដាមចេញពីការអះអាងនេះលើបណ្ដាញសង្គម Facebook កាលពីថ្ងៃទី១៦ ខែវិច្ឆិកា ឆ្នាំ២០២៤ ដោយសរសេររៀបរាប់ថា «Mike Tyson poses with the Palestinian flag before his historic fight» ឬអាចប្រែជាភាសាខ្មែរថា «Mike Tyson ថតរូបជាមួយទង់ជាតិប៉ាឡេស្ទីន មុនពេលការប្រយុទ្ធជាប្រវត្តិសាស្ត្ររបស់គាត់»។
ការអះអាងដូចគ្នានេះ ក៏ត្រូវបានបង្ហោះព្រោងព្រាតនៅលើបណ្ដាញសង្គមដទៃទៀតផងដែរ ដូចជា Instagram ដែលជាបណ្ដាញសង្គមមួយទៀតរបស់ក្រុមហ៊ុន Meta។
Instagram Post | Archived Link
រូបថតស្រដៀងគ្នាមួយសន្លឹកទៀត ក៏ត្រូវបានរកឃើញ និងបង្ហោះនៅលើគេហទំព័រវីដេអូ YouTube ផងដែរ កាលពីថ្ងៃទី១៦ ខែវិច្ឆិកា បានបង្ហាញទិដ្ឋភាពលោក Mike Tyson ឈរគ្រងទង់ជាតិប៉ាឡេស្ទីនមុនពេលប្រយុទ្ធ។
ការត្រួតពិនិត្យការពិត
Fact Crescendo Cambodia បានត្រួតពិនិត្យ និងផ្ទៀងផ្ទាត់ទៅលើរូបភាពទាំងនេះតាមរយៈការដំណើរការ Google Reverse Image Search និងកម្មវិធីផ្ទៀងផ្ទាត់ (AI) ដែលនាំឱ្យយើងរកឃើញការពិតដូចខាងក្រោមនេះ។
តាមរយៈការបញ្ជូលរូបថត និងតំណភ្ជាប់ទៅក្នុងគេហទំព័រ TrueMedia យើងបានរកឃើញថា រូបថតនោះ គឺមិនមែនជារូបថតពិតប្រាកដនោះឡើយ។
ផ្ទុយទៅវិញ រូបភាពផ្ដាមខាងក្រោមនេះ គឺបានបង្ហាញ រូបថតមួយសន្លឹកខាងលើ គឺត្រូវបានផលិតឡើងដោយបចេ្ចកវិទ្យាបញ្ញាសិប្បនិម្មិត (AI) តែប៉ុណ្ណោះ មិនមែនជាទិដ្ឋភាពជាក់ស្ដែងនោះទេ។
TrueMedia Link | Archived Link
ដូចគ្នានេះដែរ គេហទំព័រ AI Detect Content ដែលជាគេហទំព័រមួយទៀត និងជាកម្មវិធីផ្ទៀងផ្ទាត់អត្ថបទ ឬរូបភាពទាំងឡាយណា ផលិតឡើងដោយបចេ្ចកវិទ្យាបញ្ញាសិប្បនិម្មិត ក៏បានបង្ហាញនូវលទ្ធផលបញ្ជាក់ថាទិដ្ឋភាពនោះ គឺលើសពី៥០ភាគរយ ដែលបង្កើតដោយកម្មវិធី (AI)។
AI Detect Content | Archived Link
ក្រុមការងារ Fact Crescendo Cambodia ក៏បានរកឃើញផងដែរថា រូបថតនានាជាច្រើនរបស់លោក Mike Tyson មុន និងក្នុងអំឡុងពេលប្រកួត ដែលបានបង្ហោះនៅលើគេហទំព័រ Getty Images គឺពុំបានបង្ហាញលោកឈរគ្រងទង់ជាតិប៉ាឡេស្ទីនមុនពេលប្រយុទ្ធនោះឡើយ។
ករណីរូបភាព និងវីដេអូឃ្លីប ដែលត្រូវបានបង្កើតឡើងដោយកម្មវិធី នេះ តែងតែត្រូវបានត្រួតពិនិត្យ និងផ្ទៀងផ្ទាត់ការពិតដោយក្រុមការងាររបស់ Fact Crescendo Cambodia ផងដែរ។
លោកអ្នកអាចស្វែងរក និងអានព័ត៌មានបន្ថែមតាមរយៈតំណភ្ជាប់ខាងក្រោម៖
- រូបថតបង្ហាញបណ្ដាញខ្សែតរញ៉េរញ៉ៃ (archived link)
- វីដេអូឃ្លីបបង្ហាញត្រីមុខមនុស្ស (archived link)
- រូបថតបង្ហាញប្រទីបដ៏ឆើតឆាយតាមដងទន្លេ (archived link)
- រូបថតព្រះសង្ឃគង់ក្បែរនារី និងច្រៀងកម្សាន្ត (archived link)
ដើម្បីស្វែងរកព័ត៌មានពិត សូមតាមដានការផ្សាយរបស់យើងតាមរយៈប្រព័ន្ធដូចខាងក្រោម៖
Facebook Twitter Telegram Google News TikTok WhatsApp
សន្និដ្ឋាន
Fact Crescendo រកឃើញថា ការអះអាងដូចដែលត្រូវបានរៀបរាប់ខាងលើនេះ មិនត្រឹមត្រូវនោះឡើយ។ រូបថតមួយសន្លឹកនេះ គឺត្រូវបានផលិតឡើងដោយបចេ្ចកវិទ្យាបញ្ញាសិប្បនិម្មិត (AI) តែប៉ុណ្ណោះ មិនមែនជាទិដ្ឋភាពជាក់ស្ដែងនោះទេ។
Title:Mike Tyson មិនបានឈរគ្រងទង់ជាតិប៉ាឡេស្ទីនមុនពេលប្រយុទ្ធនោះឡើយ
Fact Check By: Kakada SimResult: False
