ខណៈដែលសង្គ្រាមរុស្ស៊ី–អ៊ុយក្រែននៅតែបន្តអូសបន្លាយ វីដេអូឃ្លីប និងរូបភាពបង្ហាញប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី (Volodymyr Zelenskyy) កំពុងឈររាំកម្សាន្តជាច្រើនឈុត ត្រូវបានបង្ហោះឡើង។ ការបង្ហោះនេះ ត្រូវបានចែករំលែកបន្តជាច្រើនដងនៅលើបណ្ដាញសង្គម និងមានការបញ្ចេញមតិយោបល់ផ្សេងៗ ពីអ្នកប្រើប្រាស់ហ្វេសប៊ុកនិយាយភាសាខ្មែរ។ ទោះជាយ៉ាងណា ការផ្ទៀងផ្ទាត់របស់យើង បានរកឃើញថា ទិដ្ឋភាពនេះមិនពិតនោះឡើយ។
ការអះអាងលើបណ្ដាញសង្គម
រូបថតប្រធានាធិបតីអ៊ុយក្រែន លោក ហ្សេលេនស្គី ក្នុងឈុតសម្លៀកបំពាក់ជាអ្នករាំរបាំ ត្រូវបានគេបង្ហោះនៅលើបណ្ដាញសង្គមជាមួយការអះអាងថា វាជារូបថតពិតប្រាកដ មិនមែនកាត់តនោះទេ។
រូបថតជាមួយការអះអាងនេះ ត្រូវបានចែករំលែកជាច្រើនដងនៅលើបណ្ដាញសង្គមហ្វេសប៊ុក ហើយក៏ទទួលបានប្រតិកម្ម និងការបញ្ចេញមតិចម្រុះបែបពីសំណាក់អ្នកប្រើប្រាស់ហ្វេសប៊ុកផងដែរ។
ខាងក្រោមនេះ គឺជារូបភាពផ្ដាមចេញពីការអះអាងលើបណ្ដាញសង្គមកាលពីថ្ងៃទី១៧ ខែមីនា ឆ្នាំ២០២៥ ដែលរៀបរាប់ថា «រូបនេះគឺជារូបពិត មិនមែនកាត់តទេ រូបនេះគឺជារូបអាចៅ Sky កាលអត់ចេះធ្វើនំអត់ម្ស៉ៅ រកលុយដោយ កម្លាំងញើសខ្លួនឯង តែឥឡូវធ្វើនំអត់ម្ស៉ៅស្រួលជាង»។
ទិដ្ឋភាពដូចគ្នាខាងលើ ក៏ត្រូវបានបង្ហោះនៅលើបណ្ដាញសង្គមដោយអ្នកប្រើប្រាស់ហ្វេសប៊ុកមួយទៀតផងដែរកាលពីពេលថ្មីៗនេះ។ ខាងក្រោមនេះ គឺជាវីដេអូទាំងស្រុង ដែលបង្ហាញទិដ្ឋភាពលោក ហ្សេលេនស្គី កំពុងរាំកម្សាន្ត។
វីដេអូដូចគ្នានេះក៏ត្រូវបានគេបង្ហោះនៅលើបណ្ដាញសង្គម TikTok ផងដែរ ដែលនាំឱ្យមានការចែកចាយបន្តយ៉ាងច្រើនពីសំណាក់អ្នកប្រើប្រាស់បណ្ដាញសង្គម។
ខាងក្រោមនេះ គឺជាវីដេអូដូចគ្នាដែលត្រូវបានបង្ហោះនៅលើបណ្ដាញសង្គម TikTok ជាមួយសំណេរអះអាងថានោះ គឺជាទិដ្ឋភាពប្រធានាធិបតីអ៊ុយក្រែន ហ្សេលេនស្គី។
<iframe frameBorder=’0′ width=’640′ height=’360′ webkitallowfullscreen mozallowfullscreen allowfullscreen src=”https://www.awesomescreenshot.com/embed?id=37864380&shareKey=4a3aff94ff763c64b6116c5e595d509e”></iframe>
ការត្រួតពិនិត្យការពិត
Fact Crescendo បានផ្ទៀងផ្ទាត់ទៅលើការអះអាងនេះតាមរយៈការដំណើរការ Google Reverse Image Search ដែលនាំឱ្យយើងរកឃើញការពិតដូចខាងក្រោមនេះ។
វីដេអូឃ្លីបមួយ បង្ហាញទម្រង់ដូចគ្នា ត្រូវបានរកឃើញ និងបង្ហោះឡើងនៅលើគេហទំព័រវីដេអូ YouTube ដែលបង្ហាញបុរសក្នុងឈុតសម្លៀកបំពាក់ក្រហម និងបានរាំកម្សាន្ត។ ទោះជាយ៉ាងណាភិនភាគរបស់បុរសម្នាក់នោះ មិនត្រួវបានស្គាល់ថាជាលោក ហ្សេលេនស្គី ដែលបច្ចុប្បន្នគឺជាប្រធានាធិបតីអ៊ុយក្រែននោះឡើយ។
ខាងក្រោមនេះ គឺជាវីដេអូដែលត្រូវបានផ្សព្វផ្សាយកាលពីឆ្នាំ២០២០ ដែលពុំបានបង្ហាញទិដ្ឋភាពលោកប្រធានាធិបតីអ៊ុយក្រែន ហ្សេលេនស្គី នោះឡើយ។
ខាងក្រោមនេះ គឺជាការប្រៀបធៀបគ្នារវាងរូបថតដែលត្រូវបានរកឃើញផ្សព្វផ្សាយនៅលើបណ្ដាញសង្គម និងទិដ្ឋភាពច្បាប់ដើម។
ម្យ៉ាងវិញទៀត វីដេអូឃ្លីបដូចគ្នានេះ ក៏ត្រូវបានបង្ហោះនៅលើបណ្ដាញសង្គម Instagram កាលពីឆ្នាំ២០២២កន្លងទៅផងដែរ ដោយមិនបានបង្ហាញទិដ្ឋភាពនោះ ជាលោក ហ្សេលេនស្គី នោះឡើយ។ សូមមើលវីដេអូឃ្លីបទាំងស្រុងខាងក្រោម។
Instagram Post | Archived Link
Fact Crescendo Cambodia ក៏រកឃើញវីដេអូឃ្លីបមួយផ្សេងទៀត បានបង្ហោះនៅលើបណ្ដាញសង្គម Instagram ដែលពុំបានបង្ហាញប្រធានាធិបតីអ៊ុយក្រែន លោក ហ្សេលេនស្គី កំពុងរាំកម្សាន្តនោះឡើយ។ ផ្ទុយទៅវិញ បុរសម្នាក់នោះ ត្រូវបានគេស្គាល់ថា គឺជាអ្នករាំជនជាតិអាហ្សង់ទីន លោក Pablo Acosta។
Instagram Post | Archived Link
ខាងក្រោមនេះ គឺជាការប្រៀបធៀបគ្នារវាងរូបថតដែលត្រូវបានរកឃើញផ្សព្វផ្សាយនៅលើបណ្ដាញសង្គម និងរូបថតច្បាប់ដើម។
មុនពេលចូលប្រឡូកក្នុងឆាកនយោបាយ ប្រធានាធិបតីអ៊ុយក្រែន លោក ហ្សេលេនស្គី ក៏ធ្លាប់ជាអ្នកសិល្បៈកម្សាន្តមួយរូប ហើយលោកក៏ធ្លាប់ចូលរួមថតសម្ដែង និងកម្មវិធីរាំជាច្រើន រួមទាំងកម្មវិធី Dancing With The Stars ផងដែរ។
ក្នុងនោះ លោកក៏ធ្លាប់បានចូលរួមសម្ដែងនៅក្នុងបទចម្រៀងមួយ ដែលមានឈ្មោះថា «Вечерний Киев» ឬជាភាសាខ្មែរ «ល្ងាចនៅទីក្រុងគៀវ» ផងដែរក្នុងឆ្នាំ២០១៤។
ខាងក្រោមនេះ គឺជាវីដេអូបទចម្រៀងទាំងស្រុង ដែលធ្លាប់ចូលរួមថតដោយលោក ហ្សេលេនស្គី។
កាលពីឆ្នាំ២០១៦កន្លងទៅ លោក ហ្សេលេនស្គី ក៏ធ្លាប់បានចូលរួមសម្តែងនៅក្នុងកម្មវីធីសម្ដែងផ្ទាល់ ផងដែរ រួមជាមួយនឹងសមាជិក៣នាក់ផ្សេងទៀតនៃក្រុមកំប្លែង ដែលមានឈ្មោះថា «piano four hands»។
ដើម្បីស្វែងរកព័ត៌មានពិត សូមតាមដានការផ្សាយរបស់យើងតាមរយៈប្រព័ន្ធដូចខាងក្រោម៖
Facebook | Twitter | Telegram | Google News | TikTok | WhatsApp
សន្និដ្ឋាន
Fact Crescendo Cambodia រកឃើញថា ការអះអាងភ្ជាប់រូបភាពដូចដែលត្រូវបានរៀបរាប់ខាងលើនេះ មិនត្រឹមត្រូវនោះទេ។ រូបភាព និងវីដេអូឃ្លីបដែលបង្ហាញប្រធានាធិបតីអ៊ុយក្រែន លោក ហ្សេលេនស្គី កំពុងរាំកម្សាន្តនោះ មិនមែនជាហេតុការណ៍ជាក់ស្ដែងនោះឡើយ។ ទិដ្ឋភាពទាំងនេះ ត្រូវបានបង្កើតឡើងដោយកម្មវិធីកាត់ត Deepfake ដោយដាក់មុខលោកទៅនឹងបុគ្គលផ្សេងទៀត។
Title:វីដេអូកាត់តបង្ហាញប្រធានាធិបតីអ៊ុយក្រែនរាំកម្សាន្តបែបស្រើបស្រាល
Fact Check By: Kakada SimResult: Misleading
