- >>
- Top Stories
រូបថតកាត់តបង្ហាញមិនត្រឹមត្រូវថា ទីក្រុងផាតាយ៉ាជាទីក្រុងព្រះសីហនុ
រូបថតមួយសន្លឹកដែលបង្ហាញផ្ទាំងចង្អុលប្រាប់ទិសដៅទៅកាន់តំបន់នានានៃទីក្រុងព្រះសីហនុ ត្រូវបានគេបង្ហោះនៅលើបណ្ដាញសង្គមជាមួយការរៀបរាប់ថា វាជាទេសភាពមួយជ្រុងនៃទីក្រុងឆ្នេរសមុទ្ររបស់កម្ពុជា។ រូបថតនេះ ត្រូវបានគេចែករំលែកយ៉ាងច្រើននៅលើបណ្ដាញសង្គម។ ទោះជាយ៉ាងណា យើងរកឃើញថា រូបថតនេះត្រូវបានកាត់ត។
ការអះអាងលើបណ្ដាញសង្គម
រូបថតមួយសន្លឹកដែលបង្ហាញសំណង់អគារខ្ពស់ៗនៃទីក្រុងមួយ ត្រូវបានគេបង្ហោះនៅលើបណ្ដាញសង្គមជាមួយការអះអាងថា វាជាទិដ្ឋភាពនៃខេត្តព្រះសីហនុ ស្ថិតនៅតំបន់ឆ្នេរសមុទ្ររបស់កម្ពុជា។
ព័ត៌មាននេះ ត្រូវបានផ្សព្វផ្សាយ និងចែករំលែកបន្តព្រោងព្រាតនៅលើបណ្ដាញសង្គម និងទាក់ទាញបានការគាំទ្រផ្នែកមតិយោបល់ពីអ្នកប្រើប្រាស់បណ្ដាញសង្គមកម្ពុជា។
ខាងក្រោមនេះ គឺជារូបភាពផ្ដាមចេញពីព័ត៌មានផ្សព្វផ្សាយលើបណ្ដាញសង្គមហ្វេសប៊ុកកាលពីថ្ងៃទី២៣ ខែសីហា ឆ្នាំ២០២៤ ដែលរៀបរាប់ថា “Welcome to Cambodia, Land of Smiles.”។ការត្រួតពិនិត្យការពិត
Fact Crescendo បានចាប់ផ្ដើមត្រួតពិនិត្យ និងផ្ទៀងផ្ទាត់ទៅលើការអះអាងខាងលើនេះតាមរយៈ Google Reverse Image Search ដែលនាំឱ្យយើងរកឃើញការពិតដូចខាងក្រោមនេះ។
តាមរយៈការដំណើរការ Google Reverse Image Search យើងបានរកឃើញរូបថតដូចគ្នាត្រូវបានបង្ហោះនៅលើបណ្ដាញសង្គមដោយទំព័រហ្វេសប៊ុកជាច្រើនជាភាសាថៃ ដែលបង្ហាញថា រូបថតមួយសន្លឹកនេះជាទិដ្ឋភាពផ្លូវមួយឆ្ពោះទៅទីក្រុងផាតាយ៉ា ប្រទេសថៃ។
ខាងក្រោមនេះ គឺជារូបភាពផ្ដាមចេញពីទំព័រហ្វេសប៊ុក Bangkok I Love You ដែលបានបង្ហោះរូបថតមួយសន្លឹកនេះកាលពីថ្ងៃទី២០ ខែសីហា ឆ្នាំ២០២៤ ជាមួយសំណេររៀបរាប់ជាភាសាថៃក្នុងន័យថា “នេះបើមិនមានផ្ទាំងអក្សរថៃទេ ក៏នឹកគិតថា ផ្លូវមួយខ្សែនេះនៅ Miami រដ្ឋ Florida ប៉ុន្មានឆ្នាំមកនេះ ដងផ្លូវ និងទីតាំងទេសចរណ៍ស្រុកយើងវិវត្តទៅយ៉ាងឆ្ងាយជាច្រើនកន្លែង ជាពិសេសនៅតាមខេត្តនានា ផ្លូវថ្នល់ស្អាតជាងនៅទីក្រុងទៅទៀត រូបថតនេះគឺជាផ្នែកមួយនៃទេសភាពទីក្រុងផាតាយ៉ាដែលត្រូវបានផ្ដិតយករូបនៅលើផ្លូវជនបទ…”។រូបថតមួយសន្លឹកនេះ ក៏ត្រូវបានបង្ហោះនៅលើបណ្ដាញសង្គមដោយអ្នកប្រើប្រាស់បណ្ដាញសង្គមថៃដទៃទៀតផងដែរកាលពីចុងខែសីហាកន្លងមកនេះ។
បើតាមទំព័រហ្វេសប៊ុកទាំងប៉ុន្មានខាងលើនេះ រូបថតមួយសន្លឹកនេះ ត្រូវបានយកពីទំព័រហ្វេសប៊ុក ปป'หอมจันทร์ ដែលជាទំព័រហ្វេសប៊ុករបស់បុរសម្នាក់ដែលនិយមជិះកង់ និងថតរូបបង្ហាញទេសភាព។
ដោយបានចូលទៅមើលនៅក្នុងទំព័រហ្វេសប៊ុក ปป'หอมจันทร์ យើងបានរកឃើញរូបថតនេះត្រូវបានបង្ហោះនៅលើបណ្ដាញសង្គមកាលពីថ្ងៃទី១៥ ខែមិថុនា ឆ្នាំ២០២៤ ជាមួយសំណេរជាភាសាថៃមានសេចក្ដីថា “ទិដ្ឋភាពទីក្រុងផាតាយ៉ាដែលសម្លឹងមើលពីផ្នែកផ្លូវលេខ៣៣១”។ខាងក្រោមនេះ គឺជាការប្រៀបធៀបរវាងរូបថតដែលត្រូវបានកាត់តបង្ហាញផ្ទាំងចង្អុលប្រាប់ទិសដៅជាភាសាខ្មែរ និងរូបថតច្បាប់ដើមដែលបង្ហាញផ្ទាំងប្រាប់ទិសដៅជាភាសាថៃ។
សន្និដ្ឋាន
