តើ​លោក​ សម​ រង្ស៊ី​ បាន​ឈរ​លើក​មេដៃ​ក្បែរ​អា​សង្ហា​មែន​ដែរ​ឬ​ទេ​?

Altered Political

ស្រប​ពេល​ដែល​សកម្មជន​គាំ​ទ្រ​បក្ស​ប្រឆាំង​មួយ​រូប​ឈ្មោះ​អា​សង្ហា ដែល​កំពុង​រស់​នៅ​​កូរ៉េ​ខាង​ត្បូង ត្រូវ​បាន​សមត្ថកិច្ច​ប្រទេស​នេះ​ចាប់​ខ្លួននោះ​ រូប​ថត​មួយ​សន្លឹក​បង្ហាញ​អតីត​មេ​ដឹក​នាំ​គណបក្ស​សង្គ្រោះ​ជាតិ ​លោក​ សម​ រង្ស៊ី​ ​ឈរ​លើក​មេ​ដៃ​កៀក​នឹង​សកម្មជន​រូប​នេះ ត្រូវ​បាន​បង្ហោះ​នៅ​លើ​បណ្ដាញ​សង្គម​។​ រូបថត​នេះ ត្រូវ​បាន​ចែក​រំលែក​ជាច្រើន​ដង​នៅ​លើ​បណ្ដាញ​សង្គម ហើយ​មាន​ការ​បញ្ចេញ​មតិ​ចម្រុះ​បែប​ពី​សំណាក់​អ្នក​ប្រើ​ប្រាស់​បណ្ដាញ​សង្គម​ផង​ដែរ។ ទោះជាយ៉ាងណា ការ​ត្រួត​ពិនិត្យ​ការពិត​របស់​ Fact Crescendo Cambodia បាន​រក​ឃើញ​ថា រូបថត​នេះ គឺ​ជាមិន​ត្រឹម​ត្រូវ​នោះ​ឡើយ​​។​

ការ​អះ​អាង​លើ​បណ្តាញសង្គម

កាល​ពី​ថ្ងៃ​ទី​០៧​​ ខែ​កក្កដា​​ ឆ្នាំ​២០២២​ អ្នក​ប្រើ​ប្រាស់​ហ្វេស​ប៊ុក​ម្នាក់​ ​បាន​ចែក​រំលែក​នូវ​រូប​ថត​មួយ​សន្លឹក​ដែល​បង្ហាញ​លោក សម រង្ស៊ី ពាក់​អាវ​ធំ​ពណ៌​ខៀវ ក្រវ៉ាត់​ក​ឆ្នូត និង​ស្ពាយ​កាបូប​ពី​ក្រោយ​ខ្នង។ រូបថត​ដដែល​នេះ ក៏​បង្ហាញ​ឱ្យ​ឃើញ​លោក សម រង្ស៊ី បង្ហាញ​សញ្ញា​មេ​ដៃ និង​ឈរ​ថត​កៀក​ជាមួយ​នឹង​សកម្មជន​គាំ​ទ្រ​បក្ស​ប្រឆាំង​ម្នាក់​នៅ​កូរ៉េ​ខាង​ត្បូង ដែល​គេ​ហៅ​ថា អា​សង្ហា។

រូប​ថត​នេះ​ ត្រូវ​បាន​ចែក​រំលែក​ជា​ច្រើន​ពី​សំណាក់​អ្នក​ប្រើ​ប្រាស់​ហ្វេស​ប៊ុក​ ខណៈ​អ្នក​ប្រើប្រាស់​ហ្វេសប៊ុក​ជាច្រើន​ទៀត បាន​​បញ្ចេញ​មតិ​ និងប្រតិកម្ម​ចម្រុះ​ផង​ដែរ​។​

ខាង​ក្រោម​នេះ​ គឺ​ជា​រូប​ភាព​ផ្ដាម​ចេញ​ពី​ប៉ុស្តិ៍​របស់​អ្នក​ប្រើ​ប្រាស់​ខាង​លើ​ ដែល​បាន​​សរសេរ​ថា​ «ចប់​បាត់​! សម​ រង្ស៊ី​ រវល់ដើរ​លេង​ស្របពេ​លដែលកូ​នធម៌​ខ្លួន​ឈ្មោះ​ អាស​ង្ហា​ ស្ថិតនៅក្នុងគុកកូរ៉េ​។​​ ជុន​ ចាន់បុត្រ​ កំពុង​តាម​រក​មុខ​​ រង្ស៊ី​ សួររឿងនេះដែរ​ បុន្តែ​ រង្ស៊ី​ ដឹងមុនគេចបាត់ប្ដោយ​ (រង​ចាំ​ភាគប​ន្ដ​)​»។​

Facebook Post | Archived Link

ការត្រួត​ពិនិត្យ​ការ​ពិត

Fact Crescendo Cambodia ចាប់​ផ្ដើម​ត្រួត​ពិនិត្យ​​ទៅ​លើ​រូបថត​ និង​ការ​អះ​អាង​​​ខាង​លើ​នេះ​ តាម​រយៈ​ Google Reverse Image Search ដែល​នាំ​ឱ្យ​យើង​រក​ឃើញ​ការពិត​ដូច​ខាង​ក្រោម​នេះ។

រូប​ថត​ដែល​មាន​ទម្រង់​ និង​សណ្ឋាន​ដូច​គ្នា​ ត្រូវ​បាន​រក​ឃើញ​នៅ​លើ​គណនី​ហ្វេស​ប៊ុក​ផ្ទាល់​ខ្លួន​របស់​អា​សង្ហា​ ដែល​បាន​បង្ហោះ​កាល​ពី​ថ្ងៃ​ទី​២៤​ ខែ​សីហា​ ឆ្នាំ​២០១៩​កន្លង​ទៅ​នេះ​។​ អ្នក​ប្រើ​ប្រាស់​ដដែល​ខាង​លើ​ ពុំ​បាន​បង្ហាញ​ទិដ្ឋភាព​លោក​ សម​ រង្ស៊ី​ បាន​ឈរ​លើក​មេ​ដៃ​នោះ​ឡើយ​ ដោយ​ផ្ទុយ​ទៅ​វិញ​ រូប​ថត​នោះ​គឺ​ជា​ទិដ្ឋភាព​អាសង្ហា​ ក្នុង​ឈុត​អាវ​ពណ៌​ខៀវ​ ឈរ​លើក​មេ​ដៃ​ក្បែរ​នឹង​អតីត​មេ​ដឹក​គណបក្ស​សង្គ្រោះ​ជាតិ​លោក​ប្រធាន​ សម​ រង្ស៊ី​។​

​ខាង​ក្រោម​នេះ​ គឺ​ជា​រូប​ភាព​ផ្ដាម​ចេញ​ពី​គណនី​ហ្វេស​ប៊ុក​របស់​អា​សង្ហា​ ដែល​បាន​សរសេរ​រៀប​រាប់​ថា​ «មិន​បាច់ច​លាចលភ័​យ​ស្លន់​ស្លោ​ពេក​ទេ​ វា​ដល់​ពេល​វេលា​ដែល​គាត់​ត្រូវ​ទៅ​ហើយ​ ទោះ​បី​គ្រាប់​បរមាណូ​របស់​ ហ៊ុន​ សែន​ រាប់​លាន​តោន​ក៏​ដោយ​ក៏​ត្រូវ​តែ​ទៅ​ដែរ​ សូម​ពុក​ម៉ែ​បង​ប្អូន​ជូន​រួមជាតិ​ទាំង​អស់​ ទូ​ទាំង​ប្រទេស​ទទួល​ស្វាគមន៍វីរៈបុរស​ក្នុងដួង​ចិត្ត​យើង​អោយ​បាន​ច្រើន​រាប់​លាននាក់ផ​ង​ថ្ងៃទី​០៩​ ខែ​វិច្ឆិកា​ ២០១៩​ គាត់​ទៅ​ដល់​កម្ពុជា​ហើយ​»។​

Facebook Post | Archived Link

សូម​ពិនិត្យ​មើល​ការ​ប្រៀប​ធៀប​រវាង​រូបថត​ច្បាប់​ដើម និង​រូបថត​កាត់​ត ដែល​ត្រូវ​បាន​ប្រើ​ប្រាស់​នៅ​ក្នុង​ការ​អះ​អាង​មួយ​នៅ​លើ​បណ្ដាញ​សង្គម​ហ្វេសប៊ុក​។

ដើម្បី​ស្វែង​រក​ព័ត៌​មាន​ពិត​ សូម​តាម​ដាន​ការ​ផ្សាយ​របស់​យើង​តាម​រយៈ​ប្រព័ន្ធ​ដូច​ខាង​ក្រោម​៖

Facebook Twitter  Telegram Google News

សន្និដ្ឋាន

Fact Crescendo Cambodia រក​ឃើញ​ថា​ រូប​ថត​ភ្ជាប់​នឹង​ការ​អះ​អាង​ដូច​ដែល​រៀប​រាប់​ខាង​លើ​ គឺ​មិន​ត្រឹម​ត្រូវ​នោះ​ឡើយ​។ ​រូប​ថត​ច្បាប់​ដើម​​ បង្ហាញ​ឱ្យ​ឃើញ​លោក សម រង្ស៊ី ពាក់​អាវ​ធំ​ពណ៌​ខ្មៅ ហើយ​ឈរ​កៀក​ស្មា​ជាមួយ​សកម្មជន​គាំ​ទ្រ​បក្ស​ប្រឆាំង​ម្នាក់​ហៅ​ខ្លួន​ឯង​ថា អាសង្ហា កាល​ពី​ឆ្នាំ​២០១៩​កន្លង​មក។

Avatar

Title:តើ​លោក​ សម​ រង្ស៊ី​ បាន​ឈរ​លើក​មេដៃ​ក្បែរ​អា​សង្ហា​មែន​ដែរ​ឬ​ទេ​?

Fact Check By: Kakada Sim 

Result: Altered

Leave a Reply

Your email address will not be published.