Jay Udom, Author at Fact Crescendo Cambodia | The leading fact-checking website in Cambodia

វីដេអូ AI ត្រូវបានគេអះអាងថា ជាយន្តហោះចម្បាំងត្រូវបាញ់ធ្លាក់ក្នុងសង្គ្រាមឥណ្ឌា-ប៉ាគីស្ថាន

May 13, 2025May 13, 2025Jay UdomLeave a Comment

បន្ទាប់ពីការវាយប្រហារតាមផ្លូវអាកាសរវាងឥណ្ឌា និងប៉ាគីស្ថានបានកើតឡើងកាលពីថ្ងៃពុធសប្ដាហ៍មុន វីដេអូឃ្លីបមួយដែលបង្ហាញឧទ្ធម្ភាគចក្រមួយគ្រឿងព្យាយាមយោងយន្តហោះចម្បាំងបាក់បែកមួយគ្រឿង ត្រូវបានគេបង្ហោះនៅលើបណ្ដាញសង្គមជាមួយការអះអាងថា វាជាយន្តហោះចម្បាំងដែលត្រូវបានបាញ់ធ្លាក់នៅក្នុងជម្លោះឥណ្ឌា-ប៉ាគីស្ថានកាលនាពេលថ្មីៗនេះ។ ទោះជាយ៉ាងណា ការផ្ទៀងផ្ទាត់របស់ Fact Crescendo រកឃើញថា ការអះអាងនេះមិនត្រឹមត្រូវនោះឡើយ។

វីដេអូចាស់មួយត្រូវបានគេផ្សាយថា ជាយន្តហោះចម្បាំងឥណ្ឌាដែលប៉ាគីស្ថានបាញ់ទម្លាក់

May 9, 2025May 9, 2025Jay UdomLeave a Comment

បន្ទាប់ពីការវាយប្រហារតាមផ្លូវអាកាសរវាងឥណ្ឌា និងប៉ាគីស្ថានបានកើតឡើងកាលពីថ្ងៃពុធកន្លងមកនេះ វីដេអូឃ្លីបមួយដែលបង្ហាញយន្តហោះមួយគ្រឿងផ្ទុះឆេះនៅលើដីនោះ ត្រូវបានគេបង្ហោះព្រោងព្រាតលើបណ្ដាញសង្គមជាមួយការអះអាងថា វាជាយន្តហោះចម្បាំងឥណ្ឌា ដែលត្រូវប៉ាគីស្ថានបាញ់ទម្លាក់កាលពីថ្ងៃពុធកន្លងមកនេះ។ ទោះជាយ៉ាងណា ការផ្ទៀងផ្ទាត់របស់ Fact Crescendo រកឃើញថា ការអះអាងនេះមិនត្រឹមត្រូវនោះឡើយ។ ការអះអាងលើបណ្ដាញសង្គម វីដេអូយន្តហោះមួយធ្លាក់ផ្ទុះឆេះ ត្រូវបានបង្ហោះនៅលើបណ្ដាញសង្គមជាមួយការអះអាងថា វាជាយន្តហោះកងទ័ពអាកាសឥណ្ឌា ដែលត្រូវបានកងទ័ពប៉ាគីស្ថានបាញ់ទម្លាក់់នៅក្នុងការវាយប្រហារគ្នាតាមផ្លូវអាកាសកាលពីថ្ងៃម្សិលមិញនេះ។ វីដេអូជាមួយការអះអាងបែបនេះ ត្រូវបានចែកចាយរហូតដល់ទៅជាង ១០០ដងនៅលើបណ្ដាញសង្គមហ្វេសប៊ុក និងការបញ្ចេញមតិយោបល់ចម្រុះបែបពីសំណាក់អ្នកប្រើប្រាស់់បណ្ដាញសង្គមកម្ពុជា ដែលជឿទៅតាមការអះអាងដូច្នេះ។ ខាងក្រោមនេះ គឺជាវីដេអូផ្ដាមចេញពីវីដេអូឃ្លីបដែលត្រូវបានបង្ហោះនៅលើបណ្ដាញសង្គមហ្វេសប៊ុកកាលពីថ្ងៃទី០៧ ខែឧសភា ឆ្នាំ២០២៥ ជាមួយសំណេររៀបរាប់ថា “នេះជាការពិតដែលយើងត្រូវទទួលស្គាល់ថា ប្រទេសឥណ្ឌាពិតជានៅខ្សោយខាងផ្នែកបច្ចេកទេស និងយុទ្ធសាស្ត្រប្រើប្រាស់ទ័ពអាកាសនៅឡើយទេ ព្រោះត្រូវគេបាញ់យន្តហោះធ្លាក់អស់ ៥គ្រឿងត្រឹមរយៈពេលមួយថ្ងៃ។ ហើយនេះជាយន្តយន្តហោះទ័ពអាកាសឥណ្ឌាដែលត្រូវប៉ាគីស្ថានបាញ់ធ្លាក់”។ Facebook Post | Archived Link ខាងក្រោមនេះ គឺជារូបភាពផ្ដាមចេញពីការបញ្ចេញមតិយោបល់របស់អ្នកប្រើប្រាស់បណ្ដាញសង្គមកម្ពុជា ក្នុងនោះមានមួយចំនួនជឿថាជាការពិត មួយចំនួនទៀតចោទសួរថា តើវាជាវីដេអូបង្កើតឡើងដោយកម្មវិធីបញ្ញាសិប្បនិម្មិត (AI) ឬក៏យ៉ាងណា ហើយមួយចំនួនទៀតកោតសរសើរសមត្ថភាពរបស់កងទ័ពអាកាសប៉ាគីស្ថាន។ វីដេអូឃ្លីប ១៥វិនាទីនេះ ក៏ត្រូវបានបង្ហោះនៅលើបណ្ដាញ YouTube ផងដែរ ដោយបញ្ជាក់ថា វាជាការវាយប្រហារតាមផ្លូវអាកាសរវាងកងទ័ពឥណ្ឌា និងប៉ាគីស្ថានកាលពីថ្ងៃម្សិលមិញនេះ។ Video […]

ព័ត៌មានក្លែងក្លាយលើបណ្ដាញសង្គមថា ទាហានថៃ និងឡាវប៉ះគ្នាតាមព្រំដែនម្សិលមិញនេះ

May 6, 2025May 6, 2025Jay UdomLeave a Comment

បន្ទាប់ពីការផ្ទុះអាវុធនៅជិតព្រំដែនថៃ-ឡាវកាលពីថ្ងៃម្សិលមិញនេះ អ្នកប្រើប្រាស់បណ្ដាញសង្គមកម្ពុជាច្រើន បានបង្ហោះព័ត៌មាននៅលើបណ្ដាញសង្គមថា ទាហានថៃ និងទាហានឡាវបានប៉ះទង្គិចគ្នាដោយអាវុធនៅតាមព្រំដែនរវាងប្រទេសទាំងពីរកាលពីថ្ងៃម្សិលមិញនេះ។ ទោះជាយ៉ាងណា ការផ្ទៀងផ្ទាត់របស់ Fact Crescendo បានរកឃើញថា ព័ត៌មាននេះត្រូវបានផ្សព្វផ្សាយដោយមិនត្រឹមត្រូវ។

ការបោកបញ្ឆោតលើបណ្ដាញសង្គមប្រើប្រាស់ផលិតផលរបស់ក្រុមហ៊ុន Samsung

May 3, 2025May 5, 2025Jay UdomLeave a Comment

ទំព័រហ្វេសប៊ុកជាច្រើន បានផ្សព្វផ្សាយថា ក្រុមហ៊ុន Samsung និងហាងលក់រាយដែលជាដៃគូរបស់ក្រុមហ៊ុននេះ បានផ្ដល់ការបញ្ចុះតម្លៃរហូតដល់ ៧០%សម្រាប់នាឡិកាដៃឆ្លាតវៃ និងកាសស្ដាប់។ ការផ្សព្វផ្សាយលក់បញ្ចុះតម្លៃទាំងនេះ ទទួលបានការចាប់អារម្មណ៍ច្រើនពីសំណាក់អ្នកប្រើប្រាស់បណ្ដាញសង្គមនៅតាមបណ្ដាប្រទេសនានានៅក្នុងតំបន់។ ទោះជាយ៉ាងណា Fact Crescendo បានរកឃើញថា ការផ្សព្វផ្សាយលក់បញ្ចុះតម្លៃនេះ មិនមែនជាព័ត៌មានត្រឹមត្រូវនោះឡើយ។

វីដេអូ AI បង្ហាញលោក Zelenskyy លុតជង្គង់ក្នុងពិធីប្រគល់គ្រឿងឥស្សរិយយសជូនទាហាន

April 24, 2025April 26, 2025Jay UdomLeave a Comment

វីដេអូឃ្លីបមួយដែលបង្ហាញមេដឹកនាំអ៊ុយក្រែនរូបនេះលុតជង្គង់នៅចំពោះមុខទាហានកាន់ឈើច្រត់ក្នុងពិធីប្រគល់គ្រឿងឥស្សរិយយសនោះ ត្រូវបានបង្ហោះ និងចែកចាយព្រោងព្រាតលើបណ្ដាញសង្គម។ អ្នកប្រើប្រាស់បណ្ដាញសង្គម បានកោតសរសើរទង្វើរបស់លោក Zelenskyy ក្រោយពីបានឃើញវីដេអូឃ្លីបនេះ។ ទោះជាយ៉ាងណា ការផ្ទៀងផ្ទាត់របស់យើង រកឃើញថា វីដេអូនេះ ត្រូវបានកាត់ត។

ការអះអាងមិនត្រឹមត្រូវថា ជនជាតិថៃរត់ចែកជើងគ្នាដោយសាររញ្ជួយដីថ្មីកើតចំថ្ងៃចូលឆ្នាំថ្មី

April 18, 2025April 22, 2025Jay UdomLeave a Comment

វីដេអូឃ្លីបមួយដែលបង្ហាញប្រជាជនថៃរត់ទាំងភ័យខ្លាចនៅតាមដងផ្លូវនោះ ត្រូវបានគេបង្ហោះព្រោងព្រាតលើបណ្ដាញសង្គមជាមួយការអះអាងថា ប្រជាជនថៃរត់ចែកជើងគ្នាដោយសារតែរញ្ជួយដីវាយប្រហារប្រទេសថៃសារជាថ្មីចំថ្ងៃប្រារព្ធពិធីបុណ្យចូលឆ្នាំថ្មី។ វីដេអូឃ្លីបនេះ ត្រូវបានចែកចាយព្រោងព្រាតលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់ Fact Crescendo រកឃើញថា ការអះអាងនេះមិនត្រឹមត្រូវនោះឡើយ។

វីដេអូឃ្លីបមួយត្រូវបានកាត់តឱ្យឃើញបុរសម្នាក់ឡើងទះក្បាល Trump នៅលើឆាក

April 17, 2025April 17, 2025Jay UdomLeave a Comment

បន្ទាប់ពីការប្រកាសដំឡើងរបាំងពន្ធគយសម្រាប់ទំនិញរបស់ប្រទេសនានាដែលនាំចូលទៅសហរដ្ឋអាមេរិកនោះ វីដេអូឃ្លីបមួយត្រូវបានគេបង្ហោះនៅលើបណ្ដាញសង្គម ដោយបង្ហាញថា ប្រធានាធិបតីអាមេរិក លោក Donald Trump ត្រូវបានបុរសម្នាក់ឡើងទះក្បាលពីក្រោយនៅលើឆាកអំឡុងពេលថ្លែងសុន្ទរកថាមួយ។ វីដេអូឃ្លីបនេះ ត្រូវបានចែកចាយព្រោងព្រាតលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់ Fact Crescendo រកឃើញថា វីដេអូឃ្លីបនេះ ត្រូវបានកាត់ត។

ឃ្លីប AI ត្រូវបានគេចែកចាយព្រោងព្រាតថា ជាមហន្តរាយក្រោយរញ្ជួយដីនៅភូមា

April 11, 2025April 12, 2025Jay UdomLeave a Comment

វីដេអូឃ្លីបមួយដែលបង្ហាញសំណង់លំនៅឋានបាក់បែកនោះ ត្រូវបានគេបង្ហោះនៅលើបណ្ដាញសង្គមជាមួយការអះអាងថា វាជាមហន្តរាយក្រោយរញ្ជួយដីនៅភូមា។ អ្នកប្រើប្រាស់បណ្ដាញសង្គមជាច្រើន បានចែកចាយការអះអាងនេះជាមួយការបញ្ចេញអារម្មណ៍តក់ស្លុតចំពោះវីដេអូ និងរូបភាពនេះ។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះមិនត្រឹមត្រូវនោះឡើយ។

រូបថត និងវីដេអូករណីគ្រោះថ្នាក់ចរាចរណ៍ ត្រូវបានអះអាងថាជាជនរងគ្រោះរញ្ជួយដីនៅថៃ

April 7, 2025April 9, 2025Jay UdomLeave a Comment

បន្ទាប់ពីគ្រោះរញ្ជួយដីនៅប្រទេសភូមាកាលពីសប្ដាហ៍មុន រូបថត និងវីដេអូឃ្លីបមួយដែលបង្ហាញមឈូសដាក់សពតម្រៀបគ្នា ត្រូវបានបង្ហោះព្រោងព្រាតលើបណ្ដាញសង្គមជាមួយការអះអាងថា សពទាំងនោះគឺជាជនរងគ្រោះនៃគ្រោះរញ្ជួយដីវាយប្រហារប្រទេសថៃកាលពីចុងខែមីនាកន្លងមកនេះ។ អ្នកប្រើប្រាស់បណ្ដាញសង្គមជាច្រើន បានចែកចាយការអះអាងនេះជាមួយការបញ្ចេញអារម្មណ៍តក់ស្លុតចំពោះវីដេអូ និងរូបភាពនេះ។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះមិនត្រឹមត្រូវនោះឡើយ។

ព័ត៌មានមិនត្រឹមត្រូវថា រូបភាពផែនដីប្រេះបែកជាពីរជាគ្រោះរញ្ជួយដីនៅភូមា

April 5, 2025April 26, 2025Jay UdomLeave a Comment

រូបភាព និងវីដេអូឃ្លីបដែលបង្ហាញផែនដីប្រេះបែកជាពីរនោះ ត្រូវបានបង្ហោះព្រោងព្រាតនៅលើបណ្ដាញសង្គមជាមួយការអះអាងថា វាជាអ្វីដែលកើតឡើងនៅភូមា។ អ្នកប្រើប្រាស់បណ្ដាញសង្គមជាច្រើន បានចែកចាយការអះអាងនេះជាមួយការបញ្ចេញអារម្មណ៍តក់ស្លុតចំពោះវីដេអូ និងរូបភាពនេះ។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះមិនត្រឹមត្រូវនោះឡើយ។

ការអះអាងមិនត្រឹមត្រូវថា ព្រះសង្ឃ និងពុទ្ធបរិស័ទភូមាធ្វើសមាធិជាជនរងគ្រោះរញ្ជួយដីថ្មីៗ

April 3, 2025April 26, 2025Jay UdomLeave a Comment

រូបថតបីសន្លឹកដែលបង្ហាញព្រះសង្ឃ និងពុទ្ធបរិស័ទភូមាសឹង និងដេកតម្រៀបជាជួរ ត្រូវបានបង្ហោះ និងចែកចាយព្រោងព្រាតនៅលើបណ្ដាញសង្គមជាមួយការអះអាងថា ពួកគាត់សុទ្ធតែជាជនរងគ្រោះនៃគ្រោះមហន្តរាយមួយនេះ។ រូបថតរួមជាមួយការអះអាងបែបនេះ ត្រូវបានចែកចាយយ៉ាងផុសផុលនៅលើបណ្ដាញសង្គម ទាក់ទាញបានក្ដីអាណិតអាសូរយ៉ាងច្រើនពីសំណាក់អ្នកប្រើប្រាស់បណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើងរកឃើញថា ការអះអាងនេះមិនត្រឹមត្រូវនោះឡើយ។

វត្តមានរបស់ត្រី Oarfish ជាសញ្ញាប្រាប់គ្រោះមហន្តរាយខាងមុខ តើជាការពិតឬទេ?

March 31, 2025April 10, 2025Jay UdomLeave a Comment

ទំព័រហ្វេសប៊ុកនៃសារព័ត៌មាននានានៅកម្ពុជាបានបង្ហោះរូបថតដែលបង្ហាញឱ្យឃើញត្រី Oarfish ២ក្បាលនៅឆ្នេរសមុទ្រ ហើយនិយាយថា ការបង្ហាញខ្លួនរបស់ត្រីនេះជាសារដាស់តឿនថា នឹងមានគ្រោះមហន្តរាយធម្មជាតិកើតឡើង។ ព័ត៌មាននេះ ត្រូវបានចែកចាយយ៉ាងផុសផុលនៅលើបណ្ដាញសង្គមពីសំណាក់អ្នកប្រើប្រាស់បណ្ដាញសង្គមកម្ពុជា។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ព័ត៌មានមិនត្រឹមត្រូវនោះឡើយ។

ព័ត៌មានថា ICC នឹងដោះលែងលោក Duterte គឺជាព័ត៌មានក្លែងក្លាយ

March 26, 2025March 28, 2025Jay UdomLeave a Comment

ចាប់តាំងពីត្រូវបានចាប់ខ្លួនបញ្ជូនទៅតុលាការឧក្រិដ្ឋកម្មអន្តរជាតិនៅទីក្រុងឡាអេមក ព័ត៌មានក្លែងក្លាយជាច្រើន ត្រូវបានផ្សព្វផ្សាយនៅលើបណ្ដាញសង្គមថា អតីតប្រធានាធិបតីហ្វីលីពីន លោក Rodrigo Duterte នឹងត្រូវដោះលែងមកវិញនៅថ្ងៃនេះ។ ព័ត៌មាននេះ ត្រូវបានចែកចាយព្រោងព្រាតនៅលើបណ្ដាញសង្កមដោយអ្នកនយោបាយ និងប្រព័ន្ធផ្សព្វផ្សាយនៅកម្ពុជា។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ព័ត៌មាននេះមិនត្រឹមត្រូវនោះឡើយ។

រូបភាព AI ប្រណាំងក្រពើនៅម៉ាឡេស៊ី បង្កការយល់ច្រឡំក្នុងចំណោមអ្នកប្រើបណ្ដាញសង្គម

March 17, 2025March 17, 2025Jay UdomLeave a Comment

រូបភាពបង្ហាញការប្រណាំងក្រពើ ត្រូវបានគេបង្ហោះព្រោងព្រាតលើបណ្ដាញសង្គមជាមួយការអះអាងថា វាជាពិធីប្រណាំងក្រពើនៅរដ្ឋសារ៉ាវ៉ាក់ក្នុងប្រទេសម៉ាឡេស៊ី។ រូបភាពជាមួយការអះអាងបែបនេះ ត្រូវបានចែកចាយយ៉ាងផុសផុលនៅលើបណ្ដាញសង្គម ហើយអ្នកប្រើប្រាស់បណ្ដាញសង្គមជាច្រើនបានបញ្ចេញមតិយោបល់របស់ពួកគេ ដែលចោទសួរពីភាពត្រឹមត្រូវនៃរូបភាពទាំងនេះ។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះមិនត្រឹមត្រូវនោះឡើយ។ ការអះអាងលើបណ្ដាញសង្គម រូបភាពដែលបង្ហាញមនុស្សជិះក្រពើប្រណាំងគ្នា ត្រូវបានគេបង្ហោះព្រោងព្រាតនៅលើបណ្ដាញសង្គមជាមួយសំណេររៀបរាប់ក្នុងន័យថា វាជាពិធីប្រណាំងក្រពើដែលត្រូវបានរៀបចំឡើងនៅក្នុងរដ្ឋសារ៉ាវ៉ាក់ (Sarawak) ប្រទេសម៉ាឡេស៊ី។ រូបភាពជាមួយសំណេរបែបនេះ ត្រូវបានចែកចាយយ៉ាងផុសផុលនៅលើបណ្ដាញសង្គម ព្រមទាំងការបញ្ចេញប្រតិកម្ម និងមតិយោបល់ពីសំណាក់អ្នកប្រើប្រាស់ហ្វេសប៊ុកនិយាយភាសាខ្មែរ ដោយជឿថា វាជាព្រឹត្តិការណ៍ប្រណាំងសត្វក្រពើពិតប្រាកដ ដែលមានតែនៅក្នុងរដ្ឋសារ៉ាវ៉ាក់តែប៉ុណ្ណោះ។ ខាងក្រោមនេះ គឺជារូបភាពផ្ដាមចេញពីកាបង្ហោះរូបភាពប្រណាំងក្រពើនៅលើបណ្ដាញសង្គមហ្វេសប៊ុកកាលពីសប្ដាហ៍មុនជាមួយសំណេររៀបរាប់ថា “ចង់បបួលមិត្តភក្តិ និងប្អូនៗទៅទស្សនាការប្រណាំងក្រពើម្ដង…”។ Facebook Post | Archived Link ខាងក្រោមនេះ គឺជារូបភាពផ្ដាមចេញពីការបង្ហោះរូបភាពនេះនៅលើបណ្ដាញសង្គមកាលពីថ្ងៃទី១១ ខែមីនា ឆ្នាំ២០២៥ ជាមួយសំណេររៀបរាប់ថា “Meanwhile in Sarawak, Malaysia”។ Facebook Post | Archived Link រូបភាព និងសំណេរបែបនេះ ត្រូវបានបង្ហោះដំបូងដោយទំព័រហ្វេសប៊ុក SouthEast Asian Gallery កាលពីដើមខែមីនានេះ ហើយត្រូវបានចែកចាយបន្តដល់ទៅជិត […]

វីដេអូ AI បង្ហាញលោក Zelenskyy លុតជង្គង់នៅមុខមន្ត្រីជាន់ខ្ពស់អារ៉ាប៊ីសាអ៊ូឌីត

March 12, 2025March 13, 2025Jay UdomLeave a Comment

វីដេអូឃ្លីបមួយដែលបង្ហាញលោកលុតជង្គង់នៅចំពោះមុខក្រុមមន្ត្រីដែលទៅទទួលស្វាគមន៍លោកនោះ ត្រូវបានគេបង្ហោះព្រោងព្រាតនៅលើបណ្ដាញសង្គម។ វីដេអូនេះ ត្រូវបានបង្ហោះភ្ជាប់ជាមួយសំណេរថា មេដឹកនាំអ៊ុយក្រែនរូបនេះសុខចិត្តលុតជង្គង់ចំពោះមុខស្ដេចអារ៉ាប់ ដើម្បីដូរយកសន្តិភាពដោយមិនកាត់ទឹកដី។ ទោះជាយ៉ាងណា ការផ្ទៀងផ្ទាត់រកឃើញថា ការអះអាងនេះ មិនត្រឹមត្រូវនោះឡើយ។

ការអះអាងមិនត្រឹមត្រូវថា ពលរដ្ឋអ៊ុយក្រែនលុតជង្គង់ទទួលមេដឹកនាំក្រោយជំនួបជាមួយ Trump

March 8, 2025March 8, 2025Jay UdomLeave a Comment

បន្ទាប់ពីជំនួបដ៏តានតឹងជាមួយប្រធានាធិបតីអាមេរិក លោក Donald Trump កាលពីចុងខែកុម្ភៈកន្លងមកនេះ វីដេអូមួយដែលបង្ហាញប្រជាជនលុតជង្គង់តាមដងផ្លូវ ត្រូវបានគេអះអាងថា វាជាវីដេអូប្រជាជនលុតជង្គង់គោរពប្រធានាធិបតី Volodymyr Zelenskyy វិលត្រឡប់ពីសហរដ្ឋអាមេរិកវិញ។ ការអះអាងនេះ ត្រូវបានចែកចាយព្រោងព្រាតលើបណ្ដាញសង្គម ហើយអ្នកប្រើប្រាស់បណ្ដាញសង្គមជាច្រើនបញ្ចេញមតិចម្រុះបែបដោយជឿតាមការអះអាងនេះ។ ទោះជាយ៉ាងណា ការផ្ទៀងផ្ទាត់រកឃើញថា ការអះអាងនេះ មិនត្រឹមត្រូវនោះឡើយ។

រូបភាពជនភៀសខ្លួនរ៉្វាន់ដាត្រូវបានបង្ហោះភ្ជាប់ជាមួយរឿងរ៉ាវជនភៀសខ្លួនកម្ពុជា

March 5, 2025March 5, 2025Jay UdomLeave a Comment

រូបភាពមួយសន្លឹកដែលបង្ហាញមនុស្សដ៏ច្រើនរត់ភៀសខ្លួននោះ ត្រូវបានគេបង្ហោះនៅលើបណ្ដាញសង្គមជាមួយសំណេរក្នុងន័យថា វាជាជនភៀសខ្លួនកម្ពុជាដែលត្រូវបានទាហានថៃដឹកមកទម្លាក់ចោលនៅភ្នំដងរែកកាលពីឆ្នាំ១៩៧៩។ រូបភាពជាមួយសំណេរបែបនេះ ត្រូវបានចែកចាយយ៉ាងផុសផុលនៅលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះមិនត្រឹមត្រូវនោះឡើយ។

ព័ត៌មានមិនពិតថា ជប៉ុនបានបញ្ចេញយន្តហោះចម្បាំងជំនាន់ថ្មីធ្វើឱ្យផ្អើលពិភពលោក

February 28, 2025February 28, 2025Jay UdomLeave a Comment

រូបភាពបីសន្លឹកដែលបង្ហាញយន្តហោះចម្បាំងគ្របដោយទង់ជាតិជប៉ុននោះ ត្រូវបានគេបង្ហោះនៅលើបណ្ដាញសង្គមព្រោងព្រាតជាមួយការអះអាងថា វាជាយន្តហោះចម្បាំងជំនាន់ថ្មីបំផុតរបស់ជប៉ុនដែលធ្វើឱ្យពិភពលោកភ្ញាក់ផ្អើល។ អ្នកប្រើប្រាស់បណ្ដាញសង្គមជាច្រើន បានចែកចាយបន្តនូវរូបភាពជាមួយព័ត៌មានបែបនេះ។ ទោះជាយ៉ាងណា ការផ្ទៀងផ្ទាត់របស់យើងរកឃើញថា ការអះអាងនេះ មិនត្រឹមត្រូវនោះឡើយ។

ការអះអាងមិនត្រឹមត្រូវថា រូបភាពនេះជាភូមិ Sułoszowa របស់ប៉ូឡូញ

February 19, 2025February 19, 2025Jay UdomLeave a Comment

រូបភាពមួយសន្លឹកដែលបង្ហាញផ្ទះសម្បែងស្ថិតនៅសងខាងផ្លូវត្រង់មួយខ្សែ ត្រូវបានគេបង្ហោះព្រោងព្រាតនៅលើបណ្ដាញសង្គម ដោយអះអាងថា វាជាភូមិជនបទដ៏ស្រស់ស្អាតមួយស្ថិតនៅក្នុងប្រទេសប៉ូឡូញ។ អ្នកប្រើប្រាស់បណ្ដាញសង្គមជាច្រើន បានចែកចាយបន្តនូវរូបភាពជាមួយព័ត៌មានបែបនេះ។ ទោះជាយ៉ាងណា ការផ្ទៀងផ្ទាត់របស់យើងរកឃើញថា ការអះអាងនេះ មិនត្រឹមត្រូវនោះឡើយ។

រូបភាព AI បង្ហាញមហាសេដ្ឋី Elon Musk គេងលើកម្រាលឥដ្ឋបង្កការយល់ច្រឡំ

February 12, 2025February 13, 2025Jay UdomLeave a Comment

មហាសេដ្ឋីមានជាងគេលើពិភពលោក លោក Elon Musk ត្រូវបានប្រធានាធិបតីអាមេរិក លោក Donald Trump តែងតាំងជារដ្ឋមន្ត្រីក្រសួងពង្រឹងប្រសិទ្ធភាពរដ្ឋ។ ជាង ២សប្ដាហ៍ក្រោយមក រូបថតមួយសន្លឹកដែលបង្ហាញលោក Elon Musk គេងលើកម្រាលឥដ្ឋ ត្រូវបានគេបង្ហោះលើបណ្ដាញសង្គមជាមួយការអះអាងថា វាជារូបថតមហាសេដ្ឋីរូបនេះ គេងនៅការិយាល័យធ្វើការរបស់លោក។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះមិនត្រឹមត្រូវនោះឡើយ។

ការអះអាងមិនត្រឹមត្រូវថា ផ្លេកបន្ទោរកើតឡើងពីលើសេតវិមាននៅថ្ងៃ Trump ចូលកាន់តំណែង

February 6, 2025February 6, 2025Jay UdomLeave a Comment

លោក ដូណាល់ ត្រាំ ស្បថចូលកាន់តំណែងជាប្រធានាធិបតីទី៤៧របស់អាមេរិកកាលពីថ្ងៃទី២០ ខែមករា ឆ្នាំ២០២៥មក។ ប៉ុន្មានថ្ងៃក្រោយមក មានការអះអាងលើបណ្ដាញសង្គមថា ផ្លេកបន្ទោរបានបញ្ចេញពន្លឺចំពីលើសេតវិមានប្រធានាធិបតីនៅពេលគាត់ឈានជើងចូលទៅការិយាល័យពងក្រពើ។ រូបភាព និងវីដេអូផ្លេកបន្ទោរ ក៏ត្រូវបានបង្ហោះនៅលើបណ្ដាញសង្គមផងដែរ ហើយក៏ត្រូវបានចែកចាយយ៉ាងច្រើន។ ទោះជាយ៉ាងណា ការផ្ទៀងផ្ទាត់រកឃើញថា ការអះអាងនេះ មិនត្រឹមត្រូវនោះឡើយ។

វីដេអូឃាតកម្មនៅហ្វីលីពីនត្រូវបានគេអះអាងថាជាការបាញ់ប្រហារកើតឡើងនៅកម្ពុជា

February 5, 2025February 5, 2025Jay UdomLeave a Comment

ឃ្លីបវីដេអូមួយដែលបង្ហាញហេតុការណ៍បាញ់ប្រហារមួយ ត្រូវបានគេបង្ហោះនៅលើបណ្ដាញសង្គមដោយភ្ជាប់ជាមួយសំណេរក្នុងន័យថា វាជាអំពើឃាតកម្មកើតឡើងនៅក្នុងប្រទេសកម្ពុជា។ ឃ្លីបវីដេអូភ្ជាប់មកជាមួយសំណេរបែបនេះ ត្រូវបានចែករំលែកព្រោងព្រាតលើបណ្ដាញសង្គម ដែលនាំឱ្យមានការចោទអំពីទីតាំងនៃហេតុការណ៍បាញ់ប្រហារនោះ។ ទោះជាយ៉ាងណា ការផ្ទៀងផ្ទាត់រកឃើញថា ការអះអាងនេះ មិនត្រឹមត្រូវនោះឡើយ។

វីដេអូ AI ត្រូវបានអះអាងថាជាហេតុការណ៍ភ្លើងឆាបឆេះក្រុង Los Angeles

January 31, 2025February 2, 2025Jay UdomLeave a Comment

បន្ទាប់ពីហេតុការណ៍ភ្លើងឆាបឆេះសង្កាត់ដ៏ល្បីមួយនៅទីក្រុង Los Angeles កាលពីដើមខែនេះមក វីដេអូមួយដែលងបង្ហាញភ្លើងឆាបឆេះដ៏សន្ធោសន្ធៅ ត្រូវបានគេអះអាងថា ជាទិដ្ឋភាពនៃភ្លើងឆាបឆេះទីក្រុង Los Angeles។ ការអះអាងនេះ ត្រូវបានចែករំលែកផុសផុលលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់រកឃើញថា ការអះអាងនេះ មិនត្រឹមត្រូវនោះឡើយ។

សារព័ត៌មានមួយដកស្រង់សម្ដីប្រមុខការទូតអាមេរិកមកចុះផ្សាយដោយមិនត្រឹមត្រូវ

January 30, 2025January 30, 2025Jay UdomLeave a Comment

សារព័ត៌មានមួយបានចុះផ្សាយថា ប្រមុខការទូតអាមេរិករូបនេះបានប្រាប់អ្នកសារព័ត៌មានថា លោកនឹងទប់ស្កាត់ការរំលោភសិទ្ធិមនុស្សនៅកម្ពុជា។ ព័ត៌មាននេះ ត្រូវបានបង្ហោះចែករំលែកព្រោងព្រាតនៅលើបណ្ដាញសង្គម ក្នុងនោះមានទាំងមេដឹកនាំបក្សជំទាស់ផងដែរ។ ទោះជាយ៉ាងណា ការផ្ទៀងផ្ទាត់រកឃើញថា ព័ត៌មាននេះ មិនត្រឹមត្រូវនោះឡើយ។

រូបថតចាស់របស់ថៃ ត្រូវបានគេអះអាងថា ជារូបថតបុណ្យបណ្ដែតប្រទីបនៅកម្ពុជា

January 23, 2025January 23, 2025Jay UdomLeave a Comment

រូបថតសខ្មៅមួយសន្លឹកដែលបង្ហាញស្ត្រីមួយក្រុមបណ្ដែតប្រទីបនោះ ត្រូវបានគេបង្ហោះព្រោងព្រាតលើបណ្ដាញសង្គមជាមួយសំណេររៀបរាប់ថា វាជារូបថតអតីតកាលកម្ពុជាអំឡុងទសវត្សរ៍១៩៦០។ ការអះអាងនេះ ត្រូវបានចែករំលែកផុសផុលលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់រកឃើញថា ការអះអាងនេះ មិនត្រឹមត្រូវនោះឡើយ។

លទ្ធផលវិភាគបង្ហាញថា សំឡេងបែកធ្លាយរបស់មេបក្សកាន់អំណាចជាសំឡេងមនុស្សពិត

January 22, 2025January 22, 2025Jay UdomLeave a Comment

បន្ទាប់ពីមេដឹកនាំបក្សជំទាស់បង្ហោះសំឡេងបែកធ្លាយរបស់មេដឹកនាំបក្សកាន់អំណាចនៅលើបណ្ដាញសង្គមមក ស្ថាប័នមួយរបស់រដ្ឋាភិបាល បានអះអាងថា សំឡេងបែកធ្លាយនោះ គឺជាសំឡេងដែលបង្កើតឡើងដោយបញ្ញាសិប្បនិម្មិត។ ទោះជាយ៉ាងណា ការផ្ទៀងផ្ទាត់របស់ Fact Crescendo បានរកឃើញថា ការអះអាងនេះមិនត្រឹមត្រូវនោះឡើយ។

ផ្ទះដំបូលក្រហមរួចផុតពីអណ្ដាតភ្លើងជាហេតុការណ៍ឆ្នាំ២០២៣កើតនៅរដ្ឋហាវ៉ៃ

January 16, 2025January 22, 2025Jay UdomLeave a Comment

ការអះអាងដ៏ផុសផុលមួយបានលើកឡើងថា ផ្ទះមួយមានដំបូលពណ៌ក្រហម បានរួចផុតពីគ្រោះមហន្តរាយនោះ ដោយសារតែម្ចាស់ផ្ទះជាបុគ្គលតែងតែធ្វើការងារសប្បុរសធម៌ជួយដល់កុមារក្រីក្រនៅទ្វីបអាហ្វ្រិក។ បន្ទាប់ពីការអះអាងនេះ ត្រូវបានបង្ហោះព្រោងព្រាតលើបណ្ដាញសង្គម ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះ មិនត្រឹមត្រូវនោះឡើយ។

សមត្ថកិច្ចកម្ពុជាចាប់ខ្លួនខ្មាន់កាំភ្លើងថៃបាញ់សម្លាប់អតីតតំណាងរាស្ត្របក្សជំទាស់កម្ពុជា

January 8, 2025January 9, 2025Jay UdomLeave a Comment

លោក លឹម គឹមយ៉ាង អតីតអ្នកតំណាងរាស្ត្របក្សជំទាស់របស់កម្ពុជា ត្រូវខ្មាន់កាំភ្លើងបាញ់សម្លាប់កាលពីល្ងាចថ្ងៃម្សិលមិញនេះ។ បន្ទាប់មក ការអះអាងនានានៅលើបណ្ដាញសង្គម បាននិយាយថា សមត្ថកិច្ចថៃចាប់ខ្លួនខ្មាន់កាំភ្លើងបានហើយ។ ព័ត៌មាននេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះមិនត្រឹមត្រូវនោះឡើយ។

ការអះអាងមិនត្រឹមត្រូវថា នគរបាលជាន់ខ្ពស់មួយរូបមានដើមកំណើតជាវៀតណាម

January 6, 2025January 6, 2025Jay UdomLeave a Comment

ការអះអាងដ៏ផុសផុលមួយនៅលើបណ្ដាញសង្គម បានលើកឡើងថា ជនជាតិវៀតណាមម្នាក់ ត្រូវបានដំឡើងឋានន្តរស័ក្តិជាឧត្ដមសេនីយ៍ទោនៅក្នុងជួរនគរបាលជាតិ ក្រោយពីទទួលបានសញ្ជាតិកម្ពុជាកាលពី ២ឆ្នាំមុន។ ការអះអាងនេះ ត្រូវបានចែករំលែកព្រោងព្រាតលើបណ្ដាញសង្គម ដែលនាំឱ្យមានការរិះគន់ទៅលើការដំឡើងឋានន្តរស័ក្តិបុគ្គលរូបនេះ។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះមិនត្រឹមត្រូវនោះឡើយ។

អាហារបំប៉នមួយប្រភេទត្រូវបានផ្សព្វផ្សាយលក់ទាំងបំផ្លើសថា ព្យាបាលជំងឺទឹកនោមផ្អែម

December 31, 2024December 31, 2024Jay UdomLeave a Comment

ផលិតផល Nutrid Diabet Gold ត្រូវបានផ្សព្វផ្សាយលក់ព្រោងព្រាតនៅលើបណ្ដាញសង្គមសំដៅទៅទីផ្សារប្រទេសនានានៅក្នុងតំបន់ ដោយមានការអះអាងថា វាជួយព្យាបាលជំងឺទឹកនោមផ្អែមដោយមិនចាំបាច់មានការណែនាំពីវេជ្ជបណ្ឌិត។ ការផ្សព្វផ្សាយពាណិជ្ជកម្មលើបណ្ដាញសង្គម ថែមទាំងអះអាងថា ផលិតផលនេះត្រូវបានទទួលស្គាល់ដោយស្ថាប័នសុខាភិបាល និងស្ថាប័ន FDA របស់អាមេរិក។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះមិនត្រឹមត្រូវនោះឡើយ។

ព័ត៌មានមិនពិតផ្សាយថា មេនគរបាលជាតិត្រូវបានខ្មាន់កាំភ្លើងបាញ់ប្រហារ

December 26, 2024January 9, 2025Jay UdomLeave a Comment

ការអះអាងដ៏ផុសផុលនៅថ្ងៃនេះ បានផ្សព្វផ្សាយថា មេនគរបាលជាតិកម្ពុជា លោក ស ថេត បានរងប្រហារ ហើយត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ។ ការអះអាងនេះ ត្រូវបានគេបង្ហោះ និងចែករំលែកព្រោងព្រាតលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះ មិនត្រឹមត្រូវនោះឡើយ។

រូបភាព AI ត្រូវបានគេអះអាងមិនត្រឹមត្រូវថា ជាក្មេងស្រីមានគ័ត៌ក្មេងបំផុតនៅហ្វីលីពីន

December 25, 2024December 26, 2024Jay UdomLeave a Comment

ថ្មីៗនេះ រូបថតក្មេងស្រីម្នាក់មានផ្ទៃពោះ ត្រូវបានគេបង្ហោះនៅលើបណ្ដាញសង្គមជាមួយការអះអាងថា នាងជាអ្នកមានផ្ទៃពោះក្មេងជាងគេបំផុតនៅហ្វីលីពីនដោយមានអាយុត្រឹមតែ ៩ឆ្នាំ ហើយដៃគូរបស់ក្មេងស្រីនេះទើបតែមានអាយុ ១២ឆ្នាំ ដែលសុទ្ធតែស្ថិតក្នុងវ័យអនីតិជន។ ការអះអាងនេះ ត្រូវបានគេបង្ហោះ និងចែករំលែកព្រោងព្រាតលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះ មិនត្រឹមត្រូវនោះឡើយ។

ការអះអាងមិនត្រឹមត្រូវថា វៀតណាមនឹងទទួលបាន EBA ពេញលេញពីសហភាពអឺរ៉ុប

December 23, 2024December 26, 2024Jay UdomLeave a Comment

ការអះអាងដ៏ផុសផុលនៅលើបណ្ដាញសង្គម បានលើកឡើងថា វៀតណាមនឹងទទួលបានប្រព័ន្ធអនុគ្រោះពន្ធ EBA ១០០ភាគរយពីសហភាពអឺរ៉ុប ហើយកម្ពុជានឹងបាត់បង់ទាំងស្រុង។ ការអះអាងនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង បង្ហាញថា ការអះអាងនេះ មិនត្រឹមត្រូវឡើយ។

តើអាមេរិកហាមពលរដ្ឋឱ្យផ្អាកបរិភោគអយស្ទ័រទូទាំងប្រទេសមែនឬទេ?

December 21, 2024December 21, 2024Jay UdomLeave a Comment

ខណៈដែលជំងឺ Norovirus កំពុងតែផ្ទុះនៅតាមប្រទេសមួយចំនួន ការអះអាងដ៏ផុសផុលនៅលើបណ្ដាញសង្គមនាសប្ដាហ៍នេះ បាននិយាយថា អាមេរិកបានប្រកាសឱ្យប្រជាជនខ្លួនផ្អាកបរិភោគអយស្ទ័រជាបន្ទាន់ ក្រោយរកឃើញមេរោគប្រភេទនេះនៅក្នុងគ្រឿងសមុទ្រ។ ការអះអាងនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង បង្ហាញថា ការអះអាងនេះ មិនត្រឹមត្រូវឡើយ។ ការអះអាងលើបណ្ដាញសង្គម ប្រព័ន្ធផ្សព្វផ្សាយមួយនៅកម្ពុជា បានផ្សាយនៅលើទំព័រហ្វេសប៊ុករបស់ខ្លួនកាលពីពីរថ្ងៃមុនថា អាមេរិកបានប្រកាសឱ្យពលរដ្ឋរបស់ខ្លួនផ្អាកទទួលទានអយស្ទ័រជាបន្ទាន់ បន្ទាប់ពីរកឃើញថា គ្រឿងសមុទ្រប្រភេទនេះមានផ្ទុកវីរុសណូរ៉ូ (Norovirus) និងមានករណីឆ្លងកើតឡើង។ បន្ទាប់ពីព័ត៌មាននេះត្រូវបានបង្ហោះនៅលើបណ្ដាញសង្គម វាត្រូវបានចែករំលែកបន្តព្រោងព្រាតពីសំណាក់អ្នកប្រើប្រាស់បណ្ដាញសង្គមកម្ពុជា ក្នុងនោះមានអ្នកប្រើប្រាស់ហ្វេសប៊ុកជាច្រើន បានបញ្ចេញប្រតិកម្មផ្សេងៗ និងមតិយោបល់ចម្រុះបែបទៅនឹងព័ត៌មាននេះ ដោយជឿលើព័ត៌មានមួយនេះ។ ខាងក្រោមនេះ គឺជារូបភាពផ្ដាមចេញពីការបង្ហោះព័ត៌មាននៅលើបណ្ដាញសង្គមកាលពីថ្ងៃទី១៨ ខែធ្នូ ឆ្នាំ២០២៤ ដែលសរសេររៀបរាប់ថា “ក្ដៅៗ! អាមេរិកប្រកាសឱ្យពលរដ្ឋផ្អាកញ៉ាំអយស្ទ័របន្ទាន់ ក្រោយរកឃើញមានផ្ទុកមេរោគ Norovirus និងមានករណីឆ្លង”។ Facebook Post | Archived Link ព័ត៌មានដូចគ្នានេះ ក៏ត្រូវបានអ្នកប្រើប្រាស់បណ្ដាញសង្គមដទៃទៀតចម្លងយកទៅបង្ហោះបន្ត ដែលនាំឱ្យមានការចែករំលែកបន្តយ៉ាងច្រើនផងដែរ ក្នុងនោះមានអ្នកប្រើប្រាស់ហ្វេសប៊ុកជាច្រើនជឿទៅតាមការផ្សាយព័ត៌មាននេះ។ ខាងក្រោមនេះ គឺជារូបភាពផ្ដាមចេញពីការបង្ហោះព័ត៌មាននេះនៅលើបណ្ដាញសង្គមដោយទំព័រហ្វេសប៊ុកមួយកាលពីថ្ងៃទី១៨ ខែធ្នូ ឆ្នាំ២០២៤ ដោយចម្លងព័ត៌មានទាំងស្រុង។ Facebook Post | […]

ព័ត៌មានក្លែងក្លាយថា ខេត្តព្រះសីហនុ និងតាកែវ មានអ្នកឆ្លង និងផ្ទុកមេរោគអេដស៍ច្រើនជាងគេ

December 14, 2024December 14, 2024Jay UdomLeave a Comment

ការអះអាងដ៏ផុសផុលនៅលើបណ្ដាញសង្គមនាសប្ដាហ៍នេះ បាននិយាយថា អត្រាឆ្លងមេរោគអេដស៍នៅកម្ពុជាកំពុងកើនឡើងខ្លាំង ហើយខេត្តព្រះសីហនុ និងតាកែវ ស្ថិតនៅលំដាប់លេខ១ និងលេខ២ ជាតំបន់មានអ្នកផ្ទុក និងឆ្លងមេរោគអេដស៍ច្រើនជាងគេ។ ការអះអាងនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង បង្ហាញថា ការអះអាងនេះ មិនត្រឹមត្រូវឡើយ។ ការអះអាងលើបណ្ដាញសង្គម ការអះអាងដ៏ផុសផុលនៅលើបណ្ដាញសង្គមនាពេលថ្មីៗនេះ បានលើកឡើងថា ករណីឆ្លងមេរោគអេដស៍កំពុងកើនឡើងខ្លាំង ដោយខេត្តព្រះសីហនុ ស្ថិតនៅលំដាប់ទី១ ហើយខេត្តតាកែវស្ថិតនៅលំដាប់ទី២ ខណៈដែលមនុស្ស ៧,០០០នាក់ដែលបានឆ្លងមេរោគនេះ បានរត់គេចពីការផ្ដល់សេវាព្យាបាល។ ការអះអាងនេះ ត្រូវបានចែករំលែកព្រោងព្រាតនៅលើបណ្ដាញសង្គមពីសំណាក់អ្នកប្រើប្រាស់ហ្វេសប៊ុកនិយាយភាសាខ្មែរ ហើយក៏មានការបញ្ចេញមតិ និងប្រតិកម្មចម្រុះបែបផងដែរ។ ខាងក្រោមនេះ គឺជារូបភាពផ្ដាមចេញពីការបង្ហោះព័ត៌មាននៅលើបណ្ដាញសង្គមកាលពីថ្ងៃទី០៨ ខែធ្នូ ឆ្នាំ២០២៤ ដែលសរសេររៀបរាប់ថា “HIV-មេរោគអេដស៍កំពុងកើនឡើងខ្លាំង [ខេត្ត]ព្រះសីហនុ Top 1[លំដាប់ទី១] តាកែវ Top 2 [លំដាប់ទី២]។ ៧ម៉ឺននាក់ផ្ទុកមេរោគ ប្រុងប្រយ័ត្ន ៧ពាន់នាក់រត់គេចមិនទទួលការព្យាបាល”។ Facebook Post | Archived Link ព័ត៌មានដូចគ្នានេះ ក៏ត្រូវបានបង្ហោះនៅលើបណ្ដាញសង្គមដោយអ្នកប្រើប្រាស់ហ្វេសប៊ុកដទៃទៀតដែរ ដែលនាំឱ្យមានការចែករំលែកបន្តជាច្រើន និងប្រតិកម្មចម្រុះបែបពីសំណាក់អ្នកប្រើប្រាស់បណ្ដាញសង្គមកម្ពុជា។ […]

ព័ត៌មានមិនពិតផ្សាយព្រាតថា Mike Tyson ស្លាប់ហើយក្រោយប្រកួតទល់ Jake Paul

November 22, 2024December 23, 2024Jay UdomLeave a Comment

កាលពីសប្ដាហ៍មុន អតីតម្ចាស់ជើងឯកប្រដាល់ទម្ងន់ធ្ងន់ លោក Mike Tyson បានប្រកួតចាញ់លោក Jake Paul អ្នកលេងបណ្ដាញសង្គមប្រែជាអ្នកប្រដាល់។ បន្ទាប់ពីការប្រកួតដ៏ល្បីនោះមក ការអះអាងដ៏ផុសផុលនៅលើបណ្ដាញសង្គម បានលើកឡើងថា កីឡាករប្រដាល់អាមេរិករូបនេះ បានទទួលមរណភាពនៅឯមន្ទីរពេទ្យ។ ការអះអាងនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង បង្ហាញថា ការអះអាងនេះ មិនត្រឹមត្រូវ។

ព័ត៌មានក្លែងក្លាយថា លោក Elon Musk ទិញ CNN តម្លៃ ៣ពាន់លានដុល្លារ

November 11, 2024November 11, 2024Jay UdomLeave a Comment

ចាប់តាំងពីខែតុលាកន្លងមកនេះ ការអះអាង និងព័ត៌មាននានាទាក់ទងនឹងលោក Elon Musk បានលេចធ្លោនៅលើបណ្ដាញសង្គម។ ការអះអាងថ្មីបំផុតមួយ បាននិយាយថា មហាសេដ្ឋីអាមេរិករូបនេះ បានទិញយកទូរទស្សន៍ CNN ក្នុងតម្លៃ ៣ពាន់លានដុល្លារ។ ការអះអាងនេះ ត្រូវបានចែករំលែកបន្តព្រោងព្រាត និងទាក់ទាញបានការជឿតាមរបស់អ្នកប្រើប្រាស់បណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះ មិនត្រឹមត្រូវនោះឡើយ។

ព័ត៌មានមិនពិតថា រូបថតអ្នកចម្រៀងជប៉ុនជាតារាចម្រៀងខ្មែរដ៏ល្បីឈ្មោះពីអតីតកាល

November 4, 2024November 4, 2024Jay UdomLeave a Comment

រូបថតមួយសន្លឹកដែលបង្ហាញស្ត្រីបីនាក់ ត្រូវបានគេបង្ហោះ និងចែករំលែកព្រោងព្រាតលើបណ្ដាញសង្គមជាមួយការអះអាងថា រូបថតនោះ គឺជាកំពូលតារាចម្រៀងខ្មែរកាលពីសម័យមុន។ អ្នកប្រើប្រាស់បណ្ដាញសង្គមជាច្រើន បានបញ្ចេញមតិយោបល់ចម្រុះ ដោយជឿទៅតាមការអះអាងនេះ។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម រូបថតសខ្មៅដែលបង្ហាញស្ត្រី ៣នាក់ ត្រូវបានគេបង្ហោះនៅលើបណ្ដាញសង្គមជាមួយការអះអាងថា ស្ត្រីទាំង ៣នាក់នោះ គឺជាអ្នកស្រី ប៉ែន រ៉ន អ្នកស្រី រស់ សេរីសុទ្ធា និងអ្នកស្រី ហួយ មាស ដែលសុទ្ធតែជាតារាចម្រៀងស្រីដ៏ល្បីល្បាញរបស់កម្ពុជាកាលពីជាង ៥០ឆ្នាំមុន។ រូបថតជាមួយនឹងការអះអាងបែបនេះ ត្រូវបានចែករំលែកបន្តរហូតដល់ជាង ៣០០ដង ហើយក៏ទទួលបានការបញ្ចេញមតិដ៏ច្រើនពីសំណាក់អ្នកប្រើប្រាស់ហ្វេសប៊ុកនិយាយភាសាខ្មែរផងដែរ។ ខាងក្រោមនេះ គឺជារូបភាពផ្ដាមចេញពីការបង្ហោះរូបថតនៅលើបណ្ដាញសង្គមកាលពីថ្ងៃទី០២ ខែវិច្ឆិកា ឆ្នាំ២០២៤ ជាមួយសំណេររៀបរាប់ថា “អ្នកចម្រៀងមរតកដើមទាំងបីដួងជាអ្នកចម្រៀងឯក កំពូល” ហើយសំណេរនៅលើរូបថត “ប៉ែន រ៉ន, រស់ សេរីសុទ្ធា, ហួយ មាស”។ Facebook Post | Archived Link បន្ទាប់ពីរូបថតនេះ ត្រូវបានបង្ហោះនៅលើបណ្ដាញសង្គម […]

ព័ត៌មានក្លែងក្លាយថា ក្រុមហ៊ុនរបស់ Elon Musk ទើបបង្ហាញយន្តហោះអគ្គិសនី

October 31, 2024November 4, 2024Jay UdomLeave a Comment

ការអះអាងដ៏ផុសផុលលើបណ្ដាញសង្គមថា លោកបានបង្ហាញជាសាធារណៈនូវយន្តហោះអគ្គិសនីផងដែរ។ ការអះអាងនេះ ត្រូវបានចែករំលែកបន្តព្រោងព្រាត និងទាក់ទាញបានការជឿតាមរបស់អ្នកប្រើប្រាស់បណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះ មិនត្រឹមត្រូវនោះឡើយ។

រូបភាពកាត់តលោក ហ៊ុន សែន និងកូនប្រុសលើធនប័ត្រថ្មីជំរុញឱ្យមានចម្ងល់ពីមហាជន

October 23, 2024October 28, 2024Jay UdomLeave a Comment

រូបភាពក្រដាសប្រាក់ ២សែនរៀលដែលមានរូបលោក ហ៊ុន សែន និងកូនប្រុសរបស់លោក ត្រូវបានគេបង្ហោះនៅលើបណ្ដាញសង្គម ក្នុងន័យថា ក្រដាសប្រាក់រៀលប្រភេទថ្មីនេះមានរូបរាងបែបហ្នឹង។ រូបភាពនេះ ត្រូវបានចែករំលែកបន្តព្រោងព្រាតពីសំណាក់អ្នកប្រើប្រាស់ហ្វេសប៊ុកនិយាយភាសាខ្មែរ ក្នុងនោះមានការចោទសួរថា តើក្រដាសប្រាក់ប្រភេទថ្មីពិតជាបោះពុម្ពបែបហ្នឹងមែនឬក៏យ៉ាងណា។ ទោះជាយ៉ាងណា ការផ្ទៀងផ្ទាត់របស់យើង រកឃើញថា រូបភាពនេះត្រូវបានកាត់ត។

ព័ត៌មានមិនត្រឹមត្រូវថា ក្រុមហ៊ុន Tesla នឹងបញ្ចេញកំពូលស្មាតហ្វូននៅចុងឆ្នាំនេះ

October 21, 2024October 28, 2024Jay UdomLeave a Comment

មានព័ត៌មានផ្សព្វផ្សាយព្រោងព្រាតលើបណ្ដាញសង្គមថា មហាសេដ្ឋីអាមេរិករូបនេះ នឹងបញ្ចេញស្មាតហ្វូន Tesla PI នៅចុងឆ្នាំនេះ។ ព័ត៌មាននេះ ត្រូវបានចែករំលែកយ៉ាងផុសផុលលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ព័ត៌មាននេះ មិនត្រឹមត្រូវនោះឡើយ។

ម្សៅដោះគោ Neysure Gold ត្រូវបានផ្សព្វផ្សាយលក់ដោយខុសច្បាប់លើបណ្ដាញសង្គម

October 19, 2024October 28, 2024Jay UdomLeave a Comment

ខណៈដែលបណ្ដាញសង្គមហ្វេសប៊ុកបើកឱ្យមានការផ្សព្វផ្សាយពាណិជ្ជកម្មនោះ ម្សៅដោះគោមួយប្រភេទយីហោ Neysure Gold ត្រូវបានគេផ្សព្វផ្សាយព្រោងព្រាតនៅលើបណ្ដាញសង្គមមួយនេះអស់រយៈពេលជាច្រើនខែមកហើយ។ វីដេអូពាណិជ្ជកម្ម បានអះអាងថា ផលិតផលមួយនេះអាចព្យាបាលជំងឺតម្រងនោមដោយមានប្រសិទ្ធភាព។ វីដេអូពាណិជ្ជកម្ម បានទាក់ទងអ្នកប្រើប្រាស់បណ្ដាញសង្គមជាច្រើន។ ទោះជាយ៉ាងណា ការស៊ើបអង្កេតរបស់យើង រកឃើញថា ការអះអាងបែបនេះ មិនត្រឹមត្រូវនោះឡើយ។

ព័ត៌មានមិនពិតថា Chris Rock ឈ្នះក្ដី Will Smith ក្នុងសំណុំរឿងទះកំផ្លៀង

October 11, 2024October 24, 2024Jay UdomLeave a Comment

ហេតុការណ៍តារាកំប្លែងអាមេរិក លោក Chris Rock ត្រូវបានតារាសម្ដែងអាមេរិក លោក Will Smith ទះកំផ្លៀ់ងនៅលើឆាកនៃកម្មវិធី Academy Awards បានកន្លងផុតមកជាង ២ឆ្នាំហើយ។ ទោះជាបែបនេះក្ដី ថ្មីៗនេះ មានការផ្សព្វផ្សាយព័ត៌មាននៅលើបណ្ដាញសង្គមថា លោក Chris Rock បានឈ្នះក្ដីសម្រាប់ករណីនេះ ហើយទទួលបានសំណង ៤០លានដុល្លារពីលោក Will Smith។ ព័ត៌មាននេះ ត្រូវបានផ្សព្វផ្សាយផុសផុលនៅលើបណ្ដាញសង្គមនានា។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ព័ត៌មាននេះ មិនត្រឹមត្រូវនោះឡើយ។ ការអះអាងលើបណ្ដាញសង្គម ការអះអាងកំពុងតែផុលផុសនៅលើបណ្ដាញសង្គម បានលើកឡើងថា តារាកំប្លែងអាមេរិក លោក Chris Rock ឈ្នះក្ដីនៅក្នុងបណ្ដឹងប្រឆាំងនឹងតារាសម្ដែងអាមេរិក លោក Will Smith ដែលបានទះកំផ្លៀងទៅលើលោក Chris Rock នៅក្នុងកម្មវិធី Academy Award ឆ្នាំ២០២២។ ការអះអាងដដែលនេះ បានបន្តថា លោក Chris Rock ក៏ទទួលបានសំណងរហូតដល់ […]

ការអះអាងមិនត្រឹមត្រូវថា វីដេអូជម្លោះក្រុមប្រដាប់អាវុធភូមា ជាវិវាទទាហានឡាវ និងវៀតណាម

October 9, 2024October 24, 2024Jay UdomLeave a Comment

វីដេអូឃ្លីបមួយដែលបង្ហាញជម្លោះតានតឹងរវាងទាហានពីរក្រុម ត្រូវបានគេបង្ហោះនៅលើបណ្ដាញសង្គមកាលពីខែមុនជាមួយនឹងការអះអាងថា វាជាជម្លោះរវាងទាហានឡាវ និងទាហានវៀតណាម។ វីដេអូជាមួយសំណេរបែបនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់ Fact Crescendo រកឃើញថា ការអះអាងនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម វីដេអូឃ្លីបមានរយៈពេលជាង ៣នាទីមួយដែលបង្ហាញទាហានពីរក្រុមមានជម្លោះពាក្យសម្ដីនឹងគ្នា ត្រូវបានគេបង្ហោះនៅលើបណ្ដាញសង្គមកាលពីខែកញ្ញាកន្លងមកនេះជាមួយសំណេររៀបរាប់ក្នុងន័យថា ទាហានវៀតណាមបានរារាំងទាហានមិនឱ្យបិទបដាផ្សព្វផ្សាយ ឬបញ្ចេញមតិឱ្យពលរដ្ឋរបស់ពួកគេ។ សំណេរភ្ជាប់ជាមួយវីដេអូឃ្លីបនេះ បន្តរៀបរាប់ថា បញ្ហានេះក៏ព្រោះតែស្ថាប័នរដ្ឋនានារបស់ប្រទេសឡាវស្ថិតក្រោមការគ្រប់គ្រងរបស់វៀតណាម រួមទាំងវិស័យកងទ័ពផងដែរ។ ខាងក្រោមនេះ គឺជាវីដេអូទាំងស្រុងដែលបង្ហោះនៅលើបណ្ដាញសង្គមហ្វេសប៊ុកកាលពីថ្ងៃទី១២ ខែកញ្ញា ឆ្នាំ២០២៤ ជាមួយសំណេររៀបរាប់ថា “ការឱ្យគេគ្រប់គ្រងលើរដ្ឋបាលគ្រប់ស្ថាប័នអស់ហើយ សូម្បីតែកងទ័ពក៏មិនអាចធ្វើការផ្សព្វផ្សាយ ឬបញ្ចេញមតិឱ្យពលរដ្ឋរបស់ខ្លួនឯងបានដែរ (យួន ឡាវ)ជាគំរូ”។ Facebook Post | Archived Link វីដេអូនេះ ត្រូវបានចែករំលែកដល់ទៅរាប់ម៉ឺនដងពីសំណាក់អ្នកប្រើប្រាស់បណ្ដាញសង្គមនិយាយភាសាខ្មែរ ហើយក៏មានការបញ្ចេញមតិយោបល់ជាច្រើនផងដែរ ក្នុងនោះមានអ្នកប្រើប្រាស់ហ្វេសប៊ុកជាច្រើន បានជឿទៅតាមសំណេរបង្ហោះនៅភ្ជាប់នឹងវីដេអូនេះ។ ខាងក្រោមនេះ គឺជារូបភាពផ្ដាមចេញពីមតិយោបល់របស់អ្នកប្រើប្រាស់ហ្វេសប៊ុកមួយចំនួន ក្រោយពីវីដេអូឃ្លីបដូចរៀបរាប់ខាងលើនេះ ត្រូវបានបង្ហោះនៅលើបណ្ដាញសង្គម។ វីដេអូឃ្លីបនេះដែលភ្ជាប់ជាមួយសំណេរដូចគ្នា ក៏ត្រូវបានបង្ហោះនៅលើបណ្ដាញសង្គមដោយអ្នកប្រើប្រាស់ហ្វេសប៊ុកដទៃទៀតដែរ ដែលនាំឱ្យមានការចែករំលែកបន្តដល់ទៅរាប់ពាន់ដង និងការបញ្ចេញមតិជាច្រើនដែលជឿទៅតាមសំណេរនោះ។ ខាងក្រោមនេះ គឺវីដេអូទាំងស្រុងដែលបង្ហោះនៅលើបណ្ដាញសង្គមកាលពីថ្ងៃទី១៦ ខែកញ្ញា ឆ្នាំ២០២៤ […]

ព័ត៌មានក្លែងក្លាយផ្សាយថា ព្រះមហាក្សត្រប្រទានគោរមងារ “សម្ដេច”ដល់លោក ស សុខា

October 8, 2024October 28, 2024Jay UdomLeave a Comment

ព័ត៌មានផ្សព្វផ្សាយលើបណ្ដាញសង្គមកាលពីខែកញ្ញាកន្លងមកនេះ បានលើកឡើងថា រដ្ឋមន្ត្រីមហាផ្ទៃលោក ស សុខា ត្រូវបានព្រះមហាក្សត្រដំឡើងគោរមងារជា “សម្ដេច” ហើយប្រមុខរដ្ឋាភិបាលលោក ហ៊ុន ម៉ាណែត ត្រូវបានដំឡើងគោរមងារជា “សម្ដេចក្រុមព្រះ”។ ប៉ុន្តែ ព័ត៌មាននេះ ត្រូវបានច្រានចោលទៅវិញ ដោយចាត់ទុកជាព័ត៌មាន “ក្លែងក្លាយ”។

វីដេអូអ្នកបើកបរងងុយគេងត្រូវបានផ្សាយថា ជាដើមហេតុនៃករណីភ្លើងឆេះឡានដឹកសិស្សថៃ

October 5, 2024October 24, 2024Jay UdomLeave a Comment

បន្ទាប់ពីហេតុការណ៍ភ្លើងឆាបឆេះរថយន្តដឹកកូនសិស្សសាលាថៃកាលពីថ្ងៃអង្គារកន្លងមកនេះ វីដេអូកាមេរ៉ាសុវត្ថិភាពមួយដែលបង្ហាញអ្នកបើកបរងងុយគេងអំឡុងពេលកំពុងបញ្ជាយានយន្តនោះ ត្រូវបានគេបង្ហោះនៅលើបណ្ដាញសង្គមព្រមជាមួយការអះអាងថា វាជាស្ថានភាពអ្នកបើកបរឡានក្រុងដឹកសិស្សថៃដែលជាដើមហេតុនាំឱ្យកើតឧប្បទ្ទវហេតុភ្លើងឆេះនៅដើមសប្ដាហ៍នេះ។ វីដេអូជាមួយសំណេរបែបនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា យើងរកឃើញថា ការផ្សព្វផ្សាយវីដេអូនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម វីដេអូឃ្លីបមួយមានរយៈពេលជាង ២នាទីដែលបង្ហាញស្ថានភាពបើកបររបស់អ្នកបើករថយន្តក្រុងមួយ ត្រូវបានគេអះអាងថា វាជាវីដេអូបានមកពីកាមេរ៉ាសុវត្ថិភាពភ្ជាប់ជាមួយរថយន្តក្រុងដឹកកូនសិស្សថៃ ដែលបង្ហាញអ្នកបើកបរងងុយគេងអំឡុងពេកកាន់ចង្កូតរថយន្ត។ ការអះអាងបន្តថា ស្ថានភាពអ្នកបើកបរបែបនេះហើយគឺជាមូលហេតុដែលបណ្ដាលឱ្យរថយន្តក្រុងនោះជួបឧប្បទ្ទវហេតុភ្លើងឆេះ ដែលបណ្ដាលយ៉ាងមនុស្សយ៉ាងតិច ២៣នាក់ស្លាប់នៅក្នុងអណ្ដាតភ្លើង។ វីដេអូនេះ ត្រូវបានចែករំលែកព្រោងព្រាតនៅលើបណ្ដាញសង្គមដោយអ្នកប្រើប្រាស់ហ្វេសប៊ុកនិយាយភាសាខ្មែរ ដែលបានបញ្ចេញប្រតិកម្មចម្រុះបែប និងមតិយោបល់ជាច្រើន ដោយជឿថា វីដេអូនេះពិតជាមូលហេតុបណ្ដាលឱ្យកើតហេតុការណ៍ដ៏រន្ធត់នេះកាលពីថ្ងៃទី០១ ខែតុលា ឆ្នាំ២០២៤។ ខាងក្រោមនេះ គឺជាវីដេអូដែលត្រូវបានបង្ហោះនៅលើបណ្ដាញសង្គមកាលពីថ្ងៃទី០៣ ខែតុលា ឆ្នាំ២០២៤ តែ ៣ថ្ងៃប៉ុណ្ណោះបន្ទាប់ពីហេតុការណ៍អគ្គិភ័យឆាបឆេះរថយន្តក្រុងដឹកសិស្សតូចៗនៅជាយរាជធានីបាងកក។ Facebook Post | Archived Link វីដេអូដូចគ្នានេះ ក៏ត្រូវបានបង្ហោះ និងចែករំលែកនៅលើបណ្ដាញសង្គមដោយអ្នកប្រើប្រាស់ហ្វេសប៊ុកដទៃទៀតផងដែរចាប់តាំងពីហេតុការណ៍ដ៏រន្ធត់នេះបានកើតឡើង។ ខាងក្រោមនេះ គឺជាវីដេអូដែលបង្ហោះនៅលើបណ្ដាញសង្គមហ្វេសប៊ុកកាលពីថ្ងៃទី០៤ ខែតុលា ឆ្នាំ២០២៤ ជាមួយសំណេររៀបរាប់ថា “វីដេអូបង្ហាញដោយកាមេរ៉ាសុវត្ថិភាពករណីឆេះឡានដឹកសិស្ស គឺដើមហេតុមកពីតៃកុងឡានងងុយដេក”។ Facebook Post | Archived Link ខាងក្រោមនេះ […]

ព័ត៌មានមិនត្រឹមត្រូវភ្ជាប់វីដេអូកូនសិស្សច្រៀងលេងទៅនឹងហេតុការណ៍ភ្លើងឆេះឡានក្រុងនៅថៃ

October 3, 2024October 24, 2024Jay UdomLeave a Comment

បន្ទាប់ពីហេតុការណ៍ភ្លើងឆាបឆេះរថយន្តដឹកកូនសិស្សសាលាថៃកាលពីថ្ងៃអង្គារកន្លងមកនេះ ស្រាប់តែមានវីដេអូឃ្លីបមួយ ដែលបង្ហាញកូនសិស្សច្រៀងលេងនៅលើរថយន្តក្រុងមួយ ត្រូវបានបង្ហោះនៅលើបណ្ដាញសង្គមជាមួយការអះអាងថា វាទិដ្ឋភាពនៅមុនពេលកើតហេតុការណ៍ដ៏រន្ធត់នោះ។ វីដេអូជាមួយសំណេរបែបនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា យើងរកឃើញថា ការផ្សព្វផ្សាយវីដេអូនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម វីដេអូឃ្លីបមួយមានរយៈពេលជាង ១នាទីដែលបង្ហាញកុមារីតូចៗជាសិស្សសាលាថៃច្រៀងលេងនៅក្នុងឡានក្រុងមួយ ត្រូវបានគេបង្ហោះនៅលើបណ្ដាញសង្គមចាប់ពីថ្ងៃម្សិលមិញនេះ ដោយគេអះអាងថា វាជាវីដេអូសិស្សាថៃនៅមុនពេលត្រូវភ្លើងឆាបឆេះ។ វីដេអូនេះ ត្រូវបានចែករំលែកព្រោងព្រាតនៅលើបណ្ដាញសង្គមដោយអ្នកប្រើប្រាស់ហ្វេសប៊ុកនិយាយភាសាខ្មែរ ដែលបានបញ្ចេញប្រតិកម្មចម្រុះបែប និងមតិយោបល់ជាច្រើន ដោយជឿថា វីដេអូនេះពិតជាក្មេងៗសិស្សសាលាថៃដែលរងនៅក្នុងហេតុការណ៍ភ្លើងឆេះរថយន្តក្រុងមួយកាលពីថ្ងៃទី០១ ខែតុលា ឆ្នាំ២០២៤។ ខាងក្រោមនេះ គឺជាវីដេអូផ្ដាមចេញពីការអះអាងនៅលើបណ្ដាញសង្គមនាពេលថ្មីៗនេះ បន្ទាប់ពីហេតុការណ៍អគ្គិភ័យឆាបឆេះរថយន្តក្រុងដឹកសិស្សតូចៗនៅទីក្រុងបាងកក។ Facebook Post | Archived Link វីដេអូដូចគ្នានេះ ក៏ត្រូវបានបង្ហោះ និងចែករំលែកនៅលើបណ្ដាញសង្គមដោយអ្នកប្រើប្រាស់ហ្វេសប៊ុកដទៃទៀតផងដែរចាប់តាំងពីហេតុការណ៍ដ៏រន្ធត់នេះបានកើតឡើង។ ខាងក្រោមនេះ គឺជាវីដេអូដែលបង្ហោះនៅលើបណ្ដាញសង្គមហ្វេសប៊ុកកាលពីថ្ងៃទី០២ ខែតុលា ឆ្នាំ២០២៤ ជាមួយសំណេររៀបរាប់ថា “ទិដ្ឋភាពសិស្សសាលាមត្តេយ្យថៃមុនមានព្រឹត្តិការណ៍ភ្លើងឆេះរថយន្ត!”។ Facebook Post | Archived Link ខាងក្រោមនេះ គឺជាវីដេអូដូចគ្នាដែលបង្ហោះនៅលើបណ្ដាញសង្គម ហើយទទួលបានការចាប់អារម្មណ៍ខ្លាំងពីសំណាក់អ្នកប្រើប្រាស់បណ្ដាញសង្គមកម្ពុជា។ Facebook Post | Archived Link […]

រូបថតកាត់តបង្ហាញរូបថតលោក ហ៊ុន សែន និងភរិយាដាក់តាំងទន្ទឹមព្រះឆាយាលក្ខណ៍ក្សត្រ

October 2, 2024October 24, 2024Jay UdomLeave a Comment

កាលពីខែកញ្ញាកន្លងមកនេះ លោកនាយករដ្ឋមន្ត្រី ហ៊ុន ម៉ាណែត បានជួបពិភាក្សាជាមួយមន្ត្រីយោធាជាន់ខ្ពស់ហ្វីលីពីនអំពីទំនាក់ទំនងទ្វេរភាគី។ បន្ទាប់មក ស្រាប់តែមានការបង្ហោះរូបថតនៃជំនួបនោះជាមួយសំណេរថា លោក ហ៊ុន ម៉ាណែត បានដាក់តាំងរូបថតឪពុកម្ដាយលោកទន្ទឹមនឹងព្រះឆាយាលក្ខណ៍ព្រះមហាក្សត្រនៅឯកិច្ចប្រជុំនោះ។ រូបថតនេះ បាននាំឱ្យមានការបញ្ចេញមតិផ្សេងៗ ក្នុងនោះមួយចំនួនជឿថា ជាការពិត។ ទោះជាយ៉ាងណា យើងរកឃើញថា រូបថតនេះត្រូវបានកាត់ត។ ការអះអាងលើបណ្ដាញសង្គម រូបថតមួយសន្លឹកដែលបង្ហាញរូបថតលោក ហ៊ុន សែន និងភរិយា ត្រូវបានដាក់តាំងនៅលើជញ្ជាំងទន្ទឹមគ្នានឹងព្រះឆាយាលក្ខណ៍ព្រះមហាក្សត្រ នរោត្ដម សីហមុនី នៅឯបន្ទប់ទទួលភ្ញៀវរបស់លោកនាយករដ្ឋមន្ត្រី ហ៊ុន ម៉ាណែត ត្រូវបានគេបង្ហោះនៅលើបណ្ដាញសង្គមកាលពីខែមុននេះ។ រូបថតមួយសន្លឹកនេះ ត្រូវបានគេបង្ហោះនៅលើបណ្ដាញសង្គមជាមួយសំណេរក្នុងន័យថា លោក ហ៊ុន ម៉ាណែត បានដាក់តាំងរូបថតឪពុកម្ដាយរបស់លោកទន្ទឹមគ្នានឹងព្រះឆាយាលក្ខណ៍ព្រះមហាក្សត្រនៅឯការិយាល័យធ្វើការរបស់លោក។ បន្ទាប់ពីរូបថតមួយសន្លឹកនេះ ត្រូវបានបង្ហោះនៅលើបណ្ដាញសង្គមហើយ មានអ្នកប្រើប្រាស់បណ្ដាញសង្គមនិយាយភាសាខ្មែរជាច្រើន បានបញ្ចេញប្រតិកម្ម និងមតិយោបល់ទៅនឹងការបង្ហោះនេះ ក្នុងនោះមានមួយចំនួនជឿថា វាជាការពិត។ ខាងក្រោមនេះ គឺជារូបភាពផ្ដាមចេញពីការបង្ហោះរូបថតនៅលើបណ្ដាញសង្គមកាលពីថ្ងៃទី១៣ ខែកញ្ញា ឆ្នាំ២០២៤ ជាមួយសំណេររៀបរាប់ថា “ដល់ថ្នាក់ហ្នឹងផង អាខ្នែត”។ Facebook Post | Archived Link […]

រូបថតកាត់តបង្ហាញវីរបុរសបិសាចក្រហម Wayne Rooney ធាត់ខ្លាំង និងមុខចាស់ជ្រុល

October 1, 2024October 24, 2024Jay UdomLeave a Comment

បន្ទាប់ពីការប្រកួតរវាងក្រុមបិសាចក្រហម និងក្រុមមាន់ខ្នាយមាសកាលពីចុងសប្ដាហ៍មកនេះ មហាជនបានចាប់អារម្មណ៍ខ្លាំងទៅលើរូបថតនៅលើបណ្ដាញសង្គមដែលបង្ហាញអតីតវីរបុរសក្លឹបបិសាចក្រហម លោក Wayne Rooney មានរូបរាងកាយធាត់ខ្លាំង និងមុខចាស់ជាងមុនខ្លាំង។ រូបថតនេះ ត្រូវបានគេចែករំលែកយ៉ាងច្រើននៅលើបណ្ដាញសង្គម ដែលនាំឱ្យអ្នកគាំទ្រអតីតកីឡាករឆ្នើមអង់គ្លេសរូបនេះចោទសួរអំពីសុខភាពរបស់គាត់។ ទោះជាយ៉ាងណា យើងរកឃើញថា រូបថតនេះត្រូវបានកាត់ត។ ការអះអាងលើបណ្ដាញសង្គម រូបថតមួយសន្លឹកដែលបង្ហាញអតីតកីឡាករបាល់ទាត់អង់គ្លេស លោក Wayne Rooney មានរូបរាងធាត់ខ្លាំង និងពោរពេញដោយពុកមាត់សព្រាតនៅលើមុខនោះ ត្រូវបានគេបង្ហោះនៅលើបណ្ដាញសង្គមនាពេលថ្មីៗនេះ។ លោក Wayne Rooney អាយុ ៣៨ឆ្នាំ គឺជាអតីតកីឡាករបាល់ទាត់ដ៏ឆ្នើមលេងឱ្យក្លឹបបិសាចក្រហម Manchester United ហើយសព្វថ្ងៃនេះ លោកគឺជាអ្នកចាត់ការនៃក្លឹប Plymouth Argyle នៃលីគបាល់ទាត់លំដាប់ទី២របស់ប្រទេសអង់គ្លេស បន្ទាប់ពីលោកចូលនិវត្តន៍ពីការប្រកបអាជីពបាល់ទាត់កាលពីដើមឆ្នាំ២០២១។ រូបថតមួយសន្លឹកនេះ ត្រូវបានផ្សព្វផ្សាយ និងចែករំលែកបន្តព្រោងព្រាតនៅលើបណ្ដាញសង្គម និងទទួលបានប្រតិកម្មផ្សេងៗ និងការបញ្ចេញមតិយោបល់ចម្រុះបែប ជាពិសេសចោទសួរពីការប្រែប្រួលរូបរាងកាយដ៏លឿនរបស់អតីតកីឡាករឆ្នើមរូបនេះ។ ខាងក្រោមនេះ គឺជារូបភាពផ្ដាមចេញពីការបង្ហោះរូបថតនៅលើបណ្ដាញសង្គមកាលពីថ្ងៃទី៣០ ខែកញ្ញា ឆ្នាំ២០២៤ ជាមួយសំណេររៀបរាប់ថា “វីរបុរសក្លឹបម្នាក់នេះ បច្ចុប្បន្នកំពុងដឹកនាំ Plymouth ក៏ជាក្រុមដែលបិសាចក្រហម Man Utd មិនគួរមើលរំលងផងដែរ ប្រសិនបើពួកគេសម្រេចចិត្តចែកផ្លូវគ្នាជាមួយតាហាក់នោះ”។ […]

រូបថតកាត់តបង្ហាញមិនត្រឹមថា ទីក្រុងផាតាយ៉ាជាទីក្រុងព្រះសីហនុ

September 24, 2024October 24, 2024Jay UdomLeave a Comment

រូបថតមួយសន្លឹកដែលបង្ហាញផ្ទាំងចង្អុលប្រាប់ទិសដៅទៅកាន់តំបន់នានានៃទីក្រុងព្រះសីហនុ ត្រូវបានគេបង្ហោះនៅលើបណ្ដាញសង្គមជាមួយការរៀបរាប់ថា វាជាទេសភាពមួយជ្រុងនៃទីក្រុងឆ្នេរសមុទ្ររបស់កម្ពុជា។ រូបថតនេះ ត្រូវបានគេចែករំលែកយ៉ាងច្រើននៅលើបណ្ដាញសង្គម។ ទោះជាយ៉ាងណា យើងរកឃើញថា រូបថតនេះត្រូវបានកាត់ត។ ការអះអាងលើបណ្ដាញសង្គម រូបថតមួយសន្លឹកដែលបង្ហាញសំណង់អគារខ្ពស់ៗនៃទីក្រុងមួយ ត្រូវបានគេបង្ហោះនៅលើបណ្ដាញសង្គមជាមួយការអះអាងថា វាជាទិដ្ឋភាពនៃខេត្តព្រះសីហនុ ស្ថិតនៅតំបន់ឆ្នេរសមុទ្ររបស់កម្ពុជា។ ព័ត៌មាននេះ ត្រូវបានផ្សព្វផ្សាយ និងចែករំលែកបន្តព្រោងព្រាតនៅលើបណ្ដាញសង្គម និងទាក់ទាញបានការគាំទ្រផ្នែកមតិយោបល់ពីអ្នកប្រើប្រាស់បណ្ដាញសង្គមកម្ពុជា។ ខាងក្រោមនេះ គឺជារូបភាពផ្ដាមចេញពីព័ត៌មានផ្សព្វផ្សាយលើបណ្ដាញសង្គមហ្វេសប៊ុកកាលពីថ្ងៃទី២៣ ខែសីហា ឆ្នាំ២០២៤ ដែលរៀបរាប់ថា “Welcome to Cambodia, Land of Smiles.”។ Facebook Post | Archived Link ការត្រួតពិនិត្យការពិត Fact Crescendo បានចាប់ផ្ដើមត្រួតពិនិត្យ និងផ្ទៀងផ្ទាត់ទៅលើការអះអាងខាងលើនេះតាមរយៈ Google Reverse Image Search ដែលនាំឱ្យយើងរកឃើញការពិតដូចខាងក្រោមនេះ។ តាមរយៈការដំណើរការ Google Reverse Image Search យើងបានរកឃើញរូបថតដូចគ្នាត្រូវបានបង្ហោះនៅលើបណ្ដាញសង្គមដោយទំព័រហ្វេសប៊ុកជាច្រើនជាភាសាថៃ ដែលបង្ហាញថា រូបថតមួយសន្លឹកនេះជាទិដ្ឋភាពផ្លូវមួយឆ្ពោះទៅទីក្រុងផាតាយ៉ា ប្រទេសថៃ។ ខាងក្រោមនេះ គឺជារូបភាពផ្ដាមចេញពីទំព័រហ្វេសប៊ុក Bangkok […]

ព័ត៌មានមិនច្បាស់លាស់ផ្សាយថា Gumball 3000 នៅកម្ពុជាបំបែកកំណត់ត្រាពិភពលោក

September 21, 2024October 24, 2024Jay UdomLeave a Comment

បន្ទាប់ពីព្រឹត្តិការណ៍ Gumball 3000 ត្រូវបានប្រារព្ធធ្វើឡើងនៅកម្ពុជានៅសប្ដាហ៍នេះ ព័ត៌មានដ៏ផុសផុលមួយ បានផ្សព្វផ្សាយថា ព្រឹត្តិការណ៍មួយនេះបានបំបែកកំណត់ត្រាពិភពលោកសម្រាប់ការចតរថយន្តទំនើបច្រើនបំផុតនៅមុខប្រាសាទអង្គរវត្ត។ ព័ត៌មាននេះ ត្រូវបានផ្សព្វផ្សាយព្រោងព្រាតលើបណ្ដាញសង្គម និងប្រព័ន្ធផ្សព្វផ្សាយក្នុងស្រុក។ ទោះជាយ៉ាងណា ការផ្ទៀងផ្ទាត់របស់យើងរកឃើញថា ព័ត៌មាននេះមិនត្រឹមត្រូវនោះឡើយ។ ការអះអាងលើបណ្ដាញសង្គម ព័ត៌មានមួយផ្សព្វផ្សាយផុសផុលនៅលើបណ្ដាញសង្គមនាពេលប៉ុន្មានថ្ងៃថ្មីៗនេះ បាននិយាយថា កម្ពុជាបានបំណែកកំណត់ត្រាពិភពលោក Guinness World Records ក្នុងនាមជាប្រទេសមានរថយន្តទំនើបច្រើនជាងគេចតនៅមុខសំណង់បុរាណនាព្រឹត្តិការណ៍ Gumball 3000 នាពេលថ្មីៗនេះ។ ព័ត៌មាននេះ ត្រូវបានផ្សព្វផ្សាយ និងចែករំលែកបន្តព្រោងព្រាតនៅលើបណ្ដាញសង្គម និងទាក់ទាញបានការគាំទ្រផ្នែកមតិយោបល់ពីអ្នកប្រើប្រាស់បណ្ដាញសង្គមកម្ពុជា។ ខាងក្រោមនេះ គឺជារូបភាពផ្ដាមចេញពីព័ត៌មានផ្សព្វផ្សាយលើបណ្ដាញសង្គមហ្វេសប៊ុកកាលពីថ្ងៃទី១៩ ខែកញ្ញា ឆ្នាំ២០២៤ ដែលរៀបរាប់ថា “អបអរសាទរកម្ពុជាជាប់ពានរង្វាន់ Guinness ដែលមានរថយន្តទំនើបច្រើនជាងគេនៅក្នុងកម្មវិធី Gumball 3000”។ Facebook Post | Archived Link ព័ត៌មានប្រហាក់ប្រហែលគ្នានេះ ក៏ត្រូវបានបង្ហោះនៅលើបណ្ដាញសង្គមដោយទំព័រហ្វេសប៊ុកមួយទៀតផងដែរជាមួយសំណេរដូចគ្នាកាលពីពីរថ្ងៃមុន ហើយទទួលបានការចែករំលែកបន្តជាច្រើន និងប្រតិកម្មចម្រុះបែប។ ខាងក្រោមនេះ គឺជារូបភាពផ្ដាមចេញពីការអះអាងលើបណ្ដាញសង្គមដែលបង្ហោះដោយទំព័រហ្វេសប៊ុកមួយទៀតកាលពីថ្ងៃទី១៩ ខែកញ្ញា ដែលសរសេររៀបរាប់ថា “ជាប់ហើយខ្មែរយើង Guinness Congraluations Cambodia […]

វីដេអូចាស់ៗត្រូវបានបង្ហោះលើបណ្ដាញសង្គមភ្ជាប់នឹងគ្រោះមហន្តរាយនៅវៀតណាម

September 12, 2024October 24, 2024Jay UdomLeave a Comment

ខណៈដែលវៀតណាមកំពុងរងគ្រោះដោយសារខ្យល់ទីហ្វុងយ៉ាកជីនៅដើមសប្ដាហ៍នេះ វីដេអូមួយដែលបង្ហាញមនុស្សរត់ប្រសេចប្រសាចពេញផ្លូវ និងខ្យល់បោកបក់ផ្ដួលសំណង់មួយចំនួន ត្រូវបានគេបង្ហោះលើបណ្ដាញសង្គមដោយអះអាងថា ជាអ្វីដែលកើតឡើងនៅវៀតណាម។ វីដេអូនេះ ត្រូវបានគេចែករំលែកជាច្រើនដងនៅលើបណ្ដាញសង្គម។ ទោះជាយ៉ាងណា យើងរកឃើញថា ខ្លឹមសារនៃវីដេអូនេះមិនត្រឹមត្រូវនោះឡើយ។ ការអះអាងលើបណ្ដាញសង្គម វីដេអូឃ្លីបមួយដែលបង្ហាញមនុស្សម្នារត់ប្រសេចប្រសាចលើដងផ្លូវ និងភ្លៀងធ្លាក់លាយឡំជាមួយខ្យល់កន្ត្រាក់ផងនោះ ត្រូវបានគេបង្ហោះនៅលើបណ្ដាញសង្គមជាមួយសំណេររៀបរាប់ថា វាជាគ្រោះមហន្តរាយបណ្ដាលមកពីព្យុះសង្ឃរា Yagi ដែលបានបោកបក់ទៅលើទីក្រុងហូជីមិញរបស់វៀតណាម។ វីដេអូនេះ ត្រូវបានចែករំលែកជាច្រើនដងនៅលើបណ្ដាញសង្គមហ្វេសប៊ុក ហើយក៏ទទួលបានប្រតិកម្ម និងការបញ្ចេញមតិចម្រុះបែបពីសំណាក់អ្នកប្រើប្រាស់ហ្វេសប៊ុកនិយាយភាសាខ្មែរផងដែរ។ ខាងក្រោមនេះ គឺជាវីដេអូដែលត្រូវបានបង្ហោះនៅលើបណ្ដាញសង្គមហ្វេសប៊ុកកាលពីថ្ងៃទី១០ ខែកញ្ញា ឆ្នាំ២០២៤ ដែលសរសេររៀបរាប់ថា “អំពើលោភលន់ហួសហេតុនាំឱ្យអន្តរាយ ទីក្រុងហូជីមិញ ប្រទេសវៀតណាម”។ Archived Link ព័ត៌មានដូចគ្នានេះក៏ត្រូវបានបង្ហោះនៅលើបណ្ដាញសង្គមដោយទំព័រហ្វេសប៊ុកមួយទៀតផងដែរជាមួយសំណេរដូចគ្នាកាលពីថ្ងៃទី១១ ខែកញ្ញា ឆ្នាំ២០២៤។ Archived Link នៅដើមដំបូងនៃវីដេអូនេះ វាបង្ហាញឱ្យឃើញមនុស្សម្នាដ៏ច្រើនរត់ប្រសេចប្រសាចនៅលើដងផ្លូវមួយ ហើយបន្ទាប់មកទៀត វាបង្ហាញភ្លៀងធ្លាក់លាយឡំជាមួយខ្យល់កន្ត្រាក់បោកបក់បណ្ដាលឱ្យខូចខាតផ្ទះសម្បែង និងសំណង់ផ្សេងទៀតនៃទីក្រុងមួយ។ ការត្រួតពិនិត្យការពិត Fact Crescendo បានចាប់ផ្ដើមត្រួតពិនិត្យ និងផ្ទៀងផ្ទាត់ទៅលើការអះអាងខាងលើនេះតាមរយៈ Google Reverse Image Search ដែលនាំឱ្យយើងរកឃើញការពិតដូចខាងក្រោមនេះ។ តាមរយៈ Google Reverse Image […]

វីដេអូនេនតូចភូមារាំលេងបង្កការយល់ច្រឡំក្នុងចំណោមអ្នកប្រើប្រាស់បណ្ដាញសង្គមខ្មែរ

August 21, 2024August 21, 2024Jay UdomLeave a Comment

វីដេអូនេនតូចរាំងលេងកម្សាន្តតាមភ្លេងធុងបាស់ ត្រូវបានគេបង្ហោះនៅលើបណ្ដាញសង្គមនៅដើមខែនេះ ដែលនាំឱ្យមានការរិះគន់ចំពោះនេនតូចទាំងនេះថា បានប្រព្រឹត្តខុសវិន័យសង្ឃ។ វីដេអូនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា ការត្រួតពិនិត្យរបស់យើងរកឃើញថា ការអះអាងនេះមិនត្រឹមត្រូវនោះឡើយ។ ការអះអាងលើបណ្ដាញសង្គម វីដេអូបង្ហាញព្រះសង្ឃក្មេងៗរាំងលេងតាមចង្វាក់ភ្លេង ត្រូវបានបង្ហោះនៅលើបណ្ដាញសង្គមជាមួយការចោទសួរថា តើនេនតូចៗទាំងនោះជាព្រះសង្ឃកម្ពុជា ឬព្រះសង្ឃនៅប្រទេសណា។ វីដេអូនេះ ត្រូវបានចែករំលែកជាច្រើនដងនៅលើបណ្ដាញសង្គមហ្វេសប៊ុក ហើយក៏ទទួលបានប្រតិកម្ម និងការបញ្ចេញមតិចម្រុះបែបពីសំណាក់អ្នកប្រើប្រាស់ហ្វេសប៊ុកនិយាយភាសាខ្មែរផងដែរ។ ខាងក្រោមនេះ គឺជាវីដេអូដែលត្រូវបានបង្ហោះនៅលើបណ្ដាញសង្គមហ្វេសប៊ុកកាលពីថ្ងៃទី០៧ ខែសីហា ឆ្នាំ២០២៤ ដែលចោទសួរថា “ចប់ លោកខ្មែរយើង ឬក៏មិនមែនទេ និយាយលែងចេញហើយ”។ Facebook Post | Archived Link ព័ត៌មានដូចគ្នានេះក៏ត្រូវបានបង្ហោះនៅលើបណ្ដាញសង្គមដោយអ្នកនយោបាយរបស់គណបក្សប្រឆាំង លោក មុត ចន្ថា ផងដែរកាលពីថ្ងៃម្សិលមិញនេះ ហើយក៏ត្រូវបានចែករំលែកបន្តជាច្រើនដងផងដែរ។ ខាងក្រោមនេះ គឺជារូបភាពផ្ដាមចេញពីការអះអាងនេះដែលត្រូវបានបង្ហោះនៅលើបណ្ដាញសង្គមកាលពីថ្ងៃទី១៦ ខែសីហា ឆ្នាំ២០២៤ ជាមួយសំណេររៀបរាប់ថា “យួនក្លាយ។ Facebook Post | Archived Link វីដេអូនេះ ក៏ត្រូវបានបង្ហោះនៅលើបណ្ដាញសង្គមដោយអ្នកប្រើប្រាស់ហ្វេសប៊ុកផ្សេងទៀតដែរនៅក្នុងរយៈពេលប៉ុន្មានថ្ងៃចុងក្រោយនេះ។ សូមមើលព័ត៌មានដូចគ្នានេះតាមរយៈតំណភ្ជាប់នៅទីនេះ និងតំណភ្ជាប់មួយទៀតនៅទីនេះ។ វីដេអូដដែលនេះ ក៏ត្រូវបានបង្ហោះនៅលើបណ្ដាញ […]

ការអះអាងមិនត្រឹមត្រូវមួយថា វៀតណាមម្នាក់ចូលសញ្ជាតិខ្មែរក្លាយជាទីប្រឹក្សាគ.ជ.ប.

August 19, 2024August 21, 2024Jay UdomLeave a Comment

ការអះអាងដ៏ផុសផុលមួយនៅលើបណ្ដាញសង្គម បានលើកឡើងថា ជនជាតិវៀតណាមម្នាក់ត្រូវបានតែងតាំងជាទីប្រឹក្សាស្ថាប័នបោះឆ្នោតកម្ពុជា ក្រោយទទួលបានសញ្ជាតិខ្មែរ។ ការអះអាងនេះ ត្រូវបានចែករំលែកព្រោងព្រាតលើបណ្ដាញសង្គម ដែលនាំឱ្យមានការរិះគន់ច្រើនទៅលើរដ្ឋាភិបាល។ ទោះជាយ៉ាងណា ការត្រួតពិនិត្យរបស់យើងរកឃើញថា ការអះអាងនេះមិនត្រឹមត្រូវនោះឡើយ។

រូបថត Kamala Harris ស្លៀកខើចខ្លី ត្រូវបានចែកចាយព្រាតលើបណ្ដាញសង្គម

August 16, 2024August 16, 2024Jay UdomLeave a Comment

នៅដើមខែនេះ អនុប្រធានាធិបតីអាមេរិក អ្នកស្រី Kamala Harris ត្រូវបានតែងតាំងជាបេក្ខនារីសម្រាប់តំណែងប្រធានាធិបតីរបស់គណបក្សប្រជាធិបតេយ្យ ដើម្បីប្រកួតប្រជែងការបោះឆ្នោតអាមេរិកនាពេលខាងមុខ។ ប៉ុន្មានថ្ងៃបន្ទាប់មក រូបថតពីរសន្លឹកដែលបង្ហាញអ្នកស្រីស្លៀកខើចខ្លីស៊ិចស៊ី ត្រូវបានគេបង្ហោះនៅលើបណ្ដាញសង្គមជាមួយការអះអាងថា រូបថតអ្នកស្រី Harris កាលពីធ្វើការជានារីរកស៊ីផ្លូវភេទ។ រូបថតជាមួយសំណេរបែបនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា ការត្រួតពិនិត្យរបស់យើងរកឃើញថា រូបថតនេះត្រូវបានបង្កើតឡើងដោយកម្មវិធីបញ្ញាសិប្បនិម្មិត។ ការអះអាងលើបណ្ដាញសង្គម រូបថតអនុប្រធានាធិបតីអាមេរិក អ្នកស្រី Kamala Harris ស្លៀកឈុតខើចខ្លី ត្រូវបានគេបង្ហោះនៅលើបណ្ដាញសង្គមជាមួយការអះអាងថា វាជារូបថតរបស់គាត់នៅពេលគាត់ធ្វើជានារីពេស្យាកាលពីអតីតកាល។ រូបថតជាមួយការអះអាងនេះ ត្រូវបានចែករំលែកជាច្រើនដងនៅលើបណ្ដាញសង្គមហ្វេសប៊ុក ហើយក៏ទទួលបានប្រតិកម្ម និងការបញ្ចេញមតិចម្រុះបែបពីសំណាក់អ្នកប្រើប្រាស់ហ្វេសប៊ុកផងដែរ។ ខាងក្រោមនេះ គឺជារូបភាពផ្ដាមចេញពីការអះអាងលើបណ្ដាញសង្គមកាលពីថ្ងៃទី១០ ខែសីហា ឆ្នាំ២០២៤ ដែលរៀបរាប់ថា “នេះខាម៉ាឡា ហារីស កាលនៅជាស្រីរកស៊ីផ្លូវភេទ”។ Facebook Post | Archived Link ព័ត៌មានដូចគ្នានេះ ក៏ត្រូវបានបង្ហោះនៅលើបណ្ដាញសង្គមដោយអ្នកប្រើប្រាស់ហ្វេសប៊ុកមួយទៀតផងដែរនៅក្នុងថ្ងៃតែមួយ។ ខាងក្រោមនេះ គឺជារូបភាពផ្ដាមចេញពីការបង្ហោះរូបថត និងសំណេរដូចគ្នាទាំងស្រុង។ Facebook Post | Archived Link ព័ត៌មានដូចគ្នានេះក៏ត្រូវបានបង្ហោះនៅលើបណ្ដាញសង្គមដទៃទៀតផងដែរដូចជា X(Twitter) […]

ការបោកបញ្ឆោតតាមអនឡាញផ្សព្វផ្សាយថា Samsung លក់បញ្ចុះតម្លៃធំតាមអនឡាញ

August 10, 2024August 10, 2024Jay UdomLeave a Comment

ការផ្សព្វផ្សាយជាច្រើននៅលើបណ្ដាញសង្គម បានប្រកាសថា ក្រុមហ៊ុន Samsung នៅកម្ពុជា លក់បញ្ចុះតម្លៃដ៏ធំសម្បើមសម្រាប់ការបញ្ជាទិញតាមអនឡាញ។ ការផ្សព្វផ្សាយនេះ ទាក់ទាញការចាប់អារម្មណ៍យ៉ាងច្រើនពីអ្នកប្រើប្រាស់បណ្ដាញសង្គមកម្ពុជា។ ទោះជាយ៉ាងណា យើងបានរកឃើញថា ការផ្សព្វផ្សាយនេះ គឺជាការបោកបញ្ឆោតតាមអនឡាញតែប៉ុណ្ណោះ។

តើក្រុមកីឡាការិនីវាយកូនបាល់លើតុអាមេរិកប្រកួតឈ្នះក្រុមជម្រើសជាតិចិនមែនឬ?

August 9, 2024August 10, 2024Jay UdomLeave a Comment

ព័ត៌មានដ៏ផុសផុលមួយបានផ្សាយនៅលើបណ្ដាញសង្គមថា ក្រុមកីឡាការិនីវាយកូនបាល់លើតុជម្រើសជាតិអាមេរិកដែលមានមុខមាត់ដូចកូនចៅចិននោះ បានប្រកួតឈ្នះក្រុមជម្រើសជាតិចិន និងដណ្ដើមបានមេដាយមាស។ ព័ត៌មាននេះ ត្រូវបានផ្សព្វផ្សាយព្រោងព្រាតលើបណ្ដាញសង្គមក្នុងរយៈពេលប៉ុន្មានថ្ងៃមកនេះ។ ទោះជាយ៉ាងណា យើងរកឃើញថា ព័ត៌មាននេះមិនត្រឹមត្រូវនោះឡើយ។

វីដេអូកាត់តបង្ហាញសកម្មជនបក្សកាន់អំណាចប្រកាសគាំត្រការកាត់ខេត្តបួនឱ្យទៅវៀតណាម

August 8, 2024August 10, 2024Jay UdomLeave a Comment

ការដាក់បញ្ចូលខេត្តកម្ពុជាចំនួន៤នៅក្នុងគម្រោងតំបន់ត្រីកោណអភិវឌ្ឍន៍ កំពុងក្លាយជាបញ្ហាលេចធ្លោនៃការជជែកវែកញែកនៅក្នុងចំណោមមហាជនកម្ពុជានាពេលថ្មីៗនេះ។ ទន្ទឹមនឹងបញ្ហានេះ ស្រាប់តែមានវីដេអូឃ្លីបមួយត្រូវបានបង្ហោះនៅលើបណ្ដាញសង្គម ដែលបង្ហាញក្រុមសកម្មជនបក្សកាន់អំណាចប្រកាសគាំទ្រការកាត់ទឹកដី៤ខេត្តរបស់កម្ពុជាឱ្យទៅវៀតណាម។ វីដេអូនេះ ត្រូវបានចែករំលែកយ៉ាងច្រើនផុសផុលនៅលើបណ្ដាញសង្គម ហើយទាក់ទាញការចាប់អារម្មណ៍ច្រើនពីអ្នកប្រើប្រាស់បណ្ដាញសង្គម។ ទោះជាយ៉ាងណា យើងរកឃើញថា វីដេអូនេះត្រូវបានកាត់ត។

ការអះអាងមិនត្រឹមត្រូវថា រូបថតបុរសនារីខ្មែរជំនាន់បារាំងជារូបថតទុំទាវ

July 27, 2024August 5, 2024Jay UdomLeave a Comment

“ទុំទាវ” គឺជាប្រលោមលោកដ៏ល្បីល្បាញរបស់កម្ពុជាដែលដូចនឹងរឿង “រ៉ូមេអូ ជូលីយ៉េត”របស់ពួកអឺរ៉ុបដែរ។ ទន្ទឹមគ្នានេះ ការអះអាងដ៏ផុលផុសមួយនៅលើបណ្ដាញសង្គម បាននិយាយថា រូបថតសខ្មៅពីរសន្លឹកដែលបង្ហាញបុរសម្នាក់ និងនារីម្នាក់ គឺជារូបថតនេនទុំ និងនាងទាវ ដែលជាតួអង្គដ៏សំខាន់នៃប្រលោមលោកមនោសញ្ចេតនា “ទុំទាវ”។ ការអះអាងនេះ ត្រូវបានចែករំលែកព្រោងព្រាតនៅលើបណ្ដញាសង្គម និងមានការបញ្ចេញមតិចម្រុះបែបពីអ្នកប្រើប្រាស់ហ្វេសប៊ុកនិយាយភាសាខ្មែរ។ ទោះជាយ៉ាងណា យើងរកឃើញថា ការអះអាងនេះមិនត្រឹមត្រូវនោះឡើយ។ ការអះអាងលើបណ្ដាញសង្គម ការអះអាងដ៏ផុលផុសមួយនៅលើបណ្ដាញសង្គម បានលើកឡើងថា រូបថតសខ្មៅនៃបុរសម្នាក់ និងស្ត្រីម្នាក់ គឺជានាង ទាវ និងនេន ទុំ តួអង្គសំខាន់នៃរឿងទុំទាវ ដែលជាប្រលោមលោកនបែបប្រវត្តិសាស្ត្រដ៏ល្បីល្បាញរបស់កម្ពុជា។ ការអះអាងនេះ ត្រូវបានចែករំលែកបន្តព្រោងព្រាតនៅលើបណ្ដាញសង្គម និងប្រតិកម្មយ៉ាងច្រើនពីសំណាក់អ្នកប្រើប្រាស់បណ្ដាញសង្គមនិយាយភាសាខ្មែរ ក្នុងនោះក៏មានអ្នកប្រើប្រាស់ហ្វេសប៊ុកកម្ពុជាជាច្រើនជឿថាជាការពិត។ ខាងក្រោមនេះ គឺជារូបភាពផ្ដាមចេញពីការអះអាងនៅលើបណ្ដាញសង្គមកាលពីថ្ងៃទី១៤ ខែកក្កដា ឆ្នាំ២០២៤ ដែលសរសេររៀបរាប់ថា “រូបភាពដ៏កម្រ នេនទុំ នាងទាវ ជើងខាលត្បូងឃ្មុំ ជួយស៊ែរចែករំលែក”។ Facebook Post | Archived រូបថតដូចគ្នានេះ ក៏ត្រូវបានបង្ហោះនៅលើបណ្ដាញសង្គមដោយអ្នកប្រើប្រាស់ហ្វេសប៊ុកដទៃទៀតដែរ ដែលនាំឱ្យមានការចែករំលែកបន្តរហូតដល់រាប់ពាន់ដង និងការបញ្ចេញមតិយ៉ាងច្រើនផងដែរ។ ខាងក្រោមនេះ គឺជារូបភាពផ្ដាមចេញពីការបង្ហោះរូបថតនេះនៅក្នុងក្រុមបណ្ដាញសង្គមហ្វេសប៊ុកកាលពីថ្ងៃទី១៥ ខែកក្កដា […]

រូបថតការដ្ឋានសាងសង់ផ្លូវបេតុងនៅថៃបង្កឱ្យមានការភាន់ច្រឡំក្នុងចំណោមសាធារណជនកម្ពុជា

July 25, 2024July 29, 2024Jay UdomLeave a Comment

ខណៈដែលគុណភាពសំណង់សាធារណៈតែងតែរងការរិះគន់ពីមហាជនជាច្រើនឆ្នាំមកហើយនោះ រូបថតការដ្ឋានសំណង់បេតុងមួយដែលគ្មានរែងដែក ត្រូវបានបង្ហោះនៅលើបណ្ដាញសង្គមក្នុងន័យថា ការដ្ឋានសាងសង់ផ្លូវនេះស្ថិតនៅក្នុងប្រទេសកម្ពុជា។ រដ្ឋាភិបាលទទួលរងការរិះគន់បន្ថែមទៀត បន្ទាប់ពីរូបថតនេះត្រូវបានបង្ហោះព្រោងព្រាតលើបណ្ដាញសង្គម។ ទោះជាយ៉ាងណា យើងរកឃើញថា រូបភាពនេះមិនត្រឹមត្រូវនោះឡើយ។ ការអះអាងលើបណ្ដាញសង្គម រូបថតដែលបង្ហាញការសាងសង់ផ្លូវចាក់បេតុងមួយ ត្រូវបានបង្ហោះនៅលើបណ្ដាញសង្គមនៅដើមខែនេះជាមួយសំណេរក្នុងន័យថា វាជាការសាងសង់ផ្លូវបេតុងមួយដោយពុំមានដាក់ដែកបង្កប់នៅក្នុងល្បាយបេតុងនៅក្នុងប្រទេសកម្ពុជា។ ព័ត៌មាននេះត្រូវបានចែករំលែកយ៉ាងព្រោងព្រាតពីសំណាក់អ្នកប្រើប្រាស់ហ្វេសប៊ុកនិយាយភាសាខ្មែរ ព្រមទាំងការបញ្ចេញប្រតិកម្មចម្រុះបែប និងមតិយោបល់រិះគន់ដ៏ច្រើន ដែលជឿថា ដំណើរការសាងសង់ផ្លូវបេតុងមួយខ្សែនេះពិតជាកើតឡើងនៅកម្ពុជាមែន។ ខាងក្រោមនេះ គឺជារូបភាពផ្ដាមចេញសំណេរនៅផ្សព្វផ្សាយនៅលើបណ្ដាញសង្គមនៅថ្ងៃទី០៥ ខែកក្កដា ឆ្នាំ២០២៤ ដែលសរសេររៀបរាប់ថា “ចាក់សិន ចាំគាស់ដាក់ដែកតាមក្រោយ ឬយ៉ាងណា?”។ Facebook Post | Archived រូបថតដូចគ្នានេះ ក៏ត្រូវបានបង្ហោះនៅលើបណ្ដាញសង្គមដោយអ្នកប្រើប្រាស់ហ្វេសប៊ុកដទៃទៀតដែរ ដែលនាំឱ្យមានការចែករំលែកបន្តរហូតដល់រាប់សិបដង។ ខាងក្រោមនេះ គឺជារូបភាពផ្ដាមចេញពីការបង្ហោះរូបថតនេះនៅក្នុងក្រុមបណ្ដាញសង្គមហ្វេសប៊ុកកាលពីថ្ងៃទី០៦ ខែកក្កដា ឆ្នាំ២០២៤ ដែលសរសេររៀបរាប់ថា “ចាក់សិន ចាំគាស់ដាក់ដែកតាមក្រោយ ឬយ៉ាងណា? ដឹងស្រុកណាទេលោកអើយ?”។ Facebook Post | Archived Link Facebook Post | Archived Link រូបថតដូចគ្នានេះ ត្រូវបានបង្ហោះនៅលើបណ្ដាញសង្គមដោយអ្នកប្រើប្រាស់ហ្វេសប៊ុកដទៃទៀតដែរ។ គេអាចមើលរូបថតដូចគ្នានេះតាមរយៈតំណភ្ជាប់នៅទីនេះ […]

រូបភាពបុរសម្នាក់គូរូបសកម្មជនបរិស្ថាន គឺជារូបភាពបង្កើតពីកម្មវិធីទូរស័ព្ទដៃ

July 25, 2024July 25, 2024Jay UdomLeave a Comment

បន្ទាប់ពីសកម្មជនការពារបរិស្ថាន ៥រូប ត្រូវបានសមត្ថកិច្ចចាប់ខ្លួននៅដើមខែកក្កដានេះ រូបភាពបុរសម្នាក់គូរូបសកម្មជនទាំងនោះ ត្រូវបានបង្ហោះនៅលើបណ្ដាញសង្គម។ រូបភាពនោះ ត្រូវបានចែករំលែកព្រោងព្រាតលើបណ្ដាញសង្គម និងមានការបញ្ចេញមតិជាច្រើនពីសំណាក់អ្នកប្រើប្រាស់បណ្ដាញសង្គម ក្នុងនោះមានមួយចំនួនជឿថា ជាការពិត។ ទោះជាយ៉ាងណា យើងរកឃើញថា រូបភាពនេះមិនត្រឹមត្រូវនោះឡើយ។ ការអះអាងលើបណ្ដាញសង្គម រូបថតបុរសម្នាក់គូរូបសកម្មជនបរិស្ថានកម្ពុជា ៤នាក់ដែលត្រូវសមត្ថកិច្ចចាប់ដាក់ឃុំនោះ ត្រូវបានគេបង្ហោះព្រោងព្រាតនៅលើបណ្ដាញសង្គមក្នុងន័យថា ពិតជាមានបុរសម្នាក់គូរូបសកម្មជនបរិស្ថានទាំង ៤រូបនោះ។ ព័ត៌មាននេះត្រូវបានចែករំលែកយ៉ាងព្រោងព្រាតពីសំណាក់អ្នកប្រើប្រាស់ហ្វេសប៊ុកនិយាយភាសាខ្មែរ ព្រមទាំងការបញ្ចេញប្រតិកម្មចម្រុះបែប និងមតិយោបល់ដ៏ច្រើន ដែលជឿថា រូបថតនេះជាការពិត។ ខាងក្រោមនេះ គឺជារូបភាពផ្ដាមចេញពីព័ត៌មានទាំងស្រុងផ្សព្វផ្សាយលើបណ្ដាញសង្គមនៅថ្ងៃទី១១ ខែកក្កដា ឆ្នាំ២០២៤ ដែលសរសេររៀបរាប់ថា “អ្នកក្លាហានក្នុងដួងចិត្តកម្ពុជា សុខចិត្តស្លាប់ខ្លួនកុំឱ្យតែស្លាប់ជាតិ មានមនសិការខ្ពស់ មានឧត្ដមគតិស្នេហាជាតិ មានបេះដូងធំទូលាយប៉ុនជាតិ”។ Facebook Post | Archived រូបថតដូចគ្នានេះ ក៏ត្រូវបានបង្ហោះនៅលើបណ្ដាញសង្គមដោយអ្នកប្រើប្រាស់ហ្វេសប៊ុកដទៃទៀតដែរ ដែលនាំឱ្យមានការចែករំលែកបន្តរហូតដល់រាប់សិបពាន់ដង។ ខាងក្រោមនេះ គឺជារូបភាពផ្ដាមចេញពីការបង្ហោះរូបថតនេះនៅក្នុងក្រុមបណ្ដាញសង្គមហ្វេសប៊ុកកាលពីថ្ងៃទី១៨ ខែកក្កដា ឆ្នាំ២០២៤ ដែលសរសេររៀបរាប់ថា “វីរៈបុរសព្រៃឈើក្នុងបេះដូងកម្ពុជា”។ Facebook Post | Archived Link ការត្រួតពិនិត្យការពិត Fact Crescendo […]

ព័ត៌មានក្លែងក្លាយផ្សាយថា គេរកឃើញបំណែកឧទ្ធម្ភាគចក្រដែលបាត់ខ្លួន

July 14, 2024July 15, 2024Jay UdomLeave a Comment

ព័ត៌មានដ៏ផុសផុលនៅលើបណ្ដាញសង្គម បានផ្សព្វផ្សាយព្រោងព្រាតថា គេបានរកឃើញបំណែកឧទ្ធម្ភាគចក្រនេះហើយនៅថ្ងៃអាទិត្យនេះ។ ព័ត៌មាននេះ ត្រូវបានចែករំលែកព្រោងព្រាតលើបណ្ដាញសង្គម និងមានការបញ្ចេញមតិជាច្រើនពីសំណាក់អ្នកប្រើប្រាស់បណ្ដាញសង្គម ក្នុងនោះមានមួយចំនួនជឿថា ជាការពិត។ ទោះជាយ៉ាងណា យើងរកឃើញថា ព័ត៌មាននេះមិនត្រឹមត្រូវនោះឡើយ។

ព័ត៌មានបោកបញ្ឆោតប្រកាសថា Apple ចែកទូរស័ព្ទថ្មីមានស្នាមឆ្កូតរាប់រយគ្រឿង

July 8, 2024July 14, 2024Jay UdomLeave a Comment

ព័ត៌មានដ៏ផុសផុលនៅលើបណ្ដាញសង្គមប៉ុន្មានថ្ងៃនេះ បាននិយាយថា ក្រុមហ៊ុន Apple ចែកទូរស័ព្ទ iPhone ចំនួន ៧៥០គ្រឿងដោយសារតែទូរស័ព្ទទាំងនោះមានស្នាមឆ្កូតតិចតួចមិនអាចដាក់លក់នៅលើទីផ្សារបាន។ ព័ត៌មាននេះត្រូវបានចែករំលែកព្រោងព្រាតលើបណ្ដាញសង្គម ហើយអូសទាញអ្នកប្រើប្រាស់ហ្វេសប៊ុកយ៉ាងច្រើនសន្ធឹកសន្ធាប់ឱ្យចូលរួមតាមព័ត៌មាននេះ។ ទោះជាយ៉ាងណា បន្ទាប់ពីផ្ទៀងផ្ទាត់ព័ត៌មានលម្អិត យើងរកឃើញថា ការផ្សព្វផ្សាយខាងលើនេះ មិនត្រឹមត្រូវនោះឡើយ។

សារព័ត៌មានថៃចោទថា ខ្មែរបន្លំខ្លួនធ្វើជាថៃបង្កភាពរញ៉េរញ៉ៃក្នុងផ្សារទំនើបមួយនៅតៃវ៉ាន់

July 4, 2024July 5, 2024Jay UdomLeave a Comment

កាលពីចុងសប្ដាហ៍កន្លងមកនេះ ព័ត៌មានតៃវ៉ាន់ បានចុះផ្សាយថា នារីថៃម្នាក់ស្លៀកពាក់ឈុតខ្លីពណ៌ផ្កាឈូក បានបង្កភាពរញ៉េរញ៉ៃនៅក្នុងផ្សារទំនើបមួយនៅកោះតៃវ៉ាន់។ បន្ទាប់ពីព័ត៌មាននេះផ្ទុះនៅលើបណ្ដាញសង្គម ប្រព័ន្ធផ្សព្វផ្សាយ និងបណ្ដាញសង្គមថៃ បាននិយាយថា នារីនោះមិនមែនជាជនជាតិថៃទេ អាចជាជនជាតិខ្មែរបន្លំខ្លួនជាថៃ។ ព័ត៌មាននេះ បានជំរុញឱ្យមានប្រតិកម្មនៅក្នុងចំណោមអ្នកប្រើប្រាស់បណ្ដាញសង្គមកម្ពុជា។ ទោះជាយ៉ាងណា បន្ទាប់ពីផ្ទៀងផ្ទាត់ព័ត៌មានលម្អិត យើងរកឃើញថា ការផ្សព្វផ្សាយព័ត៌មានខាងលើនេះ មិនត្រឹមត្រូវនោះឡើយ។

ផ្សារម៉ាក្រូច្រានចោលការផ្សព្វផ្សាយថា ក្រុមហ៊ុនផ្ដល់រង្វាន់ដ៏ច្រើនដល់អតិថិជននៅដើមខែនេះ

July 3, 2024July 9, 2024Jay UdomLeave a Comment

ខណៈដែលបណ្ដាញសង្គមក្លាយទៅជាកន្លែងចែករំលែកព័ត៌មាន និងការលក់ដូរទំនិញនោះ ការផ្សព្វផ្សាយដ៏ផុសផុលនៅលើបណ្ដាញសង្គមប៉ុន្មានថ្ងៃនេះ បាននិយាយថា ផ្សារម៉ាក្រូនៅកម្ពុជាផ្ដល់រង្វាន់មានតម្លៃដ៏ច្រើនទៅដល់អតិថិជនរាប់រយនាក់សម្រាប់ឱកាសគម្រប់ខួបរបស់ផ្សារនេះនៅកម្ពុជា។ ការផ្សព្វផ្សាយនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា បន្ទាប់ពីផ្ទៀងផ្ទាត់ព័ត៌មានលម្អិត យើងរកឃើញថា ការផ្សព្វផ្សាយខាងលើនេះ មិនត្រឹមត្រូវនោះឡើយ។

ផលិតផលមួយត្រូវបានផ្សាយដោយបំផ្លើសថា វាអាចព្យាបាលជំងឺទឹកនោមផ្អែមដោយខ្លួនឯង

June 30, 2024July 9, 2024Jay UdomLeave a Comment

ខណៈដែលបណ្ដាញសង្គមហ្វេសប៊ុក គឺជាផ្សារអនឡាញដែលត្រូវបានប្រើសម្រាប់លក់ និងទិញទំនិញនាពេលសព្វថ្ងៃនេះ ការផ្សព្វផ្សាយព្រោងព្រាតថា ផលិតផល Hypoly អាចព្យាបាលជំងឺទឹកនោមផ្អែមបានដោយមិនចាំបាច់ប្រើប្រាស់ឱសថតាមការណែនាំរបស់គ្រូពេទ្យឯកទេសឡើយ។ ការផ្សព្វផ្សាយនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា បន្ទាប់ពីផ្ទៀងផ្ទាត់ព័ត៌មានលម្អិត យើងរកឃើញថា ការផ្សព្វផ្សាយលក់ផលិតផលខាងលើនេះ មិនត្រឹមត្រូវនោះឡើយ។

ព័ត៌មានមិនពិតថា ឃាតករពីរនាក់ប្រឈមមុខជាប់គុកមិនស្មើភាពគ្នាក្រោមបទចោទឃាតកម្មដូចគ្នា

June 29, 2024July 1, 2024Jay UdomLeave a Comment

ព័ត៌មានដ៏ផុសផុលមួយផ្សាយថា បុរសសម្លាប់ស្ត្រីជាម្ចាស់បំណុលម្នាក់ ត្រូវបានតុលាការខេត្តកាត់ទោសឱ្យជាប់គុកមួយជីវិត ប៉ុន្តែ ជនដៃដល់ ស្រី ស៊ីណា ត្រូវបានតុលាការសម្រេចឱ្យជាប់គុកពី ១០ ទៅ ១៥ឆ្នាំ។ ព័ត៌មាននេះ ត្រូវបានចែករំលែកព្រោងព្រាតលើបណ្ដាញសង្គម ដែលនាំឱ្យមហាជនរិះគន់ទៅលើប្រព័ន្ធតុលាការកម្ពុជា។ ទោះជាយ៉ាងណា បន្ទាប់ពីពិនិត្យមើលប្រភពនានា យើងរកឃើញថា ព័ត៌មាននេះមិនត្រឹមត្រូវនោះឡើយ។

ពាណិជ្ជកម្មបោកបញ្ឆោតផ្សព្វផ្សាយថា ផលិតផល JBL លក់បញ្ចុះតម្លៃដល់៦០ភាគរយ

June 27, 2024June 28, 2024Jay UdomLeave a Comment

ថ្មីៗនេះ ហាងលក់រាយផលិតផល JBL នៅកម្ពុជា បានប្រកាសបញ្ចុះតម្លៃផលិតផលយីហោ JBL ជាច្រើនមុខ។ ទន្ទឹមគ្នានេះ មានការផ្សាយពាណិជ្ជកម្មលើបណ្ដាញសង្គមថា ផលិតផល JBL មួយចំនួន ត្រូវបានដាក់លក់បញ្ចុះតម្លៃរហូតដល់ ៦០ភាគរយឯណោះ។ ការផ្សាយពាណិជ្ជកម្មបែបនេះ ត្រូវបានចែករំលែកជាច្រើនលើបណ្ដាញសង្គម។ ទោះជាយ៉ាងណា យើងបានរកឃើញថា ការផ្សព្វផ្សាយពាណិជ្ជកម្មនេះ មិនមែនជាការពិត គ្រាន់តែជាការបោកបញ្ឆោតតែប៉ុណ្ណោះ។

រូបថតកាត់តអតីតឧកញ៉ាម្នាក់ឈរជ្រែងហោប៉ៅមុខពន្ធនាគារកំពុងផ្ទុះនៅលើបណ្ដាញសង្គម

June 25, 2024June 28, 2024Jay UdomLeave a Comment

បន្ទាប់ពីតុលាការសម្រេចចោទប្រកាន់ និងបញ្ជាឱ្យឃុំខ្លួនខ្មាន់កាំភ្លើងម្នាក់ដែលបានបាញ់សម្លាប់គូស្នេហ៍វ័យក្មេងមួយគូ និងមនុស្ស ២នាក់ទៀតនៅឯខណ្ឌច្បារអំពៅកាលពីសប្ដាហ៍មុននោះ ថ្មីៗនេះ រូបថតមួយសន្លឹកដែលបង្ហាញអតីតឧកញ៉ារូបនោះឈរជ្រែងហោប៉ៅដោយដៃគ្មានជាប់ខ្នោះនោះ ត្រូវបានគេបង្ហោះព្រោងព្រាតនៅលើបណ្ដាញសង្គម។ ការបង្ហោះរូបនេះនៅលើបណ្ដាញសង្គមនាំឱ្យមានការរិះគន់ទៅលើរបៀបនៃការអនុវត្តរបស់សមត្ថកិច្ចទៅលើខ្មាន់កាំភ្លើងរូបនេះ។ ទោះជាយ៉ាងណា Fact Crescendo Cambodia រកឃើញថា រូបភាពនោះត្រូវបានកាត់ត។

ទឹកស្ទឹងសង្កែប្រែពណ៌នាំឱ្យមានការចោទសួរអំពីការលេចធ្លាយសំណល់រាវចូលស្ទឹងជាថ្មី

June 24, 2024June 25, 2024Jay UdomLeave a Comment

កាលពីសប្ដាហ៍មុន អ្នកសារព័ត៌មាននៅក្នុងខេត្តបាត់ដំបង បានរាយការណ៍ថា ទឹកស្ទឹងសង្កែបានប្រែពណ៌ទៅជាបៃតងខុសពីធម្មតាដោយសារតែការបង្ហូរកាក់សំណល់រាវពីរោងចក្រមួយចូលទៅក្នុងទឹកស្ទឹង ប៉ុន្តែ ក្រុមមន្ត្រីអះអាងថា ទឹកស្ទឹងប្រែពណ៌ដូច្នេះ បណ្ដាលពីការកកើតស្លែ។

ព័ត៌មានក្លែងក្លាយថា ធនាគារ ABA ក្ស័យធន កំពុងផ្ទុះលើបណ្ដាញសង្គម

June 15, 2024June 20, 2024Jay UdomLeave a Comment

ព័ត៌មានល្បីផុសផុលលើបណ្ដាញសង្គម បានផ្សព្វផ្សាយថា ធនាគារ ABA បានក្ស័យធនហើយ ហើយបានជំរុញអតិថិជនឱ្យទៅដកលុយចេញពីធនាគារមួយនេះ។ ព័ត៌មាននេះ ត្រូវបានចែករំលែកព្រោងព្រាតលើបណ្ដាញសង្គម និងមានការបញ្ចេញមតិជាច្រើនពីសំណាក់អ្នកប្រើប្រាស់បណ្ដាញសង្គម ក្នុងនោះមានមួយចំនួនជឿថា ជាការពិត។ ទោះជាយ៉ាងណា យើងរកឃើញថា ព័ត៌មាននេះមិនត្រឹមត្រូវនោះឡើយ។

ក្រុមបោកបញ្ឆោតអនឡាញផ្សព្វផ្សាយថា Apple លក់បញ្ចុះតម្លៃដ៏ធំសម្រាប់កាសស្ដាប់

June 8, 2024June 17, 2024Jay UdomLeave a Comment

ខណៈដែលបណ្ដាញសង្គមបានក្លាយជាកន្លែងផ្សព្វផ្សាយពាណិជ្ជកម្មទំនើបនោះ ទំព័រហ្វេសប៊ុកមួយចំនួន បានផ្សព្វផ្សាយថា ក្រុមហ៊ុន Apple បានដាក់លក់បញ្ចុះតម្លៃដ៏ច្រើនសម្រាប់ផលិតផលមួយចំនួនក្នុងឱកាសខួប ៥០ឆ្នាំរបស់ក្រុមហ៊ុន។ ការផ្សព្វផ្សាយបែបនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា យើងរកឃើញថា ការផ្សព្វផ្សាយលក់បញ្ចុះតម្លៃនោះ មិនមែនជាការពិតនោះឡើយ។

រូបមេបក្សប្រឆាំងកាន់ទង់តំណាងក្រុមម៉ុងតាញ៉ាជារូបភាពកាត់តតែប៉ុណ្ណោះ

May 27, 2024July 12, 2024Jay UdomLeave a Comment

បន្ទាប់ពីមេដឹកនាំបក្សប្រឆាំងចាស់វស្សា លោក សម រង្ស៊ី និយាយរិះគន់គម្រោងព្រែកជីកហ្វូនណនតេជោដែលផ្ដួចផ្ដើមដោយរដ្ឋាភិបាលរបស់បក្សកាន់អំណាចនោះមក រូបថតមួយសន្លឹកដែលបង្ហាញមេបក្សប្រឆាំងរូបនេះកាន់ទង់តំណាងក្រុមជនជាតិភាគតិចម៉ុងតាញ៉ា ត្រូវបានគេបង្ហោះលើបណ្ដាញសង្គម។ រូបភាពនេះ ត្រូវបានចែករំលែកបន្តជាច្រើនដងទៅកាន់ក្រុមបណ្ដាញសង្គមនានា។ ទោះជាយ៉ាងណា យើងបានរកឃើញថា រូបថតនេះត្រូវបានកាត់ត។

សារព័ត៌មានកម្ពុជាប្រើរូបថតចាស់ចុះផ្សាយក្នុងព័ត៌មានអំពីការធ្លាក់ឧទ្ធម្ភាគចក្រសម្លាប់មេដឹកនាំអ៊ីរ៉ង់

May 25, 2024May 25, 2024Jay UdomLeave a Comment

បន្ទាប់ពីហេតុការណ៍ធ្លាក់ឧទ្ធម្ភាគចក្រដែលបានសម្លាប់មេដឹកនាំអ៊ីរ៉ង់កាលពីចុងសប្ដាហ៍កន្លងមកនេះ
វីដេអូមួយត្រូវបានគេបង្ហោះលើបណ្ដាញសង្គមជាមួយការអះអាងថា
វាជាហេតុការណ៍ធ្លាក់ឧទ្ធម្ភាគចក្រដែលបានសម្លាប់មេដឹកនាំអ៊ីរ៉ង់។ វីដេអូឃ្លីបនេះ
ត្រូវបានចែករំលែកតៗគ្នាជាច្រើនដងនៅក្នុងរយៈពេលប៉ុន្មានថ្ងៃមកនេះ។ ទោះជាយ៉ាងណា
យើងបានរកឃើញថា ការផ្សព្វផ្សាយនេះមិនត្រឹមត្រូវនោះឡើយ។

វីដេអូឧទ្ធម្ភាគចក្រធ្លាក់កាលពីពីរឆ្នាំមុន ត្រូវបានភ្ជាប់ថាជាហេតុការណ៍កើតនៅអ៊ីរ៉ង់

May 24, 2024May 27, 2024Jay UdomLeave a Comment

បន្ទាប់ពីហេតុការណ៍ធ្លាក់ឧទ្ធម្ភាគចក្រដែលបានសម្លាប់មេដឹកនាំអ៊ីរ៉ង់កាលពីចុងសប្ដាហ៍កន្លងមកនេះ វីដេអូមួយត្រូវបានគេបង្ហោះលើបណ្ដាញសង្គមជាមួយការអះអាងថា វាជាហេតុការណ៍ធ្លាក់ឧទ្ធម្ភាគចក្រដែលបានសម្លាប់មេដឹកនាំអ៊ីរ៉ង់។ វីដេអូឃ្លីបនេះ ត្រូវបានចែករំលែកតៗគ្នាជាច្រើនដងនៅក្នុងរយៈពេលប៉ុន្មានថ្ងៃមកនេះ។ ទោះជាយ៉ាងណា យើងបានរកឃើញថា ការផ្សព្វផ្សាយនេះមិនត្រឹមត្រូវនោះឡើយ។

ប្រេងពង្រីកសុដន់មួយប្រភេទត្រូវបានផ្សព្វផ្សាយលក់ជាមួយព័ត៌មានហួសការពិត

May 21, 2024May 22, 2024Jay UdomLeave a Comment

ផលិតផលពង្រីកសុដន់មួយប្រភេទ ត្រូវបានគេផ្សព្វផ្សាយលក់ព្រោងព្រាតលើបណ្ដាញសង្គមជាមួយការអះអាងថា ផលិតផលនេះអាចការពារជំងឺមហារីកសុដន់ផងដែរ។ ការផ្សព្វផ្សាយលក់ផលិតផលថែរក្សាសម្រស់មួយប្រភេទនេះ ត្រូវបានចែករំលែកបន្តយ៉ាងផុសផុលពីសំណាក់អ្នកប្រើប្រាស់បណ្ដាញសង្គម។ ទោះជាយ៉ាងណា យើងបានរកឃើញថា ការផ្សព្វផ្សាយនេះមិនត្រឹមត្រូវនោះឡើយ។

ទំព័រហ្វេសប៊ុកក្លែងក្លាយមួយចំនួនប្រើផលិតផល Dior ដើម្បីប្រព្រឹត្តការឆបោកតាមអនឡាញ

May 16, 2024May 22, 2024Jay UdomLeave a Comment

ថ្មីៗនេះ ទំព័រហ្វេសប៊ុកមួយចំនួន បានផ្សាយថា ផ្សារទំនើបអ៊ីអនមានជ័យ បានបញ្ចុះតម្លៃយ៉ាងធំសម្រាប់ផលិតផល Dior ដោយគ្រាន់តែចុចទៅលើតំណភ្ជាប់មួយចំនួន។ ការផ្សាព្វផ្សាយនេះ ត្រូវបានបង្ហោះលើបណ្ដាញសង្គមជាច្រើនខែមកហើយ ហើយត្រូវបានចែករំលែកបន្តជាច្រើន។ ទោះជាយ៉ាងណា យើងរកឃើញថា ការផ្សព្វផ្សាយពាណិជ្ជកម្មទាំងនោះ គឺជាវិធីឆបោកលើអនឡាញ។

វីដេអូចាស់ពិធីបុណ្យខួបនៃការកកើតស្រុកប្រាសាទ ត្រូវបានបង្ហោះលើបណ្ដាញសង្គមដោយមិនត្រឹមត្រូវ

May 10, 2024May 15, 2024Jay UdomLeave a Comment

ថ្មីៗនេះ វីដេអូមួយដែលបង្ហាញពីក្បួនដង្ហែដ៏វែងមួយនៅខេត្តសុរិន្ទ្រ ត្រូវបានគេបង្ហោះនៅលើបណ្ដាញសង្គមជាមួយនឹងការអះអាងថា វាជាពិធីរំលឹកខួបនៃការបាត់បង់ទឹកដីស្រុកប្រាសាទទៅខាងប្រទេសថៃ ដែលរៀបចំធ្វើឡើងដោយប្រជាជនខ្មែរលើនៅខេត្តសុរិន្ទ្រ។ វីដេអូនៃការអះអាងនេះ ត្រូវបានចែករំលែកបន្តយ៉ាងផុសផុល ហើយមានអ្នកប្រើប្រាស់បណ្ដាញសង្គមជាច្រើន បានជឿថា ការអះអាងនេះពិតជាត្រឹមត្រូវ។ បន្ទាប់ពីត្រួតពិនិត្យ និងផ្ទៀងផ្ទាត់រួច យើងរកឃើញថា ការអះអាងនេះមិនត្រឹមត្រូវទេ។

វីដេអូចាស់អំពីស្ត្រីមានវិបត្តិផ្លូវចិត្តត្រូវបានបង្ហោះដោយមិនត្រឹមត្រូវលើបណ្ដាញសង្គម

May 1, 2024May 3, 2024Jay UdomLeave a Comment

ការអះអាងមួយនៅលើបណ្ដាញសង្គម បានផ្សព្វផ្សាយថា មានត្រីឆ្លាមជាច្រើនជាប់នៅក្នុងផ្សារទំនើបមួយនៃទីក្រុងឌូបៃ ក្រោយទឹកជំនន់ស្រកទៅវិញ។ ការអះអាងនេះ ត្រូវបានចែករំលែកបន្តយ៉ាងច្រើន ហើយក៏មានការបញ្ចេញមតិចម្រុះផងដែរ។ ទោះជាយ៉ាងណា បន្ទាប់ពីផ្ទៀងផ្ទាត់ទៅលើរូបភាពនេះ យើងរកឃើញថា ព័ត៌មាននេះមិនត្រឹមត្រូវនោះឡើយ។

រូបថតត្រីននៀលក្នុងផ្សារទំនើបត្រូវបានគេភ្ជាប់មិនត្រឹមត្រូវនឹងរឿងរ៉ាវទឹកជំនន់នៅឌូបៃ

April 23, 2024April 25, 2024Jay UdomLeave a Comment

បន្ទាប់ពីទីក្រុងឌូបៃរបស់ប្រទេសអារ៉ាប់រួមលិចលង់ដោយជំនន់ទឹកភ្លៀងនាពេលថ្មីៗនេះ ការអះអាងមួយនៅលើបណ្ដាញសង្គម បានផ្សព្វផ្សាយថា មានត្រីឆ្លាមជាច្រើនជាប់នៅក្នុងផ្សារទំនើបមួយនៃទីក្រុងឌូបៃ ក្រោយទឹកជំនន់ស្រកទៅវិញ។ ការអះអាងនេះ ត្រូវបានចែករំលែកបន្តយ៉ាងច្រើន ហើយក៏មានការបញ្ចេញមតិចម្រុះផងដែរ។ ទោះជាយ៉ាងណា បន្ទាប់ពីផ្ទៀងផ្ទាត់ទៅលើរូបភាពនេះ យើងរកឃើញថា ព័ត៌មាននេះមិនត្រឹមត្រូវនោះឡើយ។

ទង់ជាតិវៀតណាមនៅកណ្ដាលប្រទេសកម្ពុជា តើការពិតបែបណាវិញ?

April 7, 2024April 12, 2024Jay UdomLeave a Comment

ព័ត៌មានដ៏ផុសផុលមួយនៅថ្ងៃម្សិលមិញនេះ បានលើកឡើងថា វៀតណាមបានបង្ហាញឥទ្ធិពលរបស់ខ្លួនដល់កណ្ដាលប្រទេសកម្ពុជាហើយ បន្ទាប់ពីមានការតុបតែងទង់ជាតិវៀតណាមនៅក្នុងបរិវេណបញ្ជាការដ្ឋានយោធាមួយរបស់កម្ពុជា។ ព័ត៌មាននេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា យើងរកឃើញថា ព័ត៌មាននេះមិនត្រឹមត្រូវនោះឡើយ។

ព័ត៌មានចាស់អំពីបញ្ហាព្រំដែនកម្ពុជា-ថៃតំបន់ព្រះវិហារ ត្រូវបានបង្ហោះឡើងវិញលើបណ្ដាញសង្គម

April 3, 2024April 9, 2024Jay UdomLeave a Comment

ព័ត៌មានដែលផុសផុលនៅលើបណ្ដាញសង្គម បាននិយាយថា ទាហានថៃបានកាត់សោរច្រកទ្វារចូលប្រាសាទព្រះវិហារនៅខាងដីថៃ។ ព័ត៌មាននេះ ត្រូវបានចែករំលែកព្រោងព្រាតលើបណ្ដាញសង្គម ហើយអ្នកប្រើប្រាស់បណ្ដាញសង្គមកម្ពុជាជាច្រើន បានជឿទៅតាមព័ត៌មាននេះ។ ទោះជាយ៉ាងណា យើងរកឃើញថា ការបង្ហោះរូបភាពទាំងនេះលើបណ្ដាញសង្គម មិនត្រឹមត្រូវនោះឡើយ។

រូបភាពព្រះសង្ឃពីរអង្គថើបគ្នាគឺជារូបភាពផ្គុំឡើងដោយបច្ចេកវិទ្យាបញ្ញាសិប្បនិម្មិត

March 30, 2024March 31, 2024Jay UdomLeave a Comment

រូបភាពបីសន្លឹកដែលបង្ហាញព្រះសង្ឃពីរអង្គថើបគ្នានៅក្នុងបរិវេណវត្តអារាម ត្រូវបានបង្ហោះនៅលើបណ្ដាញសង្គមដែលនាំឱ្យអ្នកប្រើប្រាស់បណ្ដាញសង្គមជឿថាជារូបថតពិតជាក់ស្ដែង។ រូបភាពទាំងពីរសន្លឹកនេះ ត្រូវបានចែករំលែកព្រោងព្រាតលើបណ្ដាញសង្គម ហើយក៏ទទួលរងការរិះគន់ពីអ្នកគោរពប្រតិបត្តិព្រះពុទ្ធសាសនាផងដែរ។ ទោះជាយ៉ាងណា យើងរកឃើញថា ការបង្ហោះរូបភាពទាំងនេះលើបណ្ដាញសង្គម មិនត្រឹមត្រូវនោះឡើយ។

អ្នកប្រើប្រាស់បណ្ដាញសង្គមកម្ពុជាយល់ច្រឡំថា Gagan Malik ជាតួអង្គព្រះពុទ្ធក្នុងរឿងភាគ “ពុទ្ធប្រវត្តិ”

March 29, 2024March 30, 2024Jay UdomLeave a Comment

តារាសម្ដែងឥណ្ឌា លោក Gagan Malik ដែលជាតួសម្ដែងជាព្រះពុទ្ធនៅក្នុងខ្សែភាពយន្តនិយាយអំពីប្រវត្តិរបស់ព្រះពុទ្ធនោះ បានមកទស្សនាប្រាសាទអង្គរវត្តរបស់កម្ពុជាកាលពីសប្ដាហ៍មុន។ បន្ទាប់មក ក៏មានការអះអាងថា តារាសម្ដែងរូបនេះ គឺជាតួសម្ដែងជាព្រះពុទ្ធនៅក្នុងវីដេអូភាគរឿង “ពុទ្ធប្រវត្តិ” ដែលធ្លាប់ចាក់ផ្សាយតាមកញ្ចក់ទូរទស្សន៍ក្នុងស្រុក។ ការអះអាងនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា បន្ទាប់ពីផ្ទៀងផ្ទាត់រួច យើងរកឃើញថា ការអះអាងនេះ មិនត្រឹមត្រូវទេ។ ការអះអាងលើបណ្ដាញសង្គម ការអះអាងដ៏ផុសផុលនៅលើបណ្ដាញសង្គម បានលើកឡើងថា តារាភាពយន្តឥណ្ឌា លោក Gagan Malik គឺជាតួអង្គសនម្ដែងជាព្រះពុទ្ធនៅក្នុងខ្សែវីដេអូភាគពុទ្ធប្រវត្តិ ដែលត្រូវបានចាក់បញ្ចាំងតាមទូរទស្សន៍មួយនៅក្នុងប្រទេសកម្ពុជា។ ការអះអាងនេះ ត្រូវបានបង្ហោះព្រោងព្រាតនៅលើបណ្ដាញសង្គមហ្វេសប៊ុក និងត្រូវបានចែករំលែកបន្តយ៉ាងផុសផុល បន្ទាប់ពីតារាភាពយន្តឥណ្ឌារូបនេះ បានធ្វើដំណើរមកទស្សនាប្រាសាទអង្គរវត្តរបស់កម្ពុជាកាលពីសប្ដាហ៍មុន។ ការអះអាងនេះ ត្រូវបានបង្ហោះនៅលើបណ្ដាញសង្គមជាមួយរូបថតលោក Gagan Malik ថតរូបជាមួយសម្ដេចព្រះព្រហ្មរតនមុនី សិរីសុវណ្ណោ ពិន សែម និងរូបថត ២សន្លឹកដែលត្រូវបានផ្ដាមយកចេញពីវិដេអូភាគនិយាយអំពីពុទ្ធប្រវត្តិ។ ខាងក្រោមនេះ គឺជារូបភាពផ្ដាមចេញពីព័ត៌មានត្រូវបានផ្សព្វផ្សាយនៅលើបណ្ដាញសង្គមហ្វេសប៊ុកកាលពីថ្ងៃទី២០ ខែមីនា ឆ្នាំ២០២៤ ដែលសរសេរថា “តួសម្ដែងជាតួអង្គព្រះពុទ្ធបានអញ្ចើញមកដល់ដែនដីកម្ពុជាយើងហើយ”។ Facebook Post | Archived Link ព័ត៌មានដូចគ្នានេះ […]

ព័ត៌មានមិនត្រឹមត្រូវផ្សាយថា ក្រុមហ៊ុនអាមេរិកមួយលាបថ្នាំយន្តហោះរបស់ខ្លួនតាមពណ៌ទង់ខ្មែរកម្ពុជាក្រោម

March 19, 2024March 22, 2024Jay UdomLeave a Comment

ព័ត៌មានមួយដែលផុសផុលនៅលើបណ្ដាញសង្គម បានលើកឡើងថា ក្រុមហ៊ុនអាកាសចរណ៍អាមេរិកមួយ បានយល់ព្រមលាបពណ៌យន្តហោះរបស់ពួកគេដូចទៅនឹងពណ៌ទង់តំណាងពលរដ្ឋខ្មែរកម្ពុជាក្រោម។ ព័ត៌មាននេះ ត្រូវបានចែករំលែកបន្តព្រោងព្រាតលើបណ្ដាញសង្គម។ ទោះជាយ៉ាងណា Fact Crescendo Cambodia បានរកឃើញថា ព័ត៌មាននេះមិនត្រឹមត្រូវនោះឡើយ។

ស្វីសអនុម័តឱ្យមនុស្សប្រើប្រាស់ឧបករណ៍ធ្វើអត្តឃាតខ្លួនឯង តើជាការពិតឬទេ?

March 13, 2024March 13, 2024Jay UdomLeave a Comment

កាលពីប៉ុន្មានថ្ងៃមុននេះ សារព័ត៌មានក្នុងស្រុកមួយបានចុះផ្សាយថា ប្រទេសស្វីសបានអនុម័តឱ្យប្រើឧបករណ៍សម្រាប់មនុស្សធ្វើអត្តឃាតខ្លួនឯង។ ព័ត៌មាននេះ ត្រូវបានចែករំលែកព្រោងព្រាតលើបណ្ដាញសង្គមហ្វេសប៊ុក ដែលនាំឱ្យអ្នកប្រើប្រាស់ហ្វេសប៊ុកជាច្រើនជឿតាមព័ត៌មាននេះ។ ទោះជាយ៉ាងណា បន្ទាប់ពីពិនិត្យឡើងវិញនូវសេចក្ដីរាយការណ៍របស់សារព័ត៌មានអន្តរជាតិនានា យើងរកឃើញថា ព័ត៌មាននេះមិនត្រឹមត្រូវនោះឡើយ។

វីដេអូចាស់ស៊ូណាមិវាយប្រហារជប៉ុនកាលឆ្នាំ២០១១ ត្រូវបានអះអាងថា ទឹកជំនន់នៅឌូបៃ

March 9, 2024March 10, 2024Jay UdomLeave a Comment

ខណៈដែលទីក្រុងឌូបៃត្រូវលិចលង់ក្នុងទឹកជំនន់បង្កឡើងដោយភ្លៀងធ្លាក់ខ្លាំងក្លានោះ វីដេអូមួយដែលបង្ហាញរថយន្តជាច្រើនគ្រឿងអណ្ដែតតាមទឹកជំនន់នោះ ត្រូវបានគេបង្ហោះលើបណ្ដាញសង្គមជាមួយការអះអាងថា ជាហេតុការណ៍ទឹកជំនន់នៅទីក្រុងឌូបៃ។ ការអះអាងនេះ ត្រូវបានចែករំលែកបន្តព្រោងព្រាតលើបណ្ដាញសង្គមនាពេលថ្មីៗនេះ។ ទោះជាយ៉ាងណា យើងរកឃើញថា ការអះអាងនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម វីដេអូទឹកជំនន់វាយប្រហារទីក្រុងមួយ ត្រូវបានគេបង្ហោះលើបណ្ដាញសង្គមជាមួយសំណេររៀបរាប់ថា វាជាទឹកជំនន់វាយប្រហារទីក្រុងឌូបៃ ប្រទេសអារ៉ាប់រួម កាលពីថ្ងៃទី២៦ ខែកុម្ភៈ ឆ្នាំ២០២៤។ វីដេអូដែលភ្ជាប់ជាមួយសំណេរបែបនេះ ត្រូវបានចែករំលែកបន្តព្រោងព្រាតរហូតដល់រាប់ពាន់ដងពីសំណាក់អ្នកប្រើប្រាស់បណ្ដាញសង្គមហ្វេសប៊ុក ក្នុងនោះមានអ្នកប្រើប្រាស់ហ្វេសប៊ុកនិយាយភាសាខ្មែរជាច្រើន បានបញ្ចេញប្រតិកម្ម និងមតិយោបល់ទៅនឹងវីដេអូនេះ។ ខាងក្រោមនេះ គឺជាវីដេអូទាំងស្រុងដែលត្រូវបានបង្ហោះលើបណ្ដាញសង្គមហ្វេសប៊ុកកាលពីថ្ងៃទី២៦ ខែកុម្ភៈ ឆ្នាំ២០២៤ ជាមួយសំណេររៀបរាប់ថា “ទឹកជំនន់នៅទីក្រុងឌូបៃ”។ Facebook Post | Archived Link ការត្រួតពិនិត្យការពិត Fact Crescendo Cambodia បានចាប់ផ្ដើមត្រួតពិនិត្យ និងផ្ទៀងផ្ទាត់ទៅលើការអះអាងខាងលើនេះតាមរយៈការដំណើរការ Google Reverse Image Search ដែលនាំឱ្យយើងរកឃើញការពិតដូចខាងក្រោមនេះ។ តាមរយៈ Google Reverse Image Search យើងបានរកឃើញវីដេអូទឹកជំនន់នេះនៅលើបណ្ដាញ YouTube ដែលបង្ហោះដោយឆាណែល EURONEWS កាលពី […]

វីដេអូនៃហេតុការណ៍ផ្ទុះឃ្លាំងផ្ទុកសារធាតុគីមីនៅលីបង់៤ឆ្នាំមុន ត្រូវបានអះអាងដោយមិនត្រឹមត្រូវ

March 2, 2024March 2, 2024Jay UdomLeave a Comment

វីដេអូមួយបង្ហាញហេតុការណ៍ផ្ទុះដ៏ខ្លាំងក្លាយមួយ ត្រូវបានគេអះអាងថា វាជាហេតុការណ៍វាយប្រហារបណ្ដាលមកពីសង្គ្រាម។ វីដេអូជាមួយសំណេរបែបនេះ ត្រូវបានចែករំលែកជាច្រើនដងនៅលើបណ្ដាញសង្គម។ ទោះជាយ៉ាងណា យើងរកឃើញថា ការបង្ហោះវីដេអូនេះមិនត្រឹមត្រូវនោះឡើយ។

ការស្លាប់របស់បុរសម្នាក់នៅកោះកុងត្រូវបានផ្សព្វផ្សាយដោយមិនត្រឹមត្រូវនាំឱ្យយល់ច្រឡំ

February 29, 2024March 1, 2024Jay UdomLeave a Comment

ព័ត៌មានកំពុងល្បីផុសផុលលើបណ្ដាញសង្គម បាននិយាយថា បុរសម្នាក់នៅខេត្តកោះកុង ត្រូវបានគ្រឿងចក្រកិនស្លាប់ដោយសារតែការពារដីរបស់ខ្លួនឯងពីការរំលោភបំពានពីបុគ្គលមានអំណាចនៅក្នុងជម្លោះដីធ្លីមួយ។ ព័ត៌មាននេះត្រូវបានចែករំលែកព្រោងព្រាតលើបណ្ដាញសង្គម ដែលនាំឱ្យមហាជនរិះគន់ និងជេរប្រមាថករណីនេះ។ ទោះជាយ៉ាងណា យើងបានរកឃើញថា ព័ត៌មាននេះ ត្រូវបានផ្សព្វផ្សាយដោយមិនត្រឹមត្រូវ។

តើនេះគឺជាដំណើរការផលិតសាច់គោក្លែងក្លាយពីជ័រកៅស៊ូមែនឬទេ?

February 23, 2024February 24, 2024Jay UdomLeave a Comment

ខណៈដែលវីដេអូប្លែកៗជាច្រើន ត្រូវបានបង្ហោះនៅលើបណ្ដាញសង្គមនោះ វីដេអូមួយដែលបង្ហាញដំណើរការផលិតកម្មមួយ ត្រូវបានគេអះអាងថា វាជាដំណើរការផលិតសាច់គោក្លែងក្លាយ។ ការអះអាងនេះ ត្រូវបានចែករំលែកផុសផុលនៅលើបណ្ដាញសង្គម។ ទោះជាយ៉ាងណា យើងបានរកឃើញថា ការអះអាងនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម វីដេអូដំណើរការកែច្នៃផលិតផលមួយ ត្រូវបានគេបង្ហោះនៅលើបណ្ដាញសង្គមជាមួយការអះអាងថា វាជាការកែច្នៃសាច់គោចេញពីជ័រកៅស៊ូ ដែលបង្កហានិភ័យដល់សុខភាពរបស់អ្នកបរិភោគ។ វីដេអូមានរយៈពេល ៣៦វិនាទីនេះ ដែលមានការរៀបរាប់ដូចខាងលើនេះ ត្រូវបានចែករំលែកបន្តព្រោងព្រាតនៅលើបណ្ដាញសង្គម ហើយអ្នកប្រើប្រាស់ហ្វេសប៊ុកកម្ពុជាជាច្រើន បានបញ្ចេញប្រតិកម្ម និងមតិយោបល់ទៅនឹងការអះអាងនេះ ក្នុងនោះមានអ្នកប្រើប្រាស់ហ្វេសប៊ុកជាច្រើនជឿជាក់ទៅលើការអះអាងនេះ។ ខាងក្រោមនេះ គឺជាវីដេអូទាំងស្រុងដែលត្រូវបានបង្ហោះនៅលើបណ្ដាញសង្គមកាលពីថ្ងៃទី១៨ ខែកុម្ភៈ ឆ្នាំ២០២៤ ដោយសរសេររៀបរាប់ថា “ចប់ហើយសុខភាពខ្ញុំ គេធ្វើសាច់គោពីជ័រ”។ Facebook Post | Archived Link ការអះអាងដូចគ្នានេះ ក៏ត្រូវបានបង្ហោះនៅលើបណ្ដាញសង្គមដោយអ្នកប្រើប្រាស់ហ្វេសប៊ុកដទៃទៀតផងដែរ ដែលនាំឱ្យមានការចែករំលែកបន្តដ៏ច្រើន ហើយក៏មានប្រតិកម្ម និងមតិយោបល់ពីអ្នកប្រើប្រាស់បណ្ដាញសង្គមជាច្រើនដែរ។ ខាងក្រោមនេះ គឺជាវីដេអូទាំងស្រុងដែលត្រូវបានបង្ហោះដោយទំព័រហ្វេសប៊ុកមួយទៀតកាលពីថ្ងៃទី១៨ ខែកុម្ភៈ ឆ្នាំ២០២៤ ហើយត្រូវបានចែករំលែកបន្តរហូតដល់ជាង ៦៤០០ដង។ Facebook Post | Archived Link គេអាចរកមើលការអះអាងដូចគ្នានេះ ដែលត្រូវបានបង្ហោះនៅលើបណ្ដាញសង្គមតាមរយៈតំណភ្ជាប់មាននៅទីនេះ ១ […]

តារាភាពយន្តអាមេរិកដ៏ល្បីល្បាញ Arnold Schwarzenegger សម្ដែងធ្វើជាជនអនាថាដេកតាមផ្លូវ

February 18, 2024February 18, 2024Jay UdomLeave a Comment

កាលពីចុងខែមករាកន្លងមកនេះ រូបថតមួយសន្លឹករបស់តារាសម្ដែងភាពយន្តដ៏ល្បីរបស់អាមេរិក លោក Arnold Schwarzenegger គេងនៅមុខរូបចម្លាក់របស់លោក ត្រូវបានគេបង្ហោះនៅលើបណ្ដាញសង្គមជាមួយសំណេររៀបរាប់ថា អតីតអភិបាលរដ្ឋកាលីហ្វ័រញ៉ារូបនេះ សម្រេចចិត្តគេងបែបនេះ បន្ទាប់ពីបុគ្គលិកសណ្ឋាគារមួយបដិសេធផ្ដល់បន្ទប់ពិសេសដល់រូបលោក ដែលម្ចាស់សណ្ឋាគារនោះធ្លាប់សន្យាផ្ដល់ឱ្យលោកស្នាក់នៅដោយឥតគិតថ្លៃ។ ទោះជាយ៉ាងណា យើងរកឃើញថា ការអះអាងនេះមិនត្រឹមត្រូវនោះឡើយ។ ការអះអាងលើបណ្ដាញសង្គម អតីតមន្ត្រីក្រសួងព័ត៌មាន លោក ខៀវ កាញ៉ារីទ្ធ បានបង្ហោះរូបថតតារាភាពយន្តអាមេរិក លោក Arnold Schwarzenegger នៅលើបណ្ដាញសង្គមហ្វេសប៊ុកកាលពីខែមករាកន្លងមកនេះ ដោយសរសេររៀបរាប់ថា តារាភាពយន្តរូបនេះ បានគេងនៅមុខរូបចម្លាក់របស់លោក។ សំណេររបស់លោកបន្តថា អតីតអភិបាលរដ្ឋកាលីហ្វ័រញ៉ារូបនេះ បានសម្រេចគេងនៅចិញ្ចើមថ្នល់ក្បែររូបសំណាក់ទង់ដែងរបស់លោក បន្ទាប់ពីបុគ្គលិកសណ្ឋាគារដែលធ្លាប់សន្យាផ្ដល់បន្ទប់ឱ្យលោកស្នាក់នៅដោយឥតគិតថ្លៃនោះ បានបដិសេធរូបលោក។ រូបថត និងសំណេរបែបនេះ ត្រូវបានចែករំលែកបន្តយ៉ាងច្រើនរហូតដល់ជាង ៧ពាន់ដង ហើយមានអ្នកប្រើប្រាស់ហ្វេសប៊ុកនិយាយភាសាខ្មែរជាច្រើន បានបញ្ចេញប្រតិកម្ម និងមតិយោបល់ទៅនឹងសារមួយនេះ។ ខាងក្រោមនេះ គឺជារូបភាពផ្ដាមចេញពីការបង្ហោះនៅលើបណ្ដាញសង្គមរបស់លោក ខៀវ កាញ៉ារីទ្ធ កាលពីថ្ងៃទី២៦ ខែមករា ឆ្នាំ២០២៤។ Facebook Post | Archived Link ព័ត៌មាននេះ ក៏ត្រូវបានចុះផ្សាយដោយសារព័ត៌មានក្នុងស្រុកមួយផងដែរកាលពីចុងខែមករាកន្លងមកនេះ ប៉ុន្មានម៉ោងក្រោយពីលោក ខៀវ […]

វីដេអូផលិតកម្មដបកែវមួយត្រូវបានអះអាងថាជាដំណើរការផលិតអង្ករក្លែងក្លាយ

February 14, 2024February 14, 2024Jay UdomLeave a Comment

វីដេអូនៃដំណើរការផលិតកម្មកែច្នៃមួយនៅឯបរទេស ត្រូវបានអ្នកប្រើប្រាស់ហ្វេសប៊ុកកម្ពុជាអះអាងថា ជារោងចក្រផលិតអង្ករក្លែងក្លាយ។ វីដេអូជាមួយការអះអាងបែបនេះ ត្រូវបានចែករំលែកព្រោងព្រាតលើបណ្ដាញសង្គម ហើយទទួលបានប្រតិកម្ម និងមតិយោបល់ជាច្រើនពីអ្នកប្រើប្រាស់ហ្វេសប៊ុក។ ទោះជាយ៉ាងណា យើងបានរកឃើញថា ការអះអាងនេះមិនត្រឹមត្រូវនោះឡើយ។

តារាចម្រៀង ម៉េង កែវពេជ្ជតា និយាយរិះគន់ថ្នាក់ដឹកនាំប្រទេស តើជាការពិតឬទេ?

February 9, 2024February 11, 2024Jay UdomLeave a Comment

ខណៈដែលជម្លោះពាក្យសម្ដីនៅក្នុងចំណោមសិល្បករកម្ពុជាមួយចំនួន បានផ្ទុះឡើងនោះ វីដេអូមួយរបស់តារាចម្រៀង អ្នកស្រី ម៉េង កែវពេជ្ជតា ត្រូវបានគេបង្ហោះនៅលើបណ្ដាញសង្គមដោយសរសេររៀបរាប់ថា តារាចម្រៀងជើងចាស់រូបនេះនិយាយរិះគន់ថ្នាក់ដឹកនាំប្រទេស។ ទោះជាយ៉ាងណា យើងរកឃើញថា ការអះអាងនេះមិនត្រឹមត្រូវទេ។

អត្ថបទព័ត៌មានមួយរបស់ខេមបូឌា ដេលី ត្រូវបានគេកាត់តប្ដូរខ្លឹមសារនាំឱ្យយល់ច្រឡំ

February 3, 2024February 3, 2024Jay UdomLeave a Comment

ខណៈដែលការបោះឆ្នោតព្រឹទ្ធសភាខិតជិតចូលមកដល់ រូបភាពចំណងជើងអត្ថបទព័ត៌មានដែលនិយាយថា លោក សម រង្ស៊ី អំពាវនាវដល់អង្គបោះឆ្នោតឱ្យបោះឆ្នោតជូនបក្សកាន់អំណាចនោះ ត្រូវបានបង្ហោះនៅលើបណ្ដាញសង្គម និងចែករំលែកទៅកាន់ក្រុមបណ្ដាញសង្គមនានា។ ទោះជាយ៉ាងណា ក្រោយពីផ្ទៀងផ្ទាត់ទៅនឹងអត្ថបទដើម យើងរកឃើញថា ចំណងជើងអត្ថបទដូចដែលរៀបរាប់នេះ ត្រូវបានគេកាត់ត។

មេវិទ្យុអាស៊ីសេរីបង្ហាញមុខក្នុងកម្មវិធីផ្សាយក្រោយមានការអះអាងថាលោកលាចាកលោក

February 3, 2024February 3, 2024Jay UdomLeave a Comment

បន្ទាប់ពីបាត់មុខពីលោក ជុន ច័ន្ទបុត្រ បានបាត់មុខពីកម្មវិធីផ្សាយអស់រយៈពេលមួយខែមកនោះ ការអះអាងដ៏ផុសផុលមួយនៅលើបណ្ដាញសង្គម បានលើកឡើងថា នាយកការផ្សាយជាភាសាខ្មែរនៃវិទ្យុអាស៊ីសេរីរូបនេះ បានលាកចាកលោកហើយដោយសារជំងឺមហារីក។ ការអះអាងនេះ ត្រូវបានគេចែករំលែកបន្តព្រោងព្រាតនៅសប្ដាហ៍នេះ ហើយអ្នកប្រើប្រាស់ហ្វេសប៊ុកជាច្រើន បានចោទសួរថា តើព័ត៌មាននេះជាការពិតឬយ៉ាងណា។ ទោះជាយ៉ាងណា យើងរកឃើញថា ការអះអាងនេះ មិនត្រឹមត្រូវនោះឡើយ។