Misleading Archives - Fact Crescendo Cambodia | The leading fact-checking website in Cambodia

វីដេអូទឹកជំនន់កាលពីខែមុននៅក្រុង Bekasi ប្រទេសឥណ្ឌូនេស៊ី ត្រូវបានចែកចាយថាជាហេតុការណ៍ថ្មីៗ

April 23, 2025April 26, 2025Kakada SimLeave a Comment

វីដេអូឃ្លីបមួយ បង្ហាញទិដ្ឋភាពទឹកជំនន់ហូរចូលទៅក្នុងអគារមួយ ត្រូវបានអ្នកប្រើប្រាស់អះអាងជាភាសាខ្មែរថា នោះគឺជាទិដ្ឋភាពទឹកជំនន់បានកើតឡើងនៅក្នុងប្រទេសឥណ្ឌូនេស៊ី កាលពីថ្ងៃទី១៧ ខែមេសា ឆ្នាំ២០២៥។ វីដេអូជាមួយការអះអាងបែបនេះ ត្រូវបានចែកចាយជាច្រើនដងនៅលើបណ្ដាញសង្គមកម្ពុជា។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះ មិនត្រឹមត្រូវនោះឡើយ។

ព័ត៌មានក្លែងក្លាយថា រដ្ឋបាល Trump បន្ថយពន្ធគយសម្រាប់កម្ពុជាមកត្រឹម១០ភាគរយ

April 9, 2025April 26, 2025Kakada SimLeave a Comment

ព័ត៌មានមួយត្រូវបានបង្ហោះឡើង និងអះអាងថារដ្ឋបាលលោក Trump សម្រេចបន្ថយពន្ធគយសម្រាប់កម្ពុជាមកត្រឹម ១០% វិញ។ សំណេរជាមួយការអះអាងបែបនេះ ត្រូវបានចែកចាយយ៉ាងផុសផុលនៅលើបណ្ដាញសង្គម ដែលនាំឱ្យមានការចោទសួរពីភាពត្រឹមត្រូវនៃព័ត៌មានទាំងនេះ។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះ មិនត្រឹមត្រូវនោះឡើយ។

ប្រាសាទបុរាណខូចខាតដោយរញ្ជួយដីនៅ Mandalay ត្រូវបានច្រឡំថាជាចេតិយ Shwedagon

April 3, 2025April 26, 2025Kakada SimLeave a Comment

វីដេអូឃ្លីបមួយ បង្ហាញទិដ្ឋភាពនៃសំណង់ប្រាសាទបុរាណបាក់បែក ត្រូវបានបង្ហោះឡើង ដោយភ្ជាប់ទិដ្ឋភាពមុន និងក្រោយមានព្រឹត្តិការណ៌គ្រោះធម្មជាតិមួយនេះ។ អ្នកប្រើប្រាស់ប្រព័ន្ធផ្សព្វផ្សាយសង្គមជាច្រើន បានចែករំលែក និងប្រតិកម្មចំពោះការបង្ហោះខាងលើ។ ទោះជាយ៉ាងណាក៏ដោយ បន្ទាប់ពីធ្វើការផ្ទៀងផ្ទាត់ជាមួយ Google Reverse Image search យើងបានរកឃើញថា ការអះអាងនេះ ធ្វើឱ្យមានការយល់ច្រឡំ។

ព័ត៌មានអំពីលោក ស ខេង ជាមេដឹកនាំ «ចលនាជាតិតស៊ូ» គឺជាព័ត៌មានក្លែងក្លាយ

March 28, 2025March 29, 2025Kakada SimLeave a Comment

ថ្មីៗនេះ មានការផ្សព្វផ្សាយព្រោងព្រាតនៅលើបណ្ដាញសង្គមថា លោក ស ខេង អនុប្រធានគណបក្សប្រជាជនកម្ពុជា គឺជាមេដឹកនាំ «ចលនាជាតិតស៊ូ» នៅកម្ពុជា ដោយមានលោក សាយ ឈុំ ជាអនុប្រធាន និងលោក កែ គឹមយ៉ាន ជាប្រធានក្រុមជំនួយការ។ ព័ត៌មាននេះ ទទួលបានការចាប់អារម្មណ៌ និងប្រតិកម្មយ៉ាងផុសផុលពីសំណាក់អ្នកប្រើប្រាស់បណ្ដាញសង្គមហ្វេសប៊ុក។ ទោះជាយ៉ាងណា ការផ្ទៀងផ្ទាត់របស់ Fact Crescendo រកឃើញថា ព័ត៌មាននេះមិនត្រឹមត្រូវនោះឡើយ។

វីដេអូកាត់តបង្ហាញប្រធានាធិបតីអ៊ុយក្រែនរាំកម្សាន្តបែបស្រើបស្រាល

March 21, 2025March 21, 2025Kakada SimLeave a Comment

ខណៈដែលសង្គ្រាមរុស្ស៊ី–អ៊ុយក្រែននៅតែបន្តអូសបន្លាយ វីដេអូឃ្លីប និងរូបភាពបង្ហាញប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី (Volodymyr Zelenskyy) កំពុងឈររាំកម្សាន្តជាច្រើនឈុត ត្រូវបានបង្ហោះឡើង។ ការបង្ហោះនេះ ត្រូវបានចែករំលែកបន្តជាច្រើនដងនៅលើបណ្ដាញសង្គម និងមានការបញ្ចេញមតិយោបល់ផ្សេងៗ ពីអ្នកប្រើប្រាស់ហ្វេសប៊ុកនិយាយភាសាខ្មែរ។ ទោះជាយ៉ាងណា ការផ្ទៀងផ្ទាត់របស់យើង បានរកឃើញថា ទិដ្ឋភាពនេះមិនពិតនោះឡើយ។

រូបភាពជនភៀសខ្លួនរ៉្វាន់ដាត្រូវបានបង្ហោះភ្ជាប់ជាមួយរឿងរ៉ាវជនភៀសខ្លួនកម្ពុជា

March 5, 2025March 5, 2025Jay UdomLeave a Comment

រូបភាពមួយសន្លឹកដែលបង្ហាញមនុស្សដ៏ច្រើនរត់ភៀសខ្លួននោះ ត្រូវបានគេបង្ហោះនៅលើបណ្ដាញសង្គមជាមួយសំណេរក្នុងន័យថា វាជាជនភៀសខ្លួនកម្ពុជាដែលត្រូវបានទាហានថៃដឹកមកទម្លាក់ចោលនៅភ្នំដងរែកកាលពីឆ្នាំ១៩៧៩។ រូបភាពជាមួយសំណេរបែបនេះ ត្រូវបានចែកចាយយ៉ាងផុសផុលនៅលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះមិនត្រឹមត្រូវនោះឡើយ។

វីដេអូសត្វមួយក្រុមនៅប្រាសាទ Tikal ត្រូវបានគេអះអាងថា ជាសត្វដាយណូស័រ

February 11, 2025February 11, 2025Kakada SimLeave a Comment

ថ្មីៗនេះ វីដេអូឃ្លីបមួយ បង្ហាញប្រាសាទ Tikal ក្នុងប្រទេសហ្គាតេម៉ាឡា ត្រូវបានបង្ហោះរួមជាមួយនឹងទិដ្ឋភាពសត្វតូចៗមួយក្រុម ដែលមើលទៅដូចជាដាយណូស័រ។ វាក៏ត្រូវបានភ្ជាប់ជាមួយនឹងការអះអាងថា សត្វទាំងនោះ គឺជាដាយណូស័រពិតប្រាកដ។ អ្នកប្រើប្រាស់ប្រព័ន្ធផ្សព្វផ្សាយសង្គមជាច្រើន បានចែករំលែក និងប្រតិកម្មចំពោះការអះអាងនេះ។ ទោះជាយ៉ាងណាក៏ដោយ បន្ទាប់ពីធ្វើការផ្ទៀងផ្ទាត់ជាមួយ Google Reverse Image search យើងបានរកឃើញថា ការអះអាងនេះ ធ្វើឱ្យមានការយល់ច្រឡំ។

លទ្ធផលវិភាគបង្ហាញថា សំឡេងបែកធ្លាយរបស់មេបក្សកាន់អំណាចជាសំឡេងមនុស្សពិត

January 22, 2025January 22, 2025Jay UdomLeave a Comment

បន្ទាប់ពីមេដឹកនាំបក្សជំទាស់បង្ហោះសំឡេងបែកធ្លាយរបស់មេដឹកនាំបក្សកាន់អំណាចនៅលើបណ្ដាញសង្គមមក ស្ថាប័នមួយរបស់រដ្ឋាភិបាល បានអះអាងថា សំឡេងបែកធ្លាយនោះ គឺជាសំឡេងដែលបង្កើតឡើងដោយបញ្ញាសិប្បនិម្មិត។ ទោះជាយ៉ាងណា ការផ្ទៀងផ្ទាត់របស់ Fact Crescendo បានរកឃើញថា ការអះអាងនេះមិនត្រឹមត្រូវនោះឡើយ។

សមត្ថកិច្ចកម្ពុជាចាប់ខ្លួនខ្មាន់កាំភ្លើងថៃបាញ់សម្លាប់អតីតតំណាងរាស្ត្របក្សជំទាស់កម្ពុជា

January 8, 2025January 9, 2025Jay UdomLeave a Comment

លោក លឹម គឹមយ៉ាង អតីតអ្នកតំណាងរាស្ត្របក្សជំទាស់របស់កម្ពុជា ត្រូវខ្មាន់កាំភ្លើងបាញ់សម្លាប់កាលពីល្ងាចថ្ងៃម្សិលមិញនេះ។ បន្ទាប់មក ការអះអាងនានានៅលើបណ្ដាញសង្គម បាននិយាយថា សមត្ថកិច្ចថៃចាប់ខ្លួនខ្មាន់កាំភ្លើងបានហើយ។ ព័ត៌មាននេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះមិនត្រឹមត្រូវនោះឡើយ។

តើអាមេរិកហាមពលរដ្ឋឱ្យផ្អាកបរិភោគអយស្ទ័រទូទាំងប្រទេសមែនឬទេ?

December 21, 2024December 21, 2024Jay UdomLeave a Comment

ខណៈដែលជំងឺ Norovirus កំពុងតែផ្ទុះនៅតាមប្រទេសមួយចំនួន ការអះអាងដ៏ផុសផុលនៅលើបណ្ដាញសង្គមនាសប្ដាហ៍នេះ បាននិយាយថា អាមេរិកបានប្រកាសឱ្យប្រជាជនខ្លួនផ្អាកបរិភោគអយស្ទ័រជាបន្ទាន់ ក្រោយរកឃើញមេរោគប្រភេទនេះនៅក្នុងគ្រឿងសមុទ្រ។ ការអះអាងនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង បង្ហាញថា ការអះអាងនេះ មិនត្រឹមត្រូវឡើយ។ ការអះអាងលើបណ្ដាញសង្គម ប្រព័ន្ធផ្សព្វផ្សាយមួយនៅកម្ពុជា បានផ្សាយនៅលើទំព័រហ្វេសប៊ុករបស់ខ្លួនកាលពីពីរថ្ងៃមុនថា អាមេរិកបានប្រកាសឱ្យពលរដ្ឋរបស់ខ្លួនផ្អាកទទួលទានអយស្ទ័រជាបន្ទាន់ បន្ទាប់ពីរកឃើញថា គ្រឿងសមុទ្រប្រភេទនេះមានផ្ទុកវីរុសណូរ៉ូ (Norovirus) និងមានករណីឆ្លងកើតឡើង។ បន្ទាប់ពីព័ត៌មាននេះត្រូវបានបង្ហោះនៅលើបណ្ដាញសង្គម វាត្រូវបានចែករំលែកបន្តព្រោងព្រាតពីសំណាក់អ្នកប្រើប្រាស់បណ្ដាញសង្គមកម្ពុជា ក្នុងនោះមានអ្នកប្រើប្រាស់ហ្វេសប៊ុកជាច្រើន បានបញ្ចេញប្រតិកម្មផ្សេងៗ និងមតិយោបល់ចម្រុះបែបទៅនឹងព័ត៌មាននេះ ដោយជឿលើព័ត៌មានមួយនេះ។ ខាងក្រោមនេះ គឺជារូបភាពផ្ដាមចេញពីការបង្ហោះព័ត៌មាននៅលើបណ្ដាញសង្គមកាលពីថ្ងៃទី១៨ ខែធ្នូ ឆ្នាំ២០២៤ ដែលសរសេររៀបរាប់ថា “ក្ដៅៗ! អាមេរិកប្រកាសឱ្យពលរដ្ឋផ្អាកញ៉ាំអយស្ទ័របន្ទាន់ ក្រោយរកឃើញមានផ្ទុកមេរោគ Norovirus និងមានករណីឆ្លង”។ Facebook Post | Archived Link ព័ត៌មានដូចគ្នានេះ ក៏ត្រូវបានអ្នកប្រើប្រាស់បណ្ដាញសង្គមដទៃទៀតចម្លងយកទៅបង្ហោះបន្ត ដែលនាំឱ្យមានការចែករំលែកបន្តយ៉ាងច្រើនផងដែរ ក្នុងនោះមានអ្នកប្រើប្រាស់ហ្វេសប៊ុកជាច្រើនជឿទៅតាមការផ្សាយព័ត៌មាននេះ។ ខាងក្រោមនេះ គឺជារូបភាពផ្ដាមចេញពីការបង្ហោះព័ត៌មាននេះនៅលើបណ្ដាញសង្គមដោយទំព័រហ្វេសប៊ុកមួយកាលពីថ្ងៃទី១៨ ខែធ្នូ ឆ្នាំ២០២៤ ដោយចម្លងព័ត៌មានទាំងស្រុង។ Facebook Post | […]

រូបថតចាស់នៃក្បួនយោធាក្នុងទីក្រុងសេអ៊ូល បានចែកចាយជាថ្មី បន្ទាប់ពីការប្រកាសច្បាប់អាជ្ញាសឹក

December 19, 2024December 19, 2024Kakada SimLeave a Comment

បន្ទាប់ពីប្រធានាធិបតីកូរ៉េខាងត្បូងលោក Yoon Suk Yeol បានប្រកាសដាក់ប្រទេសក្នុងច្បាប់អាជ្ញាសឹកនោះ រូបថតជាច្រើនសន្លឹកបង្ហាញទិដ្ឋភាពក្បួនរថយន្តយោធានៅតាមដងផ្លូវបានរីករាលដាល និងចែកចាយដោយអ្នកប្រើប្រាស់ ដោយបានអះអាងថា នោះគឺជាទិដ្ឋភាពនៃការដាក់ពង្រាយនៅក្នុងទីក្រុងសេអ៊ូលនាពេលថ្មីៗនេះ។ ទោះជាយ៉ាងណា ការផ្ទៀងផ្ទាត់របស់យើង រកឃើញ ការអះអាងនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម ថ្មីៗនេះ អ្នកប្រើប្រាស់ហ្វេសប៊ុកម្នាក់ បានចែករំលែករូបថតក្បួនយោធានៃតាមដងផ្លូវ ដោយភ្ជាប់ទិដ្ឋភាពទាំងនោះ ទៅនឹងព្រឹត្តិការណ៍ភ្លាមៗ ក្រោយពីមានការប្រកាសច្បាប់អាជ្ញាសឹកដ៏គួរឱ្យភ្ញាក់ផ្អើលរបស់ប្រធានាធិបតីកូរ៉េខាងត្បូង។ ការលើកឡើងបែបនេះ ត្រូវបានចែកចាយតៗគ្នាជាច្រើនដង រួមជាមួយនឹងប្រតិកម្ម និងការបញ្ចេញមតិចម្រុះពីសំណាក់អ្នកប្រើប្រាស់សង្គម។ ខាងក្រោមនេះ គឺជារូបភាពផ្ដាម ដែលទទួលបានការចាប់អារម្មណ៍ជាច្រើន ដោយភ្ជាប់ជាមួយនឹងការសរសេរថា «ច្បាប់អាជ្ញាសឹកត្រូវបានប្រកាសនៅកូរ៉េខាងត្បូង។ រថពាសដែកត្រូវបានប្រទះឃើញនៅកណ្ដាលទីក្រុង»។ Facebook Post | Archived Link ការបង្ហោះមួយទៀតពីអ្នកប្រើប្រាស់ហ្វេសប៊ុកនិយាយភាសាខ្មែរម្នាក់ ក៏បានចែករំលែករូបភាពដូចគ្នា ជាមួយនឹងការអះអាង ដោយលើកឡើងថា នោះគឺជាទិដ្ឋភាពនៃការពង្រាយរថក្រោះ និងឧទ្ធម្ភាគចក្រយោធារបស់ប្រទេសកូរ៉េខាងត្បូង។ ខាងក្រោមនេះ គឺជារូបភាពផ្ដាមចេញពីប៉ុស្តិ៍របស់អ្នកប្រើប្រាស់ហ្វេសប៊ុកខាងលើ។ Facebook Post | Archived Link រូបថតភ្ជាប់ទៅនឹងការអះអាងខាងលើ ក៏ត្រូវបានសង្កេតឃើញ និងចែករំលែកដោយអ្នកប្រើប្រាស់បណ្ដាញសង្គម X ផងដែរកាលពីពេលថ្មីៗនេះ។ សម្រាប់ព័ត៌មានបន្ថែម […]

ព័ត៌មានក្លែងក្លាយថា ខេត្តព្រះសីហនុ និងតាកែវ មានអ្នកឆ្លង និងផ្ទុកមេរោគអេដស៍ច្រើនជាងគេ

December 14, 2024December 14, 2024Jay UdomLeave a Comment

ការអះអាងដ៏ផុសផុលនៅលើបណ្ដាញសង្គមនាសប្ដាហ៍នេះ បាននិយាយថា អត្រាឆ្លងមេរោគអេដស៍នៅកម្ពុជាកំពុងកើនឡើងខ្លាំង ហើយខេត្តព្រះសីហនុ និងតាកែវ ស្ថិតនៅលំដាប់លេខ១ និងលេខ២ ជាតំបន់មានអ្នកផ្ទុក និងឆ្លងមេរោគអេដស៍ច្រើនជាងគេ។ ការអះអាងនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង បង្ហាញថា ការអះអាងនេះ មិនត្រឹមត្រូវឡើយ។ ការអះអាងលើបណ្ដាញសង្គម ការអះអាងដ៏ផុសផុលនៅលើបណ្ដាញសង្គមនាពេលថ្មីៗនេះ បានលើកឡើងថា ករណីឆ្លងមេរោគអេដស៍កំពុងកើនឡើងខ្លាំង ដោយខេត្តព្រះសីហនុ ស្ថិតនៅលំដាប់ទី១ ហើយខេត្តតាកែវស្ថិតនៅលំដាប់ទី២ ខណៈដែលមនុស្ស ៧,០០០នាក់ដែលបានឆ្លងមេរោគនេះ បានរត់គេចពីការផ្ដល់សេវាព្យាបាល។ ការអះអាងនេះ ត្រូវបានចែករំលែកព្រោងព្រាតនៅលើបណ្ដាញសង្គមពីសំណាក់អ្នកប្រើប្រាស់ហ្វេសប៊ុកនិយាយភាសាខ្មែរ ហើយក៏មានការបញ្ចេញមតិ និងប្រតិកម្មចម្រុះបែបផងដែរ។ ខាងក្រោមនេះ គឺជារូបភាពផ្ដាមចេញពីការបង្ហោះព័ត៌មាននៅលើបណ្ដាញសង្គមកាលពីថ្ងៃទី០៨ ខែធ្នូ ឆ្នាំ២០២៤ ដែលសរសេររៀបរាប់ថា “HIV-មេរោគអេដស៍កំពុងកើនឡើងខ្លាំង [ខេត្ត]ព្រះសីហនុ Top 1[លំដាប់ទី១] តាកែវ Top 2 [លំដាប់ទី២]។ ៧ម៉ឺននាក់ផ្ទុកមេរោគ ប្រុងប្រយ័ត្ន ៧ពាន់នាក់រត់គេចមិនទទួលការព្យាបាល”។ Facebook Post | Archived Link ព័ត៌មានដូចគ្នានេះ ក៏ត្រូវបានបង្ហោះនៅលើបណ្ដាញសង្គមដោយអ្នកប្រើប្រាស់ហ្វេសប៊ុកដទៃទៀតដែរ ដែលនាំឱ្យមានការចែករំលែកបន្តជាច្រើន និងប្រតិកម្មចម្រុះបែបពីសំណាក់អ្នកប្រើប្រាស់បណ្ដាញសង្គមកម្ពុជា។ […]

លោក Elon Musk កំពុងបង្កើតមនុស្សយន្តពពោះជំនួសមនុស្ស តើពិតឬទេ?

November 18, 2024November 18, 2024Kakada SimLeave a Comment

ព័ត៌មាន និងការអះអាងនានាទាក់ទងទៅនឹងលោក Elon Musk តែងតែត្រូវបានចែកចាយជាច្រើននៅលើបណ្ដាញសង្គម ក្នុងនោះ ព័ត៌មានផ្សព្វផ្សាយព្រោងព្រាតលើបណ្ដាញសង្គមថា មហាសេដ្ឋីអាមេរិករូបនេះ បាននឹងកំពុងផលិតបចេ្ចកវិទ្យាបង្កើតមនុស្សយន្ត ដែលអាចមានផ្ទៃពោះមនុស្សបាន។ ការអះអាងនេះ ត្រូវបានចែករំលែកបន្តជាច្រើន និងទាក់ទាញបានការជឿតាមរបស់អ្នកប្រើប្រាស់បណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម ការអះអាងមួយ បង្ហោះដោយអ្នកប្រើប្រាស់ហ្វេសប៊ុកម្នាក់ បានលើកឡើងថា មហាសេដ្ឋីអាមេរិកលោក Elon Musk ដែលជាស្ថានិកក្រុមហ៊ុន Tesla នោះ បាននឹងកំពុងតែបង្កើតមនុស្សយន្តដើម្បីមានផ្ទៃពោះមនុស្ស។ សារមួយនេះ ត្រូវបានចែករំលែកពីសំណាក់អ្នកប្រើប្រាស់ហ្វេសប៊ុកនិយាយភាសាខ្មែរផងដែរទៅនឹងព័ត៌មានខាងលើ។ ខាងក្រោមនេះ គឺជារូបភាពផ្ដាមចេញពីការអះអាងនៅលើបណ្ដាញសង្គមកាលពីថ្ងៃទី២៥ ខែតុលា ឆ្នាំ២០២៤ ដែលរៀបរាប់ «Elon គឺ Currently កំពុងធ្វើការលើកំណែថ្មីនៃ Robots ដែលអាចផ្ទុកកូនរបស់អ្នកបានរយៈពេល៩ខែ […] »។ Facebook Post | Archived Link ខាងក្រោមនេះ គឺជារូបភាពផ្ដាមចេញពីការបង្ហោះការអះអាងនេះ នៅលើបណ្ដាញសង្គមហ្វេសប៊ុកដោយអ្នកប្រើប្រាស់ហ្វេសប៊ុកមួយទៀតកាលពីថ្ងៃទី៣០ ខែតុលា […]

តើនេះជាវីដេអូ Justin Bieber ក្រោយចូលរួមកម្មវិធី P-Diddy មែនដែរឬទេ?

October 11, 2024October 24, 2024Kakada SimLeave a Comment

ខណៈពេលដែលរឿងអាស្រូវរបស់តារាចម្រៀងរ៉េប P-Diddy ត្រូវបានលាតត្រដាងឡើងជាច្រើននោះ វីដេអូឃ្លីបចាស់មួយរបស់តារាចម្រៀង Justin Bieber ក្នុងសភាពរសាប់រសល់រវើរវាយ ត្រូវបានបង្ហោះនៅលើបណ្ដាញសង្គមជាមួយសំណេររៀបរាប់ថា វាជាសភាពតារាចម្រៀងរូបនេះក្រោយពីចូលរួមកម្មវិធីរបស់លោក P-Diddy ហើយ។ វីដេអូជាមួយសំណេរបែបនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា យើងរកឃើញថា ការផ្សព្វផ្សាយវីដេអូនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម កាលពីថ្ងៃទី០៦ ខែតុលា ឆ្នាំ២០២៤កន្លងទៅនេះ អ្នកប្រើប្រាស់ហ្វេសប៊ុកម្នាក់ បានបង្ហោះវីដេអូឃ្លីបមួយដែលបង្ហាញតារាចម្រៀង Justin Bieber ស្ថិតក្នុងសភាពរវើរវាយ។ វីដេអូនេះត្រូវបានគេអះអាងថា វាសភាពរបស់តារាចម្រៀង Justin Bieber ក្រោយចូលរួមកម្មវិធី P-Diddy។ វីដេអូឃ្លីបខាងលើនេះ ត្រូវបានប្រតិកម្ម និងតាមដានយ៉ាងផុសផុលពីសំណាក់អ្នកប្រើប្រាស់។ ខាងក្រោមនេះ គឺជាវីដេអូផ្ដាមចេញពីការអះអាងនៅលើបណ្ដាញសង្គម បន្ទាប់ពីព័ត៌មានអាស្រូវជាច្រើនរបស់តារាចម្រៀងរ៉េប P-Diddy ត្រូវបានចែកចាយយ៉ាងផុសផុល។ Facebook Post | Archived Link វីដេអូដូចគ្នានេះ ក៏ត្រូវបានបង្ហោះ និងចែករំលែកនៅលើបណ្ដាញសង្គមដោយអ្នកប្រើប្រាស់ដទៃទៀតផងដែរ។ ខាងក្រោមនេះ គឺជាវីដេអូដែលបង្ហោះនៅលើបណ្ដាញសង្គម កាលពីថ្ងៃទី០៦ ខែតុលា ឆ្នាំ២០២៤ ជាមួយនឹងសំណេររៀបរាប់ថា «វីដេអូកាលដែល […]

ការអះអាងមិនត្រឹមត្រូវថា វីដេអូជម្លោះក្រុមប្រដាប់អាវុធភូមា ជាវិវាទទាហានឡាវ និងវៀតណាម

October 9, 2024October 24, 2024Jay UdomLeave a Comment

វីដេអូឃ្លីបមួយដែលបង្ហាញជម្លោះតានតឹងរវាងទាហានពីរក្រុម ត្រូវបានគេបង្ហោះនៅលើបណ្ដាញសង្គមកាលពីខែមុនជាមួយនឹងការអះអាងថា វាជាជម្លោះរវាងទាហានឡាវ និងទាហានវៀតណាម។ វីដេអូជាមួយសំណេរបែបនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់ Fact Crescendo រកឃើញថា ការអះអាងនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម វីដេអូឃ្លីបមានរយៈពេលជាង ៣នាទីមួយដែលបង្ហាញទាហានពីរក្រុមមានជម្លោះពាក្យសម្ដីនឹងគ្នា ត្រូវបានគេបង្ហោះនៅលើបណ្ដាញសង្គមកាលពីខែកញ្ញាកន្លងមកនេះជាមួយសំណេររៀបរាប់ក្នុងន័យថា ទាហានវៀតណាមបានរារាំងទាហានមិនឱ្យបិទបដាផ្សព្វផ្សាយ ឬបញ្ចេញមតិឱ្យពលរដ្ឋរបស់ពួកគេ។ សំណេរភ្ជាប់ជាមួយវីដេអូឃ្លីបនេះ បន្តរៀបរាប់ថា បញ្ហានេះក៏ព្រោះតែស្ថាប័នរដ្ឋនានារបស់ប្រទេសឡាវស្ថិតក្រោមការគ្រប់គ្រងរបស់វៀតណាម រួមទាំងវិស័យកងទ័ពផងដែរ។ ខាងក្រោមនេះ គឺជាវីដេអូទាំងស្រុងដែលបង្ហោះនៅលើបណ្ដាញសង្គមហ្វេសប៊ុកកាលពីថ្ងៃទី១២ ខែកញ្ញា ឆ្នាំ២០២៤ ជាមួយសំណេររៀបរាប់ថា “ការឱ្យគេគ្រប់គ្រងលើរដ្ឋបាលគ្រប់ស្ថាប័នអស់ហើយ សូម្បីតែកងទ័ពក៏មិនអាចធ្វើការផ្សព្វផ្សាយ ឬបញ្ចេញមតិឱ្យពលរដ្ឋរបស់ខ្លួនឯងបានដែរ (យួន ឡាវ)ជាគំរូ”។ Facebook Post | Archived Link វីដេអូនេះ ត្រូវបានចែករំលែកដល់ទៅរាប់ម៉ឺនដងពីសំណាក់អ្នកប្រើប្រាស់បណ្ដាញសង្គមនិយាយភាសាខ្មែរ ហើយក៏មានការបញ្ចេញមតិយោបល់ជាច្រើនផងដែរ ក្នុងនោះមានអ្នកប្រើប្រាស់ហ្វេសប៊ុកជាច្រើន បានជឿទៅតាមសំណេរបង្ហោះនៅភ្ជាប់នឹងវីដេអូនេះ។ ខាងក្រោមនេះ គឺជារូបភាពផ្ដាមចេញពីមតិយោបល់របស់អ្នកប្រើប្រាស់ហ្វេសប៊ុកមួយចំនួន ក្រោយពីវីដេអូឃ្លីបដូចរៀបរាប់ខាងលើនេះ ត្រូវបានបង្ហោះនៅលើបណ្ដាញសង្គម។ វីដេអូឃ្លីបនេះដែលភ្ជាប់ជាមួយសំណេរដូចគ្នា ក៏ត្រូវបានបង្ហោះនៅលើបណ្ដាញសង្គមដោយអ្នកប្រើប្រាស់ហ្វេសប៊ុកដទៃទៀតដែរ ដែលនាំឱ្យមានការចែករំលែកបន្តដល់ទៅរាប់ពាន់ដង និងការបញ្ចេញមតិជាច្រើនដែលជឿទៅតាមសំណេរនោះ។ ខាងក្រោមនេះ គឺវីដេអូទាំងស្រុងដែលបង្ហោះនៅលើបណ្ដាញសង្គមកាលពីថ្ងៃទី១៦ ខែកញ្ញា ឆ្នាំ២០២៤ […]

វីដេអូអ្នកបើកបរងងុយគេងត្រូវបានផ្សាយថា ជាដើមហេតុនៃករណីភ្លើងឆេះឡានដឹកសិស្សថៃ

October 5, 2024October 24, 2024Jay UdomLeave a Comment

បន្ទាប់ពីហេតុការណ៍ភ្លើងឆាបឆេះរថយន្តដឹកកូនសិស្សសាលាថៃកាលពីថ្ងៃអង្គារកន្លងមកនេះ វីដេអូកាមេរ៉ាសុវត្ថិភាពមួយដែលបង្ហាញអ្នកបើកបរងងុយគេងអំឡុងពេលកំពុងបញ្ជាយានយន្តនោះ ត្រូវបានគេបង្ហោះនៅលើបណ្ដាញសង្គមព្រមជាមួយការអះអាងថា វាជាស្ថានភាពអ្នកបើកបរឡានក្រុងដឹកសិស្សថៃដែលជាដើមហេតុនាំឱ្យកើតឧប្បទ្ទវហេតុភ្លើងឆេះនៅដើមសប្ដាហ៍នេះ។ វីដេអូជាមួយសំណេរបែបនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា យើងរកឃើញថា ការផ្សព្វផ្សាយវីដេអូនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម វីដេអូឃ្លីបមួយមានរយៈពេលជាង ២នាទីដែលបង្ហាញស្ថានភាពបើកបររបស់អ្នកបើករថយន្តក្រុងមួយ ត្រូវបានគេអះអាងថា វាជាវីដេអូបានមកពីកាមេរ៉ាសុវត្ថិភាពភ្ជាប់ជាមួយរថយន្តក្រុងដឹកកូនសិស្សថៃ ដែលបង្ហាញអ្នកបើកបរងងុយគេងអំឡុងពេកកាន់ចង្កូតរថយន្ត។ ការអះអាងបន្តថា ស្ថានភាពអ្នកបើកបរបែបនេះហើយគឺជាមូលហេតុដែលបណ្ដាលឱ្យរថយន្តក្រុងនោះជួបឧប្បទ្ទវហេតុភ្លើងឆេះ ដែលបណ្ដាលយ៉ាងមនុស្សយ៉ាងតិច ២៣នាក់ស្លាប់នៅក្នុងអណ្ដាតភ្លើង។ វីដេអូនេះ ត្រូវបានចែករំលែកព្រោងព្រាតនៅលើបណ្ដាញសង្គមដោយអ្នកប្រើប្រាស់ហ្វេសប៊ុកនិយាយភាសាខ្មែរ ដែលបានបញ្ចេញប្រតិកម្មចម្រុះបែប និងមតិយោបល់ជាច្រើន ដោយជឿថា វីដេអូនេះពិតជាមូលហេតុបណ្ដាលឱ្យកើតហេតុការណ៍ដ៏រន្ធត់នេះកាលពីថ្ងៃទី០១ ខែតុលា ឆ្នាំ២០២៤។ ខាងក្រោមនេះ គឺជាវីដេអូដែលត្រូវបានបង្ហោះនៅលើបណ្ដាញសង្គមកាលពីថ្ងៃទី០៣ ខែតុលា ឆ្នាំ២០២៤ តែ ៣ថ្ងៃប៉ុណ្ណោះបន្ទាប់ពីហេតុការណ៍អគ្គិភ័យឆាបឆេះរថយន្តក្រុងដឹកសិស្សតូចៗនៅជាយរាជធានីបាងកក។ Facebook Post | Archived Link វីដេអូដូចគ្នានេះ ក៏ត្រូវបានបង្ហោះ និងចែករំលែកនៅលើបណ្ដាញសង្គមដោយអ្នកប្រើប្រាស់ហ្វេសប៊ុកដទៃទៀតផងដែរចាប់តាំងពីហេតុការណ៍ដ៏រន្ធត់នេះបានកើតឡើង។ ខាងក្រោមនេះ គឺជាវីដេអូដែលបង្ហោះនៅលើបណ្ដាញសង្គមហ្វេសប៊ុកកាលពីថ្ងៃទី០៤ ខែតុលា ឆ្នាំ២០២៤ ជាមួយសំណេររៀបរាប់ថា “វីដេអូបង្ហាញដោយកាមេរ៉ាសុវត្ថិភាពករណីឆេះឡានដឹកសិស្ស គឺដើមហេតុមកពីតៃកុងឡានងងុយដេក”។ Facebook Post | Archived Link ខាងក្រោមនេះ […]

ការអះអាងមិនត្រឹមត្រូវ មេដឹកនាំអ៊ីស្រាអែលរត់គេចពីគ្រាប់ផ្លោងអ៊ីរ៉ង់

October 4, 2024October 28, 2024Kakada SimLeave a Comment

ក្រោយពីការវាយប្រហារដោយគ្រាប់រ៉ុក្កែតដ៏ច្រើនរបស់អ៊ីរ៉ង់ទៅលើអ៊ីស្រាអែលកាលពីដើមសប្ដាហ៍នេះ វីដេអូឃ្លីបមួយដែលបង្ហាញនាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Bejamine Netanyahu) រត់នៅក្នុងអគារមួយ ត្រូវបានគេបង្ហោះនៅលើបណ្ដាញសង្គមជាមួយការអះអាងថា មេដឹកនាំអ៊ីស្រាអែលរូបនេះបានរត់ចូលលេនដ្ឋានរបស់លោក។ វីដេអូជាមួយសំណេរបែបនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា យើងរកឃើញថា ការផ្សព្វផ្សាយវីដេអូនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម កាលពីថ្ងៃទី០២ ខែតុលា ឆ្នាំ២០២៤កន្លងទៅនេះ អ្នកប្រើប្រាស់ហ្វេសប៊ុកម្នាក់ បានបង្ហោះវីដេអូឃ្លីបមួយ បង្ហាញទិដ្ឋភាពលោក បេនចាមីន ណេតាន់យ៉ាហ៊ូ ដែលត្រូវបានគេស្គាល់ថា គឺជាមេដឹកនាំរបស់អ៊ីស្រាអែល បានរត់គេចភៀសខ្លួន អំឡុងពេលអ៊ីរ៉ង់កំពុងតែបើកវាយប្រហារដោយរ៉ុក្កែតជាច្រើនគ្រាប់។ អ្នកប្រើប្រាស់ដដែលនេះ ពុំបានបញ្ជាក់ព័ត៌មានលម្អិតអំពីទីតាំង និងពេលវេលានៃហេតុការណ៌នោះឡើយ។ វីដេអូឃ្លីបខាងលើនេះ ត្រូវបានប្រតិកម្ម និងតាមដានយ៉ាងផុសផុលពីសំណាក់អ្នកប្រើប្រាស់។ ខាងក្រោមនេះ គឺជាវីដេអូផ្ដាមចេញពីការអះអាងនៅលើបណ្ដាញសង្គមនាពេលថ្មីៗនេះ បន្ទាប់ពីអ៊ីរ៉ង់បានបាញ់គ្រាប់រ៉ុក្កែតជាច្រើនមកកាន់អ៊ីស្រាអែល។ Facebook Post | Archived Link វីដេអូដូចគ្នានេះ ក៏ត្រូវបានបង្ហោះ និងចែករំលែកនៅលើបណ្ដាញសង្គមដោយអ្នកប្រើប្រាស់ដទៃទៀតផងដែរ។ ខាងក្រោមនេះ គឺជាវីដេអូដែលបង្ហោះនៅលើបណ្ដាញសង្គម កាលពីថ្ងៃទី០២ ខែតុលា ឆ្នាំ២០២៤ ជាមួយសំណេររៀបរាប់ថា «បែកធ្លាយវីដេអូ មេដឹកនាំអ៊ីស្រាអែលលោក ណេតាន់យ៉ាហ៊ូ […]

ព័ត៌មានមិនត្រឹមត្រូវភ្ជាប់វីដេអូកូនសិស្សច្រៀងលេងទៅនឹងហេតុការណ៍ភ្លើងឆេះឡានក្រុងនៅថៃ

October 3, 2024October 24, 2024Jay UdomLeave a Comment

បន្ទាប់ពីហេតុការណ៍ភ្លើងឆាបឆេះរថយន្តដឹកកូនសិស្សសាលាថៃកាលពីថ្ងៃអង្គារកន្លងមកនេះ ស្រាប់តែមានវីដេអូឃ្លីបមួយ ដែលបង្ហាញកូនសិស្សច្រៀងលេងនៅលើរថយន្តក្រុងមួយ ត្រូវបានបង្ហោះនៅលើបណ្ដាញសង្គមជាមួយការអះអាងថា វាទិដ្ឋភាពនៅមុនពេលកើតហេតុការណ៍ដ៏រន្ធត់នោះ។ វីដេអូជាមួយសំណេរបែបនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា យើងរកឃើញថា ការផ្សព្វផ្សាយវីដេអូនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម វីដេអូឃ្លីបមួយមានរយៈពេលជាង ១នាទីដែលបង្ហាញកុមារីតូចៗជាសិស្សសាលាថៃច្រៀងលេងនៅក្នុងឡានក្រុងមួយ ត្រូវបានគេបង្ហោះនៅលើបណ្ដាញសង្គមចាប់ពីថ្ងៃម្សិលមិញនេះ ដោយគេអះអាងថា វាជាវីដេអូសិស្សាថៃនៅមុនពេលត្រូវភ្លើងឆាបឆេះ។ វីដេអូនេះ ត្រូវបានចែករំលែកព្រោងព្រាតនៅលើបណ្ដាញសង្គមដោយអ្នកប្រើប្រាស់ហ្វេសប៊ុកនិយាយភាសាខ្មែរ ដែលបានបញ្ចេញប្រតិកម្មចម្រុះបែប និងមតិយោបល់ជាច្រើន ដោយជឿថា វីដេអូនេះពិតជាក្មេងៗសិស្សសាលាថៃដែលរងនៅក្នុងហេតុការណ៍ភ្លើងឆេះរថយន្តក្រុងមួយកាលពីថ្ងៃទី០១ ខែតុលា ឆ្នាំ២០២៤។ ខាងក្រោមនេះ គឺជាវីដេអូផ្ដាមចេញពីការអះអាងនៅលើបណ្ដាញសង្គមនាពេលថ្មីៗនេះ បន្ទាប់ពីហេតុការណ៍អគ្គិភ័យឆាបឆេះរថយន្តក្រុងដឹកសិស្សតូចៗនៅទីក្រុងបាងកក។ Facebook Post | Archived Link វីដេអូដូចគ្នានេះ ក៏ត្រូវបានបង្ហោះ និងចែករំលែកនៅលើបណ្ដាញសង្គមដោយអ្នកប្រើប្រាស់ហ្វេសប៊ុកដទៃទៀតផងដែរចាប់តាំងពីហេតុការណ៍ដ៏រន្ធត់នេះបានកើតឡើង។ ខាងក្រោមនេះ គឺជាវីដេអូដែលបង្ហោះនៅលើបណ្ដាញសង្គមហ្វេសប៊ុកកាលពីថ្ងៃទី០២ ខែតុលា ឆ្នាំ២០២៤ ជាមួយសំណេររៀបរាប់ថា “ទិដ្ឋភាពសិស្សសាលាមត្តេយ្យថៃមុនមានព្រឹត្តិការណ៍ភ្លើងឆេះរថយន្ត!”។ Facebook Post | Archived Link ខាងក្រោមនេះ គឺជាវីដេអូដូចគ្នាដែលបង្ហោះនៅលើបណ្ដាញសង្គម ហើយទទួលបានការចាប់អារម្មណ៍ខ្លាំងពីសំណាក់អ្នកប្រើប្រាស់បណ្ដាញសង្គមកម្ពុជា។ Facebook Post | Archived Link […]

ព័ត៌មានមិនច្បាស់លាស់ផ្សាយថា Gumball 3000 នៅកម្ពុជាបំបែកកំណត់ត្រាពិភពលោក

September 21, 2024October 24, 2024Jay UdomLeave a Comment

បន្ទាប់ពីព្រឹត្តិការណ៍ Gumball 3000 ត្រូវបានប្រារព្ធធ្វើឡើងនៅកម្ពុជានៅសប្ដាហ៍នេះ ព័ត៌មានដ៏ផុសផុលមួយ បានផ្សព្វផ្សាយថា ព្រឹត្តិការណ៍មួយនេះបានបំបែកកំណត់ត្រាពិភពលោកសម្រាប់ការចតរថយន្តទំនើបច្រើនបំផុតនៅមុខប្រាសាទអង្គរវត្ត។ ព័ត៌មាននេះ ត្រូវបានផ្សព្វផ្សាយព្រោងព្រាតលើបណ្ដាញសង្គម និងប្រព័ន្ធផ្សព្វផ្សាយក្នុងស្រុក។ ទោះជាយ៉ាងណា ការផ្ទៀងផ្ទាត់របស់យើងរកឃើញថា ព័ត៌មាននេះមិនត្រឹមត្រូវនោះឡើយ។ ការអះអាងលើបណ្ដាញសង្គម ព័ត៌មានមួយផ្សព្វផ្សាយផុសផុលនៅលើបណ្ដាញសង្គមនាពេលប៉ុន្មានថ្ងៃថ្មីៗនេះ បាននិយាយថា កម្ពុជាបានបំណែកកំណត់ត្រាពិភពលោក Guinness World Records ក្នុងនាមជាប្រទេសមានរថយន្តទំនើបច្រើនជាងគេចតនៅមុខសំណង់បុរាណនាព្រឹត្តិការណ៍ Gumball 3000 នាពេលថ្មីៗនេះ។ ព័ត៌មាននេះ ត្រូវបានផ្សព្វផ្សាយ និងចែករំលែកបន្តព្រោងព្រាតនៅលើបណ្ដាញសង្គម និងទាក់ទាញបានការគាំទ្រផ្នែកមតិយោបល់ពីអ្នកប្រើប្រាស់បណ្ដាញសង្គមកម្ពុជា។ ខាងក្រោមនេះ គឺជារូបភាពផ្ដាមចេញពីព័ត៌មានផ្សព្វផ្សាយលើបណ្ដាញសង្គមហ្វេសប៊ុកកាលពីថ្ងៃទី១៩ ខែកញ្ញា ឆ្នាំ២០២៤ ដែលរៀបរាប់ថា “អបអរសាទរកម្ពុជាជាប់ពានរង្វាន់ Guinness ដែលមានរថយន្តទំនើបច្រើនជាងគេនៅក្នុងកម្មវិធី Gumball 3000”។ Facebook Post | Archived Link ព័ត៌មានប្រហាក់ប្រហែលគ្នានេះ ក៏ត្រូវបានបង្ហោះនៅលើបណ្ដាញសង្គមដោយទំព័រហ្វេសប៊ុកមួយទៀតផងដែរជាមួយសំណេរដូចគ្នាកាលពីពីរថ្ងៃមុន ហើយទទួលបានការចែករំលែកបន្តជាច្រើន និងប្រតិកម្មចម្រុះបែប។ ខាងក្រោមនេះ គឺជារូបភាពផ្ដាមចេញពីការអះអាងលើបណ្ដាញសង្គមដែលបង្ហោះដោយទំព័រហ្វេសប៊ុកមួយទៀតកាលពីថ្ងៃទី១៩ ខែកញ្ញា ដែលសរសេររៀបរាប់ថា “ជាប់ហើយខ្មែរយើង Guinness Congraluations Cambodia […]

វីដេអូនេនតូចភូមារាំលេងបង្កការយល់ច្រឡំក្នុងចំណោមអ្នកប្រើប្រាស់បណ្ដាញសង្គមខ្មែរ

August 21, 2024August 21, 2024Jay UdomLeave a Comment

វីដេអូនេនតូចរាំងលេងកម្សាន្តតាមភ្លេងធុងបាស់ ត្រូវបានគេបង្ហោះនៅលើបណ្ដាញសង្គមនៅដើមខែនេះ ដែលនាំឱ្យមានការរិះគន់ចំពោះនេនតូចទាំងនេះថា បានប្រព្រឹត្តខុសវិន័យសង្ឃ។ វីដេអូនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា ការត្រួតពិនិត្យរបស់យើងរកឃើញថា ការអះអាងនេះមិនត្រឹមត្រូវនោះឡើយ។ ការអះអាងលើបណ្ដាញសង្គម វីដេអូបង្ហាញព្រះសង្ឃក្មេងៗរាំងលេងតាមចង្វាក់ភ្លេង ត្រូវបានបង្ហោះនៅលើបណ្ដាញសង្គមជាមួយការចោទសួរថា តើនេនតូចៗទាំងនោះជាព្រះសង្ឃកម្ពុជា ឬព្រះសង្ឃនៅប្រទេសណា។ វីដេអូនេះ ត្រូវបានចែករំលែកជាច្រើនដងនៅលើបណ្ដាញសង្គមហ្វេសប៊ុក ហើយក៏ទទួលបានប្រតិកម្ម និងការបញ្ចេញមតិចម្រុះបែបពីសំណាក់អ្នកប្រើប្រាស់ហ្វេសប៊ុកនិយាយភាសាខ្មែរផងដែរ។ ខាងក្រោមនេះ គឺជាវីដេអូដែលត្រូវបានបង្ហោះនៅលើបណ្ដាញសង្គមហ្វេសប៊ុកកាលពីថ្ងៃទី០៧ ខែសីហា ឆ្នាំ២០២៤ ដែលចោទសួរថា “ចប់ លោកខ្មែរយើង ឬក៏មិនមែនទេ និយាយលែងចេញហើយ”។ Facebook Post | Archived Link ព័ត៌មានដូចគ្នានេះក៏ត្រូវបានបង្ហោះនៅលើបណ្ដាញសង្គមដោយអ្នកនយោបាយរបស់គណបក្សប្រឆាំង លោក មុត ចន្ថា ផងដែរកាលពីថ្ងៃម្សិលមិញនេះ ហើយក៏ត្រូវបានចែករំលែកបន្តជាច្រើនដងផងដែរ។ ខាងក្រោមនេះ គឺជារូបភាពផ្ដាមចេញពីការអះអាងនេះដែលត្រូវបានបង្ហោះនៅលើបណ្ដាញសង្គមកាលពីថ្ងៃទី១៦ ខែសីហា ឆ្នាំ២០២៤ ជាមួយសំណេររៀបរាប់ថា “យួនក្លាយ។ Facebook Post | Archived Link វីដេអូនេះ ក៏ត្រូវបានបង្ហោះនៅលើបណ្ដាញសង្គមដោយអ្នកប្រើប្រាស់ហ្វេសប៊ុកផ្សេងទៀតដែរនៅក្នុងរយៈពេលប៉ុន្មានថ្ងៃចុងក្រោយនេះ។ សូមមើលព័ត៌មានដូចគ្នានេះតាមរយៈតំណភ្ជាប់នៅទីនេះ និងតំណភ្ជាប់មួយទៀតនៅទីនេះ។ វីដេអូដដែលនេះ ក៏ត្រូវបានបង្ហោះនៅលើបណ្ដាញ […]

ដុំថ្មសាកពិតជាអាចផ្ទុះឆេះនៅក្នុងជណ្ដើរយន្តដូចការអះអាងមែនឬទេ?

August 16, 2024August 16, 2024Kakada SimLeave a Comment

ថ្មីៗនេះ មានការចែកចាយវីដេអូឃ្លីបមួយដែលការផ្ទុះថ្មសាកមួយនៅក្នុងជណ្ដើយន្ត។ ករណីនេះ ត្រូវបានអះអាងថា បានកើតឡើងដោយសារតែការយកដុំថ្មសាកចូលក្នុងប្រអប់ជណ្ដើរយន្ត។ ការអះអាងភ្ជាប់ដោយវីដេអូខាងលើ ត្រូវបានចែកចាយបន្ដជាច្រើនដង និងមានការបញ្ចេញមតិ និងប្រតិកម្មចម្រុះបែបផងដែរ។ ទោះជាយ៉ាងណា Fact Crescendo បានរកឃើញថា ការអះអាងនេះមិនត្រឹមត្រូវនោះឡើយ។ ការអះអាងលើបណ្ដាញសង្គម កាលពីពេលថ្មីៗនេះ ការអះអាងមួយនៅលើបណ្ដាញសង្គម បានហាមឃាត់ការយកដុំថ្មសាកចូលទៅក្នុងជណ្ដើរយន្ត ដោយថា វាបង្កឱ្យផ្ទុះឆេះបាននៅក្នុងទីចង្អៀតបែបនេះ។ ការអះអាងនេះ បានបង្ហោះមកជាមួយនូវវីដេអូឃ្លីបមួយនៅលើបណ្ដាញតេឡេក្រាម Telegram ដែលបង្ហាញការផ្ទុះដុំថ្មសាកមួយ បន្ទាប់ពីបុរសម្នាក់កាន់វាដើរចូលទៅក្នុងជណ្ដើរយន្ត។ វីដេអូឃ្លីប ដោយភ្ជាប់ទៅនឹងសំណេរខាងលើនេះ ត្រូវបានប្រតិកម្ម និងតាមដានយ៉ាងផុសផុលពីសំណាក់អ្នកប្រើប្រាស់។ ខាងក្រោមនេះ គឺជាវីដេអូឃ្លីបទាំងស្រុង ដែលបានរៀបរាប់ថា «ហាមយក E Bike Battery ចូលក្នុងជណ្តើរយន្ត ប្រយ័ត្នឆេះ វាគ្រោះថ្នាក់ណាស់»។ https://t.me/jing007/1035 Telegram Post | Archived Link វីដេអូឃ្លីបដូចគ្នាខាងលើ ក៏ត្រូវបានរកឃើញ និងចែកចាយយ៉ាងផុសផុលនៅលើបណ្ដាញសង្គមហ្វេសប៊ុកផងដែរ កាលពីពេលថ្មីៗនេះ ជាមួយសំណេររៀបរាប់ថា «បុរសម្នាក់ត្រូវបានឆាបឆេះភ្លាមៗ គ្រាន់តែកាន់ថ្មសាក ចូលក្នុងប្រអប់ជណ្ដើរយន្ត»។ Facebook Post […]

រូបថតចាស់ៗត្រូវបានភ្ជាប់មិនត្រឹមត្រូវថាជាលទ្ធផលនៃគ្រោះរញ្ជួយដីនៅជប៉ុនថ្មីៗនេះ

August 13, 2024August 13, 2024Kakada SimLeave a Comment

ក្រោយពីជប៉ុនព្រមានពីការកើតឡើងនៃគ្រោះរញ្ជួយដីកម្រិតធ្ងន់ធ្ងររួចមក រូបថតមួយសន្លឹកដែលបង្ហាញការខូចខាតហេដ្ឋារចនាសម្ព័ន្ធ ត្រូវបានបង្ហោះ និងផ្សព្វផ្សាយឡើងនៅតាមបណ្ដាញសង្គមជាមួយព័ត៌មានថាវាជាគ្រោះធម្មជាតិដែលបានកើតឡើងនៅភាគខាងត្បូងជប៉ុននាពេលថ្មីៗនេះ។ ការអះអាងភ្ជាប់ដោយរូបថតខាងលើ ត្រូវបានចែកចាយបន្ដជាច្រើនដង និងមានការបញ្ចេញមតិ និងប្រតិកម្មចម្រុះបែបផងដែរ។ ទោះជាយ៉ាងណា យើងរកឃើញថា ការអះអាងខាងលើនេះ គឺមិនត្រឹមត្រូវនោះឡើយ។ ការអះអាងលើបណ្ដាញសង្គម កាលពីពេលថ្មីៗនេះ រូបថតមួយសន្លឹកយ៉ាងផុសផុលមួយនៅលើបណ្ដាញសង្គមហ្វេសប៊ុក បានបង្ហាញទិដ្ឋភាពនៃការរងខូចខាត និងផលប៉ះពាល់ទៅលើហេដ្ឋារចនាសម័្ពន្ធផ្លូវថ្នល់ ជាមួយនឹងការអះអាងថា នោះគឺជាទិដ្ឋភាពគ្រោះរញ្ជួយដីដែលបានកើតឡើងនៅភាគខាងត្បូងនៃប្រទេសជប៉ុន។ ការបង្ហោះរូបថតខាងលើនេះ ត្រូវបានអ្នកប្រើប្រាស់បណ្ដាញសង្គមចែករំលែកជាច្រើនដង រួមជាមួយការបញ្ចេញមតិ និងប្រតិកម្មចម្រុះបែបផងដែរ។ ខាងក្រោមនេះ គឺជារូបភាពផ្ដាមចេញពីទំព័រហ្វេសប៊ុកខាងលើ ដែលបានសរសេរថា «គ្រោះរញ្ជួយដី បានវាយប្រហារលើតំបន់ភាគខាងត្បូងប្រទេសជប៉ុន»។ Facebook Post | Archived Link រូបថតដូចគ្នាខាងលើ ក៏ត្រូវបានរកឃើញ និងចែកចាយយ៉ាងផុសផុលនៅលើបណ្ដាញសង្គមហ្វេសប៊ុកផងដែរ កាលពីពេលថ្មីៗនេះ ជាមួយសំណេររៀបរាប់ថា «គ្រោះរញ្ជួយដី បានវាយប្រហារលើតំបន់ភាគខាងត្បូងប្រទេសជប៉ុន»។ Facebook Post | Archived Link ខាងក្រោម គឺជារូបភាពផ្ដាមមួយផ្សេងទៀត ដែលបានបង្ហាញរូបថតមួយសន្លឹកដូចគ្នា ដោយភ្ជាប់នឹងការអះអាងថា នោះគឺជាទិដ្ឋភាពនៃការប៉ះពាល់ដោយគ្រោះរញ្ជួយដីនាពេលថ្មីៗនេះ។ Facebook Post | Archived Link […]

តើក្រុមកីឡាការិនីវាយកូនបាល់លើតុអាមេរិកប្រកួតឈ្នះក្រុមជម្រើសជាតិចិនមែនឬ?

August 9, 2024August 10, 2024Jay UdomLeave a Comment

ព័ត៌មានដ៏ផុសផុលមួយបានផ្សាយនៅលើបណ្ដាញសង្គមថា ក្រុមកីឡាការិនីវាយកូនបាល់លើតុជម្រើសជាតិអាមេរិកដែលមានមុខមាត់ដូចកូនចៅចិននោះ បានប្រកួតឈ្នះក្រុមជម្រើសជាតិចិន និងដណ្ដើមបានមេដាយមាស។ ព័ត៌មាននេះ ត្រូវបានផ្សព្វផ្សាយព្រោងព្រាតលើបណ្ដាញសង្គមក្នុងរយៈពេលប៉ុន្មានថ្ងៃមកនេះ។ ទោះជាយ៉ាងណា យើងរកឃើញថា ព័ត៌មាននេះមិនត្រឹមត្រូវនោះឡើយ។

វីដេអូទឹកជំនន់មួយត្រូវបានចែករំលែកថាជាទឹកជំនន់ថ្មីៗនៅក្នុងអេស្ប៉ាញ

July 29, 2024Kakada SimLeave a Comment

វីដេអូឃ្លីបមួយ ដែលបង្ហាញផ្ទះសម្បែង និងអគារជាច្រើនខ្នងគ្របដណ្ដប់ និងវាយប្រហារដោយទឹកជំនន់នោះ ត្រូវបានគេបង្ហោះលើបណ្ដាញសង្គមជាមួយការអះអាងថា ជាហេតុការណ៍ទឹកជំនន់នៅក្នុងប្រទេសអេស្ប៉ាញ។ ការអះអាងនេះ ត្រូវបានចែករំលែកបន្តព្រោងព្រាតនៅលើបណ្ដាញសង្គមនាពេលថ្មីៗនេះ។ ទោះជាយ៉ាងណា យើងរកឃើញថា វីដេអូនេះត្រូវបានភ្ជាប់ជាមួយព័ត៌មានមិនត្រឹមត្រូវនោះឡើយ។

រូបថតការដ្ឋានសាងសង់ផ្លូវបេតុងនៅថៃបង្កឱ្យមានការភាន់ច្រឡំក្នុងចំណោមសាធារណជនកម្ពុជា

July 25, 2024July 29, 2024Jay UdomLeave a Comment

ខណៈដែលគុណភាពសំណង់សាធារណៈតែងតែរងការរិះគន់ពីមហាជនជាច្រើនឆ្នាំមកហើយនោះ រូបថតការដ្ឋានសំណង់បេតុងមួយដែលគ្មានរែងដែក ត្រូវបានបង្ហោះនៅលើបណ្ដាញសង្គមក្នុងន័យថា ការដ្ឋានសាងសង់ផ្លូវនេះស្ថិតនៅក្នុងប្រទេសកម្ពុជា។ រដ្ឋាភិបាលទទួលរងការរិះគន់បន្ថែមទៀត បន្ទាប់ពីរូបថតនេះត្រូវបានបង្ហោះព្រោងព្រាតលើបណ្ដាញសង្គម។ ទោះជាយ៉ាងណា យើងរកឃើញថា រូបភាពនេះមិនត្រឹមត្រូវនោះឡើយ។ ការអះអាងលើបណ្ដាញសង្គម រូបថតដែលបង្ហាញការសាងសង់ផ្លូវចាក់បេតុងមួយ ត្រូវបានបង្ហោះនៅលើបណ្ដាញសង្គមនៅដើមខែនេះជាមួយសំណេរក្នុងន័យថា វាជាការសាងសង់ផ្លូវបេតុងមួយដោយពុំមានដាក់ដែកបង្កប់នៅក្នុងល្បាយបេតុងនៅក្នុងប្រទេសកម្ពុជា។ ព័ត៌មាននេះត្រូវបានចែករំលែកយ៉ាងព្រោងព្រាតពីសំណាក់អ្នកប្រើប្រាស់ហ្វេសប៊ុកនិយាយភាសាខ្មែរ ព្រមទាំងការបញ្ចេញប្រតិកម្មចម្រុះបែប និងមតិយោបល់រិះគន់ដ៏ច្រើន ដែលជឿថា ដំណើរការសាងសង់ផ្លូវបេតុងមួយខ្សែនេះពិតជាកើតឡើងនៅកម្ពុជាមែន។ ខាងក្រោមនេះ គឺជារូបភាពផ្ដាមចេញសំណេរនៅផ្សព្វផ្សាយនៅលើបណ្ដាញសង្គមនៅថ្ងៃទី០៥ ខែកក្កដា ឆ្នាំ២០២៤ ដែលសរសេររៀបរាប់ថា “ចាក់សិន ចាំគាស់ដាក់ដែកតាមក្រោយ ឬយ៉ាងណា?”។ Facebook Post | Archived រូបថតដូចគ្នានេះ ក៏ត្រូវបានបង្ហោះនៅលើបណ្ដាញសង្គមដោយអ្នកប្រើប្រាស់ហ្វេសប៊ុកដទៃទៀតដែរ ដែលនាំឱ្យមានការចែករំលែកបន្តរហូតដល់រាប់សិបដង។ ខាងក្រោមនេះ គឺជារូបភាពផ្ដាមចេញពីការបង្ហោះរូបថតនេះនៅក្នុងក្រុមបណ្ដាញសង្គមហ្វេសប៊ុកកាលពីថ្ងៃទី០៦ ខែកក្កដា ឆ្នាំ២០២៤ ដែលសរសេររៀបរាប់ថា “ចាក់សិន ចាំគាស់ដាក់ដែកតាមក្រោយ ឬយ៉ាងណា? ដឹងស្រុកណាទេលោកអើយ?”។ Facebook Post | Archived Link Facebook Post | Archived Link រូបថតដូចគ្នានេះ ត្រូវបានបង្ហោះនៅលើបណ្ដាញសង្គមដោយអ្នកប្រើប្រាស់ហ្វេសប៊ុកដទៃទៀតដែរ។ គេអាចមើលរូបថតដូចគ្នានេះតាមរយៈតំណភ្ជាប់នៅទីនេះ […]

Suzuki ច្រានចោលព័ត៌មានថា ក្រុមហ៊ុនគ្រោងបញ្ឈប់ប្រតិបត្តិការនៅថៃ

July 20, 2024July 31, 2024Kakada SimLeave a Comment

កាលពីពេលថ្មីៗនេះ ព័ត៌មានផ្សព្វផ្សាយព្រោងព្រាតនៅលើបណ្ដាញសង្គម បាននិយាយថា ក្រុមហ៊ុនផលិតរថយន្តរបស់ជប៉ុន Suzuki នឹងបិទរោងចក្ររបស់ខ្លួននៅក្នុងប្រទេសថៃ ដោយសារការលក់ធ្លាក់ចុះដែលបណ្ដាលមកពីការហូរចូលដ៏ច្រើននៃរថយន្តចិនចូលទៅក្នុងទីផ្សារប្រទេសមួយនេះ។ ព័ត៌មាននេះ ត្រូវបានចែកចាយ និងបញ្ចេញមតិជាច្រើនដង ពីសំណាក់អ្នកប្រើប្រាស់បណ្ដាញសង្គមនានា។ ទោះជាយ៉ាងណា ការត្រួតពិនិត្យការពិតរបស់ Fact Crescendo Cambodia រកឃើញថាព័ត៌មាននេះមិនត្រឹមត្រូវនោះឡើយ។

វីដេអូឃ្លីបខ្លារខិន២ក្បាល ត្រូវបានភ្ជាប់មិនត្រឹមត្រូវទៅនឹងព្រឹត្តិការណ៌ថ្មីៗនៅកម្ពុជា

June 28, 2024June 28, 2024Kakada SimLeave a Comment

ថ្មីៗនេះ មានព័ត៌មានផ្សាយថា ឆ្កែជាច្រើនក្បាលរបស់អ្នកភូមិ បានងាប់ជាបន្តបន្ទាប់គ្នានៅខេត្តព្រៃវែង។ បន្ទាប់មក ក៏មានវីដេអូមួយដែលបង្ហាញខ្លាពីរក្បាលព្យាយាមប្រហារឆ្កែនៅក្នុងទ្រុងនោះ ត្រូវបានគេបង្ហោះលើបណ្ដាញសង្គមជាមួយការអះអាងថា មូលហេតុនៃការងាប់ឆ្កែច្រើនក្បាលនៅព្រៃវែង គឺបណ្ដាលមកពីការវាយប្រហាររបស់ខ្លា។ វីដេអូឃ្លីបនេះ ត្រូវបានចែករំលែកបន្តព្រោងព្រាតពីសំណាក់អ្នកប្រើប្រាស់ហ្វេសប៊ុក។ ទោះជាយ៉ាងណា ការត្រួតពិនិត្យការពិតរបស់ Fact Crescendo Cambodia រកឃើញថា ការអះអាងនេះ គឺមិនត្រឹមត្រូវនោះឡើយ។

តើនេះគឺជាទិដ្ឋភាពបណ្ណាល័យចល័តក្នុងអំឡុងឆ្នាំ១៩២៣មែនដែរឬទេ?

June 6, 2024June 6, 2024Kakada SimLeave a Comment

ស្របពេលដែលទេសចរណ៍អំណានរបស់លោក អ៊ុក វណ្ណដេ បានធ្វើដំណើរទៅដល់ខេត្តកំពតនោះ រូបថតសខ្មៅមួយសន្លឹកដែលបង្ហាញបណ្ណាល័យចល័តមួយ ត្រូវបានបង្ហោះឡើងនៅលើបណ្ដាញសង្គមជាមួយនឹងការអះអាងវារូបថតនៅខេត្តកំពតក្នុងឆ្នាំ១៩២៣។ ការបង្ហោះខាងលើ ត្រូវបានចែកចាយ និងបញ្ចេញមតិជាច្រើនដងពីសំណាក់អ្នកប្រើប្រាស់បណ្ដាញសង្គមនានា។ ទោះជាយ៉ាងណា ការត្រួតពិនិត្យការពិតរបស់ Fact Crescendo Cambodia រកឃើញថា ការអះអាងខាងលើនោះ គឺមិនត្រឹមត្រូវនោះឡើយ។ ការអះអាងលើបណ្ដាញសង្គម កាលពីថ្ងៃទី២៩ ខែឧសភា ឆ្នាំ២០២៤កន្លងទៅនេះ អ្នកប្រើប្រាស់ហ្វេសប៊ុកម្នាក់ បានបង្ហោះរូបថតមួយសន្លឹក ដែលមានទម្រង់ជាការប្រៀបធៀប ទិដ្ឋភាពនៃបណ្ណាល័យចល័ត រវាងឆ្នាំ១៩២៣ និងឆ្នាំ២០២៤នៅក្នុងភូមិសាស្រ្តខេត្តកំពត ប្រទេសកម្ពុជា។ ការបង្ហោះខាងលើនេះ ត្រូវបានចែកចាយតៗគ្នាជាច្រើនដង រួមជាមួយនឹងប្រតិកម្ម និងការបញ្ចេញមតិចម្រុះពីសំណាក់អ្នកប្រើប្រាស់សង្គមហ្វេសប៊ុកយ៉ាងផុសផុល។ ខាងក្រោមនេះ គឺជារូបភាពផ្ដាមចេញពីប៉ុស្តិ៍របស់អ្នកប្រើប្រាស់ខាងលើ ដែលបានសរសេររៀបរាប់ថា «ទេសចរណ៍អំណានលើកកម្ពស់ចំណេះដឹង និងកិត្យានុភាពជាតិយើង សូមចូលរួមគាំទ្រទាំងអស់គ្នាបងប្អូន»។ Facebook Post | Archived Link ដូចគ្នានេះ រូបថតមួយសន្លឹកដែលបង្ហាញនូវទិដ្ឋភាពដូចគ្នានេះ ក៏ត្រូវបានរកឃើញ និងបង្ហោះដោយអ្នកប្រើប្រាស់បណ្ដាញសង្គមហ្វេសប៊ុក ដទៃទៀតផងដែរ។ Facebook Post | Archived Link ការត្រួតពិនិត្យការពិត Fact […]

វីដេអូក្រាហ្វិកមួយត្រូវបានចែករំលែកមិនត្រឹមត្រូវថាជាទិដ្ឋភាពរញ្ជួយដីនៅកាណាដា

May 28, 2024May 28, 2024Kakada SimLeave a Comment

បន្ទាប់ពីរញ្ជួយដីមួយបានវាយប្រហារប្រទេសកាណាដាកាលពីថ្មីៗនេះ វីដេអូឃ្លីបមួយដែលបង្ហាញអគារញ័រ និងបានដួលរលំ ត្រូវបានបង្ហោះនៅលើបណ្ដាញសង្គមជាមួយសំណេរថា វាជាហេតុការណ៍រញ្ជួយដីនៅកាណាដា។ ការអះអាងភ្ជាប់ដោយវីដេអូខាងលើ ត្រូវបានចែករំលែកបន្ដជាច្រើនដង និងមានការបញ្ចេញមតិ និងប្រតិកម្មចម្រុះបែបផងដែរ។ ទោះជាយ៉ាងណា យើងរកឃើញថា វីដេអូនេះត្រូវបានភ្ជាប់ជាមួយព័ត៌មានមិនត្រឹមត្រូវនោះឡើយ។ ការអះអាងលើបណ្ដាញសង្គម កាលពីពេលថ្មីៗនេះ វីដេអូយ៉ាងផុសផុលមួយនៅលើបណ្ដាញសង្គមហ្វេសប៊ុក បានបង្ហាញទិដ្ឋភាពនៃការរងខូចខាត និងផលប៉ះពាល់ទៅលើអគារ ជាមួយនឹងការអះអាងថា នោះគឺជាទិដ្ឋភាពនៃគ្រោះរញ្ជួយដីនៅកាណាដាម្សិលមិញ។ ការបង្ហោះដោយភ្ជាប់ទៅនឹងវីដេអូឃ្លីបខាងលើ ត្រូវបានអ្នកប្រើប្រាស់បណ្ដាញសង្គមចែករំលែកជាច្រើនដង រួមជាមួយការបញ្ចេញមតិ និងប្រតិកម្មចម្រុះបែបផងដែរ។ ខាងក្រោមនេះ គឺជាវីដេអូឃ្លីបទាំងស្រុង ត្រូវបានបង្ហោះនៅលើបណ្ដាញសង្គមហ្វេសប៊ុក ជាមួយសំណេររៀបរាប់ថា «គ្មានស្រុកណាស្រួលរស់នៅ ជាងស្រុកកំណើតយើងទេ»។ Facebook Post | Archived Link ដូចគ្នានេះ វីដេអូមួយដែលបង្ហាញនូវអគារ CN ស្ថិតនៅក្នុងទីក្រុងតូរ៉ុនតូ (Toronto) ប្រទេសកាណាដា បានដួលរលំ ក៏ត្រូវបានរកឃើញ និងបង្ហោះដោយអ្នកប្រើប្រាស់បណ្ដាញសង្គម TikTok ដទៃទៀតផងដែរ។ TikTok Link | Archived Link វីដេអូឃ្លីបដូចគ្នាខាងលើ ក៏ត្រូវបានរកឃើញ និងចែកចាយយ៉ាងផុសផុលនៅលើគេហទំព័រវីដេអូ YouTube ផងដែរ […]

សារព័ត៌មានកម្ពុជាប្រើរូបថតចាស់ចុះផ្សាយក្នុងព័ត៌មានអំពីការធ្លាក់ឧទ្ធម្ភាគចក្រសម្លាប់មេដឹកនាំអ៊ីរ៉ង់

May 25, 2024May 25, 2024Jay UdomLeave a Comment

បន្ទាប់ពីហេតុការណ៍ធ្លាក់ឧទ្ធម្ភាគចក្រដែលបានសម្លាប់មេដឹកនាំអ៊ីរ៉ង់កាលពីចុងសប្ដាហ៍កន្លងមកនេះ
វីដេអូមួយត្រូវបានគេបង្ហោះលើបណ្ដាញសង្គមជាមួយការអះអាងថា
វាជាហេតុការណ៍ធ្លាក់ឧទ្ធម្ភាគចក្រដែលបានសម្លាប់មេដឹកនាំអ៊ីរ៉ង់។ វីដេអូឃ្លីបនេះ
ត្រូវបានចែករំលែកតៗគ្នាជាច្រើនដងនៅក្នុងរយៈពេលប៉ុន្មានថ្ងៃមកនេះ។ ទោះជាយ៉ាងណា
យើងបានរកឃើញថា ការផ្សព្វផ្សាយនេះមិនត្រឹមត្រូវនោះឡើយ។

វីដេអូចាស់អំពីស្ត្រីមានវិបត្តិផ្លូវចិត្តត្រូវបានបង្ហោះដោយមិនត្រឹមត្រូវលើបណ្ដាញសង្គម

May 1, 2024May 3, 2024Jay UdomLeave a Comment

ការអះអាងមួយនៅលើបណ្ដាញសង្គម បានផ្សព្វផ្សាយថា មានត្រីឆ្លាមជាច្រើនជាប់នៅក្នុងផ្សារទំនើបមួយនៃទីក្រុងឌូបៃ ក្រោយទឹកជំនន់ស្រកទៅវិញ។ ការអះអាងនេះ ត្រូវបានចែករំលែកបន្តយ៉ាងច្រើន ហើយក៏មានការបញ្ចេញមតិចម្រុះផងដែរ។ ទោះជាយ៉ាងណា បន្ទាប់ពីផ្ទៀងផ្ទាត់ទៅលើរូបភាពនេះ យើងរកឃើញថា ព័ត៌មាននេះមិនត្រឹមត្រូវនោះឡើយ។

វីដេអូឃ្លីបចាស់ៗត្រូវបានចែករំលែកថាជាវីដេអូទឹកជំនន់ថ្មីៗនេះនៅក្នុងទីក្រុងឌូបៃ

April 27, 2024July 8, 2024Kakada SimLeave a Comment

បន្ទាប់ពីភ្លៀងធ្លាក់បានបង្កជាគ្រោះទឹកជំនន់វាយប្រហារប្រទេសអារ៉ាប់រួមនាពេលថ្មីៗ រូបថត និងវីដេអូឃ្លីបបង្ហាញផលប៉ះពាល់ជាច្រើន ត្រូវបានបង្ហោះឡើងដោយភ្ជាប់នឹងការអះអាងថា វាគឺជាជំនន់ទឹកភ្លៀងនៅក្នុងទីក្រុងឌូបៃរួមនាពេលថ្មីៗនេះ។ ការអះអាងភ្ជាប់ដោយវីដេអូខាងលើ ត្រូវបានចែកចាយបន្ដជាច្រើនដង និងមានការបញ្ចេញមតិ និងប្រតិកម្មចម្រុះបែបផងដែរ។ ទោះជាយ៉ាងណា យើងរកឃើញថា វីដេអូនេះត្រូវបានភ្ជាប់ជាមួយព័ត៌មានមិនត្រឹមត្រូវនោះឡើយ។

តើនេះគឺជាទិដ្ឋភាពស្ថានីយរថភ្លើងនៅរាជធានីភ្នំពេញឆ្នាំ២០២៤មែនឬ?

April 19, 2024July 8, 2024Kakada SimLeave a Comment

បន្ទាប់ពីសារព័ត៌មាននានាបានចុះផ្សាយថា កម្ពុជាបានបញ្ជាទិញទូររថភ្លើងចាស់ៗពីប្រទេសជប៉ុននោះ ស្រាប់តែមានរូបថតមួយសន្លឹក ត្រូវបានគេអះអាងថា ជាស្ថានីយរថភ្លើងនៅក្នុងទីក្រុងភ្នំពេញឆ្នាំ២០២៤។ ការបង្ហោះនេះ ទទួលបានការបញ្ចេញមតិប្រតិកម្មចម្រុះ និងចែកចាយដោយអ្នកប្រើប្រាស់យ៉ាងផុសផុល។ ទោះជាយ៉ាងណា ការត្រួតពិនិត្យការពិតរបស់ Fact Crescendo Cambodia រកឃើញថា ការអះអាងដោយភ្ជាប់ជាមួយរូបថតបង្ហោះនៅលើបណ្ដាញសង្គមហ្វេសប៊ុកនោះ គឺមិនត្រឹមត្រូវនោះឡើយ។

តើនេះជាទិដ្ឋភាពនៃការរៀបចំតុបតែងសង្ក្រាន្តថ្មីនៅអាកាសយានដ្ឋានអន្តរជាតិភ្នំពេញមែនឬ?

April 12, 2024July 8, 2024Kakada SimLeave a Comment

ស្របពេលមានការបញ្ចេញមតិចម្រុះជាច្រើនអំពីការរៀបចំតុបតែងសង្ក្រាន្តឆ្នាំថ្មីនៅអាកាសយានដ្ឋានអន្តរជាតិភ្នំពេញនោះ រូបថតមួយសន្លឹក បង្ហាញទិដ្ឋភាពដើមណូអែល ធ្វើពីកន្ត្រក និងកញ្ជ្រែង ត្រូវបានបង្ហោះឡើង ដោយភ្ជាប់នឹងការលើកឡើងថា នោះគឺជាការរៀបចំតុបតែងថ្មីនៅ។ ការបង្ហោះនេះ ទទួលបានការប្រតិកម្ម និងចែកចាយជាច្រើនពីសំណាក់អ្នកប្រើប្រាស់យ៉ាងផុសផុល។ ទោះជាយ៉ាងណា ការត្រួតពិនិត្យការពិតរបស់ Fact Crescendo Cambodia រកឃើញថា រូបថតបង្ហោះនៅលើបណ្ដាញសង្គមហ្វេសប៊ុកនោះ គឺមិនត្រឹមត្រូវនោះឡើយ។

ទង់ជាតិវៀតណាមនៅកណ្ដាលប្រទេសកម្ពុជា តើការពិតបែបណាវិញ?

April 7, 2024April 12, 2024Jay UdomLeave a Comment

ព័ត៌មានដ៏ផុសផុលមួយនៅថ្ងៃម្សិលមិញនេះ បានលើកឡើងថា វៀតណាមបានបង្ហាញឥទ្ធិពលរបស់ខ្លួនដល់កណ្ដាលប្រទេសកម្ពុជាហើយ បន្ទាប់ពីមានការតុបតែងទង់ជាតិវៀតណាមនៅក្នុងបរិវេណបញ្ជាការដ្ឋានយោធាមួយរបស់កម្ពុជា។ ព័ត៌មាននេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា យើងរកឃើញថា ព័ត៌មាននេះមិនត្រឹមត្រូវនោះឡើយ។

មនុស្សលោកនឹងមិនអាចឃើញសូរ្យគ្រាសពេញទេ៣៧៥ឆ្នាំខាងមុខ តើជាការពិតឬទេ?

April 5, 2024April 5, 2024Kakada SimLeave a Comment

ប៉ុន្មានថ្ងៃចុងក្រោយនេះ មានព័ត៌មានយ៉ាងផុសផុលមួយ បានលើកឡើងថា បាតុភូតសូរ្យគ្រាសដែលនឹងកើតឡើងនៅថ្ងៃទី០៨ ខែមេសាខាងមុខនេះ គឺជាបាតុភូតសូរ្យគ្រាសពេញលេញមួយ ដែលយើងនឹងមិនអាចមើលឃើញនោះឡើយនៅក្នុងរយៈពេល ៣៧៥ឆ្នាំខាងមុខ។ ព័ត៌មាននេះ ត្រូវបានចែករំលែកបន្តព្រោងព្រាតនៅលើបណ្ដាញសង្គម។ ទោះជាយ៉ាងណា ការត្រួតពិនិត្យការពិតរបស់ Fact Crescendo Cambodia រកឃើញថា ការអះអាងខាងលើនោះ គឺមិនត្រឹមត្រូវនោះឡើយ។

ព័ត៌មានចាស់អំពីបញ្ហាព្រំដែនកម្ពុជា-ថៃតំបន់ព្រះវិហារ ត្រូវបានបង្ហោះឡើងវិញលើបណ្ដាញសង្គម

April 3, 2024April 9, 2024Jay UdomLeave a Comment

ព័ត៌មានដែលផុសផុលនៅលើបណ្ដាញសង្គម បាននិយាយថា ទាហានថៃបានកាត់សោរច្រកទ្វារចូលប្រាសាទព្រះវិហារនៅខាងដីថៃ។ ព័ត៌មាននេះ ត្រូវបានចែករំលែកព្រោងព្រាតលើបណ្ដាញសង្គម ហើយអ្នកប្រើប្រាស់បណ្ដាញសង្គមកម្ពុជាជាច្រើន បានជឿទៅតាមព័ត៌មាននេះ។ ទោះជាយ៉ាងណា យើងរកឃើញថា ការបង្ហោះរូបភាពទាំងនេះលើបណ្ដាញសង្គម មិនត្រឹមត្រូវនោះឡើយ។

រូបភាពព្រះសង្ឃពីរអង្គថើបគ្នាគឺជារូបភាពផ្គុំឡើងដោយបច្ចេកវិទ្យាបញ្ញាសិប្បនិម្មិត

March 30, 2024March 31, 2024Jay UdomLeave a Comment

រូបភាពបីសន្លឹកដែលបង្ហាញព្រះសង្ឃពីរអង្គថើបគ្នានៅក្នុងបរិវេណវត្តអារាម ត្រូវបានបង្ហោះនៅលើបណ្ដាញសង្គមដែលនាំឱ្យអ្នកប្រើប្រាស់បណ្ដាញសង្គមជឿថាជារូបថតពិតជាក់ស្ដែង។ រូបភាពទាំងពីរសន្លឹកនេះ ត្រូវបានចែករំលែកព្រោងព្រាតលើបណ្ដាញសង្គម ហើយក៏ទទួលរងការរិះគន់ពីអ្នកគោរពប្រតិបត្តិព្រះពុទ្ធសាសនាផងដែរ។ ទោះជាយ៉ាងណា យើងរកឃើញថា ការបង្ហោះរូបភាពទាំងនេះលើបណ្ដាញសង្គម មិនត្រឹមត្រូវនោះឡើយ។

ជនអន្តោប្រវេសន៍ដែលប៉ូលិសថៃឃាត់ខ្លួននៅភាគខាងត្បូងមិនមែនជាជនជាតិខ្មែរទេ

March 29, 2024March 29, 2024Kakada SimLeave a Comment

ស្របពេលព័ត៌មានទាក់ទងនឹងការឃាត់ខ្លួនពលករខ្មែរដែលព្យាយាមចូលទៅកាន់ប្រទេសថៃដោយខុសច្បាប់ បានកើតឡើងជារឿយៗនោះ វីដេអូឃ្លីបមួយដែលបង្ហាញមនុស្សមួយក្រុមលាក់ខ្លួននៅក្នុងរថយន្តមួយ ត្រូវបានបង្ហោះឡើងនៅលើបណ្ដាញសង្គមជាមួយសំណេរថា មនុស្សដែលត្រូវអាជ្ញាធរថៃចាប់ខ្លួននោះ គឺជាពលរដ្ឋខ្មែរចំណាកស្រុកទៅប្រទេសថៃ។ វីដេអូឃ្លីបភ្ជាប់នឹងការអះអាងនេះ ត្រូវបានចែកចាយ និងបង្ហោះយ៉ាងផុសផុលនាពេលថ្មីៗនេះ។ ទោះជាយ៉ាងណា Fact Crescendo Cambodia បានរកឃើញថា ការអះអាងនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម កាលពីថ្ងៃទី២២ ខែមីនា ឆ្នាំ២០២៤កន្លងទៅថ្មីៗនេះ ទំព័រហ្វេសប៊ុកមួយ បានបង្ហោះវីដេអូឃ្លីបបង្ហាញទិដ្ឋភាពនៃការរកឃើញមនុស្សមួយក្រុមបានលាក់ខ្លួននៅក្នុងរថយន្ត។ ទំព័រហ្វេសប៊ុកដដែលនេះ បានរៀបរាប់ក្នុងន័យថា មនុស្សដែលតម្រួតថៃឃាត់ខ្លួននោះ គឺជាពលករខ្មែរដែលព្យាយាមឆ្លងដែនចូលក្នុងប្រទេសថៃដោយខុសច្បាប់។ ទំព័រហ្វេសប៊ុកខាងលើ ពុំបានបញ្ជាក់ព័ត៌មានលម្អិតនៃហេតុការណ៍ និងទីតាំងដែលបានកើតឡើងនោះឡើយ ដែលនេះធ្វើឲ្យអ្នកប្រើប្រាស់នៅតាមបណ្ដាញសង្គម បានចែករំលែកជាច្រើនដង រួមជាមួយការបញ្ចេញមតិ និងប្រតិកម្មចម្រុះបែបផងដែរ។ ខាងក្រោមនេះ គឺជាវីដេអូឃ្លីបទាំងស្រុង ដែលបានបង្ហោះដោយទំព័រហ្វេសប៊ុកខាងលើ ដែលបានសរសេរថា «ឃើញហើយគួរអោយសង្វេគជាតិសាសន៍ខ្ញុំ😫🥺»។ Facebook Post | Archived Link វីដេអូឃ្លីបភ្ជាប់ដោយការអះអាងបែបនេះ ត្រូវបានបង្ហោះ និងរកឃើញនៅលើបណ្ដាញសង្គមហ្វេសប៊ុក ជាច្រើនទៀតផងដែរ។ សូមមើលខ្លឹមសារអះអាងទាំងស្រុង តាមរយៈតំណភ្ជាប់មាននៅទីនេះ (archived link) និងតំណភ្ជាប់មួយទៀតនៅទីនេះ (archived link)។ ការត្រួតពិនិត្យការពិត […]

អ្នកប្រើប្រាស់បណ្ដាញសង្គមកម្ពុជាយល់ច្រឡំថា Gagan Malik ជាតួអង្គព្រះពុទ្ធក្នុងរឿងភាគ “ពុទ្ធប្រវត្តិ”

March 29, 2024March 30, 2024Jay UdomLeave a Comment

តារាសម្ដែងឥណ្ឌា លោក Gagan Malik ដែលជាតួសម្ដែងជាព្រះពុទ្ធនៅក្នុងខ្សែភាពយន្តនិយាយអំពីប្រវត្តិរបស់ព្រះពុទ្ធនោះ បានមកទស្សនាប្រាសាទអង្គរវត្តរបស់កម្ពុជាកាលពីសប្ដាហ៍មុន។ បន្ទាប់មក ក៏មានការអះអាងថា តារាសម្ដែងរូបនេះ គឺជាតួសម្ដែងជាព្រះពុទ្ធនៅក្នុងវីដេអូភាគរឿង “ពុទ្ធប្រវត្តិ” ដែលធ្លាប់ចាក់ផ្សាយតាមកញ្ចក់ទូរទស្សន៍ក្នុងស្រុក។ ការអះអាងនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា បន្ទាប់ពីផ្ទៀងផ្ទាត់រួច យើងរកឃើញថា ការអះអាងនេះ មិនត្រឹមត្រូវទេ។ ការអះអាងលើបណ្ដាញសង្គម ការអះអាងដ៏ផុសផុលនៅលើបណ្ដាញសង្គម បានលើកឡើងថា តារាភាពយន្តឥណ្ឌា លោក Gagan Malik គឺជាតួអង្គសនម្ដែងជាព្រះពុទ្ធនៅក្នុងខ្សែវីដេអូភាគពុទ្ធប្រវត្តិ ដែលត្រូវបានចាក់បញ្ចាំងតាមទូរទស្សន៍មួយនៅក្នុងប្រទេសកម្ពុជា។ ការអះអាងនេះ ត្រូវបានបង្ហោះព្រោងព្រាតនៅលើបណ្ដាញសង្គមហ្វេសប៊ុក និងត្រូវបានចែករំលែកបន្តយ៉ាងផុសផុល បន្ទាប់ពីតារាភាពយន្តឥណ្ឌារូបនេះ បានធ្វើដំណើរមកទស្សនាប្រាសាទអង្គរវត្តរបស់កម្ពុជាកាលពីសប្ដាហ៍មុន។ ការអះអាងនេះ ត្រូវបានបង្ហោះនៅលើបណ្ដាញសង្គមជាមួយរូបថតលោក Gagan Malik ថតរូបជាមួយសម្ដេចព្រះព្រហ្មរតនមុនី សិរីសុវណ្ណោ ពិន សែម និងរូបថត ២សន្លឹកដែលត្រូវបានផ្ដាមយកចេញពីវិដេអូភាគនិយាយអំពីពុទ្ធប្រវត្តិ។ ខាងក្រោមនេះ គឺជារូបភាពផ្ដាមចេញពីព័ត៌មានត្រូវបានផ្សព្វផ្សាយនៅលើបណ្ដាញសង្គមហ្វេសប៊ុកកាលពីថ្ងៃទី២០ ខែមីនា ឆ្នាំ២០២៤ ដែលសរសេរថា “តួសម្ដែងជាតួអង្គព្រះពុទ្ធបានអញ្ចើញមកដល់ដែនដីកម្ពុជាយើងហើយ”។ Facebook Post | Archived Link ព័ត៌មានដូចគ្នានេះ […]

វីដេអូចាស់ស៊ូណាមិវាយប្រហារជប៉ុនកាលឆ្នាំ២០១១ ត្រូវបានអះអាងថា ទឹកជំនន់នៅឌូបៃ

March 9, 2024March 10, 2024Jay UdomLeave a Comment

ខណៈដែលទីក្រុងឌូបៃត្រូវលិចលង់ក្នុងទឹកជំនន់បង្កឡើងដោយភ្លៀងធ្លាក់ខ្លាំងក្លានោះ វីដេអូមួយដែលបង្ហាញរថយន្តជាច្រើនគ្រឿងអណ្ដែតតាមទឹកជំនន់នោះ ត្រូវបានគេបង្ហោះលើបណ្ដាញសង្គមជាមួយការអះអាងថា ជាហេតុការណ៍ទឹកជំនន់នៅទីក្រុងឌូបៃ។ ការអះអាងនេះ ត្រូវបានចែករំលែកបន្តព្រោងព្រាតលើបណ្ដាញសង្គមនាពេលថ្មីៗនេះ។ ទោះជាយ៉ាងណា យើងរកឃើញថា ការអះអាងនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម វីដេអូទឹកជំនន់វាយប្រហារទីក្រុងមួយ ត្រូវបានគេបង្ហោះលើបណ្ដាញសង្គមជាមួយសំណេររៀបរាប់ថា វាជាទឹកជំនន់វាយប្រហារទីក្រុងឌូបៃ ប្រទេសអារ៉ាប់រួម កាលពីថ្ងៃទី២៦ ខែកុម្ភៈ ឆ្នាំ២០២៤។ វីដេអូដែលភ្ជាប់ជាមួយសំណេរបែបនេះ ត្រូវបានចែករំលែកបន្តព្រោងព្រាតរហូតដល់រាប់ពាន់ដងពីសំណាក់អ្នកប្រើប្រាស់បណ្ដាញសង្គមហ្វេសប៊ុក ក្នុងនោះមានអ្នកប្រើប្រាស់ហ្វេសប៊ុកនិយាយភាសាខ្មែរជាច្រើន បានបញ្ចេញប្រតិកម្ម និងមតិយោបល់ទៅនឹងវីដេអូនេះ។ ខាងក្រោមនេះ គឺជាវីដេអូទាំងស្រុងដែលត្រូវបានបង្ហោះលើបណ្ដាញសង្គមហ្វេសប៊ុកកាលពីថ្ងៃទី២៦ ខែកុម្ភៈ ឆ្នាំ២០២៤ ជាមួយសំណេររៀបរាប់ថា “ទឹកជំនន់នៅទីក្រុងឌូបៃ”។ Facebook Post | Archived Link ការត្រួតពិនិត្យការពិត Fact Crescendo Cambodia បានចាប់ផ្ដើមត្រួតពិនិត្យ និងផ្ទៀងផ្ទាត់ទៅលើការអះអាងខាងលើនេះតាមរយៈការដំណើរការ Google Reverse Image Search ដែលនាំឱ្យយើងរកឃើញការពិតដូចខាងក្រោមនេះ។ តាមរយៈ Google Reverse Image Search យើងបានរកឃើញវីដេអូទឹកជំនន់នេះនៅលើបណ្ដាញ YouTube ដែលបង្ហោះដោយឆាណែល EURONEWS កាលពី […]

វីដេអូនៃហេតុការណ៍ផ្ទុះឃ្លាំងផ្ទុកសារធាតុគីមីនៅលីបង់៤ឆ្នាំមុន ត្រូវបានអះអាងដោយមិនត្រឹមត្រូវ

March 2, 2024March 2, 2024Jay UdomLeave a Comment

វីដេអូមួយបង្ហាញហេតុការណ៍ផ្ទុះដ៏ខ្លាំងក្លាយមួយ ត្រូវបានគេអះអាងថា វាជាហេតុការណ៍វាយប្រហារបណ្ដាលមកពីសង្គ្រាម។ វីដេអូជាមួយសំណេរបែបនេះ ត្រូវបានចែករំលែកជាច្រើនដងនៅលើបណ្ដាញសង្គម។ ទោះជាយ៉ាងណា យើងរកឃើញថា ការបង្ហោះវីដេអូនេះមិនត្រឹមត្រូវនោះឡើយ។

គណនីតេឡេក្រាមក្លែងក្លាយប្រើឈ្មោះនាយករដ្ឋមន្ត្រី ហ៊ុន ម៉ាណែត ដើម្បីឆបោកមហាជន

February 27, 2024February 27, 2024Kakada SimLeave a Comment

បណ្ដាញសង្គមតេឡេក្រាម ត្រូវបានប្រើប្រាស់ច្រើននៅក្នុងចំណោមថ្នាក់ដឹកនាំជាន់ខ្ពស់កម្ពុជា។ ទន្ទឹមគ្នានេះ បណ្ដាញតេឡេក្រាមដែលមានឈ្មោះ និងរូបលោក ហ៊ុន ម៉ាណែត បានឆ្លើយឆ្លងជាមួយនឹងអ្នកប្រើប្រាស់តេឡេក្រាម ដោយបានលើកឡើងថា លោកបាននឹងកំពុងប្រកាសផ្ដល់រង្វាន់ជូនទៅកាន់អ្នកគាំទ្ររបស់លោក។ ទោះជាយ៉ាងណា ការត្រួតពិនិត្យការពិតរបស់ Fact Crescendo Cambodia រកឃើញថា ការអះអាងខាងលើនោះ គឺមិនត្រឹមត្រូវនោះឡើយ។

តើនេះគឺជាដំណើរការផលិតសាច់គោក្លែងក្លាយពីជ័រកៅស៊ូមែនឬទេ?

February 23, 2024February 24, 2024Jay UdomLeave a Comment

ខណៈដែលវីដេអូប្លែកៗជាច្រើន ត្រូវបានបង្ហោះនៅលើបណ្ដាញសង្គមនោះ វីដេអូមួយដែលបង្ហាញដំណើរការផលិតកម្មមួយ ត្រូវបានគេអះអាងថា វាជាដំណើរការផលិតសាច់គោក្លែងក្លាយ។ ការអះអាងនេះ ត្រូវបានចែករំលែកផុសផុលនៅលើបណ្ដាញសង្គម។ ទោះជាយ៉ាងណា យើងបានរកឃើញថា ការអះអាងនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម វីដេអូដំណើរការកែច្នៃផលិតផលមួយ ត្រូវបានគេបង្ហោះនៅលើបណ្ដាញសង្គមជាមួយការអះអាងថា វាជាការកែច្នៃសាច់គោចេញពីជ័រកៅស៊ូ ដែលបង្កហានិភ័យដល់សុខភាពរបស់អ្នកបរិភោគ។ វីដេអូមានរយៈពេល ៣៦វិនាទីនេះ ដែលមានការរៀបរាប់ដូចខាងលើនេះ ត្រូវបានចែករំលែកបន្តព្រោងព្រាតនៅលើបណ្ដាញសង្គម ហើយអ្នកប្រើប្រាស់ហ្វេសប៊ុកកម្ពុជាជាច្រើន បានបញ្ចេញប្រតិកម្ម និងមតិយោបល់ទៅនឹងការអះអាងនេះ ក្នុងនោះមានអ្នកប្រើប្រាស់ហ្វេសប៊ុកជាច្រើនជឿជាក់ទៅលើការអះអាងនេះ។ ខាងក្រោមនេះ គឺជាវីដេអូទាំងស្រុងដែលត្រូវបានបង្ហោះនៅលើបណ្ដាញសង្គមកាលពីថ្ងៃទី១៨ ខែកុម្ភៈ ឆ្នាំ២០២៤ ដោយសរសេររៀបរាប់ថា “ចប់ហើយសុខភាពខ្ញុំ គេធ្វើសាច់គោពីជ័រ”។ Facebook Post | Archived Link ការអះអាងដូចគ្នានេះ ក៏ត្រូវបានបង្ហោះនៅលើបណ្ដាញសង្គមដោយអ្នកប្រើប្រាស់ហ្វេសប៊ុកដទៃទៀតផងដែរ ដែលនាំឱ្យមានការចែករំលែកបន្តដ៏ច្រើន ហើយក៏មានប្រតិកម្ម និងមតិយោបល់ពីអ្នកប្រើប្រាស់បណ្ដាញសង្គមជាច្រើនដែរ។ ខាងក្រោមនេះ គឺជាវីដេអូទាំងស្រុងដែលត្រូវបានបង្ហោះដោយទំព័រហ្វេសប៊ុកមួយទៀតកាលពីថ្ងៃទី១៨ ខែកុម្ភៈ ឆ្នាំ២០២៤ ហើយត្រូវបានចែករំលែកបន្តរហូតដល់ជាង ៦៤០០ដង។ Facebook Post | Archived Link គេអាចរកមើលការអះអាងដូចគ្នានេះ ដែលត្រូវបានបង្ហោះនៅលើបណ្ដាញសង្គមតាមរយៈតំណភ្ជាប់មាននៅទីនេះ ១ […]

តារាភាពយន្តអាមេរិកដ៏ល្បីល្បាញ Arnold Schwarzenegger សម្ដែងធ្វើជាជនអនាថាដេកតាមផ្លូវ

February 18, 2024February 18, 2024Jay UdomLeave a Comment

កាលពីចុងខែមករាកន្លងមកនេះ រូបថតមួយសន្លឹករបស់តារាសម្ដែងភាពយន្តដ៏ល្បីរបស់អាមេរិក លោក Arnold Schwarzenegger គេងនៅមុខរូបចម្លាក់របស់លោក ត្រូវបានគេបង្ហោះនៅលើបណ្ដាញសង្គមជាមួយសំណេររៀបរាប់ថា អតីតអភិបាលរដ្ឋកាលីហ្វ័រញ៉ារូបនេះ សម្រេចចិត្តគេងបែបនេះ បន្ទាប់ពីបុគ្គលិកសណ្ឋាគារមួយបដិសេធផ្ដល់បន្ទប់ពិសេសដល់រូបលោក ដែលម្ចាស់សណ្ឋាគារនោះធ្លាប់សន្យាផ្ដល់ឱ្យលោកស្នាក់នៅដោយឥតគិតថ្លៃ។ ទោះជាយ៉ាងណា យើងរកឃើញថា ការអះអាងនេះមិនត្រឹមត្រូវនោះឡើយ។ ការអះអាងលើបណ្ដាញសង្គម អតីតមន្ត្រីក្រសួងព័ត៌មាន លោក ខៀវ កាញ៉ារីទ្ធ បានបង្ហោះរូបថតតារាភាពយន្តអាមេរិក លោក Arnold Schwarzenegger នៅលើបណ្ដាញសង្គមហ្វេសប៊ុកកាលពីខែមករាកន្លងមកនេះ ដោយសរសេររៀបរាប់ថា តារាភាពយន្តរូបនេះ បានគេងនៅមុខរូបចម្លាក់របស់លោក។ សំណេររបស់លោកបន្តថា អតីតអភិបាលរដ្ឋកាលីហ្វ័រញ៉ារូបនេះ បានសម្រេចគេងនៅចិញ្ចើមថ្នល់ក្បែររូបសំណាក់ទង់ដែងរបស់លោក បន្ទាប់ពីបុគ្គលិកសណ្ឋាគារដែលធ្លាប់សន្យាផ្ដល់បន្ទប់ឱ្យលោកស្នាក់នៅដោយឥតគិតថ្លៃនោះ បានបដិសេធរូបលោក។ រូបថត និងសំណេរបែបនេះ ត្រូវបានចែករំលែកបន្តយ៉ាងច្រើនរហូតដល់ជាង ៧ពាន់ដង ហើយមានអ្នកប្រើប្រាស់ហ្វេសប៊ុកនិយាយភាសាខ្មែរជាច្រើន បានបញ្ចេញប្រតិកម្ម និងមតិយោបល់ទៅនឹងសារមួយនេះ។ ខាងក្រោមនេះ គឺជារូបភាពផ្ដាមចេញពីការបង្ហោះនៅលើបណ្ដាញសង្គមរបស់លោក ខៀវ កាញ៉ារីទ្ធ កាលពីថ្ងៃទី២៦ ខែមករា ឆ្នាំ២០២៤។ Facebook Post | Archived Link ព័ត៌មាននេះ ក៏ត្រូវបានចុះផ្សាយដោយសារព័ត៌មានក្នុងស្រុកមួយផងដែរកាលពីចុងខែមករាកន្លងមកនេះ ប៉ុន្មានម៉ោងក្រោយពីលោក ខៀវ […]

វីដេអូផលិតកម្មដបកែវមួយត្រូវបានអះអាងថាជាដំណើរការផលិតអង្ករក្លែងក្លាយ

February 14, 2024February 14, 2024Jay UdomLeave a Comment

វីដេអូនៃដំណើរការផលិតកម្មកែច្នៃមួយនៅឯបរទេស ត្រូវបានអ្នកប្រើប្រាស់ហ្វេសប៊ុកកម្ពុជាអះអាងថា ជារោងចក្រផលិតអង្ករក្លែងក្លាយ។ វីដេអូជាមួយការអះអាងបែបនេះ ត្រូវបានចែករំលែកព្រោងព្រាតលើបណ្ដាញសង្គម ហើយទទួលបានប្រតិកម្ម និងមតិយោបល់ជាច្រើនពីអ្នកប្រើប្រាស់ហ្វេសប៊ុក។ ទោះជាយ៉ាងណា យើងបានរកឃើញថា ការអះអាងនេះមិនត្រឹមត្រូវនោះឡើយ។

តារាចម្រៀង ម៉េង កែវពេជ្ជតា និយាយរិះគន់ថ្នាក់ដឹកនាំប្រទេស តើជាការពិតឬទេ?

February 9, 2024February 11, 2024Jay UdomLeave a Comment

ខណៈដែលជម្លោះពាក្យសម្ដីនៅក្នុងចំណោមសិល្បករកម្ពុជាមួយចំនួន បានផ្ទុះឡើងនោះ វីដេអូមួយរបស់តារាចម្រៀង អ្នកស្រី ម៉េង កែវពេជ្ជតា ត្រូវបានគេបង្ហោះនៅលើបណ្ដាញសង្គមដោយសរសេររៀបរាប់ថា តារាចម្រៀងជើងចាស់រូបនេះនិយាយរិះគន់ថ្នាក់ដឹកនាំប្រទេស។ ទោះជាយ៉ាងណា យើងរកឃើញថា ការអះអាងនេះមិនត្រឹមត្រូវទេ។

លោក ហ៊ុន សែន បញ្ជាក់ថា សុខភាពភរិយាលោកបានល្អប្រសើរក្រោយព្យាបាលនៅមន្ទីរពេទ្យ

February 3, 2024February 3, 2024Kakada SimLeave a Comment

បន្ទាប់ពីមានការចុះផ្សាយថា អ្នកស្រី ប៊ុន រ៉ានី ភរិយារបស់អតីតនាយករដ្ឋមន្ត្រី ហ៊ុន សែន ត្រូវបានបញ្ជូនទៅសង្គ្រោះនៅមន្ទីរពេទ្យកាល់ម៉ែត្រនោះ ការអះអាងមួយនៅលើបណ្ដាញសង្គម បានផ្សព្វផ្សាយថា ស្ត្រីមេដឹកនាំបក្សកាន់អំណាចរូបនេះ បានទទួលមរណភាពហើយ។ ការអះអាងនេះ ត្រូវបានចែករំលែកបន្តនៅលើបណ្ដាញសង្គម។ ទោះជាយ៉ាងណា យើងរកឃើញថា ការអះអាងនេះមិនត្រឹមត្រូវនោះឡើយ។ ការអះអាងលើបណ្ដាញសង្គម ការអះអាងមួយ បានលើកឡើងថា អ្នកស្រី ប៊ុន រ៉ានី ភរិយាអតីតនាយករដ្ឋមន្ត្រី ហ៊ុន សែន បានទទួលមរណភាព។ ការអះអាងនេះ ត្រូវបានបង្ហោះនៅលើបណ្ដាញសង្គមដោយទំព័រហ្វេសប៊ុកនាពេលថ្មីៗនេះ។ ទំព័រហ្វេសប៊ុកដដែលនេះ បានបង្ហោះរូបថតអ្នកស្រី ប៊ុន រ៉ានី ដោយមានសំណេរពាក្យ «RIP» នៅលើរូបថតនោះ ដែលមានន័យថា ប្រធានកាកបាទក្រហមកម្ពុជារូបនេះ បានទទួលមរណភាព។ ការអះអាងនេះ ត្រូវបានគេចែករំលែកបន្តនៅលើបណ្ដាញសង្គម ព្រមជាមួយការបញ្ចេញមតិយោបល់ និងប្រតិកម្មផ្សេងៗពីអ្នកប្រើប្រាស់ហ្វេសប៊ុកនិយាយភាសាខ្មែរផងដែរ។ ខាងក្រោមនេះ គឺជារូបភាពផ្ដាមចេញពីការអះអាងលើបណ្ដាញសង្គមកាលពីថ្ងៃទី០១ ខែកុម្ភៈ ឆ្នាំ២០២៤ ដែលសរសេររៀបរាប់ «ធ្វើល្អបានល្អ ធ្វើអាក្រក់បានអាក្រក់»។ Facebook Post | Archived Link […]

កំណាត់ផ្លូវមួយនៅឥណ្ឌា ត្រូវបានភ្ជាប់មិនត្រឹមត្រូវថាជាដងផ្លូវនៅវៀតណាម

February 1, 2024February 3, 2024Kakada SimLeave a Comment

រូបថតប្រៀបធៀបដងផ្លូវកម្ពុជាជាមួយដងផ្លូវប្រទេសថៃ និងវៀតណាម ត្រូវបានបង្ហោះនៅលើបណ្ដាញសង្គម។ រូបថតនេះ ត្រូវបានចែករំលែកព្រោងព្រាតលើបណ្ដាញសង្គម និងទទួលបានមតិយោបល់ក៏ដូចជាប្រតិកម្មច្រើនពីអ្នកប្រើប្រាស់បណ្ដាញសង្គមកម្ពុជា។ ទោះយ៉ាងណា ការផ្ទៀងផ្ទាត់របស់ Fact Crescendo Cambodia បានបង្ហាញថា រូបថតមួយសន្លឹក ដែលភ្ជាប់ទង់ជាតិវៀតណាមទៅនឹងកំណាត់ដងផ្លូវមួយ គឺមិនត្រឹមត្រូវនោះឡើយ។

អ្នកសម្របសម្រួល RFA បញ្ជាក់ថា សុខភាពមេវិទ្យុមួយនេះបានល្អប្រសើរច្រើនហើយ

January 26, 2024February 1, 2024Jay UdomLeave a Comment

នាយកការផ្សាយវិទ្យុអាស៊ីសេរីជាភាសាខ្មែរ លោក ជុន ច័ន្ទបុត្រ បានអវត្តមានពីកម្មវិធីផ្សាយប្រចាំថ្ងៃរបស់វិទ្យុនេះអស់រយៈពេលប៉ុន្មានសប្ដាហ៍មកហើយ ដើម្បីទទួលការព្យាបាលសុខភាពរបស់។ អំឡុងលោកអវត្តមានបែបនេះ មានការអះអាងមួយនៅលើបណ្ដាញសង្គមលើកឡើងថា លោកបានទទួលមរណភាពហើយ ក្រោយទទួលការវះកាត់។ ការអះអាងនេះ ត្រូវបានគេចែករំលែកក្នុងក្រុមបណ្ដាញសង្គម។ ទោះជាយ៉ាងណា យើងរកឃើញថា ការអះអាងនេះ មិនត្រឹមត្រូវនោះឡើយ។

ការអះអាងគ្មានមូលដ្ឋានថា លោក រ៉ុង ឈុន មានស្នេហាអាថ៌កំបាំងជាមួយស្ត្រីម្នាក់

December 18, 2023December 22, 2023Jay UdomLeave a Comment

ការអះអាងមួយនៅលើបណ្ដាញសង្គម បានអះអាងថា លោក រ៉ុង ឈុន ទីប្រឹក្សាគណបក្សកម្លាំងជាតិដែលទើបបង្កើតថ្មីៗ បាននាំស្រីស្នេហ៍ចូលផ្ទះមួយកន្លែង។ ការអះអាងនេះ ត្រូវបានចែករំលែកបន្តជាច្រើនដងនៅលើបណ្ដាញសង្គម និងនាំឱ្យមានការចោទសួរពីការពិតនៃវីដេអូនេះ។ ទោះជាយ៉ាងណា យើងរកឃើញថា ការអះអាងនេះមិនត្រឹមត្រូវនោះឡើយ។

តើពលរដ្ឋវៀតណាមទទួលបានសញ្ជាតិកម្ពុជាមានចំនួនប៉ុន្មាន?

December 4, 2023December 22, 2023Jay UdomLeave a Comment

ថ្មីៗនេះ មានការអះអាងនៅលើបណ្ដាញសង្គមថា មានជនជាតិវៀតណាមជាង ១០ម៉ឺននាក់បានចូលសញ្ជាតិកម្ពុជាក្នុងមួយឆ្នាំៗ។ ការអះអាងនេះ ត្រូវបានចែករំលែកបន្តយ៉ាងច្រើន និងទទួលបានមតិយោបល់ចម្រុះពីអ្នកប្រើប្រាស់បណ្ដាញសង្គមនិយាយភាសាខ្មែរ។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះមិនត្រឹមត្រូវនោះឡើយ។

តើរដ្ឋាភិបាលវៀតណាមអនុញ្ញាតខ្មែរក្រោមលើកទង់តាមផ្ទះមែនឬទេ?

November 23, 2023November 24, 2023Jay UdomLeave a Comment

រឿងរ៉ាវខ្មែរក្រោមនៅភាគខាងត្បូងវៀតណាមសព្វថ្ងៃនេះ នៅតែជាប្រធានបទនៃការជជែកនៅលើបណ្ដាញសង្គមដដែល។ នៅដើមខែវិច្ឆិកានេះ ព័ត៌មានមួយត្រូវបានផ្សព្វផ្សាយថា អាជ្ញាធរវៀតណាមបានអនុញ្ញាតឱ្យលើកទង់តំណាងខ្មែរក្រោមនៅតាមផ្ទះ។ ព័ត៌មាននេះ ត្រូវបានចែករំលែកព្រោងព្រាតលើបណ្ដាញសង្គម និងទទួលបានមតិយោបល់ចម្រុះបែបផងដែរ។ ទោះជាយ៉ាងណា យើងរកឃើញថា ព័ត៌មាននេះមិនត្រឹមត្រូវនោះឡើយ។ ការអះអាងលើបណ្ដាញសង្គម ការអះអាងមួយដែលផុសផុលនៅលើបណ្ដាញសង្គមកាលពីដើមខែវិច្ឆិកានេះ បានលើកឡើងថា អាជ្ញាធរវៀតណាមបានអនុញ្ញាតឱ្យពលរដ្ឋខ្មែរកម្ពុជាក្រោម លើកទង់ជាតិកម្ពុជាក្រោមនៅក្នុងផ្ទះរបស់ពួកគេ។ ការអះអាងនេះ ទទួលបានការចែករំលែកយ៉ាងព្រោងព្រាត និងមតិយោបល់ចម្រុះបែបពីសំណាក់អ្នកប្រើប្រាស់បណ្ដាញសង្គមនិយាយភាសាខ្មែរ។ ខាងក្រោមនេះ គឺជាវីដេអូដែលផ្ដាមចេញពីការអះអាងនៅលើបណ្ដាញសង្គមកាលពីថ្ងៃទី០២ ខែវិច្ឆិកា ឆ្នាំ២០២៣ ដែលរៀបរាប់ថា «ជោគជ័យធំហើយខ្មែរក្រោម! អាជ្ញាធរយួនអនុញ្ញាតឱ្យខ្មែរក្រោមអាចលើកទង់ជាតិរបស់ខ្លួនៅក្នុងផ្ទះបានដោយគ្មានបញ្ហា»។ Facebook Post | Archived Link ការអះអាងដដែលនេះ ក៏ត្រូវបានបង្ហោះដោយអ្នកប្រើប្រាស់ហ្វេសប៊ុកមួយទៀតនៅប៉ុន្មានថ្ងៃក្រោយមក ហើយក៏ទទួលបានការចែករំលែកបន្ត និងមតិយោបល់ជាច្រើនផងដែរ។ ខាងក្រោមនេះ គឺជារូបភាពផ្ដាមចេញពីការអះអាងដែលបង្ហោះនៅលើបណ្ដាញសង្គមហ្វេសប៊ុកកាលពីថ្ងៃទី០៦ ខែវិច្ឆិកាជាមួយសំណេររៀបរាប់ថា «ជោគជ័យធំហើយខ្មែរក្រោម! អាជ្ញាធរយួនអនុញ្ញាតឱ្យខ្មែរក្រោមអាចលើកទង់ជាតិរបស់ខ្លួននៅក្នុងផ្ទះបានដោយគ្មានបញ្ហា»។ Facebook Post | Archived Link គេអាចរកមើលការអះអាងដដែលនេះដែលត្រូវបានបង្ហោះលើបណ្ដាញសង្គមដោយអ្នកប្រើប្រាស់ហ្វេសប៊ុកដទៃទៀតតាមរយៈតំណភ្ជាប់នៅទីនេះ ឬតាមរយៈតំណភ្ជាប់មួយទៀតនៅទីនេះ ឬតាមរយៈតំណភ្ជាប់មួយនៅទីនេះ (archived)។ FACT CHECK Fact Crescendo Cambodia បានចាប់ផ្ដើមត្រួតពិនិត្យ […]

ស្លាយជិះតាមជម្រាលភ្នំមួយនៅវៀតណាម ត្រូវបានភ្ជាប់មិនត្រឹមត្រូវថានៅកម្ពុជា

October 28, 2023October 30, 2023Kakada SimLeave a Comment

ខណៈដែលរូបថត និងវីដេអូឃ្លីបទេសភាពប្រទេសកម្ពុជា ត្រូវបានចែករំលែកនៅលើបណ្ដាញសង្គមជារឿយៗ វីដេអូឃ្លីបមួយ បង្ហាញទិដ្ឋភាពនៃការជិះស្លាយនៅជម្រាលភ្នំមួយ ត្រូវបានបង្ហោះដោយទំព័រហ្វេសប៊ុក ដោយបានអះអាងថា វាមានទីតាំងស្ថិតនៅក្នុងស្រុកមង្គលបុរី ខេត្តបន្ទាយមានជ័យ។ ការអះអាងលើវីដេអូឃ្លីបនេះ ទទួលបានការចែកចាយ និងប្រតិកម្មចម្រុះពីសំណាក់អ្នកប្រើប្រាស់បណ្ដាញសង្គមហ្វេសប៊ុក និយាយភាសាខ្មែរជាច្រើនយ៉ាងផុសផុល។ ទោះជាយ៉ាងណា Fact Crescendo Cambodia ការត្រួតពិនិត្យការពិតរបស់ បានរកឃើញថា ការអះអាងដោយភ្ជាប់ទៅនឹងវីដេអូឃ្លីបខាងលើ គឺមិនត្រឹមត្រូវនោះឡើយ។

តើនេះគឺជាទិដ្ឋភាពនៃការបើកវាយប្រហាររបស់អ៊ីស្រាអែលទៅកាន់ក្រុមហាម៉ាសប៉ាឡេស្ទីនមែនឬ?

October 14, 2023October 14, 2023Kakada SimLeave a Comment

ក្រោយពីមានការបើកវាយប្រហារដ៏ទ្រង់ទ្រាយធំទៅលើទឹកដីអ៊ីស្រាអែល ពីសំណាក់ក្រុមហាម៉ាសប៉ាឡេស្ទីនកាលពីថ្ងៃសៅរ៍ ទី០៧ ខែតុលា ឆ្នាំ២០២៣កន្លងទៅថ្មីៗនេះ វីដេអូឃ្លីបមួយ បង្ហាញទិដ្ឋភាពយន្តហោះជាច្រើនគ្រឿង និងក្រុមកងទ័ពអាកាសលោតឆ័ត្រយោង ត្រូវបានបង្ហោះឡើង ដោយបានភ្ជាប់ និងអះអាងថា នោះគឺជាទិដ្ឋភាពនៃការវាយប្រហារបកទៅលើក្រុមហាម៉ាសប៉ាឡេស្ទីន របស់កងទាហានអ៊ីស្រាអែល។ ការលើកឡើងបែបនេះ ត្រូវបានចែកចាយ និងប្រតិកម្មជាច្រើនយ៉ាងផុសផុលនៅលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះ គឺមិនត្រឹមត្រូវនោះឡើយ។ ការអះអាងលើបណ្ដាញសង្គម កាលពីថ្ងៃទី១០ ខែតុលា ឆ្នាំ២០២៣កន្លងទៅ ទំព័រហ្វេសប៊ុកមួយ ដែលមានឈ្មោះថា «ចាបមាស/Chin Sarim» បានបង្ហោះវីដេអូឃ្លីបព័ត៌មានរាយការណ៍មួយ ដោយបានបង្ហាញទិដ្ឋភាពក្រុមកងទាហានឆ័ត្រយោង ដែលបានលោតចេញពីយន្តហោះជាច្រើនគ្រឿង។ ការបង្ហោះវីដេអូនេះ ត្រូវបានអះអាង និងភ្ជាប់ទៅនឹងទិដ្ឋភាពវិបត្តិសង្រ្គាមអ៊ីស្រាអែល-ប៉ាឡេស្ទីន ដែលកើតឡើងនាពេលថ្មីៗនេះ។ ការអះអាងខាងលើ ត្រូវបានចែករំលែកជាច្រើនដងពីសំណាក់អ្នកប្រើប្រាស់ហ្វេសប៊ុកនិយាយភាសាខ្មែរ ហើយអ្នកប្រើប្រាស់ហ្វេសប៊ុកជាច្រើន បានបញ្ចេញមតិ និងប្រតិកម្មទៅនឹងវីដេអូឃ្លីបនេះផងដែរ។ ខាងក្រោមនេះគឺជាវីដេអូឃ្លីបទាំងស្រុង ដែលបានសរសេរថា «អ៊ីស្រាអែល បានបើកការវាយប្រហារ៣មុខព្រួញលើក្រុមហាម៉ាសប៉ាឡេស្ទីន»។ Facebook Post | Archived Link ការអះអាងដូចគ្នា ក៏ត្រូវបានរកឃើញ និងបង្ហោះនៅលើគេហទំព័រវីដេអូ YouTube ផងដែរ […]

តើនេះក្រុមមនុស្សទាំងនេះរង់ចាំទិញទឹកអប់ Dior នៅក្នុងផ្សារទំនើបនៅកម្ពុជាមែនឬទេ?

October 10, 2023October 10, 2023Kakada SimLeave a Comment

រូបថតមួយសន្លឹកដែលបង្ហាញឱ្យឃើញមនុស្សកកកុញនៅខាងមុខហាងទឹកអប់ ក្នុងផ្សារទំនើបមួយកន្លែង ត្រូវបានបង្ហោះនៅលើបណ្ដាញសង្គមជាមួយនឹងការអះអាងថា នេះគឺជាហេតុការណ៍នៃការកកកុញរយៈពេលជាង៥ម៉ោង នៅក្នុងផ្សារទំនើបជីបម៉ុងណូរ៉ូម៉ល (Chipmong Noromall) ក្នុងភូមិសាស្ត្ររាជធានីភ្នំពេញ។ ការអះអាងបែបនេះ ត្រូវបានចែកចាយ និងប្រតិកម្មចម្រុះពីសំណាក់អ្នកប្រើប្រាស់យ៉ាងផុសផុល។ ទោះជាយ៉ាងណា ការត្រួតពិនិត្យការពិតរបស់ Fact Crescendo Cambodia រកឃើញថា ការអះអាងខាងលើនោះ គឺមិនត្រឹមត្រូវនោះឡើយ។ ការអះអាងលើបណ្ដាញសង្គម កាលពីថ្ងៃទី២១ ខែកញ្ញា ឆ្នាំ២០២៣កន្លងទៅនេះ អ្នកប្រើប្រាស់ហ្វេសប៊ុកម្នាក់ បានបង្ហោះរូបថតចំនួន ៣សន្លឹក ដែលក្នុងនោះ មួយសន្លឹកបង្ហាញឱ្យឃើញមនុស្សកកកុញជាច្រើន។ រូបថតទាំងឡាយនេះ ត្រូវបានភ្ជាប់ទៅនឹងការអះអាងថា នោះគឺជាហេតុការណ៍ដែលបានកើតឡើងនៅផ្សារទំនើបជីបម៉ុងណូរ៉ូម៉ល ក្នុងរាជធានីភ្នំពេញ។ ទំព័រហ្វេសប៊ុកដដែលនេះ ក៏បានបញ្ជាក់មូលហេតុថា បណ្ដាលមកពីមនុស្សជាច្រើនបានតម្រង់ជួរជាច្រើនម៉ោង ដើម្បីទិញទឹកអប់ម៉ាក Dior។ ការអះអាងមួយនេះ ត្រូវបានអ្នកប្រើប្រាស់បណ្ដាញសង្គមចែករំលែកជាច្រើនដង រួមជាមួយការបញ្ចេញមតិ និងប្រតិកម្មចម្រុះបែបផងដែរ។ ខាងក្រោមនេះ គឺជារូបភាពផ្ដាមដែលបានរៀបរាប់ថា «បទពិសោធន៍ដ៏គួរឱ្យរន្ធត់ជាលើកដំបូង ដែលបានចូលជួររយៈពេល ៥ម៉ោង នៅផ្សារទំនើបជីបម៉ុងណូរ៉ូ ដើម្បីទិញទឹកអប់ Dior នេះ»។ Facebook Post | Archived Link […]

តើព្រះបាទសូរ្យវម៌្មទី១ជាស្ដេចវាតទីមកពីជ្រោយម៉ាឡេឬ?

September 9, 2023October 3, 2023Jay UdomLeave a Comment

ដោយសារតែផ្នែកជាច្រើននៃប្រវត្តិសាស្ត្រកម្ពុជាសម័យអង្គរស្ថិតក្នុងដំណាក់កាលគ្មានការបកស្រាយត្រឹមត្រូវនៅឡើយនោះ ការអះអាងមួយនៅលើបណ្ដាញសង្គម បានលើកឡើងថា ព្រះបាទសូរ្យវម៌្មទី១ (ឬសូរ្យវរ្ម័នទី១) គឺជាក្សត្រមានប្រភពកំណើតមកពីជ្រោយម៉ាឡេ។ ការអះអាងនេះ ត្រូវបានចែករំលែកយ៉ាងច្រើននៅលើបណ្ដាញសង្គម និងមានការបញ្ចេញមតិផ្សេងៗផងដែរ។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម រូបភាពផែនទីតំបន់អាស៊ីអាគ្នេយ៍ដីគោកមួយផ្ទាំង ត្រូវបានគេបង្ហោះនៅក្នុងក្រុមបណ្ដាញសង្គមមួយកាលពីចុងខែសីហាកន្លងមកនេះ ដោយមានសំណេររៀបរាប់ថា ព្រះមហាក្សត្រខ្មែរមួយអង្គនាសម័យអង្គរព្រះនាមសូរ្យវរ្ម័នទី១ មានទីកន្លែងកំណើតនៅក្នុងខេត្តនគរស្រីធម្មរាជ (Nakhon Sri Thammarat) ភាគខាងត្បូងប្រទេសថៃសព្វថ្ងៃនេះ។ សំណេររៀបរាប់បែបនេះ ទទួលបានការចែករំលែកបន្តដល់ទៅរាប់រយដង និងមានការបញ្ចេញមតិជាច្រើន និងប្រតិកម្មចម្រុះបែបពីសំណាក់អ្នកប្រើប្រាស់ហ្វេសប៊ុកនិយាយភាសាខ្មែរ។ ខាងក្រោមនេះ គឺជារូបភាពផ្ដាមចេញពីការអះអាងដែលសរសេររៀបរាប់ជាភាសាអង់គ្លេស ឬអាចប្រែសម្រួលជាភាសាខ្មែរថា «ទីកន្លែងកំណើតរបស់សូរ្យវរ្ម័នទី១។ ព្រះអង្គសោយរាជ្យនៅចក្រភពខ្មែរចន្លោះពីឆ្នាំ១០០៥ ដល់ឆ្នាំ១០៥០ និងបានកសាងប្រាសាទវត្តភូស្ថិតក្នុងប្រទេសឡាវសព្វថ្ងៃ»។ Facebook Post | Archived Link បន្ទាប់ពីមានការបង្ហោះនូវសំណេរបែបនេះមក អ្នកប្រើប្រាស់ហ្វេសប៊ុកមួយចំនួន ក៏បានបញ្ចេញមតិថា ព្រះបាទសូរ្យវរ្ម័នទី១ មានដើមកំណើតជាម៉ាឡេស្ថិតនៅជ្រោយម៉ាឡេដែលមួយផ្នែកជាប្រទេសម៉ាឡេស៊ី និងមួយផ្នែកទៀតជាទឹកដីភាគខាងត្បូងរបស់ថៃ។ ការត្រួតពិនិត្យការពិត Fact Crescendo Cambodia បានត្រួតពិនិត្យ និងផ្ទៀងផ្ទាត់ទៅលើការអះអាងនេះតាមរយៈការពិនិត្យមើលឯកសារស្រាវជ្រាវថ្មីៗជុំវិញប្រវត្តិរបស់ព្រះបាទសូរ្យវរ្ម័នទី១ និងកិច្ចសម្ភាសជាមួយសាស្ត្រាចារ្យប្រវត្តិសាស្ត្រខ្មែរ ដែលនាំឱ្យយើងរកឃើញការពិតដូចខាងក្រោមនេះ។ តាមរយៈការស្វែងរកដោយពាក្យគន្លឹះ […]

តើនេះជាទិដ្ឋភាពយន្តហោះមួយគ្រឿងធ្លាក់នៅម៉ាឡេស៊ីមែនឬទេ?

September 4, 2023September 4, 2023Kakada SimLeave a Comment

បន្ទាប់ពីមានយន្តហោះមួយគ្រឿង បានធ្លាក់នៅប្រទេសម៉ាឡេស៊ីកាលពីខែមុនរួចមក វីដេអូឃ្លីបមួយ បង្ហាញយន្តហោះមួយគ្រឿងមានផ្សែង និងរងភ្លើងឆាបឆេះពេលចុះចតនឹងដីនោះ ត្រូវបានគេបង្ហោះនៅលើបណ្ដាញសង្គម ដោយភ្ជាប់ជាមួយនឹងការអះអាងថា នោះជាទិដ្ឋភាពយន្តហោះម៉ាឡេស៊ីដែលបានធ្លាក់កន្លងទៅ។ ការអះអាងលើវីដេអូឃ្លីបនេះ ទទួលបានការចែកចាយ និងប្រតិកម្មចម្រុះពីសំណាក់អ្នកប្រើប្រាស់បណ្ដាញសង្គមហ្វេសប៊ុកនិយាយភាសាខ្មែរជាច្រើនយ៉ាងផុសផុល។ ទោះជាយ៉ាងណា Fact Crescendo Cambodia ការត្រួតពិនិត្យការពិតរបស់ បានរកឃើញថា ការអះអាងដោយភ្ជាប់ទៅនឹងវីដេអូឃ្លីបខាងលើ គឺមិនត្រឹមត្រូវនោះឡើយ។ ការអះអាងលើបណ្ដាញសង្គម កាលពីថ្ងៃទី១៩ ខែសីហា ឆ្នាំ២០២៣ ទំព័រហ្វេសប៊ុកមួយ ដែលមានឈ្មោះថា «Reuben Gray» បានបង្ហោះវីដេអូឃ្លីប ដែលបង្ហាញទិដុ្ឋភាពហេតុការណ៍យន្តហោះមួយគ្រឿង បានរងភ្លើងឆាបឆេះ នៅពេលចុះចតនៅនឹងដី។ ទំព័រហ្វេសប៊ុកខាងលើនេះ បានបញ្ជាក់នៅក្នុងសំណេររបស់ខ្លួនដោយភ្ជាប់ថា នោះគឺជាទិដ្ឋភាពវីដេអូស្ដែងៗ នៃការធ្លាក់យន្តហោះនៅក្នុងប្រទេសម៉ាឡេស៊ី។ ការបង្ហោះដោយភ្ជាប់ទៅនឹងវីដេអូឃ្លីបខាងលើ ត្រូវបានអ្នកប្រើប្រាស់បណ្ដាញសង្គមចែករំលែកជាច្រើនដង រួមជាមួយការបញ្ចេញមតិ និងប្រតិកម្មចម្រុះបែបផងដែរ។ ខាងក្រោមនេះ គឺជាវីដេអូឃ្លីបទាំងស្រុង ដែលទំព័រហ្វេសប៊ុកខាងលើ បានសរសេររៀបរាប់ថា «សំដីចុងក្រោយរបស់អ្នកបើកបរយន្តហោះនៅម៉ាឡេស៊ី»។ Facebook Post | Archived Link វីដេអូឃ្លីបភ្ជាប់ដោយការអះអាងបែបនេះ ត្រូវបានបង្ហោះ និងរកឃើញនៅលើបណ្ដាញសង្គមហ្វេសប៊ុក ជាច្រើនទៀតផងដែរ។ សូមមើលខ្លឹមសារអះអាងទាំងស្រុង តាមរយៈតំណភ្ជាប់មាននៅទីនេះ […]

ការអះអាងមិនត្រឹមត្រូវថា បុរសម្នាក់ត្រូវត្រីពីរ៉ាញ៉ាខាំនៅខេត្តបាត់ដំបង

August 25, 2023August 25, 2023Jay UdomLeave a Comment

បន្ទាប់ពីក្រសួងកសិកម្ម រុក្ខាប្រមាញ់ និងនេសាទ ប្រកាសពីការបង្ក្រាបការនាំចូល និងចែកចាយត្រីពីរ៉ាញ៉ាដែលជាប្រភេទត្រីស៊ីសាច់ជាចំណីនោះមក ការអះអាងដ៏ផុសផុលមួយនៅលើបណ្ដាញសង្គម បានលើកឡើងថា បុរសម្នាក់នៅឯខេត្តបាត់ដំបង បានរងរបួសដោយសារតែត្រីពីរ៉ាញ៉ាខាំនៅក្នុងស្ទឹងគ្រញូង។ ការអះអាងនេះ ត្រូវបានចែករំលែក និងបញ្ចេញមតិព្រោងព្រាតចាប់តាំងពីចុងសប្ដាហ៍មុន។ ទោះជាយ៉ាងណា យើងរកឃើញថា ការអះអាងនេះមិនត្រឹមត្រូវនោះឡើយ។ ការអះអាងលើបណ្ដាញសង្គម វីដេអូមួយដែលបង្ហាញបុរសម្នាក់មានឈាមហូរស្រោចលើជើងរបស់គាត់នោះ ត្រូវបានបង្ហោះនៅលើបណ្ដាញសង្គមកាលពីចុងសប្ដាហ៍កន្លងមកនេះ ដោយត្រូវបានអះអាងថា បុរសម្នាក់នោះរងការវាយប្រហារពីត្រីម្យ៉ាងដែលស៊ីសាច់ជាចំណី។ ការអះអាងដ៏ផុសផុលមួយនៅលើបណ្ដាញសង្គម បានលើកឡើងថា បុរសម្នាក់នោះ បានរងរបួសហូរឈាមលើជើងម្ខាង បន្ទាប់ពីរងការវាយប្រហារពីត្រីពីរ៉ាញ៉ា(Piranha)នៅក្នុងស្ទឹងក្រញូង ស្ថិតក្នុងស្រុកសំឡូតកាលពីចុងសប្ដាហ៍មុន។ ការអះអាងនេះ ត្រូវបានចែករំលែកព្រោងព្រាតលើបណ្ដាញសង្គម ហើយក៏មានការបញ្ចេញមតិយ៉ាងច្រើនផងដែរចាប់តាំងពីសប្ដាហ៍មុន។ ខាងក្រោមនេះ គឺជាវីដេអូដែលអះអាងថា អ្នកភូមិម្នាក់នៅស្រុកសំឡូតបានរងការវាយប្រហារពីត្រីពីរ៉ាញ៉ា ដែលត្រូវបានបង្ហោះលើបណ្ដាញសង្គមហ្វេសប៊ុកកាលពីថ្ងៃទី១៧ ខែសីហា ឆ្នាំ២០២៣។ Facebook Post | Archived Link ការអះអាងថា មានបុរសម្នាក់រងការវាយប្រហារពីត្រីស៊ីសាច់ជាចំណីនេះ ត្រូវបានបង្ហោះព្រោងព្រាតនៅលើបណ្ដាញសង្គមពីសំណាក់អ្នកប្រើប្រាស់ហ្វេសប៊ុកជាច្រើន។ សូមមើលវីដេអូនៃការអះអាងនេះតាមរយៈតំណភ្ជាប់មាននៅទីនេះ ១ (archived),២(archived), ៣(archived), ៤(archived)។ ការត្រួតពិនិត្យការពិត Fact Crescendo Cambodia បានចាប់ផ្ដើមត្រួតពិនិត្យ និងផ្ទៀងផ្ទាត់ទៅលើការអះអាងនេះតាមរយៈការពិនិត្យមើលការបកស្រាយរបស់សមត្ថកិច្ចខេត្តបាត់ដំបង ដែលនាំឱ្យយើងរកឃើញការពិតដូចខាងក្រោមនេះ។ […]

តើនេះគឺជាពិធីស្រោចទឹកមន្តឱ្យឆាប់បានប្ដីដូចការអះអាងមែនឬទេ?

August 21, 2023August 22, 2023Kakada SimLeave a Comment

ខណៈវីដេអូជាច្រើនដែលបង្ហាញពីប្រជាជនឥណ្ឌាត្រូវបានបង្ហោះនៅលើបណ្ដាញសង្គមនោះ វីដេអូឃ្លីបដែលបង្ហាញស្ត្រីមួយក្រុម រលាស់ខ្លួន បន្ទាប់ពីទទួលការប្រោះទឹកពីបុរសស្លៀកពាក់ដូចគ្រូគង្វាលម្នាក់នោះ ត្រូវបានគេបង្ហោះនៅលើបណ្ដាញសង្គមជាមួយការអះអាងថា វាជាពិធីស្រោចទឹកមន្តដើម្បីឱ្យនារីៗឆាប់បានប្ដីនៅក្នុងប្រទេសឥណ្ឌា។ ការអះអាងនេះ ត្រូវបានចែករំលែកបន្ដជាច្រើនដង មានការបញ្ចេញមតិ និងប្រតិកម្មចម្រុះបែបផងដែរ។ ទោះជាយ៉ាងណា យើងរកឃើញថា ការអះអាងទៅលើវីដេអូនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម វីដេអូឃ្លីបមួយមានរយៈពេលជាងកន្លះនាទីដែលបង្ហាញស្ត្រីមួយក្រុម បានរលាស់ខ្លួន និងដេកដួលទៅលើកម្រាលលើដីនោះ ត្រូវបានគេបង្ហោះនៅលើបណ្ដាញសង្គមហ្វេសប៊ុកកាលពីជាងមួយសប្ដាហ៍កន្លងមកនេះ។ វីដេអូឃ្លីបនេះ ត្រូវបានគេអះអាងថា ជាពិធីស្រោចទឹកមន្តជួយឱ្យនារីៗឆាប់បានដល់គូ ដែលត្រូវបានរៀបចំធ្វើឡើងដោយបុរសម្នាក់ស្ថិតក្នុងសម្លៀកបំពាក់ដូចគ្រូគង្វាលម្នាក់នៅក្នុងប្រទេសឥណ្ឌា។ វីដេអូឃ្លីបដែលមានសំណេរខាងលើ ត្រូវបានចែករំលែកបន្ដជាច្រើនដង រួមជាមួយការបញ្ចេញមតិយោបល់ និងប្រតិកម្មចម្រុះបែបពីអ្នកប្រើប្រាស់បណ្ដាញសង្គមនិយាយភាសាខ្មែរ។ ខាងក្រោមនេះ គឺជាវីដេអូឃ្លីបទាំងស្រុង ត្រូវបានបង្ហោះនៅលើបណ្ដាញសង្គមជាមួយសំណេររៀបរាប់ថា «ពិធីស្រោចទឹកមន្តឱ្យ ឆាប់បានប្ដីនៅប្រទេសឥណ្ឌា»។ Facebook Post | Archived Link វីដេអូឃ្លីបភ្ជាប់ដោយការអះអាងបែបនេះ ត្រូវបានបង្ហោះ និងរកឃើញនៅលើបណ្ដាញសង្គមហ្វេសប៊ុកជាច្រើនទៀតផងដែរ។ សូមមើលវីដេអូនេះតាមរយៈតំណភ្ជាប់មាននៅទីនេះ (archived link), ឬតំណភ្ជាប់មួយនៅទីនេះ (archived link) និងតំណភ្ជាប់មួយទៀតនៅទីនេះ (archived link)។ ការត្រួតពិនិត្យការពិត Fact Crescendo Cambodia បានត្រួតពិនិត្យ និងផ្ទៀងផ្ទាត់ទៅលើការអះអាងខាងលើនេះ […]

រូបថតនេះគឺជាក្បួនរទេះគោដង្ហែរអ្នកបួសពីភូមិមួយទៅកាន់វត្ត Shwe Seda នៅភូមា

July 8, 2023July 10, 2023Jay UdomLeave a Comment

រូបថតជាច្រើនដែលបង្ហាញពីប្រទេសកម្ពុជាកាលពីអតីតកាលនោះ ត្រូវបានចែករំលែកជារឿយៗនៅលើបណ្ដាញសង្គមដោយរូបថតខ្លះមិនមានព័ត៌មានលម្អិតច្បាស់លាស់។ ថ្មីៗនេះ រូបថតក្បួនរទេះគោមួយខ្សែ ត្រូវបានបង្ហោះលើបណ្ដាញសង្គមជាមួយសំណេររៀបរាប់ថា ជាទិដ្ឋភាពប្រជាជនកម្ពុជាកាលពីអតីតកាល។ រូបថតជាមួយសំណេរបែបនេះ ត្រូវបានចែករំលែកបន្តជាច្រើនដងនៅលើបណ្ដាញសង្គម។ ទោះជាយ៉ាងណា យើងរកឃើញថា ការអះអាងលើរូបថតមួយសន្លឹកនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម រូបថតមួយសន្លឹកដែលបង្ហាញក្បួនរទេះគោដ៏វែងមួយ ត្រូវបានគេបង្ហោះនៅលើបណ្ដាញសង្គមហ្វេសប៊ុកជាមួយការអះអាងថា រូបថតមួយសន្លឹកនេះ គឺជាក្បួនរទេះគោប្រជាជនកម្ពុជាកាលពីអតីតកាល ដែលបរទៅធ្វើប្រហុកនៅទន្លេ។ រូបថតជាមួយការអះអាងបែបនេះ ត្រូវបានចែករំលែកបន្តជាច្រើនដងពីសំណាក់អ្នកប្រើប្រាស់បណ្ដាញសង្គមនិយាយភាសាខ្មែរ ហើយក៏មានអ្នកប្រើប្រាស់ហ្វេសប៊ុកមួយចំនួន បានបញ្ចេញមតិយោបល់ និងប្រតិកម្មផងដែរ ដោយជឿថា វាជារូបថតមួយសន្លឹកដែលឆ្លុះបញ្ចាំងពីសង្គមកម្ពុជានាអតីតកាល។ ខាងក្រោមនេះ គឺជារូបភាពផ្ដាមចេញពីការអះអាងលើបណ្ដាញសង្គមកាលថ្ងៃទី០៦ ខែកក្កដា ឆ្នាំ២០២៣ ដែលរៀបរាប់ថា «រូបកាលកន្លងមក ខ្មែរយើងដល់រដូវទៅទន្លេធ្វើប្រហុក»។ Facebook Post | Archived Link ការអះអាងដដែល និងរូបថតមួយសន្លឹកនេះ ក៏ត្រូវបានចែករំលែកទៅកាន់ក្រុមនៃបណ្ដាញសង្គមហ្វេសប៊ុកផងដែរ ហើយក៏ទទួលបានការចែករំលែកបន្ត និងមតិយោបល់ផ្សេងពីអ្នកប្រើប្រាស់ហ្វេសប៊ុកផងដែរ។ Facebook Post | Archived Link រូបថត និងការអះអាងដដែលនេះ ត្រូវបានបង្ហោះនៅលើបណ្ដាញសង្គមពីសំណាក់អ្នកប្រើប្រាស់បណ្ដាញសង្គមមួយទៀតដែលមានតំណភ្ជាប់នៅទីនេះ (archived)។ រូបថតមួយសន្លឹកនេះ ក៏ត្រូវបានបង្ហោះនៅលើបណ្ដាញសង្គម Twitter ផងដែរកាលពីខែឧសភាកន្លងមកនេះ […]

យន្តហោះដ្រូនដែលធ្លាក់កាលពី៣ឆ្នាំមុន ត្រូវបានភ្ជាប់មិនត្រឹមត្រូវទៅនឹងព្រឹត្តិការណ៍ថ្មីៗនៅខេត្តរតនគិរី

July 3, 2023July 3, 2023Kakada SimLeave a Comment

ក្រោយពីលោកនាយករដ្ឋមន្រ្ដី ហ៊ុន សែន បានចេញបទបញ្ជាឱ្យបាញ់ទម្លាក់យន្តហោះដ្រូនគ្មានមនុស្សបើក ដែលហោះចូលទឹកដីកម្ពុជានៅតំបន់ភាគឦសានដែលមានព្រំប្រទល់ជាប់នឹងប្រទេសវៀតណាមនោះ រូបថតយន្តហោះដ្រូនជាច្រើនសន្លឹក ត្រូវបានបង្ហោះនៅលើបណ្ដាញសង្គមជាមួយការអះអាងថា វាជាយន្តហោះដ្រូនដែលត្រូវបានរកឃើញនៅក្នុងខេត្តរតនគិរី។ ការអះអាងនេះ ត្រូវបានផ្សព្វផ្សាយព្រោងព្រាត ដោយអ្នកប្រើប្រាស់បណ្ដាញសង្គមហ្វេសប៊ុកជាច្រើន។ ទោះជាយ៉ាងណា ការផ្ទៀងផ្ទាត់របស់ Fact Crescendo Cambodia រកឃើញថា ការអះអាងនេះ គឺធ្វើឱ្យមានការយល់ច្រឡំ។ ការអះអាងលើបណ្ដាញសង្គម ការអះអាងមួយនៅលើបណ្ដាញសង្គម បានលើកឡើងថា កងទ័ពកម្ពុជាបានបាញ់ទម្លាក់យន្តហោះដ្រូនគ្មានមនុស្សបើកនៅខេត្តរតនគិរី បន្ទាប់ពីទទួលបានបទបញ្ជាពីលោកនាយករដ្ឋមន្ត្រី ហ៊ុន សែន ដែលបានបញ្ជាឱ្យកងទ័ពចេញទៅបាញ់កម្ទេចយន្តហោះដ្រូនគ្មានមនុស្សបើកដែលត្រូវបានបង្ហោះចូលដែនអាកាសកម្ពុជានៅខេត្តភាគឦសានជាប់ព្រំដែនប្រទេសវៀតណាម។ ការអះអាងនេះ ក៏បានបង្ហោះមកជាមួយផងដែរនូវរូបថតយន្តហោះដ្រូនដែលត្រូវបានរកឃើញធ្លាក់នៅលើដីនៅក្នុងតំបន់ព្រៃដាច់ស្រយាលមួយកន្លែង។ ការអះអាងខាងលើនេះ ត្រូវបានអ្នកប្រើប្រាស់បណ្ដាញសង្គមចែករំលែកជាច្រើនដង រួមជាមួយការបញ្ចេញមតិ និងប្រតិកម្មចម្រុះបែបផងដែរ។ ខាងក្រោមនេះ គឺជាវីដេអូផ្ដាមពីបណ្ដាញសង្គមដែលបានរៀបរាប់ថា «កម្លាំងប្រតិបត្តិការពិសេសបានទៅដល់គោលដៅព្រំដែនខេត្តរតនគិរីហើយ បញ្ជាឱ្យបាញ់ដ្រូនហោះចូលមកកម្ពុជា»។ Facebook Post | Archived Link រូបថតភ្ជាប់ដោយការអះអាងរាយការណ៍បែបនេះ ត្រូវបានបង្ហោះ និងរកឃើញនៅលើបណ្ដាញសង្គមហ្វេសប៊ុកជាច្រើនទៀតផងដែរ។ សូមមើលខ្លឹមសារអះអាងទាំងស្រុង តាមរយៈតំណភ្ជាប់មាននៅទីនេះ (archived link), ឬតំណភ្ជាប់មួយនៅទីនេះ (archived link) និងតំណភ្ជាប់មួយទៀតនៅទីនេះ (archived link)។ […]

តើនេះគឺជារូបភាពបំណែកកម្ទេចកម្ទីរបស់នាវាមុជទឹក Titan មែនដែរឬទេ?

June 24, 2023June 24, 2023Kakada SimLeave a Comment

ប្រតិបត្តិការស្វែងរកនាវមុជទឹក Titan ដែលដឹកមនុស្ស ៥នាក់ទៅមើលខ្មោចនាវា Titanic នៅបាតមហាសមុទ្រអាត្លង់ទិច បានឈានទៅដល់ការរកឃើញបំណែកនាវាមុជទឹកនោះហើយ ហើយអ្នកដំណើរ ៥នាក់នៅក្នុងនាវាមុជទឹកនោះ ត្រូវបានគេសន្និដ្ឋានថា បានស្លាប់បាត់បង់ជីវិតទៅហើយ។ បន្ទាប់មក រូបថតមួយចំនួនដែលបង្ហាញឱ្យឃើញកម្ចេចកម្ចី ស្បែកជើង និងប្រដាប់ប្រដារនៅក្រោមទឹក ត្រូវបានគេបង្ហោះនៅលើបណ្ដាញសង្គម និងត្រូវបានគេអះអាងថា ជាបំណែកនៃនាវាមុជទឹកនោះ។ ការអះអាងនេះ ត្រូវបានផ្សព្វផ្សាយព្រោងព្រាតដោយអ្នកប្រើប្រាស់បណ្ដាញសង្គមជាច្រើននាក់។ ទោះជាយ៉ាងណា ការផ្ទៀងផ្ទាត់ការពិតរបស់ Fact Crescendo Cambodia រកឃើញថា ការអះអាងបែបនេះ គឺមិនត្រឹមត្រូវនោះឡើយ។ ការអះអាងលើបណ្ដាញសង្គម កាលពីថ្ងៃទី២៣ ខែមិថុនា ឆ្នាំ២០២៣កន្លងទៅនេះ អ្នកប្រើប្រាស់ហ្វេសប៊ុកម្នាក់ បានបង្ហោះរូបថតចំនួន ២សន្លឹក បង្ហាញទិដ្ឋភាពបំណែកកម្ទេចកម្ទីកប់នៅក្នុងខ្សាច់បាតសមុទ្រមួយកន្លែង។ រូបថតទាំងនេះ ត្រូវបានអះអាងថា គឺជាទិដ្ឋភាពនៃបំណែកកម្ទេចកម្ទីរបស់នាវាមុជទឹក Titan ដែលបានបាត់ដំណឹងកាលពីប៉ុន្មានថ្ងៃកន្លងទៅ។ ការលើកឡើងបែបនេះ ត្រូវបានអ្នកប្រើប្រាស់បណ្ដាញសង្គមចែករំលែកជាច្រើនដង រួមជាមួយការបញ្ចេញមតិ និងប្រតិកម្មចម្រុះបែបផងដែរ។ ខាងក្រោមនេះ គឺជារូបភាពផ្ដាមចេញពីប៉ុស្ដិ៍របស់អ្នកប្រើប្រាស់ខាងលើ ដែលបានរៀបរាប់ថា «បំណែក និងកម្ទេចកម្ទីដែលបានមកពីនាវាមុជទឹក Titan»។ Facebook Post | Archived […]

តើស៊ុយអែតបានដាក់បញ្ចូលការរួមភេទក្នុងវិញ្ញាសារកីឡាផ្លូវការមុនដំបូងគេមែនដែរឬទេ?

June 19, 2023June 19, 2023Kakada SimLeave a Comment

ខណៈពេលដែលកីឡា ត្រូវបានគេស្គាល់ថា គឺជាការបញ្ចេញនូវកាយវិការ ចលនា ប្រកួត ដើម្បីបញ្ចេញញើស និងជាតិពុលផ្សេងៗនៅក្នុងខ្លួននោះ ការអះអាងមួយបានលើកឡើងយ៉ាងព្រោងព្រាតថា ប្រទេសស៊ុយអែត បានចាត់ទុកការរួមភេទ ទៅជាកីឡាផ្លូវការមួយនៅក្នុងប្រទេសរបស់ខ្លួន។ ការអះអាងនេះ ត្រូវបានផ្សព្វផ្សាយព្រោងព្រាតដោយទំព័រហ្វេសប៊ុក និងអ្នកប្រើប្រាស់បណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់ Fact Crescendo Cambodia រកឃើញថា ការអះអាងនេះ គឺមិនត្រឹមត្រូវនោះឡើយ។ ការអះអាងលើបណ្ដាញសង្គម កាលពីថ្ងៃទី០៦ ខែមិថុនា ឆ្នាំ២០២៣កន្លងទៅនេះ ទំព័រហ្វេសប៊ុកមួយ ឈ្មោះថា «Shane Sinclair» បានបង្ហោះវីដេអូឃ្លីបព័ត៌មានមួយ ដោយបានរាយការណ៍ថា ប្រទេសស៊ុយអែត បានក្លាយជាប្រទេសទីមួយ លើកដំបូងគេ ដែលដាក់ចូល និងចាត់ទុកការរួមភេទ គឺជាកីឡាផ្លូវការនៅក្នុងប្រទេសខ្លួន។ ការអះអាងបែបនេះ ត្រូវបានអ្នកប្រើប្រាស់បណ្ដាញសង្គមហ្វេសប៊ុកប្រតិកម្ម និងចែកចាយជាច្រើនដង។ ខាងក្រោមនេះ គឺជាវីដេអូឃ្លីបទាំងស្រុង បង្ហោះដោយទំព័រហ្វេសប៊ុកខាងលើ ដែលមានការបញ្ចេញមតិ និងចែករំលែកយ៉ាងផុសផុល។ Facebook Post | Archived Link ការលើកឡើងស្រដៀងគ្នានេះ ក៏ទទួលបានការចែករំលែកជាច្រើនដង ខណៈដែលមានការបញ្ចេញមតិយោបល់ជាច្រើន និងប្រតិកម្មចម្រុះពីសំណាក់អ្នកប្រើប្រាស់ហ្វេសប៊ុកដទៃទៀតផងដែរ។ […]

រូបថតវិនាសកម្មព្រៃឈើនៅម៉ាឡេស៊ីត្រូវបានបង្ហោះលើបណ្ដាញសង្គមនាំឱ្យយល់ច្រឡំ

May 13, 2023May 17, 2023Jay UdomLeave a Comment

បន្ទាប់ពីផ្នែកមួយចំនួននៃដីធ្លី និងព្រៃឈើនៅតំបន់ការពារគិរិរម្យ ត្រូវបានរាជរដ្ឋាភិបាលកាត់ទៅឱ្យក្រុមហ៊ុនឯកជនមក រូបថតមួយសន្លឹកដែលបង្ហាញវិនាសកម្មព្រៃឈើនោះ ត្រូវបានបង្ហោះលើបណ្ដាញសង្គមជាមួយសំណេរក្នុងន័យថា ជារូបថតវិនាសកម្មព្រៃឈើនៅកម្ពុជា។ រូបថតនេះ ត្រូវបានចែករំលែកបន្តយ៉ាងព្រោងព្រាតពីសំណាក់អ្នកប្រើប្រាស់បណ្ដាញសង្គម។ ទោះជាយ៉ាងណា Fact Crescendo Cambodia រកឃើញថា រូបថតនេះ ត្រូវបានបង្ហោះជាមួយខ្លឹមសារមិនត្រឹមត្រូវ។ ការអះអាងលើបណ្ដាញសង្គម រូបថត ១សន្លឹកនៅក្នុងចំណោមរូបថត ២សន្លឹកទៀតដែលបង្ហាញពីការការបំផ្លាញព្រៃឈើ ត្រូវបានបង្ហោះនៅលើបណ្ដាញសង្គមជាមួយសំណេរ«ស្រឡាញ់អ្វីដែលខ្មែរមាន» ដែលបង្ហាញពីវិនាសកម្មព្រៃឈើនៅក្នុងប្រទេសកម្ពុជា។ ការអះអាងនេះ ទទួលបានការចែករំលែកដល់ទៅជិត ៨០០ដង និងមានការបញ្ចេញមតិយោបល់ចម្រុះយ៉ាងច្រើនផងដែរ បន្ទាប់រូបថតទាំងនេះ ត្រូវបានបង្ហោះលើបណ្ដាញសង្គម។ ខាងក្រោមនេះ គឺជារូបភាពផ្ដាមចេញពីការអះអាងលើបណ្ដាញសង្គមនៅថ្ងៃទី១២ ខែឧសភា ឆ្នាំ២០២៣ ដែលរៀបរាប់ថា «ស្រឡាញ់អ្វីដែលខ្មែរមាន»។ Facebook Post | Archived Link រូបថតដដែលនេះ ក៏ត្រូវបានបង្ហោះនៅលើបណ្ដាញសង្គមហ្វេសប៊ុកដោយទំព័រហ្វេសប៊ុកមួយទៀតឈ្មោះ សម្ព័ន្ធអ្នកប្រជាធិបតេយ្យ នៅថ្ងៃសៅរ៍នេះផងដែរ ហើយក៏ទទួលបានការចែករំលែកបន្តជាច្រើន។ Facebook Post | Archived Link ខាងក្រោមនេះ គឺជារូបភាពផ្ដាមចេញពីទំព័រហ្វេសប៊ុកមួយទៀតដែលទទួលបានការចែករំលែកបន្តរហូតដល់ជាង ៣៥០ដងនៅក្នុងរយៈពេលមិនដល់ ២៤ម៉ោងផង។ Facebook Post | […]

កីឡាការិនីកម្ពុជា ប៊ូ សំណាង មិនបានឈ្នះមេដាយមាសដូចការអះអាងនោះឡើយ

May 11, 2023May 11, 2023Kakada SimLeave a Comment

បន្ទាប់ពីវីដេអូកីឡាការិនីកម្ពុជា ប៊ូ សំណាង តស៊ូរត់ក្រោមដំណក់ទឹកភ្លៀងនៅក្នុងព្រឹត្តិការណ៍ប្រកួតកីឡាស៊ីហ្គេម ទទួលបានការចាប់អារម្មណ៍ខ្លាំងពីមហាជនរួចមក ការអះអាងមួយបាននិយាយថា កីឡាការិនីរូបនេះ បានទទួលមេដាយមាសយ៉ាងលំបាក។ ការអះអាងនេះ ត្រូវបានចែកចាយ និងប្រតិកម្មជាច្រើនយ៉ាងផុសផុលនាពេលថ្មីៗនេះ។ ទោះជាយ៉ាងណា Fact Crescendo Cambodia រកឃើញថា ការអះអាងខាងលើ មិនត្រឹមត្រូវនោះឡើយ។ ការអះអាងលើបណ្តាញសង្គម ការអះអាងមួយកាលពីថ្ងៃចន្ទកន្លងមកនេះ បានលើកឡើងថា អត្តពលិករត់ប្រណាំងកម្ពុជា ប៊ូ សំណាង បានឈ្នះមេដាយមាស បន្ទាប់ពីនាងតស៊ូរត់នៅក្រោមដំណក់ទឹកភ្លៀងនៅក្នុងការប្រកួតវិញ្ញាសាររត់ចម្ងាយ ៥,០០០ម៉ែត្រ។ ការអះអាងដដែលនេះ ក៏បានបង្ហោះនូវរូបថត ៣សន្លឹក ដែលបង្ហាញអត្តពលិក ប៊ូ សំណាង រត់នៅក្រោមដំណក់ទឹកភ្លៀង និងមានទឹកមុខយំ នៅឯទីលានរត់ប្រណាំង។ ការអះអាងបែបនេះ ត្រូវបានចែករំលែកបន្តរហូតដល់ទៅជាង ១ម៉ឺនដងពីសំណាក់អ្នកប្រើប្រាស់បណ្ដាញសង្គមនិយាយភាសាខ្មែរ ហើយក៏មានការបញ្ចេញមតិចោទសួរពីភាពត្រឹមត្រូវនៃការអះអាង និងរូបថតនេះផងដែរ។ ខាងក្រោមនេះ គឺជារូបភាពផ្ដាមចេញពីការអះអាងលើបណ្ដាញសង្គម កាលពីថ្ងៃទី០៩ ខែឧសភា ដែលរៀបរាប់ថា «ប្អូនស្រី ប៊ូ សំណាង ទទួលបានមេដៃមាសយ៉ាងលំបាកក្នុងការរត់ប្រណាំង ៥,០០០ម៉ែត្រក្រោមដំណក់ភ្លៀង»។ Facebook Post | Archived […]

រូបចម្លាក់ថ្មីៗចម្លងតាមរចនាបថបុរាណបង្កឱ្យអ្នកប្រើប្រាស់បណ្ដាញសង្គមយល់ច្រឡំ

May 11, 2023May 11, 2023Jay UdomLeave a Comment

ការអះអាងមួយនៅលើបណ្ដាញសង្គមកាលពីសប្ដាហ៍មុន បានលើកឡើងថា ចំណែករូបចម្លាក់សម័យអង្គរជាច្រើនដុំ ត្រូវបានគេរកឃើញ បន្ទាប់ទឹកស្រះមួយកន្លែងបានរីងស្ងួត ហើយក៏មានការអំពាវនាវឱ្យទៅប្រមូលវត្ថុសិល្បៈទាំងនោះយកទៅរក្សាទុកនៅសារមន្ទីរផងដែរ។ ការអះអាងនេះ ទទួលបានការចែករំលែក និងបញ្ចេញមតិយោបល់យ៉ាងសុះសាយលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម ការអះអាងដ៏ល្បីសុះសាយលើបណ្ដាញសង្គមកាលពីចុងសប្ដាហ៍កន្លងមកនេះ បានលើកឡើងថា បំណែករូបចម្លាក់សម័យអង្គរជាច្រើនដុំ ត្រូវបានគេរកឃើញ បន្ទាប់ពីទឹកស្រះមួយកន្លែងបានរីងស្ងួតអស់ ហើយក៏បានអំពាវនាវឱ្យប្រមូលបំណែករូបចម្លែកនេះយកទៅថែរក្សាទុកនៅសារមន្ទីរផងដែរ។ ការអះអាងនេះ ទទួលបានការចែករំលែកយ៉ាងច្រើន និងការបញ្ចេញមតិយោបល់យ៉ាងច្រើនពីសំណាក់អ្នកប្រើប្រាស់បណ្ដាញសង្គមហ្វេសប៊ុកនៅក្នុងរយៈពេលប៉ុន្មានថ្ងៃកន្លងមកនេះ។ ខាងក្រោមនេះ គឺជារូបភាពផ្ដាមចេញពីការអះអាងលើបណ្ដាញសង្គមហ្វេសប៊ុកកាលពីថ្ងៃទី០៦ ខែឧសភា ឆ្នាំ២០២៣ ដែលរៀបរាប់ថា «ក្ដៅៗ សូមយកចូលសារមន្ទីរផង 06/05/2023 អាកាសធាតុក្ដៅហួតហែង ធ្វើឱ្យរីងទឹកស្រះអស់ ក៏ឃើញសុទ្ធព្រះបុរាណទាំងពីរសាសនាក្នុងសម័យអង្គរ។ ទីកន្លែងមិនស្ថិតនៅក្បែរបុរាណដ្ឋានទេ»។ Facebook Post | Archived Link ការអះអាងដដែលនេះ ក៏ត្រូវបានបង្ហោះនៅលើបណ្ដាញសង្គមដោយអ្នកប្រើប្រាស់ហ្វេសប៊ុកដទៃទៀតផងដែរ ហើយក៏ទទួលបានការចែករំលែកបន្ត និងការបញ្ចេញមិតយោបល់យ៉ាងច្រើនផងដែរនៅក្នុងរយៈពេលប៉ុន្មានថ្ងៃមកនេះ។ ខាងក្រោមនេះ គឺជារូបភាពផ្ដាមចេញពីការបង្ហោះការអះអាងដោយអ្នកប្រើប្រាស់ហ្វេសប៊ុកមួយឈ្មោះ ខ្មែរ កណ្ដាល ដែលរក្សាទុកសំណេរដើមទាំងស្រុង។ Facebook Post | Archived Link […]

រូបថតកីឡាការិនី វ៉ិត ចន្ថា ឈ្នះមេដាយមាសកាលពីឆ្នាំមុន មិនមែនក្នុងស៊ីហ្គេមនៅកម្ពុជាទេ

May 10, 2023May 10, 2023Kakada SimLeave a Comment

ខណៈដែលកម្ពុជាធ្វើជាម្ចាស់ផ្ទះនៃព្រឹត្តិការណ៍ប្រកួតកីឡាស៊ីហ្គេមលើកទី៣២ (SEA Games)នោះ រូបថតកីឡាការិនីមានពិការភាពម្នាក់រត់កាន់ទង់ជាតិកម្ពុជានោះ ត្រូវបានបង្ហោះនៅលើបណ្ដាញសង្គមដោយភ្ជាប់ជាមួយនឹងការអះអាងថា កីឡាការិនីរូបនេះបានឈ្នះមេដាយមាសនាព្រឹត្តិការណ៍ស៊ីហ្គេមលើកទី៣២នេះ តែពុំមានការចាប់អារម្មណ៍ និងផ្សព្វផ្សាយនោះឡើយ។ ការបង្ហោះនេះ ត្រូវបានចែកចាយ និងប្រតិកម្មយ៉ាងច្រើននាពេលថ្មីៗនេះ។ ទោះជាយ៉ាងណា Fact Crescendo Cambodia រកឃើញថា ការអះអាងខាងលើ មិនត្រឹមត្រូវនោះឡើយ។ ការអះអាងលើបណ្តាញសង្គម រូបថតមួយសន្លឹក ដែលបង្ហាញកីឡាការិនីម្នាក់រត់កាន់ទង់ជាតិកម្ពុជានោះ ត្រូវបានបង្ហោះនៅលើបណ្ដាញសង្គមកាលពីថ្មីៗនេះ ដោយមានការអះអាងថា កីឡាការិនី វ៉ិត ចន្ថា បានឈ្នះមេដាយមាសនាព្រឹត្តិការណ៍ស៊ីហ្គេមលើកទី៣២ ក្នុងប្រទេសកម្ពុជានាពេលថ្មីៗនេះ។ រូបថតជាមួយនឹងការអះអាងខាងលើ ត្រូវបានចែករំលែកបន្តរហូតដល់ទៅ ១ម៉ឺនដងពីសំណាក់អ្នកប្រើប្រាស់បណ្ដាញសង្គមនិយាយភាសាខ្មែរ ហើយក៏មានការបញ្ចេញមតិចោទសួរពីភាពត្រឹមត្រូវនៃការអះអាងទៅលើរូបថតនេះផងដែរ។ ខាងក្រោមនេះ គឺជារូបភាពផ្ដាមចេញពីការអះអាងលើបណ្ដាញសង្គមកាលពីថ្ងៃទី០៨ ខែឧសភា ដែលរៀបរាប់ថា «អត់មានអ្នកចាប់អារម្មណ៍ និងផ្សាយសោះ វ៉ិត ចន្ថា មេដាយមាសជូនកម្ពុជា SEA Games 2023»។ Facebook Post | Archived Link រូបភាពជាមួយការអះអាងបែបនេះ ក៏ត្រូវបានផ្សព្វផ្សាយព្រោងព្រាតលើបណ្ដាញសង្គមហ្វេសប៊ុកពីសំណាក់អ្នកប្រើប្រាស់បណ្ដាញសង្គមផ្សេងទៀតផងដែរ។ សូមមើលខ្លឹមសារទាំងស្រុងតាមរយៈតំណភ្ជាប់នៅទីនេះ ១ (archived), ២ […]

រូបភាពត្រីចម្លែកនៅទន្លេមេគង្គពីអតីតកាលគ្រាន់តែជារូបភាពបង្កើតឡើងដោយ AI ប៉ុណ្ណោះ

May 4, 2023May 7, 2023Jay UdomLeave a Comment

រូបភាពសខ្មៅជិត២០សន្លឹកដែលបង្ហាញមនុស្សមួយក្រុមចាប់បានត្រីធំចម្លែកៗ ត្រូវបានគេបង្ហោះនៅលើបណ្ដាញសង្គមយ៉ាងព្រោតព្រាតជាមួយការអះអាងថា ត្រីចម្លែកៗទាំងនោះ គឺជាសត្វរស់នៅតាមដងទន្លេមេគង្គកាលពី ១៥០ឆ្នាំមុន។ ការអះអាងបែបនេះ ត្រូវបានចែករំលែកបន្តដល់ទៅរាប់ពាន់ដងកាលពីខែមុន។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះមិនត្រឹមត្រូវនោះឡើយ។ ការអះអាងលើបណ្ដាញសង្គម រូបថត ១៩សន្លឹកដែលបង្ហាញត្រីធំចម្លែកៗដែលត្រូវមនុស្សមួយក្រុមចាប់បាននោះ ត្រូវបានបង្ហោះនៅលើបណ្ដាញសង្គមកាលពីខែមេសាកន្លងមកនេះ ដោយមានការអះអាងថា ត្រីទាំងនោះ គឺជាប្រភេទសត្វទឹកចម្លែកៗនៅតាមដងទន្លេមេគង្គកាលពី ១៤០ឆ្នាំមុន ហើយវាបានផុតពូជអស់ទៅហើយ។ រូបថតជាមួយនឹងការអះអាងបែបនេះ ត្រូវបានចែករំលែកបន្តរហូតដល់ទៅជាង ១ម៉ឺនដងពីសំណាក់អ្នកប្រើប្រាស់បណ្ដាញសង្គមនិយាយភាសាខ្មែរ ហើយក៏មានការបញ្ចេញមតិចោទសួរពីភាពត្រឹមត្រូវនៃការអះអាង និងរូបថតនេះផងដែរ។ ខាងក្រោមនេះ គឺជារូបភាពផ្ដាមចេញពីការអះអាងលើបណ្ដាញសង្គមកាលពីថ្ងៃទី០៩ ខែមេសា ដែលរៀបរាប់ថា «កាល ១៤០ឆ្នាំមុន មានសត្វត្រីធំៗនៅតាមដងទន្លេមេគង្គយើង តែបច្ចុប្បន្ននេះបានផុតពូជហើយ។ តើកាលជំនាន់ដើមមានអ្វីខ្លះកើតឡើង?»។ Facebook Post | Archived Link រូបភាពជាមួយការអះអាងបែបនេះ ក៏ត្រូវបានផ្សព្វផ្សាយព្រោងព្រាតលើបណ្ដាញសង្គមហ្វេសប៊ុកពីសំណាក់អ្នកប្រើប្រាស់បណ្ដាញសង្គមផ្សេងទៀត។ សូមមើលខ្លឹមសារទាំងស្រុងតាមរយៈតំណភ្ជាប់នៅទីនេះ ១ (archived), ២ (archived), ៣ (archived)។ រូបភាពទាំងនេះ ក៏ត្រូវបានបង្ហោះនៅលើបណ្ដាញសង្គមជាមួយសំណេររៀបរាប់ជាភាសាអង់គ្លេសផងដែរ ដែលមានន័យដូចគ្នានឹងការអះអាងជាភាសាខ្មែរខាងលើដែរ។ ខាងក្រោមនេះ គឺជារូបភាពផ្ដាមចេញពីការអះអាងជាភាសាអង់គ្លេសថា «Crocodile tooth […]

រូបថតលោក ប៊ូខាវ មកកាន់ប្រទេសកម្ពុជាកាលពីឆ្នាំមុន ត្រូវបានផ្សាយឡើងវិញ

April 30, 2023April 30, 2023Kakada SimLeave a Comment

ខណៈពេលកម្ពុជាបាននឹងកំពុងទទួលរៀបចំ និងស្វាគមន៍កីឡាករ និងកីឡាករនី ដើម្បីចូលរួមក្នុងព្រឹត្តិការណ៍ប្រកួតស៊ីហ្គេមលើកទី៣២ ដែលនឹងចាប់ផ្ដើមនៅថ្ងៃទី០៥ ដល់ថ្ងៃទី១៧ ខែឧសភា ឆ្នាំ២០២៣ខាងមុខនេះ រូបថតកំពូលកីឡាករប្រដាល់ថៃ ប៊ូខាវ ត្រូវបានបង្ហោះដោយទំព័រហ្វេសប៊ុកមួយ ដែលបានអះអាងថា លោកបានអញ្ជើញមកដល់ប្រទេសកម្ពុជាយើងហើយ។ ការបង្ហោះនេះ ត្រូវបានចែកចាយ និងបញ្ចេញប្រតិកម្មចម្រុះពីសំណាក់អ្នកប្រើប្រាស់ជាច្រើនដង។ទោះជាយ៉ាងណា Fact Crescendo Cambodia រកឃើញថា ការផ្សព្វផ្សាយខាងលើ គឺធ្វើឱ្យមានការយល់ច្រឡំ។ ការអះអាងលើបណ្តាញសង្គម កាលពីថ្ងៃទី២៨ ខែមេសា ឆ្នាំ២០២៣ថ្មីៗនេះ ទំព័រហ្វេសប៊ុកមួយ ដែលមានឈ្មោះថា «31Sports» បានចែកចាយរូបថតមួយសន្លឹក បង្ហាញទិដ្ឋភាពលោក Buakaw Banchamek (ប៊ូខាវ) ភ្ជាប់ជាមួយនឹងការអះអាងថា លោកបានអញ្ជើញមកដល់ប្រទេសកម្ពុជាហើយ។ ការបង្ហោះនេះ បានកើតឡើងស្របពេលកីឡាគុនខ្មែរ និងកីឡាមួយថៃ បានក្លាយជាប្រធានបទនៃការជជែកដេញដោល និងបញ្ចេញមតិជារឿយៗនៅលើបណ្ដាញសង្គមពីសំណាក់ប្រជាពលរដ្ឋទាំងសងខាង។ ការផ្សព្វផ្សាយខាងលើ ត្រូវបានអ្នកប្រើប្រាស់បណ្ដាញសង្គមចែករំលែកជាច្រើនដង រួមជាមួយការបញ្ចេញមតិ និងប្រតិកម្មចម្រុះបែបផងដែរ។ ខាងក្រោមនេះ គឺជារូបភាពផ្ដាមចេញពីទំព័រហ្វេសប៊ុកខាងលើ ដែលបានរៀបរាប់ភ្ជាប់ថា «ប៊ូខាវ បានមកដល់ប្រទេសកម្ពុជាយើងហើយ 🇰🇭»។ Facebook Post | Archived […]

ទទួលទានទឹកត្រជាក់ និងងូតទឹកភ្លាមៗនារដូវក្ដៅបែបនេះ មានគ្រោះថ្នាក់ចំពោះសុខភាពឬទេ?

April 28, 2023April 29, 2023Jay UdomLeave a Comment

ខណៈដែលរលកកម្ដៅខ្លាំងកំពុងវាយប្រហារប្រទេសជាច្រើននៅតំបន់អាស៊ីខាងត្បូង និងអាស៊ីអាគ្នេយ៍នោះ ការអះអាងដ៏ផុសផុលមួយ បានណែនាំមហាជនកុំឱ្យទទួលទានទឹកត្រជាក់ និងងូតទឹកត្រជាក់ ដោយសារវាមានហានិភ័យខ្ពស់ចំពោះសុខភាព។ ការអះអាងនេះ ត្រូវបានចែករំលែកព្រោងព្រាតលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើងរកឃើញថា ការអះអាងនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម ការអះអាងមួយនៅលើបណ្ដាញសង្គម បានលើកឡើងថា វេជ្ជបណ្ឌិតបានណែនាំកុំឱ្យផឹកទឹកត្រជាក់នៅពេលអាកាសធាតុក្ដៅឡើងដល់ ៤០អង្សា ដោយសារទឹកត្រជាក់អាចធ្វើឱ្យសរសៃឈាមតូចៗផ្ទុះបែកបាន និងហាមងូតទឹកត្រជាក់ភ្លាមៗ ក្រោយពីវិលត្រឡប់មកពីខាងក្រៅដែលមានសីតុណ្ហភាពក្ដៅខ្លាំង។ ការអះអាងនេះ ទទួលបានការចែករំលែកបន្តយ៉ាងព្រោងព្រាតនៅលើបណ្ដាញសង្គម និងមតិយោបល់យ៉ាងច្រើនផងដែរពីសំណាក់អ្នកប្រើប្រាស់ហ្វេសប៊ុកនិយាយភាសាខ្មែរ។ ខាងក្រោមនេះ គឺជារូបភាពផ្ដាមចេញពីការអះអាងដែលបង្ហោះដោយអ្នកបង្កើតមាតិកាម្នាក់នៅលើបណ្ដាញសង្គមហ្វេសប៊ុកកាលពីថ្ងៃទី២២ ខែមេសា ឆ្នាំ២០២៣។ Facebook Post | Archived Link ទោះជាយ៉ាងណា ទំព័រហ្វេសប៊ុកដដែលនេះ បានកែប្រែសំណេររបស់ខ្លួនទៅវិញនៅល្ងាចថ្ងៃទី២៣ ខែមេសា ឆ្នាំ២០២៣ ហើយខាងក្រោមនេះ គឺជារូបភាពផ្ដាមចេញពីសំណេរនៅលើបណ្ដាញសង្គម បន្ទាប់ពីបានកែប្រែសំណេររបស់ខ្លួន។ Facebook Post | Archived Link ទំព័រហ្វេសប៊ុកមួយទៀតឈ្មោះ ចាន់ធី សម្រស់ធម្មជាតិ ក៏បានបង្ហោះការអះអាងដដែលនេះផងដែរ ហើយក៏ទទួលបានការចែករំលែកបន្តរឹតតែច្រើនថែមទៀត។ ខាងក្រោមនេះ គឺជារូបភាពផ្ដាមចេញពីការបង្ហោះការអះអាងដដែលនេះដោយទំព័រហ្វេសប៊ុកមួយទៀតកាលពីល្ងាចថ្ងៃទី២៣ ខែមេសា ឆ្នាំ២០២៣។ Facebook […]

រូបថតការប្រកួតប្រដាល់នៅអាមេរិកត្រូវបានអ្នកប្រើប្រាស់បណ្ដាញសង្គមកម្ពុជាយល់ច្រឡំ

April 25, 2023April 25, 2023Jay UdomLeave a Comment

ខណៈមានការជជែកគ្នាច្រើនអំពីកីឡាគុនខ្មែរ និងកីឡាមួយថៃនោះ រូបថតសខ្មៅមួយសន្លឹកដែលបង្ហាញមនុស្សច្រើនកុះករទស្សនាការប្រកួតប្រដាល់នោះ ត្រូវបានបង្ហោះព្រោងព្រាតលើបណ្ដាញសង្គមជាមួយការអះអាងថា វាជាការប្រកួតប្រដាល់គុនខ្មែរកាលពីឆ្នាំ១៩២៦។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងលើរូបថតនេះមិនត្រឹមត្រូវនោះឡើយ។ ការអះអាងលើបណ្ដាញសង្គម រូបថតសខ្មៅមួយសន្លឹក ដែលបង្ហាញមនុស្សដ៏ច្រើនកុះករទស្សនាការប្រកួតប្រដាល់នោះ ត្រូវបានបង្ហោះព្រោងព្រាតនៅលើបណ្ដាញសង្គមកាលពីសប្ដាហ៍មុន ដោយមានការអះអាងថា រូបថតនេះគឺជាព្រឹត្តិការណ៍ប្រកួតប្រដាល់គុនខ្មែរកាលពីជិត ១០០ឆ្នាំមុន។ ការអះអាងនេះ ត្រូវបានចែករំលែកបន្តដល់ទៅរាប់ពាន់ដងនៅលើបណ្ដាញសង្គម ខណៈអ្នកប្រើប្រាស់ហ្វេសប៊ុកជាច្រើន បានបញ្ចេញមតិយោបល់ និងចោទសួរអំពីភាពត្រឹមត្រូវនៃរូបថតចាស់មួយសន្លឹកនេះ។ ខាងក្រោមនេះ គឺជារូបភាពផ្ដាមពីការបង្ហោះរូបថតសខ្មៅមួយសន្លឹកកាលពីថ្ងៃទី២១ ខែមេសា ឆ្នាំ២០២៣ ជាមួយសំណេររៀបរាប់ថា «តើបងប្អូនជឿឬអត់? ប្រវត្តិសាស្ត្រប្រដាល់គុនខ្មែរល្បីតាំងពីឆ្នាំ១៩២៦ ចំនួនមនុស្ស ១២០,៥៥៧។ ដូចមិនដែលឃើញសារព័ត៌មានចេញផ្សាយផង (ប្រភពហ្វេសប៊ុក)»។ Facebook Post | Archived Link រូបថតដដែលនេះ ក៏ត្រូវបានទំព័រហ្វេសប៊ុកមួយទៀតយកទៅបង្ហោះផងដែរ ហើយក៏ទទួលបានការចែករំលែកបន្តដល់ទៅជាង ១ពាន់ដង និងមតិយោបល់ជាច្រើនពីអ្នកប្រើប្រាស់បណ្ដាញសង្គមផងដែរ។ ខាងក្រោមនេះ គឺជារូបភាពផ្ដាមពីការបង្ហោះរូបថតចាស់មួយសន្លឹកដោយទំព័រហ្វេសប៊ុក King Fighter កាលពីថ្ងៃទី២២ ខែមេសា ឆ្នាំ២០២៣។ Facebook Post | Archived Link រូបថតនេះ […]

តើសីតុណ្ហភាពនៅថៃកើនឡើងដល់ក្បែរ ៦០អង្សាមែនឬទេ?

April 24, 2023April 24, 2023Jay UdomLeave a Comment

ខណៈដែលថៃកំពុងប្រឈមមុខនឹងរលកកម្ដៅដ៏ខ្ពស់នៅក្នុងរដូវប្រាំងនេះ ការផ្សាយមួយដោយសារព័ត៌មានមួយនៅកម្ពុជា បាននិយាយថា សីតុណ្ហភាពនៅថៃកើនឡើងដល់ក្បែរ ៦០អង្សាហើយ។ ការផ្សាយបែបនេះ ត្រូវបានចែករំលែកបន្តដល់ទៅរាប់ពាន់ដងត្រឹមរយៈពេលប៉ុន្មានម៉ោងប៉ុណ្ណោះ ហើយក៏មានអ្នកប្រើប្រាស់ហ្វេសប៊ុកយ៉ាងច្រើន បានបញ្ចេញមតិបែបព្រួយបារម្ភ និងចោទសួរពីភាពត្រឹមត្រូវនៃការផ្សាយព័ត៌មាននេះ។ ទោះជាយ៉ាងណា យើងផ្ទៀងផ្ទាត់ឃើញថា ការផ្សាយនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម ទំព័រហ្វេសប៊ុកសារព័ត៌មានក្នុងស្រុកមួយ បានផ្សាយនៅថ្ងៃនេះថា ប្រទេសថៃកំពុងប្រឈមមុខនឹងការកើនឡើងនៃកម្ដៅរហូតដល់ក្បែរ ៦០អង្សានៅតាមតំបន់មួយចំនួនរបស់ប្រទេសមួយនេះ។ ការផ្សាយបែបនេះ ទទួលបានការចែករំលែកបន្តរហូតដល់ទៅរាប់ពាន់ដងនៅក្នុងរយៈពេលត្រឹមតែប៉ុន្មានម៉ោងប៉ុណ្ណោះ ហើយអ្នកប្រើប្រាស់បណ្ដាញសង្គមជាច្រើន ក៏បានបញ្ចេញមតិយោបល់ និងប្រតិកម្មចម្រុះបែបផងដែរទៅនឹងការផ្សាយបែបនេះ ក្នុងនោះមួយចំនួនបានសម្ដែងក្ដីបារម្ភ ហើយមួយចំនួនទៀត បានបង្ហាញការសង្ស័យទៅលើការផ្សាយនេះ។ ខាងក្រោមនេះ គឺជារូបភាពផ្ដាមចេញពីការផ្សាយរបស់ទំព័រហ្វេសប៊ុកស៊ីស៊ីថាមស៍នៅថ្ងៃទី២២ ខែមេសា ឆ្នាំ២០២៣ ដែលរៀបរាប់ថា «ថៃប្រកាសអាសន្នពីកំដៅកើនឡើងក្បែរ៦០អង្សាសេក្នុងតំបន់មួយចំនួន ខណៈអាជ្ញាធរកំពុងសំដែងការព្រួយបារម្ភជាខ្លាំង The Nation Thailand»។ Facebook Post | Archived Link បន្ទាប់ពីការផ្សាយបែបនេះរបស់សារព័ត៌មានស៊ីស៊ីថាមស៍ ការអះអាងមួយនេះ ក៏ត្រូវបានចែករំលែកព្រោងព្រាតលើបណ្ដាញសង្គម និងទទួលបានមតិយោបល់ជាច្រើន និងប្រតិកម្មចម្រុះបែបពីអ្នកប្រើប្រាស់បណ្ដាញសង្គម។ ខាងក្រោមនេះ គឺជាការអះអាងដ៏ល្បីសុះសាយលើបណ្ដាញសង្គមនៅថ្ងៃនេះ ដែលរៀបរាប់ថា «ប្រទេសថៃប្រកាសអាសន្នកម្ដៅឡើងដល់ ៦០អង្សាសេក្នុងប្រទេសរបស់ខ្លួន ខណៈកម្ពុជាយើងសូមថែរក្សាសុខភាពអំឡុងពេលនេះផង។ អរគុណ»។ Facebook […]

តើរូបថតចាស់មួយសន្លឹកនេះជាការលេងជះទឹកបុណ្យចូលឆ្នាំថ្មីនៅកម្ពុជានាអតីតកាលមែនឬទេ?

April 19, 2023April 19, 2023Jay UdomLeave a Comment

ខណៈដែលប្រជាជនកម្ពុជាប្រារព្ធពិធីបុណ្យចូលឆ្នាំថ្មីនៅទូទាំងប្រទេសនៅពាក់កណ្ដាលខែមេសានេះ រូបថតសខ្មៅមួយសន្លឹកដែលបង្ហាញមនុស្សមួយក្រុមជះទឹកទៅលើអ្នកដំណើរតាមរថយន្តដឹកជញ្ជូនមួយគ្រឿង ត្រូវបានគេបង្ហោះព្រោងព្រាតលើបណ្ដាញសង្គម។ រូបថតនេះ ត្រូវបានគេជឿថា ជាការលេងជះទឹកនៅកម្ពុជាកាលពីអតីតកាល។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការបង្ហោះខ្លឹមសារជាមួយរូបថតមួយសន្លឹកនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម រូបថតសខ្មៅមួយសន្លឹកដែលបង្ហាញមនុស្សមួយក្រុមជះទឹកទៅលើអ្នកដំណើរតាមរថយន្តមួយគ្រឿង ត្រូវបានគេបង្ហោះនៅលើបណ្ដាញសង្គមជាមួយសំណេររៀបរាប់ក្នុងន័យថា រូបថតមួយសន្លឹកនេះគឺជាការលេងជះទឹករបស់ប្រជាពលរដ្ឋកម្ពុជាកាលពីជាង ៥០ឆ្នាំមុន។ រូបថតមួយសន្លឹកនេះ ទទួលបានការចែករំលែកបន្តដល់ទៅជាង ៥ពាន់ដងនៅលើបណ្ដាញសង្គម ខណៈមានការបញ្ចេញមតិចម្រុះបែប និងប្រតិកម្មជាច្រើនទៅនឹងការបង្ហោះរូបថតនេះផងដែរ។ ខាងក្រោមនេះ គឺជារូបភាពផ្ដាមចេញពីការបង្ហោះនៅលើបណ្ដាញសង្គមដោយអ្នកប្រើប្រាស់ហ្វេសប៊ុកឈ្មោះ នរៈ ឧរង្គៈ Nakrak Urunga កាលពីថ្ងៃទី២៤ ខែមីនា ឆ្នាំ២០២៣។ Facebook Post | Archived Link រូបថតមួយសន្លឹកនេះ ក៏ត្រូវបានបង្ហោះលើបណ្ដាញសង្គមហ្វេសប៊ុកដោយអ្នកប្រើប្រាស់ហ្វេសប៊ុកដទៃទៀតផងដែរនៅអំឡុងពេលកម្ពុជាប្រារព្ធពិធីបុណ្យចូលឆ្នាំថ្មី ឬសង្ក្រាន្តនៅពាក់កណ្ដាលខែមេសានេះ។ សូមមើលខ្លឹមសារទាំងស្រុងតាមរយៈតំណភ្ជាប់នៅទីនេះ (១, ២, ៣, ៤)។ រូបថតសខ្មៅមួយសន្លឹកនេះ ក៏ត្រូវបានចុះផ្សាយ និងចែករំលែកដោយប្រព័ន្ធផ្សព្វផ្សាយនៅកម្ពុជាផងដែរចំពេលប្រជាជនកម្ពុជាប្រារព្ធពិធីចូលឆ្នាំថ្មីប្រពៃណីជាតិពាក់កណ្ដាលខែមេសានេះ។ ខាងក្រោមនេះ គឺជារូបភាពផ្ដាមពីទំព័រហ្វេសប៊ុករបស់សារព័ត៌មាន Thmey Thmey 25 ដែលបានចុះផ្សាយរូបថតមួយសន្លឹកនេះនៅក្នុងអត្ថបទរបស់ខ្លួនកាលពីថ្ងៃទី១៥ ខែមេសា ឆ្នាំ២០២៣។ Thmey […]

តើកម្ពុជានឹងសិក្សាលទ្ធភាពសាងសង់ផ្លូវល្បឿនលឿនកាត់ផ្ទៃបឹងទន្លេសាបមែនឬ?

March 31, 2023March 31, 2023Jay UdomLeave a Comment

នៅដើមសប្ដាហ៍នេះ ក្រសួងសាធារណការ និងដឹកជញ្ជូន បានស្នើទៅអភិបាលរាជធានី និងខេត្តមួយចំនួនឱ្យគាំទ្រដល់គម្រោងសិក្សាផ្លូវល្បឿនលឿនភ្នំពេញ–សៀមរាប។ បន្ទាប់មក រូបភាពតម្រាយផ្លូវល្បឿនលឿនកាត់ផ្ទៃបឹងទន្លេសាប ត្រូវបានផ្សព្វផ្សាយ និងចែករំលែកព្រោងព្រាងដោយប្រព័ន្ធផ្សព្វផ្សាយរដ្ឋ និងសារព័ត៌មានានា។ រូបភាពតម្រាយផ្លូវកាត់បឹងទន្លេសាបនេះ បាននាំឱ្យមានការចោទសួរអំពីផលប៉ះពាល់ទៅដល់ប្រព័ន្ធអេកូឡូស៊ីរបស់បឹងទឹកសាបដ៏ធំមួយនេះ។ ទោះជាយ៉ាងណា កិច្ចសម្ភាសជាមួយមន្ត្រីក្រសួង បញ្ជាក់ថា ការផ្សព្វផ្សាយបែបនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម រូបតម្រាយផ្លូវភ្នំពេញ-សៀមរាប ដែលឆ្លងកាត់ផ្ទៃបឹងទន្លេសាប ត្រូវបានផ្សព្វផ្សាយដោយប្រព័ន្ធផ្សព្វផ្សាយនានា ហើយក៏ត្រូវបានចែករំលែកបន្តព្រោងព្រាតនៅលើបណ្ដាញសង្គម។ រូបតម្រាយផ្លូវនេះ ត្រូវបានផ្សាយជាមួយនឹងព័ត៌មានចេញផ្សាយនៅដើមសប្ដាហ៍នេះ ដែលនិយាយអំពីការសិក្សាគម្រោងសាងសង់ផ្លូវល្បឿនលឿនភ្នំពេញ-សៀមរាប។ តាមរយៈការផ្សព្វផ្សាយនេះ តម្រាយផ្លូវល្បឿនលឿនភ្នំពេញ-សៀមរាប ត្រូវបានគេជឿថា នឹងត្រូវសាងសង់កាត់ផ្ទៃបឹងទន្លេសាប ដែលជាបឹងទឹកសាបធំជាងគេនៅតំបន់អាស៊ីអាគ្នេយ៍។ រូបភាពតម្រាយផ្លូវល្បឿនលឿននេះ ត្រូវបានចែករំលែកបន្តព្រោងព្រាតពីសំណាក់អ្នកប្រើប្រាស់បណ្ដាញសង្គម និងនាំឱ្យមានការចោទសួរអំពីផលប៉ះពាល់នៃគម្រោងផ្លូវល្បឿនលឿនភ្នំពេញ-សៀមរាបទៅលើប្រព័ន្ធអេកូឡូស៊ីនៃបឹងទន្លេសាប។ ខាងក្រោមនេះ គឺជារូបភាពនៃការផ្សាយព័ត៌មានរបស់ក្រសួងព័ត៌មាន ដែលភ្ជាប់ជាមួយរូបភាពតម្រាយផ្លូវល្បឿនលឿនឆ្លងកាត់ផ្ទៃបឹងទន្លេសាប មុននឹងទៅដល់ខេត្តសៀមរាប ដែលជាតំបន់ទេសចរណ៍ប្រវត្តិសាស្ត្រដ៏សំខាន់របស់កម្ពុជា។ Facebook Post | Archived Link ក្រសួងព័ត៌មាន បានបញ្ជាក់ថា ព័ត៌មានរូបភាពតម្រាយផ្លូវល្បឿនលឿនថ្មីនេះ បានមកពីការផ្សាយរបស់ទូរទស្សន៍ជាតិកម្ពុជា ហៅកាត់ថា ទទក ឬ TVK ដែលបានចេញផ្សាយនូវព័ត៌មានដូចគ្នានេះផងដែរកាលពីថ្ងៃទី២៧ ខែមីនា។ Facebook Post […]

រូបភាពលោក ពូទីន និងបៃដិន បួសជាសង្ឃក្នុងពុទ្ធសាសនា មិនមែនជារូបពិតប្រាកដ

March 25, 2023March 25, 2023Jay UdomLeave a Comment

ខណៈដែលសង្គ្រាមរុស្ស៊ី-អ៊ុយក្រែន បានអូសបន្លាយជាង ១ឆ្នាំហើយនោះ រូបភាពមេដឹកនាំរុស្ស៊ី លោក វ៉្លាឌីមៀរ ពូទីន ដែលគ្រងស្បងជីពក្នុងពុទ្ធសាសនា ត្រូវបានគេបង្ហោះនៅលើបណ្ដាញសង្គមជាមួយការអះអាងថា មេដឹកនាំប្រទេសមហាអំណាចមួយនេះ ធ្លាប់បួសជាសង្ឃក្នុងព្រះពុទ្ធសាសនាផងដែរ។ រូបភាពជាមួយនឹងការអះអាងនេះ ត្រូវបានចែករំលែកបន្តយ៉ាងច្រើននៅលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងខាងលើនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម រូបថតប្រធានាធិបតីរុស្ស៊ី វ៉្លាឌីមៀរ ពូទីន (Vladimir Putin) គ្រងស្បងជីពជាព្រះសង្ឃពុទ្ធសាសនា ត្រូវបានគេបង្ហោះនៅលើបណ្ដាញសង្គមហ្វេសប៊ុកកាលពីថ្ងៃព្រហស្បតិ៍កន្លងមកនេះជាមួយការរៀបរាប់ថា មេដឹកនាំមហាអំណាចពិភពលោករូបនេះ ធ្លាប់បួសជាព្រះសង្ឃក្នុងពុទ្ធសាសនា។ រូបថតជាមួយសំណេរបែបនេះ ទទួលបានការចែករំលែកបន្តជាច្រើនដង ព្រមទាំងមានការបញ្ចេញជាច្រើន និងប្រតិកម្មចម្រុះពីសំណាក់អ្នកប្រើប្រាស់បណ្ដាញសង្គមផងដែរ។ ខាងក្រោមនេះ គឺជារូបភាពផ្ដាមចេញពីការបង្ហោះរូបថតលោក ពូទីន គ្រងស្បងពណ៌លឿង កាលពីថ្ងៃទី២៣ ខែមីនា ជាមួយសំណេររៀបរាប់ថា «ធ្លាប់បួសធ្លាប់រៀនដែរ ប៉ុន្តែ ចរឹតឃោឃៅគ្មានចិត្តមេត្តា អន់ជាងឆ្កែទៅទៀត#ពូទីន»។ Facebook Post | Archived Link រូបថតមេដឹកនាំរុស្ស៊ីស្ថិតក្នុងឈុតស្បងពណ៌លឿងនេះ ក៏ត្រូវបានបង្ហោះលើបណ្ដាញសង្គមហ្វេសប៊ុកពីសំណាក់អ្នកប្រើប្រាស់ហ្វេសប៊ុកម្នាក់ទៀតកាលពីថ្ងៃទី២០ ខែមីនា ជាមួយសំណេររៀបរាប់ថា «ឃើញរូបមួយសន្លឹកនេះដោយចៃដន្យ»។ Facebook Post […]

មើមឆៃថាវមានរូបរាងដូចជើងមនុស្សនៅជប៉ុន គ្រាន់តែជាស្នាដៃសិល្បៈស្មូនរូបប៉ុណ្ណោះ

March 23, 2023March 23, 2023Jay UdomLeave a Comment

រូបថតមើមឆៃថាវមានរូបរាងដូចជើងមនុស្ស ត្រូវបានបង្ហោះលើបណ្ដាញសង្គមព្រោងព្រាតកាលពីសប្ដាហ៍មុន ដែលនាំឱ្យអ្នកប្រើប្រាស់បណ្ដាញសង្គមជាច្រើនយល់ច្រឡំថា មើមឆៃថាវនោះពិតជាដំណាំពិតៗដែលដាំដុះដោយជនជាតិជប៉ុន។ ទោះជាយ៉ាងណា ការផ្ទៀងផ្ទាត់របស់យើង បានរកឃើញថា រូបថតមើមឆៃថាវនោះ គ្រាន់តែជាស្នាដៃសិល្បៈស្មូនរូបតែប៉ុណ្ណោះ។ ការអះអាងលើបណ្ដាញសង្គម រូបថតពីរសន្លឹកដែលបង្ហាញឱ្យឃើញឆៃថាវមានរូបរាងដូចជើងមុនស្ស ត្រូវបានទំព័រហ្វេសប៊ុកសារព័ត៌មានឌីជីថលមួយចែករំលែកនៅលើបណ្ដាញសង្គមកាលពីសប្ដាហ៍មុន។ រូបថតនេះទទួលបានការចាប់អារម្មណ៍យ៉ាងច្រើនពីសំណាក់អ្នកប្រើប្រាស់បណ្ដាញសង្គមហ្វេសប៊ុក ដោយមានការចែករំលែករហូតដល់ជាង ៦០០ដង និងមានការបញ្ចេញមតិចម្រុះបែបពីអ្នកប្រើប្រាស់បណ្ដាញសង្គមហ្វេសប៊ុកនិយាយភាសាខ្មែរ។ ខាងក្រោមនេះ គឺជារូបភាពផ្ដាមចេញពីទំព័រហ្វេសប៊ុក TNAOT ដែលបង្ហោះសាររៀបរាប់កាលពីថ្ងៃព្រហស្បតិ៍សប្ដាហ៍មុនថា «ឆៃថាវចម្លែករាងដូចជើងមនុស្ស»។ Facebook Post | Archived Link រូបថតឆៃថាវរូបរាងដូចជើងមនុស្សនេះ ត្រូវបានចែករំលែកយ៉ាងព្រោងព្រាតនៅលើបណ្ដាញសង្គមហ្វេសប៊ុក និងបណ្ដាញសង្គមដទៃទៀត។ សូមមើលខ្លឹមសារតាមរយៈតំណភ្ជាប់នៃបណ្ដាញសង្គម Srok Kh, Davin Sapphire – ចៃកាមេរ៉ា, សង្ហារ លក់ដុំនិងរាយខោលីអូបុរសនារី។ ខាងក្រោមនេះ គឺជារូបភាពផ្ដាមចេញពីការបង្ហោះរូបថតឆៃថាវចម្លែកដោយទំព័រហ្វេសប៊ុក Sandra Shop Cambodia កាលពីសប្ដាហ៍មុន ដែលទទួលបានការចែករំលែកបន្តរហូតដល់ជាង ២ពាន់ដង។ Facebook Post | Archived Link តាមរយៈការពិនិត្យមើលមតិរបស់អ្នកប្រើប្រាស់បណ្ដាញសង្គម យើងមើលឃើញថា អ្នកប្រើប្រាស់បណ្ដាញសង្គមនិយាយភាសាខ្មែរជាច្រើន ហាក់ជឿជាក់ថា […]

ករណីហិង្សានៅខេត្តបាត់ដំបង ត្រូវបានអះអាងថាកើតនៅខេត្តតាកែវ

March 16, 2023March 16, 2023Kakada SimLeave a Comment

ស្របពេលខេត្តតាកែវកំពុងតែល្បីរឿងគប់កញ្ចប់រថយន្តអ្នកដំណើរនោះ រូបថតមួយសន្លឹកដែលបង្ហាញពូថៅមួយជាប់នឹងកញ្ចក់រថយន្តមួយគ្រឿង ត្រូវបានបង្ហោះនៅលើបណ្ដាញសង្គមជាមួយការអះអាងថា ករណីហិង្សាមួយនេះ បានកើតឡើងនៅម្ដុំផ្សារសំរោងយ៉ោង ខេត្តតាកែវ។ ការលើកឡើងបែបនេះ ទទួលបានការចែកចាយ និងប្រតិកម្មជាច្រើននៅលើបណ្ដាញសង្គមនាពេលថ្មីៗនេះ។ ទោះជាយ៉ាងណា ការត្រួតពិនិត្យការពិតរបស់ Fact Crescendo Cambodia បានរកឃើញថា រូបថតភ្ជាប់ដោយសំណេរខាងលើ មិនត្រឹមត្រូវនោះឡើយ។ ការអះអាងលើបណ្តាញសង្គម កាលពីថ្ងៃទី១៤ ខែមីនា ឆ្នាំ២០២៣កន្លងទៅថ្មីៗនេះ អ្នកប្រើប្រាស់ហ្វេសប៊ុកម្នាក់ បានបង្ហោះរូបថតមួយសន្លឹក បង្ហាញទិដ្ឋភាពនៃការគប់ពូថៅ ជាប់ទៅនឹងកញ្ចក់រថយន្តមួយគ្រឿង។ ហេតុការណ៍នេះ ត្រូវបានភ្ជាប់នឹងសំណេរអះអាងថា បានកើតឡើងនៅម្ដុំផ្សារសំរោងយ៉ោង ខេត្ដតាកែវ កាលពីថ្ងៃទី១៤ ខែមីនា ឆ្នាំ២០២៣។ ការបង្ហោះរូបថតខាងលើនេះ ត្រូវបានអ្នកប្រើប្រាស់បណ្ដាញសង្គមចែករំលែកជាច្រើនដង រួមជាមួយការបញ្ចេញមតិ និងប្រតិកម្មចម្រុះបែបផងដែរ។ ខាងក្រោមនេះ គឺជារូបភាពផ្ដាមទាំងស្រុងចេញពីប៉ុស្ដិ៍របស់ទំព័រហ្វេសប៊ុកខាងលើ ដែលបានអះអាងថា «ម្ដុំផ្សារសំរោងយ៉ោង ខេត្តតាកែវ ១៤/០៣/២០២៣»។ Facebook Post | Archived Link ការត្រួតពិនិត្យការពិត Fact Crescendo Cambodia ចាប់ផ្ដើមត្រួតពិនិត្យទៅលើរូបភាពផ្ដាម និងការអះអាងខាងលើនេះ តាមរយៈ Google […]

ការអះអាងមិនត្រឹមត្រូវមួយ ចោទបុរសសញ្ជាតិអាមេរិក ២នាក់ជាភ្នាក់ងារស៊ើបការណ៍សម្ងាត់

March 15, 2023March 15, 2023Jay UdomLeave a Comment

ចំពេលដែលតុលាការកម្ពុជាសម្រេចកាត់ទោសមេដឹកនាំបក្សប្រឆាំង លោក កឹម សុខា ឱ្យជាប់ទោស ២៧ឆ្នាំក្រោមការចោទប្រកាន់ពីបទ«ក្បត់ជាតិ»នោះ ការអះអាងមួយនៅលើបណ្ដាញសង្គម បាននិយាយថា អ្នកនយោបាយបក្សប្រឆាំងមួយរូប និងបុរសជនជាតិអាមេរិកម្នាក់ ជាភ្នាក់ងារសម្ងាត់របស់ CIA ត្រូវបានបញ្ជូនមកបំផ្លាញកម្ពុជា។ ការអះអាងនេះ ត្រូវបានគេចំលែកយ៉ាងច្រើនលើបណ្ដាញសង្គម ហើយត្រូវបានសារព័ត៌មានមួយចំនួនចុះផ្សាយបន្តផងដែរ។ ទោះជាយ៉ាងណា ការផ្ទៀងផ្ទាត់របស់យើងរកឃើញថា ការអះអាងនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម ទំព័រហ្វេសប៊ុកមួយឈ្មោះថា ខ្ញុំ ជា សម រង្ស៊ី បានអះអាងកាលពីដើមខែនេះ លោក មាជ សុវណ្ណារ៉ា និងលោក Mark Gibbel គឺជាភ្នាក់ងារសម្ងាត់របស់ទីភ្នាក់ងារស៊ើបការណ៍សម្ងាត់អាមេរិក (CIA)។ ទំព័រហ្វេសប៊ុកដដែលនេះ ក៏បានជំរុញទៅអាជ្ញាធរកម្ពុជាឱ្យប្រុងប្រយ័ត្នចំពោះបុគ្គលទាំងពីររូបនេះផងដែរ ដោយថា ពួកគេមាន«ឧបាយកលពិសពុលខ្លាំងណាស់»។ ការអះអាងនេះ ទទួលបានការចែករំលែកដល់ទៅជាង ១០០ដង ខណៈអ្នកប្រើប្រាស់បណ្ដាញសង្គមជាច្រើន បានបញ្ចេញមតិចម្រុះបែប និងប្រតិកម្មផ្សេងទៅនឹងការអះអាងនេះ។ ខាងក្រោមនេះ គឺជារូបភាពផ្ដាមចេញពីការអះអាងដែលបង្ហោះលើបណ្ដាញសង្គមកាលពីថ្ងៃទី០១ ខែមីនា ដែលរៀបរាប់ថា «ដំណឹងពីបរទេស! ក្នុងពេលនេះ ជនមុខសញ្ញាភ្នាក់ងារសម្ងាត់ CIA ពីររូប គឺលោក […]

ការអះអាងមិនត្រឹមត្រូវថា អតីតព្រះមហាក្សត្រកម្ពុជាគ្រងឈុតប្រពៃណីវៀតណាម

March 11, 2023March 11, 2023Jay UdomLeave a Comment

បើទោះបីជាអតីតព្រះមហាក្សត្រកម្ពុជា ព្រះករុណា នរោត្ដម សីហនុ បានសោយទិវង្គតអស់រយៈពេលជាង ១០ឆ្នាំហើយក្ដី ទ្រង់នៅតែរងការរិះគន់ និងការអះអាងផ្សេងៗ។ កាលពីខែកុម្ភៈកន្លងមកនេះ រូបថតមួយសន្លឹកដែលបង្ហាញអតីតព្រះមហាក្សត្រ និងព្រះមហេសីទ្រង់គ្រងឈុតប្រពៃណីបរទេសនោះ ត្រូវបានគេបង្ហោះលើបណ្ដាញសង្គមជាមួយការអះអាងថា ទ្រង់ទាំងពីរព្រះអង្គគ្រងឈុតប្រពៃណីវៀតណាមនៅថ្ងៃរៀបមង្គលការ។ ការអះអាងលើរូបថតនេះ ទទួលបានការចែករំលែកជាច្រើនដង និងការបញ្ចេញមតិចម្រុះបែបពីអ្នកប្រើប្រាស់បណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងលើរូបថតមួយសន្លឹកនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម រូបថតមួយសន្លឹកដែលបង្ហាញអតីតព្រះមហាក្សត្រកម្ពុជា សម្ដេចព្រះ នរោត្ដម សីហនុ និងព្រះមហេសីរបស់ទ្រង់ ស្ថិតក្នុងឈុតសម្លៀកបំពាក់បរទេសនោះ ត្រូវបានគេបង្ហោះនៅលើបណ្ដាញសង្គមជាមួយការរៀបរាប់ថា ព្រះអង្គទាំងពីរស្លៀកពាក់ឈុតរៀបការតាមប្រពៃណីវៀតណាម។ រូបថតមួយសន្លឹកនេះ ត្រូវបានគេចែករំលែកជាច្រើនដង ហើយក៏មានអ្នកប្រើប្រាស់បណ្ដាញសង្គមហ្វេសប៊ុកមួយចំនួន បានបញ្ចេញមតិផ្សេងៗផងដែរ។ ខាងក្រោមនេះ គឺរូបភាពផ្ដាមចេញពីការបង្ហោះរូបថតលើបណ្ដាញសង្គមដែលមានសរសេររៀបរាប់ថា «កម្រងរូបថតអនុស្សាវរីយ៍ដ៏កម្របានឃើញ និងជួបប្រទះរបស់សម្ដេចតាសម្ដេចយាយបានរៀបការតាមរបៀបប្រពៃណីជនជាតិក្រុងហាណូយ»។ Facebook Post | Archived Link រូបថតមួយសន្លឹកជាមួយសំណេរបែបនេះ ត្រូវបានគេបង្ហោះលើបណ្ដាញសង្គមជាបន្តបន្ទាប់ចាប់តាំងពីឆ្នា២០១៧មក។ សូមមើលរូបថតដដែលនេះនៅលើបណ្ដាញសង្គមតាមរយៈតំណភ្ជាប់នៅទីនេះ ឬតំណភ្ជាប់មួយទៀតនៅទីនេះ។ Facebook Post | Archived Link ការត្រួតពិនិត្យការពិត Fact Crescendo […]

គូស្នេហ៍ប្រេស៊ីលមួយគូចំណាយពេល២០ឆ្នាំស្ដារគម្របព្រៃឈើនៅតំបន់ភ្នំមួយកន្លែង

March 4, 2023March 4, 2023Kakada SimLeave a Comment

ខណៈដែលពិភពលោកបន្តបាត់បង់គម្របព្រៃឈើបៃតងនោះ រូបភាពផ្គុំគ្នាមួយសន្លឹកដែលបង្ហាញរូបថតនៃតំបន់ភ្នំសឹករីករិលបាត់បង់គម្របព្រៃឈើ និងរូបថតនៃតំបន់ភ្នំដដែលគ្របដណ្ដប់ទៅដោយព្រៃឈើបៃតងនោះ ត្រូវបានបង្ហោះនៅលើបណ្ដាញសង្គម។ រូបភាពមួយសន្លឹកនេះ បង្ហាញនូវអត្ថន័យថា តំបន់ភ្នំដែលគ្របដណ្ដប់ទៅដោយព្រៃឈើបៃតងនៅឆ្នាំ២០០៩ បានក្លាយជាភ្នំសឹករីករិលនៅឆ្នាំ២០២៣នេះ។ រូបភាពមួយសន្លឹកនេះ ត្រូវបានចែកចាយ និងបញ្ចេញមតិចម្រុះពីសំណាក់អ្នកប្រើប្រាស់ជាច្រើន។ ទោះជាយ៉ាងណា ការត្រួតពិនិត្យការពិតរបស់ Fact Crescendo Cambodia បានរកឃើញថា រូបភាពភ្ជាប់ជាមួយខ្លឹមសារបែបនេះ មិនត្រឹមត្រូវនោះឡើយ។ ការអះអាងលើបណ្តាញសង្គម កាលពីថ្ងៃទី២៥ ខែកុម្ភៈ ឆ្នាំ២០២៣កន្លងទៅថ្មីៗនេះ ទំព័រហ្វេសប៊ុកមួយឈ្មោះថា «Sharon» បានបង្ហោះរូបថតប្រៀបធៀបមួយសន្លឹកបង្ហាញតំបន់ភ្នំដូចគ្នាមួយកន្លែង ដែលគ្របដណ្ដប់ដោយព្រៃឈើបៃតងនៅឆ្នាំ២០០៩ និងទីវាលស្រឡះគ្មានព្រៃឈើនៅឆ្នាំ២០២៣។ រូបភាពដែលភ្ជាប់ជាមួយខ្លឹមសារបែបនេះ ត្រូវបានអ្នកប្រើប្រាស់បណ្ដាញសង្គមចែករំលែកជាច្រើនដង រួមជាមួយការបញ្ចេញមតិ និងប្រតិកម្មចម្រុះបែបផងដែរ។ ខាងក្រោមនេះ គឺជារូបភាពផ្ដាមចេញពីរូបភាពដែលត្រូវបានបង្ហោះលើបណ្ដាញសង្គមកាលពីថ្ងៃទី២៥ ខែកុម្ភៈ ឆ្នាំ២០២៣។ Facebook Post | Archived Link ការត្រួតពិនិត្យការពិត Fact Crescendo Cambodia ចាប់ផ្ដើមត្រួតពិនិត្យទៅលើរូបភាព និងការអះអាងខាងលើនេះតាមរយៈ Google Reverse Image Search ដែលនាំឱ្យយើងរកឃើញការពិតដូចខាងក្រោមនេះ។ រូបថតមួយសន្លឹក ដែលមានទម្រង់ និងសណ្ឋានដូចគ្នាទាំងស្រុង […]

នារី២នាក់ដែលតម្រួតថៃរកឃើញលាក់ខ្លួនក្នុងរថយន្តមួយគ្រឿងនោះ គឺជាជនជាតិភូមា មិនមែនស្ត្រីខ្មែរទេ

February 25, 2023February 25, 2023Kakada SimLeave a Comment

ស្របពេលព័ត៌មានទាក់ទងនឹងការឃាត់ខ្លួនពលករខ្មែរដែលព្យាយាមចូលទៅកាន់ប្រទេសថៃដោយខុសច្បាប់ បានកើតឡើងជារឿយៗនោះ វីដេអូឃ្លីបមួយ បង្ហាញស្រ្តី ២នាក់លាក់ខ្លួននៅក្នុងហិបរថយន្តមួយគ្រឿង និងឃាត់ខ្លួនដោយអាជ្ញាធរថៃ ត្រូវបានបង្ហោះឡើងដោយទំព័រហ្វេសប៊ុកមួយជាមួយការអះអាងថា ពួកគេជាពលករខ្មែរ។ វីដេអូឃ្លីបភ្ជាប់នឹងការអះអាងនេះ ត្រូវបានចែកចាយ និងបង្ហោះយ៉ាងផុសផុលនាពេលថ្មីៗនេះ។ ទោះជាយ៉ាងណា ការត្រួតពិនិត្យការពិតរបស់ Fact Crescendo Cambodia បានរកឃើញថា ការអះអាងលើវីដេអូនេះ មិនត្រឹមត្រូវនោះឡើយ។ ការអះអាងលើបណ្តាញសង្គម កាលពីថ្ងៃទី២០ ខែកុម្ភៈ ឆ្នាំ២០២៣ ទំព័រហ្វេសប៊ុកមួយ ឈ្មោះថា «គណបក្សភ្លើងទៀនខេត្តត្បូងឃ្មុំ-Tbong Khmum Candle light Party» បានបង្ហោះវីដេអូឃ្លីបមួយដែលបង្ហាញស្រ្តី ២នាក់ ត្រូវបានក្រុមតម្រួតថៃ រកឃើញនៅក្នុងហិបរថយន្តភីកអាប់មួយគ្រឿង។ ទំព័រហ្វេសប៊ុកដដែលនេះ ក៏បានអះអាងផងដែរថា ស្ត្រីទាំង ២នាក់នោះ គឺជាពលករខ្មែរខុសច្បាប់ ដែលត្រូវបានសមត្ថកិច្ចថៃខ្លួន។ ទំព័រហ្វេសប៊ុកខាងលើ ពុំបានបញ្ជាក់ព័ត៌មានលម្អិតនៃហេតុការណ៍ និងទីតាំងដែលបានកើតឡើងនោះឡើយ ដែលនេះធ្វើឲ្យអ្នកប្រើប្រាស់នៅតាមបណ្ដាញសង្គម បានចែករំលែកជាច្រើនដង រួមជាមួយការបញ្ចេញមតិ និងប្រតិកម្មចម្រុះបែបផងដែរ។ ខាងក្រោមនេះ គឺជាវីដេអូឃ្លីបទាំងស្រុង ដែលបានបង្ហោះដោយទំព័រហ្វេសប៊ុកខាងលើ ដែលបានសរសេរថា «ពលករខ្មែរខុសច្បាប់ ត្រូវបានអាជ្ញាធរថៃចាប់ខ្លួន អាណិតជាតិសាសន៍ខ្មែរណាស់ ដើម្បីបាយបីពេល […]

រូបថតចាស់មួយសន្លឹកត្រូវបានភ្ជាប់មិនត្រឹមត្រូវថា ជាទិដ្ឋភាពរញ្ជួយដីនៅតួកគីនាពេលថ្មីៗនេះ

February 10, 2023February 10, 2023Kakada SimLeave a Comment

បន្ទាប់ពីរញ្ជួយដីដ៏ខ្លាំងក្លាយមួយបានវាយប្រហារប្រទេសតួកគីកាលពីសប្ដាហ៍មុននេះ រូបថតមួយសន្លឹក បង្ហាញសំណង់បាក់បែក និងដួលរលំអាគារមួយកន្លែង ត្រូវបានបង្ហោះនៅលើបណ្ដាញសង្គមជាមួយសំណេរថា ជាទិដ្ឋភាពរញ្ជួយដីនៅតួកគីនាពេលថ្មីៗនេះ។ ការបង្ហោះរូបថតនេះ ត្រូវបានចែកចាយ និងបញ្ចេញមតិជាច្រើនដងពីសំណាក់អ្នកប្រើប្រាស់បណ្ដាញសង្គមកម្ពុជា។ ទោះជាយ៉ាងណា ការត្រួតពិនិត្យការពិតរបស់ Fact Crescendo Cambodia បានរកឃើញថា រូបថតភ្ជាប់ដោយសំណេរខាងលើ គឺធ្វើឲ្យមានការយល់ច្រឡំ។ ការអះអាងលើបណ្តាញសង្គម កាលពីថ្ងៃទី០៦ ខែកុម្ភៈ ឆ្នាំ២០២៣កន្លងទៅថ្មីនេះ អ្នកប្រើប្រាស់ហ្វេសប៊ុកម្នាក់ បង្ហោះរូបថតចំនួន៣សន្លឹក ដែលក្នុងនោះមួយសន្លឹក បានបង្ហាញទិដ្ឋភាពនៃអាគារបាក់បែក និងដួលរលំមួយកន្លែង។ រូបថតបង្ហោះខាងលើ ត្រូវបានភ្ជាប់នឹងសំណេរថា គឺជាទិដ្ឋភាពរញ្ជួយដីនៅប្រទេសតួកគីកាលពីខែកុម្ភៈនេះ។ ការលើកឡើងបែបនេះ ត្រូវបានអ្នកប្រើប្រាស់បណ្ដាញសង្គមចែករំលែកជាច្រើនដង រួមជាមួយការបញ្ចេញមតិ និងប្រតិកម្មចម្រុះបែបផងដែរ។ ខាងក្រោមនេះ គឺជារូបភាពផ្ដាមចេញពីប៉ុស្ដិ៍របស់អ្នកប្រើប្រាស់ហ្វេសប៊ុកខាងលើ ដែលបានសរសេរថា «រញ្ជួយដីកម្រិត ៧.៤រ៉ិចទ័រ នៅ #តួកគី 🇹🇷»។ Facebook Post | Archived Link ដូចគ្នានេះ រូបថតខាងលើ ក៏ត្រូវបានភ្ជាប់ និងបង្ហោះដោយទំព័រហ្វេសប៊ុកផ្សេងទៀតផងដែរ ទៅនឹងហេតុការណ៍គ្រោះរញ្ជួយដី ដែលបានកើតឡើងនៅលើប្រទេសតួកកីនាពេលថ្មីៗនេះ។ Facebook Post | […]

ទិដ្ឋភាពសមុទ្រពពកនៅថៃត្រូវបានភ្ជាប់មិនត្រឹមត្រូវថានៅកម្ពុជា

February 8, 2023February 9, 2023Kakada SimLeave a Comment

រូបថតចំនួន ៨សន្លឹក ដែលបានបង្ហាញទិដ្ឋភាពសមុទ្រពពកដ៏ស្រស់ស្អាតមួយកន្លែង ត្រូវបានបង្ហោះនៅលើបណ្ដាញសង្គមកម្ពុជានាពេលថ្មីៗនេះជាមួយសំណេររៀបរាប់ថា វាជាទិដ្ឋភាពនៅក្នុងខេត្តកំពង់ស្ពឺ ក្នុងប្រទេសកម្ពុជា។ ទោះជាយ៉ាងណា ការត្រួតពិនិត្យការពិតរបស់ Fact Crescendo Cambodia បានរកឃើញថា សំណេរខាងលើនេះ មិនត្រឹមត្រូវនោះឡើយ។ ការអះអាងលើបណ្តាញសង្គម កាលពីថ្ងៃទី៣០ ខែមករា ឆ្នាំ២០២៣កន្លងទៅថ្មីនេះ ទំព័រហ្វេសប៊ុកដែលមានឈ្មោះថា «Feeling great» បានបង្ហោះរូបថតចំនួន ៨សន្លឹក បង្ហាញទិដ្ឋភាពសមុទ្រពពក មួយកន្លែង។ រូបថតខាងលើនេះ ត្រូវបានអ្នកប្រើប្រាស់ភ្ជាប់ជាមួយនឹងការអះអាងថា ទិដ្ឋភាពនេះ គឺមានទីតាំងនៅក្នុងខេត្តកំពង់ស្ពឺ ប្រទេសកម្ពុជា។ ការបង្ហោះរូបថតខាងលើនេះ ត្រូវបានអ្នកប្រើប្រាស់បណ្ដាញសង្គមចែករំលែកជាច្រើនដង រួមជាមួយការបញ្ចេញមតិ និងប្រតិកម្មចម្រុះបែបផងដែរ។ ខាងក្រោមនេះ គឺជារូបភាពផ្ដាមចេញពីប៉ុស្ដិ៍របស់ទំព័រហ្វេសប៊ុកខាងលើ ដែលបានសរសេរថា «សមុទ្រពពក នៅខេត្តកំពង់ស្ពឺយើងហ្នឹង🥶»។ Facebook Post | Archived Link ការត្រួតពិនិត្យការពិត Fact Crescendo Cambodia ចាប់ផ្ដើមត្រួតពិនិត្យទៅលើរូបភាពផ្ដាម និងការអះអាងខាងលើនេះ តាមរយៈ Google Reverse Image Search […]

ផ្លូវអមឆ្នេរក្នុងខេត្តញ៉ាត្រាងត្រូវបានភ្ជាប់មិនត្រឹមត្រូវថាជាទិដ្ឋភាពកោះត្រល់

January 31, 2023January 31, 2023Kakada SimLeave a Comment

ខណៈពេលដែលកោះត្រល់ជាភាសាខ្មែរ ឬកោះភូកុកជាភាសាវៀតណាម បានក្លាយជាប្រធានបទនៃការជជែកដេញដោល និងបញ្ចេញមតិជារឿយៗនៅលើបណ្ដាញសង្គមពីសំណាក់ប្រជាពលរដ្ឋកម្ពុជានោះ រូបថតមួយសន្លឹក បង្ហាញទិដ្ឋភាពផ្លូវអមឆ្នេរសមុទ្រដ៏ស្រស់ស្អាតមួយ ត្រូវបានបង្ហោះដោយអ្នកប្រើប្រាស់ហ្វេសប៊ុកម្នាក់ ដោយភ្ជាប់ជាមួយនឹងការសរសេរថា «កោះត្រល់ របស់ខ្មែរ»។ ការបង្ហោះបែបនេះ ត្រូវបានចែកចាយ និងប្រតិកម្មចម្រុះពីសំណាក់អ្នកប្រើប្រាស់បណ្ដាញសង្គមកម្ពុជា។ ទោះជាយ៉ាងណា ការត្រួតពិនិត្យការពិតរបស់ Fact Crescendo Cambodia បានរកឃើញថា រូបថតភ្ជាប់ដោយសំណេរខាងលើ គឺធ្វើឲ្យមានការយល់ច្រឡំ។ ការអះអាងលើបណ្តាញសង្គម កាលពីថ្ងៃទី២៥ ខែមករា ឆ្នាំ២០២៣កន្លងទៅថ្មីនេះ អ្នកប្រើប្រាស់ហ្វេសប៊ុកម្នាក់ បានបង្ហោះរូបថតមួយសន្លឹក បង្ហាញទិដ្ឋភាពផ្លូវអមសួនច្បារ មាត់សមុទ្រ មួយកន្លែង។ រូបថតខាងលើនេះ ត្រូវបានអ្នកប្រើប្រាស់ភ្ជាប់ជាមួយនឹងការអះអាងថា ទិដ្ឋភាពនេះ គឺជាទិដ្ឋភាពកោះត្រល់ (ភាសាខ្មែរ) ឬកោះភូកុក (ភាសាវៀតណាម)។ ការបង្ហោះរូបថតខាងលើនេះ ត្រូវបានអ្នកប្រើប្រាស់បណ្ដាញសង្គមចែករំលែកជាច្រើនដង រួមជាមួយការបញ្ចេញមតិ និងប្រតិកម្មចម្រុះបែបផងដែរ។ ខាងក្រោមនេះ គឺជារូបភាពផ្ដាមចេញពីប៉ុស្ដិ៍របស់អ្នកប្រើប្រាស់ហ្វេសប៊ុកខាងលើ ដែលបានសរសេរថា «អ្នកមានផ្ទះធំប៉ុណ្ណាក៍ដោយ បើយួនយកប្រទេសបាត់ នោះវាគ្មានន័យទេ ពិសេសបាត់ទាំងអ្នកក្រ ទាំងអ្នកមានតែម្តង»។ Facebook Post | Archived Link ការត្រួតពិនិត្យការពិត […]

វីដេអូអាជ្ញាធរប៉ូលិសប្រើហិង្សាទៅលើព្រះសង្ឃ មិនមែនកើតឡើងនៅកម្ពុជានោះឡើយ

January 14, 2023January 14, 2023Kakada SimLeave a Comment

កាលពីប៉ុន្មានថ្ងៃថ្មីៗចុងក្រោយនេះ មានវីដេអូឃ្លីបមួយដែលបង្ហាញទិដ្ឋភាពព្រះសង្ឃមួយអង្គ រងអំពើហិង្សាវាយប្រហារពីសំណាក់កម្លាំងប្រដាប់អាវុធនោះ ត្រូវបានបង្ហោះនៅលើបណ្ដាញសង្គមម្នាក់។ ដែលនាំឱ្យមានការយល់ថា ហេតុការណ៍នេះកើតឡើងនៅក្នុងប្រទេសកម្ពុជា។ វីដេអូនេះ ទទួលបានការចែករំលែកបន្ត និងប្រតិកម្មបញ្ចេញមតិចម្រុះជាច្រើនពីសំណាក់អ្នកប្រើប្រាស់ហ្វេសប៊ុកនិយាយភាសាខ្មែរយ៉ាងផុសផុល។ ទោះជាយ៉ាងណា ការត្រួតពិនិត្យការពិតរបស់ Fact Crescendo Cambodia បានរកឃើញថា ការសរសេរដោយភ្ជាប់ទៅនឹងវីដេអូឃ្លីបខាងលើនោះ គឺធ្វើឲ្យមានការយល់ច្រឡំ។ ការអះអាងលើបណ្តាញសង្គម កាលពីថ្ងៃទី១២ ខែមករា ឆ្នាំ២០២៣ អ្នកប្រើប្រាស់ហ្វេសប៊ុកម្នាក់ បានបង្ហោះវីដេអូឃ្លីបមួយ បង្ហាញអំពីទិដ្ឋភាពនៃការប្រើអំពើហិង្សា ដេញវាយព្រះសង្ឃមួយអង្គ។ អ្នកប្រើប្រាស់ដដែលខាងលើនេះ ពុំបានបញ្ជាក់ព័ត៌មានលម្អិតនៃហេតុការណ៍ និងទីតាំងដែលបានកើតឡើងនោះឡើយ។ ការបង្ហោះបែបនេះ ធ្វើឲ្យអ្នកប្រើប្រាស់នៅតាមបណ្ដាញសង្គមហ្វេសប៊ុកនានា បានចែករំលែកជាច្រើនដង រួមជាមួយការបញ្ចេញមតិ និងប្រតិកម្មចម្រុះបែបផងដែរ។ ខាងក្រោមនេះ គឺជាវីដេអូឃ្លីបទាំងស្រុង ដែលបានបង្ហោះដោយអ្នកប្រើប្រាស់ខាងលើ ដែលបានសរសេរថា «កុំធ្វើបាបលោកអី»។ Facebook Post | Archived Link ការត្រួតពិនិត្យការពិត Fact Crescendo Cambodia ចាប់ផ្ដើមត្រួតពិនិត្យទៅលើវីដេអូឃ្លីបខាងលើនេះ តាមរយៈ Google Reverse Image Search ដែលនាំឱ្យយើងរកឃើញការពិតដូចខាងក្រោមនេះ។ វីដេអូឃ្លីបដូចគ្នាទាំងស្រុងនេះ […]

តើពូជថ្មីនៃវីរុសកូវីដ-១៩អូមីក្រុងកាចសហាវដូចការអះអាងលើបណ្ដាញសង្គមមែនឬទេ?

January 14, 2023January 14, 2023Jay UdomLeave a Comment

ការអះអាងដ៏ផុសផុលមួយនៅលើបណ្ដាញសង្គម បានលើកឡើងថា ពូជថ្មីនៃវីរុសអូមីក្រុងដែលបង្កឱ្យកើតកូវីដ-១៩ មានលក្ខណៈកាចសហាវ និងគ្រោះថ្នាក់ជាងវីរុសបំប្លែងខ្លួន Delta ទៅទៀត ហើយមិនបង្ហាញរោគសញ្ញាដូចពូជវីរុសកូវីដ-១៩មុនៗនោះឡើយ។ ការអះអាងនេះ ត្រូវបានចែករំលែកយ៉ាងផុសផុលនៅលើបណ្ដាញសង្គមពីសំណាក់អ្នកប្រើប្រាស់ហ្វេសប៊ុកនិយាយភាសាខ្មែរ។ ទោះជាយ៉ាងណា ផ្អែកតាមឯកសារព័ត៌មានគួរឱ្យជឿជាក់នានា យើងរកឃើញថា ការអះអាងនេះមិនត្រឹមត្រូវនោះឡើយ។ ការអះអាងលើបណ្ដាញសង្គម ការអះអាងដ៏ផុសផុលមួយនៅលើបណ្ដាញសង្គម បាននិយាយរៀបរាប់ថា ពូជថ្មីនៃវីរូសកូវីដ-១៩ប្រភេទអូមីក្រុង ឬ Omicron XBB ត្រូវបានរកឃើញថា បង្កឱ្យមនុស្សប្រឈមនឹងអត្រាស្លាប់ខ្ពស់ជាងប្រភេទអូមីក្រុង ដោយពុំមានបង្ហាញរោគសញ្ញាក្អក និងគ្រុនក្ដៅនោះឡើយ ប៉ុន្តែ បង្ហាញត្រឹមរោគសញ្ញាឈឺសន្លាក់ ឈឺក្បាល ឈឺក ឈឺខ្នងផ្នែកខាងលើ បាត់បង់ចំណង់អាហារទូទៅ និងជាពិសេសបង្កឱ្យរលាកសួតយ៉ាងស្រួចស្រាល់។ ការអះអាងខាងលើនេះ បន្តរៀបរាប់ថា វីរុសកូវីដ-១៩ពូជថ្មីរបស់ប្រភេទអូមីក្រុងថ្មីនេះ មិនអាចឱ្យគេដឹងតាមរយៈការធ្វើតេស្តច្រមុះនោះឡើយ ហើយវាឆ្លងរីករាលដាលលឿនចូលទៅក្នុងសហគមន៍។ ការអះអាងនេះ ត្រូវបានចែករំលែកបន្តជាច្រើនដង ហើយក៏មានការបង្ហោះនៅលើបណ្ដាញសង្គមយ៉ាងព្រោងព្រាតនៅក្នុងរយៈ ២សប្ដាហ៍ចុងក្រោយនៃដើមឆ្នាំ២០២៣នេះ។ ខាងក្រោមនេះ គឺជាការអះអាងអំពីពូជអូមីក្រុងនៃកូវីដ-១៩ ដែលត្រូវបានបង្ហោះនៅលើបណ្ដាញសង្គមហ្វេសប៊ុកមួយកាលពីសប្ដាហ៍មុន។ Facebook Post | Archived Link ខាងក្រោមនេះ គឺជាការបង្ហោះ និងចែកចាយការអះអាងដដែលនេះនៅលើបណ្ដាញសង្គមហ្វេសប៊ុកពីសំណាក់អ្នកប្រើប្រាស់បណ្ដាញសង្គមកម្ពុជា។ Facebook Post | […]

ផ្កាយរណបផុតអាយុកាលមួយគ្រឿងធ្លាក់ចូលសមុទ្រប៊ែរីងផុតឆ្ងាយពីឧបទ្វីបកូរ៉េ

January 10, 2023January 10, 2023Jay UdomLeave a Comment

ក្រោយពីមានការផ្សាយថា ផ្កាយរណបផុតអាយុកាលមួយរបស់អាមេរិកនឹងធ្លាក់ចុះមកផែនដីនោះ ការអះអាងមួយបាននិយាយថា ផ្កាយរណបមួយនេះនឹងធ្លាក់ទៅលើឧបទ្វីបកូរ៉េនៅរសៀលថ្ងៃនេះ។ ការអះអាងបែបនេះ ត្រូវបានអ្នកប្រើប្រាស់ហ្វេសប៊ុកនៅកម្ពុជាចែករំលែកតគ្នាជាច្រើនដង។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ការអះអាងនេះមិនត្រឹមត្រូវទេ។ ការអះអាងលើបណ្ដាញសង្គម ការអះអាងមួយដែលកំពុងតែផុសផុលនៅលើបណ្ដាញសង្គម បាននិយាយថា ផ្កាយរណបឈប់ដំណើរការមួយរបស់ទីភ្នាក់ងារអវកាសណាសា (NASA)របស់សហរដ្ឋអាមេរិក នឹងធ្លាក់ចំឧបទ្វីបកូរ៉េនៅចន្លោះម៉ោង ១២:២០ ទៅម៉ោង ១:២០នាទីរសៀលថ្ងៃនេះ។ ការអះអាងនេះ ត្រូវបានចែករំលែកបន្តដល់ទៅជាង ១០០ដងនៅព្រឹកថ្ងៃអង្គារនេះ ហើយក៏ទទួលបានការបញ្ចេញមតិ និងប្រតិកម្មជាច្រើនពីអ្នកប្រើប្រាស់បណ្ដាញសង្គមហ្វេសប៊ុកផងដែរ បន្ទាប់ពីវាត្រូវបានចែករំលែកចូលទៅក្រុមបណ្ដាញសង្គម។ ខាងក្រោមនេះ គឺជារូបភាពផ្ដាមចេញពីការអះអាងនៅលើបណ្ដាញសង្គម ដែលរៀបរាប់ថា «ផ្កាយរណបអាចនឹងធ្លាក់ចំឧបទ្វីបកូរ៉េនៅថ្ងៃនេះចន្លោះម៉ោង 12:20 – 1:20PM បើតាមភ្នាក់ងារអវកាសសហរដ្ឋអាមេរិក បាននិយាយថា ផ្កាយរណបអវកាសដែលបានបាញ់បង្ហោះតាំងពីឆ្នាំ1984 ខែតុលា ថ្ងៃទី5 ដែលមានទម្ងន់ប្រហែល 2450Kg កំពុងតែធ្លាក់ចុះមកផែនដីនៅថ្ងៃនេះ ហើយមានភាគរយខ្ពស់ដែលអាចធ្លាក់ចូលទឹកដីកូរ៉េនៅថ្ងៃនេះ»។ Facebook Post | Archived Link ការអះអាងដដែលនេះ ក៏ត្រូវបានចែករំលែកទៅក្រុមបណ្ដាញសង្គមដែលមានគណនីហ្វេសប៊ុកជិត ៤០ម៉ឺនជាសមាជិកផងដែរ។ សូមមើលការអះអាងនេះតាមរយៈតំណភ្ជាប់នៅទីនេះ។ ការត្រួតពិនិត្យការពិត Fact Crescendo Cambodia បានត្រួតពិនិត្យ […]

ក្រុមហ៊ុន Sastra Film ច្រានចោលព័ត៌មានលើបណ្ដាញសង្គមជុំវិញការផលិតរឿង១៨បូក

December 21, 2022December 21, 2022Jay UdomLeave a Comment

បន្ទាប់ពីឈុតឆាតសម្ដែងភាពយន្តបែបស្រើបស្រាលរបស់ក្រុមហ៊ុន Sastra Film ត្រូវបានចែកចាយព្រោងព្រាតលើបណ្ដាញសង្គមមក ទំព័រហ្វេសប៊ុកមួយ បានបង្ហោះការអះអាងមួយថា នាយិកាក្រុមហ៊ុនផលិតភាពយន្តមួយនេះ និយាយថា អ្នកស្រីចង់ឃើញភាពយន្តស្រើបស្រាលរីកលូតលាស់ប្រកួតប្រជែងជាមួយភាពយន្តបរទេស។ ការបង្ហោះខ្លឹមសារនេះ ត្រូវបានអ្នកប្រើប្រាស់បណ្ដាញសង្គមនិយាយភាសាខ្មែរចែករំលែកបន្តព្រោងព្រោត ហើយក៏ទទួលបានមតិរិះគន់យ៉ាងច្រើនផងដែរ។ ទោះជាយ៉ាងណា ការផ្ទៀងផ្ទាត់របស់យើង រកឃើញថា ខ្លឹមសារដែលត្រូវបានបង្ហោះលើបណ្ដាញសង្គមនោះ មិនត្រឹមត្រូវនោះឡើយ។ ការអះអាងលើបណ្ដាញសង្គម ការអះអាងដ៏ផុសផុលមួយនៅលើបណ្ដាញសង្គម បានលើកឡើងថា ថ្នាក់ដឹកនាំក្រុមហ៊ុនផលិតភាពយន្តក្នុងស្រុកមួយ ចង់ឃើញឧស្សាហកម្មភាពយន្តស្រើបស្រាល ឬភាពយន្ត ១៨បូក អាចឈរជើងប្រកួតប្រជែងនឹងភាពយន្តអន្តរជាតិ និងស្នើមហាជនកម្ពុជា ឱ្យលើកស្ទួយឧស្សាហកម្មភាពយន្តមួយប្រភេទនេះ។ ការបង្ហោះនូវការនេះបែបនេះ ទទួលបានការចែករំលែកយ៉ាងព្រោងព្រាតនៅលើបណ្ដាញសង្គមហ្វេសប៊ុក ខណៈដែលអ្នកប្រើប្រាស់បណ្ដាញសង្គមនិយាយភាសាខ្មែរជាច្រើន បានបញ្ចេញមតិយោបល់ចម្រុះបែប និងប្រតិកម្មផ្សេងៗផងដែរ។ ខាងក្រោមនេះ គឺជារូបភាពផ្ដាមចេញពីការអះអាងនៅលើបណ្ដាញសង្គម ដែលរៀបរាប់ថា «អ្នកនាង ប៊ុន ចាន់និមល ម្ចាស់ផលិតកម្ម Sastra Film មានក្ដីស្រម៉ៃចង់ឱ្យវិស័យភាពយន្ត 18+ខ្មែរ ប្រកួតប្រជែងជាមួយភាពយន្តបរទេសលើឆាកអន្តរជាតិ។ ហើយជាពិសេសអ្នកនាងបានសំណូមពរឱ្យមហាជនខ្មែរ កុំជាន់ពន្លិចភាពយន្តខ្មែរខ្លួនឯង ហើយទៅគាំទ្រភាពយន្តជប៉ុន»។ Facebook Post | Archived Link ការត្រួតពិនិត្យការពិត Fact Crescendo […]

សារព័ត៌មានមួយចុះផ្សាយមិនត្រឹមត្រូវអំពី«Zombie Virus»នាំឱ្យសាធារណជនយល់ច្រឡំ

December 16, 2022December 16, 2022Jay UdomLeave a Comment

បន្ទាប់ពីសារព័ត៌មានអន្តរជាតិចុះផ្សាយថា អ្នកវិទ្យាសាស្ត្របានរកឃើញមេរោគ Zombie ហើយនោះ សារព័ត៌មានមួយនៅកម្ពុជា បានរាយការណ៍បន្តថា គេបានរកឃើញមេរោគខ្មោចឆៅ។ សារព័ត៌មានកម្ពុជា ក៏បានបង្ហោះព័ត៌មានបែបនេះនៅលើទំព័រហ្វេសប៊ុករបស់ខ្លួនផងដែរ ដែលទទួលបានការចែករំលែកព្រោងព្រាតនៅលើបណ្ដាញសង្គម។ ទោះជាយ៉ាងណា ការផ្ទៀងផ្ទាត់របស់យើង រកឃើញថា សារព័ត៌មានមួយរបស់កម្ពុជា បានបកស្រាយខុសអំពី«Zombie Virus»។ ការអះអាងលើបណ្ដាញសង្គម កាលពីចុងខែវិច្ឆិកាកន្លងមកនេះ សារព័ត៌មានក្នុងស្រុកមួយ បានបង្ហោះព័ត៌មាននៅលើបណ្ដាញសង្គមថា ក្រុមអ្នកវិទ្យាសាស្ត្របានរកឃើញមេរោគ Zombie ឬអាចហៅតាមភាសាខ្មែរថា «មេរោគខ្មោចឆៅ» ដែលកប់នៅក្រោមផ្ទាំងទឹកកកតាំងពីរាប់ម៉ឺនឆ្នាំមុនមកម៉្លេះ។ ការបង្ហោះព័ត៌មានដូច្នេះនៅលើបណ្ដាញសង្គម ទទួលបានការចែករំលែកយ៉ាងផុលផុសពីសំណាក់អ្នកប្រើប្រាស់បណ្ដាញសង្គមនិយាយភាសាខ្មែរ រួមទាំងការបញ្ចេញប្រតិកម្ម និងមតិចម្រុះបែបផងដែរ។ ខាងក្រោមនេះ គឺជារូបភាពផ្ដាមចេញពីការបង្ហោះព័ត៌មានរបស់សារព័ត៌មានស៊ីស៊ីថាមស៍កាលពីថ្ងៃទី២៩ ខែវិច្ឆិកា រៀបរាប់ថា «អ្នកវិទ្យាសាស្ត្ររកឃើញមេរោគ Zombie ដែលកប់ក្នុងផ្ទាំងទឹកកកកាលពី ៤៨,៥០០ឆ្នាំមុន។ ការរកឃើញនេះ កំពុងស្ថិតក្នុងការស្រាវជ្រាវបន្ថែម»។ Facebook Post | Archived Link Facebook Post | Archived Link សារព័ត៌មានស៊ីស៊ីថាមស៍ ក៏បានចុះផ្សាយព័ត៌មាននេះនៅលើគេហទំព័ររបស់ខ្លួនផងដែរ ដោយចុះផ្សាយជាមួយរូបថតខ្មោចឆៅ ដែលត្រូវបានប្រឌិតឡើងនៅក្នុងខ្សែភាពយន្ត។ ការចុះផ្សាយរបស់សារព័ត៌មានមួយនេះ មានន័យថា […]

តើនេះគឺជាទិដ្ឋភាពប្រាសាទអង្គរវត្តនៅក្នុងខេត្តសៀមរាបអំឡុងឆ្នាំ១៩៣១មែនដែរឬទេ?

December 9, 2022December 9, 2022Kakada SimLeave a Comment

រូបថតមួយសន្លឹកបង្ហាញទិដ្ឋភាពប្រាសាទអង្គរវត្ត ត្រូវបានបង្ហោះដោយអ្នកប្រើប្រាស់បណ្ដាញសង្គមម្នាក់ ដោយភ្ជាប់ជាមួយនឹងការអះអាងថា ជាទិដ្ឋភាពអង្គរវត្តឆ្នាំ១៩៣១។ ការបង្ហោះបែបនេះ ទទួលបានការចែកចាយ និងបញ្ចេញមតិចម្រុះពីសំណាក់អ្នកប្រើប្រាស់ហ្វេសប៊ុកនិយាយភាសាខ្មែរជាច្រើនដង។ ទោះជាយ៉ាងណា ការត្រួតពិនិត្យ និងផ្ទៀងផ្ទាត់ការពិតរបស់ Fact Crescendo Cambodia បានរកឃើញថា ការអះអាងនេះ គឺធ្វើឲ្យមានការយល់ច្រឡំ។ ការអះអាងលើបណ្តាញសង្គម កាលពីល្ងាចថ្ងៃទី២៩ ខែវិច្ឆិកា ឆ្នាំ២០២២ថ្មីៗនេះ អ្នកប្រើប្រាស់ហ្វេសប៊ុកម្នាក់ បានបង្ហោះរូបថតមួយសន្លឹក បង្ហាញអំពីទិដ្ឋភាពប្រាសាទបុរាណមួយដែលមានទម្រង់ និងភិនភាគដូចទៅនឹងប្រាសាទអង្គរវត្ត។ អ្នកប្រើប្រាស់ដដែលនេះក៏បានអះអាងនៅក្នុងសំណេររបស់ខ្លួនផងដែរថា នេះគឺជាទិដ្ឋភាពប្រាសាទអង្គរវត្តកាលពីឆ្នាំ១៩៣១។ ការអះអាងមួយនេះ ត្រូវបានអ្នកប្រើប្រាស់បណ្ដាញសង្គមចែករំលែកជាច្រើនដង រួមជាមួយការបញ្ចេញមតិ និងប្រតិកម្មចម្រុះបែបផងដែរ។ រូបភាពផ្ដាមចេញពីប៉ុស្តិ៍របស់អ្នកប្រើប្រាស់ដែលបានរៀបរាប់ថា «រូបអង្គរវត្តឆ្នាំ១៩៣១»។ Facebook Post | Archived Link ករណីខាងលើនេះ ក៏ត្រូវបានបង្ហោះ និងផ្សព្វផ្សាយនៅលើក្រុមហ្វេសប៊ុកដែលមានឈ្មោះថា «ព្រះពុទ្ធ ព្រះធម៌ ព្រះសង្ឃ» ផងដែរកាលពីថ្ងៃទី០៦ ខែធ្នូ ឆ្នាំ២០២២កន្លងទៅនេះ។ ខាងក្រោមនេះ គឺជារូបភាពផ្ដាមចេញពីប៉ុស្ដិ៍របស់អ្នកប្រើប្រាស់ខាងលើ ដែលបានសរសេររៀបរាប់ជាភាសាអង់គ្លេសថា «Photographs of the temples of Angkor […]

តើការឃាត់ខ្លួនបុរសម្នាក់នេះពាក់ព័ន្ធនឹងករណីជិះម៉ូតូបុកមាន់មែនឬទេ?

December 8, 2022December 8, 2022Jay UdomLeave a Comment

ការអះអាងដ៏ផុលផុសមួយនៅលើបណ្ដាញសង្គម បានលើកឡើងថា បុរសម្នាក់ត្រូវបានសមត្ថកិច្ចស្រុកចំការលើ ឃាត់ខ្លួនកាលពីចុងខែវិច្ឆិកាកន្លងមកនេះ បន្ទាប់ពីជិះម៉ូតូបុកមាន់មួយក្បាលបណ្ដាលឱ្យងាប់។ ការអះអាងនេះ ត្រូវបានចែករំលែកយ៉ាងព្រោងព្រាតនៅលើបណ្ដាញសង្គមពីសំណាក់អ្នកប្រើប្រាស់ហ្វេសប៊ុក ព្រមទាំងមានការបញ្ចេញមតិជាច្រើនផងដែរ។ ទោះជាយ៉ាងណា ការផ្ទៀងផ្ទាត់របស់យើងរកឃើញថា បុរសម្នាក់នោះត្រូវបានសមត្ថកិច្ចឃាត់ខ្លួនពាក់ព័ន្ធនឹងករណីបង្ក្រាបសង្វៀនជល់មាន់ភ្នាល់ដាក់លុយខុសច្បាប់។ ការអះអាងលើបណ្ដាញសង្គម ការអះអាងដ៏ផុសផុលមួយនៅលើបណ្ដាញសង្គម បានលើកឡើងថា បុរសម្នាក់ត្រូវបានសមត្ថកិច្ចស្រុកចំការលើ ខេត្តកំពង់ចាម ឃាត់ខ្លួនកាលពីថ្ងៃទី៣០ ខែវិច្ឆិកាកន្លងមកនេះ បន្ទាប់ពីការបានបើកបរម៉ូតូបុកមាន់មួយក្បាលបណ្ដាលឱ្យស្លាប់នៅឯឃុំស្ពឺ។ ការអះអាងនេះ ក៏បានភ្ជាប់មកជាមួយនូវរូបថតបុរសម្នាក់ឈរនៅមុខកន្លែងវាស់កម្ពស់របស់អធិការដ្ឋាននគរបាលស្រុកចំការលើ និងរូបថតមាន់មួយក្បាលស្ថិតនៅមុខម៉ូតូមួយគ្រឿងផងដែរ។ ការអះអាងនេះ ត្រូវបានអ្នកប្រើប្រាស់បណ្ដាញសង្គមហ្វេសប៊ុកនិយាយភាសាខ្មែរចែករំលែកបន្តដល់ទៅរាប់ពាន់ដង ហើយក៏មានការបញ្ចេញមតិយ៉ាងច្រើន និងប្រតិកម្មចម្រុះបែបទៅលើការអះអាងនេះផងដែរ។ ខាងក្រោមនេះ គឺជារូបភាពផ្ដាមចេញពីការអះអាងលើបណ្ដាញសង្គមកាលពីថ្ងៃទី០១ ខែធ្នូ ដែលរៀបរាប់ថា «គ្រោះថ្នាក់ចរាចរណ៍នៅថ្ងៃទី៣០ ខែវិច្ឆិកា ឆ្នាំ២០២២ វេលាម៉ោង១៣:១០នាទី កម្លាំងជំនាញព្រហ្មទណ្ឌ សហការ[ជាមួយ]កម្លាំងប៉ុស្តិ៍រដ្ឋបាលស្ពឺ នៃអធិការដ្ឋាននគរបាលស្រុកចំការលើ បានចុះចាប់អ្នកជិះម៉ូតូបង្ករ[បង្ក]បុកមាន់ងាប់(មាន់រងគ្រោះបាក់កងាប់)នៅចំណុចលើផ្លូវលំក្នុងភូមិពែងមាសត្បូង ឃុំស្ពឺ ស្រុកចំការលើ រួមទាំងវត្ថុតាងមួយចំនួន។ បច្ចុប្បន្ន ជនសង្ស័យត្រូវបានឃាត់ខ្លួនជាបណ្ដោះអាសន្ននៅអធិការដ្ឋាននគរបាលស្រុកចំការលើ ដើម្បីកសាងសំណុំរឿងតាមនីតិវិធី»។ Facebook Post | Archived Link ការអះអាងដដែលនេះ ក៏ត្រូវបានអ្នកប្រើប្រាស់បណ្ដាញសង្គមដទៃទៀតយកទៅបង្ហោះបន្ត និងប្រៀបធៀបនឹងករណីគ្រោះថ្នាក់ចរាចរណ៍មួយនៅលើស្ពានជ្រោយចង្វាកាលពីរាត្រីថ្ងៃចន្ទដើមសប្ដាហ៍នេះ។ ការចែករំលែកនូវការអះអាងខាងលើនេះ ទទួលបានការចែករំលែកបន្តដល់ទៅរាប់រយដងថែមទៀត ហើយក៏ទទួលបានការបញ្ចេញមតិ […]

ស្ថានភាពកីឡាករអារ៉ាប៊ីសាអ៊ូឌីតមិនធ្ងន់ធ្ងររហូតប្រេះឆ្អឹងមុខជាពីរដូចការអះអាងឡើយ

November 30, 2022November 30, 2022Jay UdomLeave a Comment

ខណៈដែលព្រឹត្តិការណ៍ប្រកួតកីឡាបាល់ទាត់ពិភពលោកឆ្នាំ២០២២ (World Cup 2022) កំពុងបន្តប្រព្រឹត្តទៅនៅប្រទេសកាតានោះ ការអះអាងមួយដ៏កក្រើកលើបណ្ដាញសង្គម បាននិយាយថា មុខកីឡាករខ្សែការពារអារ៉ាប៊ីសាអ៊ូឌីត Yasser Al-Shahrani បានរងរបួសប្រេះបែកជាពីរ បន្ទាប់ពីប៉ះទង្គិចជាមួយមិត្តរួមក្រុមនៅក្នុងការប្រកួតជាមួយក្រុមជម្រើសជាតិអាហ្សង់ទីនកាលពីសប្ដាហ៍មុន។ ការអះអាងនេះ ត្រូវបានផ្សព្វផ្សាយ ឬចែករំលែកបន្តយ៉ាងផុលផុសចាប់តាំងពីសប្ដាហ៍មុនមក។ ទោះជាយ៉ាងណា ការត្រួតពិនិត្យរបស់យើង បង្ហាញថា ការអះអាងនេះមិនត្រឹមត្រូវនោះឡើយ។ ការអះអាងលើបណ្ដាញសង្គម រូបថតគ្រោងឆ្អឹងមុខប្រេះស្រាំដែលថតដោយម៉ាស៊ីនកាំរស្មី X-Ray នោះ ត្រូវបានទំព័រហ្វេសប៊ុកនៃទូរទស្សន៍ក្នុងស្រុកមួយចុះផ្សាយថា ជាគ្រោងឆ្អឹងមុខរបស់កីឡាករខ្សែការពារអារ៉ាប៊ីសាអ៊ូឌីត Yasir Al-Shahrani ដែលបានប្រេះបែកជាពីរ បន្ទាប់ពីការប៉ះទង្គិចនៅក្នុងការប្រកួតជាមួយក្រុមជម្រើសជាតិអាហ្សង់ទីនកាលពីរាត្រីថ្ងៃអង្គារកន្លងមកនេះ។ រូបថតដែលត្រូវបានចុះផ្សាយដោយប្រព័ន្ធផ្សព្វផ្សាយក្នុងស្រុកនោះ ត្រូវបានចែករំលែកបន្តរាប់រយដងពីសំណាក់អ្នកប្រើប្រាស់បណ្ដាញសង្គមនិយាយភាសាខ្មែរ រួមជាមួយការបញ្ចេញមតិយ៉ាងច្រើនផងដែរ។ ខាងក្រោមនេះ គឺជារូបភាពផ្ដាមចេញពីការចុះផ្សាយដោយទូរទស្សន៍ PNN នៅលើទំព័រហ្វេសប៊ុករបស់ខ្លួនកាលពីថ្ងៃទី២៣ ខែវិច្ឆិកា ដែលសរសេររៀបរាប់ថា «ខ្សែបម្រើជម្រើសជាតិអារ៉ាប៊ីសាអ៊ូឌីត កីឡាករ Yasir Al-Shahrani ត្រូវបានបែកឆ្អឹងមុខ និងត្រូវវះកាត់ជាបន្ទាន់ ពេលនេះដែលសហព័ន្ធអារ៉ាប៊ីសាអ៊ូឌីតបានស្នើសុំជើងហោះហើរពិសេសមួយដើម្បីបញ្ជូនរូបគេទៅកាន់ប្រទេសអាល្លឺម៉ង់ដើម្បីព្យាបាល»។ Facebook Post | Archived Link ការអះអាងដដែលនេះ រឹតតែផុសផុលថែមទៀត បន្ទាប់ពីការផ្សព្វផ្សាយបន្តដោយទំព័រហ្វេសប៊ុកមួយឈ្មោះថា «ព្រឹត្តិការណ៍ FIFA […]

តើព្រះសង្ឃខ្មែរក្រោម ថាច់ ណាស៊ី សុគតដោយសារមូលហេតុអ្វី?

November 26, 2022November 26, 2022Jay UdomLeave a Comment

ខណៈដែលវៀតណាមនៅតែជាប្រធានបទក្ដៅសម្រាប់ការជជែកនោះ ការអះអាងដ៏ផុសផុលមួយកាលពីដើមខែនេះ បាននិយាយថា ព្រះសង្ឃខ្មែរកម្ពុជាក្រោមមួយអង្គ បានសុគតដោយសារការធ្វើទុក្ខបុកម្នេញពីសំណាក់អាជ្ញាធរវៀតណាម។ ការអះអាងនេះ ត្រូវបានចែករំលែកបន្តយ៉ាងផុសផុល ហើយទទួលបានការប្រតិកម្មពីអ្នកប្រើប្រាស់បណ្ដាញសង្គមនិយាយភាសាខ្មែរផងដែរ។ ទោះជាយ៉ាងណា ការត្រួតពិនិត្យរបស់យើង បានរកឃើញថា ការអះអាងនេះ មិនត្រឹមត្រូវនោះឡើយ។ ការអះអាងលើបណ្ដាញសង្គម កាលពីដើមខែវិច្ឆិកានេះ គណនីហ្វេសប៊ុកមួយបានបង្ហោះរូបថតព្រះសង្ឃមួយអង្គស្ថិតក្នុងស្ថានភាពអាការៈមានទុក្ខ ឬជំងឺ ហើយអះអាងថា ព្រះសង្ឃខ្មែរកម្ពុជាអង្គនេះបានសុគតដោយសារតែវៀតណាមបានវាយធ្វើបាន ឬដាក់ថ្នាំបំពុលក្នុងម្ហូបអាហារ។ ការអះអាងនេះ ត្រូវបានចែករំលែកបន្តយ៉ាងផុសផុលពីសំណាក់អ្នកប្រើប្រាស់បណ្ដាញសង្គមហ្វេសប៊ុក ហើយក៏មានអ្នកប្រើប្រាស់បណ្ដាញសង្គមជាច្រើនទៀត បានបញ្ចេញប្រតិកម្ម និងមតិចម្រុះបែបផងដែរទៅនឹងការអះអាងមួយនេះ។ ខាងក្រោមនេះគឺជារូបភាពផ្ដាមចេញពីការអះអាងនៅលើបណ្ដាញសង្គមកាលពីថ្ងៃទី០១ ខែវិច្ឆិកា ឆ្នាំ២០២២ ដែលរៀបរាប់ថា «ព្រះសង្ឃស្នេហាជាតិខ្មែរក្រោមសុគត ដោយសារចោរយួនវាយធ្វើបាប? ឬដាក់ថ្នាំពុលក្នុងទឹក-អាហារ សូមប្រយ័ត្ន(ចោរយួន)»។ ក្រោយមក អ្នកប្រើប្រាស់បណ្ដាញសង្គមដែលបង្ហោះការអះអាងខាងលើនេះ បានកែប្រែសំណេររបស់ខ្លួន ដោយលុបចោលពាក្យ«យួន»ចេញទៅវិញ។ ខាងក្រោមនេះ គឺជារូបភាពផ្ដាមចេញពីការអះអាងខាងលើ បន្ទាប់ពីត្រូវបានកែប្រែសំណេរដែលរៀបរាប់ថា «ព្រះសង្ឃស្នេហារជាតិខ្មែរក្រោមសុគត ដោយសារតែចោរវាយធ្វើបាប ឬដាក់ថ្នាំពុលក្នុងទឹក-អាហារ សូមប្រយ័ត្ន»។ Facebook Post | Archived Link ខាងក្រោមនេះ គឺជារូបភាពផ្ដាមចេញពីទំព័រហ្វេបស៊ុកមួយទៀត ដែលបានបង្ហោះការអះអាងដដែលនេះកាលពីថ្ងៃទី០២ ខែវិច្ឆិកា ឆ្នាំ២០២២កន្លងមកនេះ។ Facebook […]

ឧកញ៉ា ម៉ុង ឫទ្ធី បញ្ជាក់ថា លោកគ្មានផ្ទះនៅរដ្ឋតិចសាសនោះឡើយ

November 18, 2022November 18, 2022Jay UdomLeave a Comment

កាលពីខែតុលាកន្លងមកនេះ ឧកញ៉ា ម៉ុង ឫទ្ធី ដែលជាអ្នកជំនួញដ៏ល្បីឈ្មោះ និងជាសមាជិកព្រឹទ្ធសភាកម្ពុជា បានធ្វើដំណើរទៅទស្សនកិច្ចនៅសហរដ្ឋអាមេរិក ហើយបានបង្ហោះរូបថតមួយចំនួននៅលើបណ្ដាញសង្គម។ ទន្ទឹមគ្នានោះ រូបថតលំនៅឋានមួយ ត្រូវបានគេបង្ហោះលើបណ្ដាញសង្គមជាមួយការអះអាងថា ជាផ្ទះរបស់ឧកញ៉ារូបនេះ។ ការអះអាងនេះ ទទួលបានការចែករំលែកបន្តដល់ទៅរាប់រយដង។ ទោះជាយ៉ាងណា ឧកញ៉ា ម៉ុង ឫទ្ធី បញ្ជាក់ថា លោកគ្មានផ្ទះនៅឯក្រៅប្រទេសទេ។ ការអះអាងលើបណ្ដាញសង្គម ទំព័រហ្វេសប៊ុកមួយ បានបង្ហោះរូបថតលំនៅឋានដ៏ធំមួយនៅលើបណ្ដាញសង្គម ហើយអះអាងថា គេហដ្ឋានមួយនេះ គឺជាផ្ទះឧកញ៉ា ម៉ុង ឫទ្ធី ស្ថិតក្នុងរដ្ឋតិចសាស សហរដ្ឋអាមេរិក។ លោក ម៉ុង ឫទ្ធី គឺជាអ្នកជំនួញល្បីឈ្មោះនៅកម្ពុជា និងជាសមាជិកព្រឹទ្ធសភាគណបក្សប្រជាជនកម្ពុជាផងដែរ។ ការអះអាងនេះ ទទួលបានការចែករំលែកបន្តជាច្រើនដងពីសំណាក់អ្នកប្រើប្រាស់បណ្ដាញសង្គមហ្វេសប៊ុក ព្រមទាំងមានការបញ្ចេញមតិជាច្រើន និងប្រតិកម្មចម្រុះបែបផងដែរ។ ខាងក្រោមនេះ គឺជារូបភាពផ្ដាមចេញពីការអះអាងលើបណ្ដាញសង្គមហ្វេសប៊ុកកាលពីថ្ងៃទី២២ ខែតុលាកន្លងមកនេះ ដែលរៀបរាប់ថា «អរគុណសន្តិភាព ផ្ទះឧកញ៉ាសន្តិភាព ម៉ុង រិទ្ធី នៅរដ្ឋតិចសាស សហរដ្ឋអាមេរិក»។ Facebook Post | Archived Link ការត្រួតពិនិត្យការពិត […]

វីដេអូរលកបោកបក់កំពង់ផែមួយកាលពី២ឆ្នាំមុន ត្រូវបានអះអាងថាជាទឹកជំនន់នៅកូរ៉េឆ្នាំនេះ

September 10, 2022September 10, 2022Kakada SimLeave a Comment

ស្របពេលភ្លៀងធ្លាក់ខ្លាំងបានបង្កជាទឹកជន់លិចតំបន់ជាច្រើននៅប្រទេសកូរ៉េខាងត្បូងនាពេលថ្មីៗនេះ វីដេអូឃ្លីបមួយ បង្ហាញទិដ្ឋភាពទឹកជន់លិចនៅកំពង់ផែ ត្រូវបានបង្ហោះនៅលើទំព័រហ្វេសប៊ុកមួយ។ វីដេអូនេះត្រូវបានភ្ជាប់ជាមួយនឹងការអះអាងថា គឺជាទិដ្ឋភាពទឹកលិចនៅប្រទេសកូរ៉េនាប៉ុន្មានថ្ងៃថ្មីៗនេះ។ ការបង្ហោះនេះ ត្រូវបានចែកចាយតៗគ្នានៅលើបណ្ដាញសង្គមជាច្រើនដងផងដែរ។ ទោះជាយ៉ាងណា ការត្រួតពិនិត្យការពិតរបស់ Fact Crescendo Cambodia រកឃើញថា វីដេអូភ្ជាប់ដោយសំណេរខាងលើ គឺធ្វើឲ្យមានការយល់ច្រឡំ។ ការអះអាងលើបណ្តាញសង្គម កាលពីថ្ងៃទី០៩ ខែកញ្ញា ឆ្នាំ២០២២កន្លងទៅថ្មីៗនេះ ទំព័រហ្វេសប៊ុកមួយឈ្មោះថា White House News បានបង្ហោះវីដេអូឃ្លីបមួយ ដោយបង្ហាញទិដ្ឋភាពទឹករលកជន់លិចកំពង់ផែមួយកន្លែង។ ទំព័រហ្វេសប៊ុកនេះ បានអះអាងជាសំឡេងនៅក្នុងវីដេអូថា គឺជាទិដ្ឋភាពព្យុះ និងទឹកជន់លិចនៅកូរ៉េខាងត្បូងកាលពីប៉ុន្មានថ្ងៃចុងក្រោយនេះ។ ការបង្ហោះវីដេអូដោយភ្ជាប់នឹងការអះអាងបែបនេះ ត្រូវបានចែកចាយនៅលើបណ្ដាញសង្គមយ៉ាងផុសផុល។ ខាងក្រោមនេះ គឺជាវីដេអូឃ្លីប ដែលបានភ្ជាប់ជាមួយនឹងការសរសេរថា «ព្យុះ និងទឹកលិចនៅកូរ៉េ»។ Facebook Post | Archived Link ការត្រួតពិនិត្យការពិត Fact Crescendo Cambodia ចាប់ផ្ដើមត្រួតពិនិត្យទៅលើការអះអាងខាងលើ តាមរយៈ Google Reverse Image Search ដែលនាំឱ្យយើងរកឃើញការពិតដូចខាងក្រោមនេះ។ វីដេអូឃ្លីបមួយ ដែលមានទម្រង់ […]